|
اريد ان انجب طفل ! http://hasrynews.com/news/wp-content...9%85%D8%A9.jpg يسعد مساكوا الكل :137:، حابه احكي عن مشكله ممكن تنوجد عند الطرفين، الشب والبنت لمن يكونوا متزوجين وبواجهوا صعوبه بالانجاب لدرجة صفر بالميه، وهالحاله بتصير كتير وبغض النظر بأي مجتمعات، بس رح اركز ع الزوج بالذات لمن يكون "عقيم" لإنه هدا موضوعي، ومتل ما انتوا عارفين صرنا عايشين بزمن تطور وتكنولوجيا يللي دايما ماشيين، ومن التطورات اللي اخترعوها "اطفال الانابيب"، ما بعرف إذا البعض مش رح يفهموا المعنى بس رح اشرح المصطلح عكلن، اطفال انابيب يعني حمل عن طريئ إنه الاطباء ياخدوا حيوانات منويه من زلمي تاني مش من زوج البنت، لإنه من هالطريئه بكون في امل كبير إنه يصير حمل بالنهايه، بالرغم من إنه هالشغله مش كتير محبذه وما بعرف إذا محرمه، بس لمن كل تنين متزوجين بيحلموا يكون عندون طفل وبالذات المتزوجه لإنه بكون نفسها تعيش الامومه اكتر، هالاشي بخليهون يعملوا المستحيل ليصير حمل، وبنفس الوئت احتمال كبير إنه المتزوجه ترفض هالشغله .. برأيك شو ممكن يكون الحل بهيك حاله؟ خصوصاً إذا كان في بيناتون حب وما فيون يوصلوا للطلاق او يوصلوا لفكرة انو يتزوج عليها .. هل لازم يرضوا بالموجود ويفكروا بهالشغله ليتحئئ حلمون بالنهايه؟ ولا يئضوا حياتون بشكل طبيعي حتى لو كان الانجاب مستحيل؟ مع إنه ما بتخيل كيف ممكن تكون طبيعة الحياة الزوجيه بدون اطفال .. وسؤال للشباب، لو اجا يوم ومريت بهيك حاله مستئبلياً "عقم" (لا سمح الله)، شو ممكن تعمل؟ هل كنت بتفكر بطفل انابيب وبتحاول تقنع مرتك؟ ولا بكون عندك استعداد انك تعيش حياتك مع مرتك بدون طفل؟ وسؤال للبنات برضه، لو مريتي بهالحاله مستئبلياً، مستعده تفكري بهالعمليه إذا كانت الحل الوحيد؟ او بتئضي حياتك بدون طفل؟ حابه اعرف آرائكوا :137: .. |
يعطيك العافيه سمره علي الموضوع المهم يوجد خمس طرق للانجاب عن طريق الانابيب كلها محرمه بما فيها طريقتك هذا من رجل غريب والعلماء قالو انه لا يعد ابن شرعي لك لهيك نحن ملزمون بكلام الاسلام صحيح ان الشخص يحب الاطفال لكن اذا ربنا ما اراد لك الانجاب فماذا ستفعل وانا شخصياً مابفكر بأطفال الانابيب ابداً للاسباب الي فوق واكيد بعيش حياتي مع زوجتي بدون طفل مره ثانيه بشكرك علي مواضيعك جداًِ تروق لي كل التحيه الك |
حتى لو انا كان عندي استعداد انو عيش حياتي بلا طفل ماني مستعد اولا احرم مرتي من شعور الامومة تانيا انا ضد طفل الأنابيب لانو بقارن بين حالتين التبني و طفل الأنابيب بالحالتين الولد مو لدي ف بدل ما يدخل منوي رجل اخر برحم مرتي بفضل اتبنى طفل صغير و بتنتهي هالقصة بهي الحالة برضي نفسي و مرتي مجرد التفكير بهيك موضوع بيزعج الله يساعد أصحابو شكرا :136: |
موضوع العقم وعدم الانجاب موضوع مهم سمرة وبتشكرك ع طرح الامر للنقاش لكن خيت طرحك لمفهوم طفل الانابيب هو اللي مو دقيق لانو هيك انتي حولتي كل اطفال الانابيب لاطفال مو شرعيين!! من المستحيل انو زوج عندو غيرة وذرة رجولة يقبل انو يزرع برحم وجته مني رجل آخر هيدا الشي مخالف للشرع ومحرم ومو هي الطريقة الوحيدة لاطفال الانابيب في سبع طرق لاطفال الانابيب خمسة منها محرمة متل واحداها ما انتي طرحتيها وتنتين منها سليمة وضحها الدكتور محمد راتب النابلسي في رد محاضرة وضح رأي الدين انو طريقة طفل الانابيب المشروعة بالاسلام هي اخذ مني الزوج وتلقيحة ببويضة زوجته غير هيك بيكون الامر عذرا (زنا) محرم وفيكي لتطلعي على الموضوع اكتر بالدخول للروابط هي الاول من موقع الدكتور محمد راتب النابلسي http://www.nabulsi.com/blue/ar/art.p...341&sssid=1342 الثاني استشارة عن طفل الانابيب صحية: وموضح فيها اني المني يؤخذ من الزوج والبويضة من زوجته. http://consult.islamweb.net/consult/...ails&id=276335 الثالثة احكام وفتاوى اطفال الانابيب http://fatwa.islamweb.net/Fatwa/inde...atwaId&Id=5995 يعني مسألة اطفال الانابيب محكومة بضوابط الشرع منو فوضى خيت وما ممكن تطبيقها وقبولها من مسلم بالطريقة ياللي طرحتيها وبعتقد في فلسطين في مراكز تلقيح وانجاب للعرب الاطباء المشرفين عليها مسلمين يتعالجو فيها الناس وبتتقيد بتعاليم دينا الاسلامي شاكرة الك تقديم الموضوع من حيث المبدأ . |
المبدأ من نآحية الأسلآم محرم شرعآ لأنه بصير أختلاط ب الأنسآب والولد ما بكون أبن حلال لأنه مش من زوجها حقنت بالحيوانات المنوية الواحد ما فيه إلآ يصبر وبتذكر مره دكتوري بالجامعه حكى إلنا قصه أنو حدا صاحبه ما كان يجيب ولاد فحكاله انو وهو ساجد يحكي دعاء سيدنا زكريا " ربي لا تذرني فردا وأنت خير الوارثين " 40 مره وبالفعل بعد فتره ربنا رزقه عوافي سمره |
مآ بعرف إزآ حرآم أو لـآ بس لـو تزوجت أنـآ و ككآن زوجي عقيم بصرآحةة بتركو لأنو عشقي الأطفآال و بحب يكون إالي بنوتةة لبسهآ و غنيلهآ ووو الخ !! ولو العكس كنت آنآ مآ بجيب آطفآال رح آطلب منو يطلقني لأنو الهدف من الزوآج تحسي انك مسؤؤله عن عيلةة هآد رآي المتوآضع يسلمـوـو سمرة ع السؤال الوآقعي ورده |
موضوعك كتير حلووو سمرة انا باعتقادي انه هالشي محرم شرعا لانه بصير في اختلاط بين الانساب فاذا الزوج كان نفسه يصيرله طفل ومرته مانا قادرة عالانجاب فمن المستحسن الطلاق وبعدها يتزوج تاني لينجنب ومن ناحية الزوجة أيضا نفس الشي لانه احلى شي بالزواج انك تكون مسئول عن اسرة فيها الابناء وكل زوج وزوجة بيحلموا بالاطفال ولا انه يكون الزوج او الزوجة مسئولين عن أبناء مش أبنائهم هاي وجهة نظري تحياتي لطرحك |
سؤال للشباب، لو اجا يوم ومريت بهيك حاله مستئبلياً "عقم" (لا سمح الله)، شو ممكن تعمل؟ هل كنت بتفكر بطفل انابيب وبتحاول تقنع مرتك؟ ولا بكون عندك استعداد انك تعيش حياتك مع مرتك بدون طفل؟ إذا عندي عقم لاسمح الله أشاور زوجتي بالطلاق إذا تريد الاطفال ولاأفكر بأطفال الانابيب أو اننا نصبر لفرج الله ولو كانت زوجتي عقيم لاسمح الله لن اتركه وربما اتزوج زوجه ثانيه وهي على ذمتي ومن ليس لديه اطفال بسبب العقم عليه اللجوء والدعاء إلى الله بس وبخصوص انابيب الاطفال هذا محرم يعطيك العافيه اختي سمره موضوع هام صراحه |
اقتباس:
شكلك متصور الموضوع بسيط انه الحياة الزوجيه ممكن تكون حلوه او ناجحه بدون اطفال، يمكن لانك مش متزوج ومعشتش هالتجربه، بالرغم من إنه صورتك الرمزيه بتحكي "حبك للاطفال" ! شكرا مؤمن :137: .. |
اقتباس:
"تبني طفل" وجهة نظر مقنعه ! صحيح الموضوع صعب بس مفش مشكله بهالدنيا مالاش حل، متل ما فكرت بتبني طفل، فهدا بئول انه الانسان عندو عئل وفينا نفكر دايما، وهيك منحل مشاكلنا بغض النظر شو طبيعتا، شكرا وسيم :137: .. |
اقتباس:
يعني نسبة الحمل 0 بالميه، يعني هالطريئه مش رح تنفعون بالمره، صحيح الشغله مخالفه للشرع بس تستغربيش إذا في ناس عملوها، لمن يشوفوا إنه مفش اشي مستحيل، وبنفس الوئت لمن مفش عندون استعداد يتبنوا طفل مش من لحمون ودمون، برضه صعبه هالشغله لا؟ شكرا ورده وشكرا ع الروابط :137: .. |
اقتباس:
مع إني ذكرت بأول الموضوع لمن تكون حالات عقم، يعني الانجاب يمكن من المستحيلات، بس حبيت ايمانك الكبير بربنا، خصوصاً إنه ربنا بنساش حدا، حلو لو كل تنين بيتكلوا عليه، لعل وعسى يتغير وضعون فجأه بيوم من الايام، مين بيعرف؟ شكرا نبض :137: .. |
سمرة باختصار خيت وبصراحة ياللي بيقبل هيك شي هو بينسب طفل غيرو لنفسه وكانو سمح لمرتو تقيم علاقة مع غيرو وتحصل ع جنين وهاد حرام بالشرع والشي المخالف للشرع المسلمين ما بيعملوه شو ما كانت الظروف. ممكن بهالحالة يكفل طفل يتيم بس بدون ما ينسبو لنفسو بمعنى (ماينقل الاسم والعيلة لالو) تحياتي إلك. م بدي شعب النقاش. الله لا يحرم انسان من الذرية |
اقتباس:
يللي بيتعمق بجوابك رح يحس ئديش إنه جواتك لسه "طفله"، ويمكن خبرتك بالحياة مش كبيره، لساتك صغيره بالعمر نوعا ما، مع إنه العمر مالو علائه بالفهم والعئل، بس جوابك حكى هالاشي، ما بظن انك بتئدري تتركي جوزك خصوصاً إذا كنتي بتحبيه وصرلك فتره عايشه معه، ان شاء الله ما بتمري بهالموقف بحياتك، لا بُد الحياة والايام رح يغيرولك نظرتك، لإنه كان ممكن تفكري بطريئه تانيه وتجاوبي غير هيك، شكرا ننوش :137: .. |
اقتباس:
اوك الطلاق وجهة نظر وحل لهالمشكله برضه، بس لو كان الحب موجود بيناتون؟ وئتا الطلاق رح يكون فعلا الحل؟ شكرا دمعه :137: .. |
رح احكي رايي بدون ما اشوف شو حكو الي قبلي الاطفال زينه الحياة الدنيا وصعبه العيشه من دونهم الانابيب هي شرعا حلال بشرط يكون النطفه من الزوج فقط وعندي ابن خالتي طفل انابيب بعد ما فقدو الامل بالخلفه الرجل له مطلق الحريه انه يتزوج عمرته عشان يخلف ولد والمراه كمان شرعلها الدين تطلب الطلاق لانه زوجها عقيم لكن مجتمعنا صعب ما برحم المرأه وبنصف الرجل لانه مجتمع شرقي المراه عيب تطلب الطلاق لاجل الامومه هادا شي غير منصف لكن بقول بالنهايه لو في حب صادق بينهم بعيشو حياه زوجيه رائعه وحتى لو ما كان في ولاد لكن الشي برجع للزوجين حسب ظرفهم والمجتمع الي عايشين فيوو موضوع رائع للنقاش سمره بحييكي لاختيارك |
اقتباس:
الافضل تصبروا بدل من انه تفكروا بالطلاق، لإنه متل ما بتكونوا حابين الاطفال، برضه بتكون حابب العيشه مع مرتك وحاببها كمان، ان شاء الله ما بتمرء بهالتجربه بحياتك، شكرا الفقير :137: .. |
بين قوسين الكلام لك سمرة 1-((صحيح الشغله مخالفه للشرع بس تستغربيش إذا في ناس عملوها)) اقول : هدول اللي عملوها كيف عملوها سمح لزوجته تنام مع رجل اخر وتنجب منه مافي غير ها الطريق \ او نقل السائل المنوي من رجل اخر وزرعه في رحم زوجته وهادا حرام قطيعي غير قابل للنقاش 2-(( لمن يشوفوا إنه مفش اشي مستحيل)) يعني بيتقبلوا الحرام يعني ركبوا قرون على روسهم يعني اصبحوا قوادين وابشع مابقدر اقول الكلمة اي ناس سمرة هدول اللي بيقبلوا زوجتهم تنجب من غير زوجها هدول خنازير ماهم بشر ابدا موضوع كتير سخيف وجدا لما بدنا نناقش حرام بحرام كيف هي صارت ما عم اقدر استوعب ابدا اللي عم تقوليه سمرة وهيو مدون بتساؤلك واعتقد جازما انك بتعرفي ولو جزء انه حرام مسبقا بس عندك اما شك \ او امتحان لعقول البعض اسف اني احكي معك برد قاسي بس راح يطق عقلي من هيك نقاش |
اقتباس:
بعرف انه الزواج عند الاسلام محلل إنه يتزوج الشب 4 مرات، بس انا متأكده في كتار ما بحبذوا هالاشي بالمره، يعني بيفضلوا إنه يكتفوا بجيزه وحده وبس، وابن خالتك اكبر مثال ع إنه مفش اشي "مستحيل" بهالدنيا، رغم المعاناه اللي عاشوها اكيد، بس ضلوا متمسكين ومتكلين ع الله، كتير حبيت الاشي، مع إنه في حلول تانيه بغض النظر سلبيه او ايجابيه، بس هدا بيدل إنه ربنا "يمهل ولا يهمل" .. شكرا حبيب :137: .. |
ما دامَُ من رجلٌُ اخرُ ف هذا الشيءٌ محرمَُ واكيدٌ مافيُ شيء شبٌُ خاصة بمجتمعناٌُ بقبل بهذاٌُ الشيءُ سؤال للشباب، لو اجا يوم ومريت بهيك حاله مستئبلياً "عقم" (لا سمح الله)، شو ممكن تعمل؟ هل كنت بتفكر بطفل انابيب وبتحاول تقنع مرتك؟ ولا بكون عندك استعداد انك تعيش حياتك مع مرتك بدون طفل؟ الله لاٌُ يقدرُ هيكُاَ شيءُ , بدٌُورُ ع حلولٌُ اكيدٌُ لكنُ تكونٌُ حلالُ وكلُ شيُْء منُيُ ومنُ مرتيٌُ , واستحالةٌُ افكر بهيكٌُ شيءٌُ مثل اطُفالٌُ الانابيُب , مثل ما حكىٌُ مؤمن , الطفلٌُ ما راحُ يكونٌُ ابنيٌُ بالاخيرُ ومش شرعيٌُ , وبعيشٌُ حياتيُ عادي بدونٌُ اولادُ واذا كانُ وقتهُأ هيُ بدهُا اولادٌُ مافُيٌُ غيرُ الطلاُقًُ وتتزوُجَُ حداٌُ تانيُ .. |
موضوعك حلو سمرة . عجبني .. بالنسبة الي بشكل عام اولا عن اطفال الانابيب . ان اتلقحت بويضة الزوجة بالحيوانات المنوية لزوجها ف هادا شيء عادي . امما ان اتلقحت برجل اخر ف هادا الشيء حرام , وهو ما يشابه تحريم الزنا بسبب اختلاط الانساب .. بالنسبة الي انا لو كنت انا مصاب بالعقم . رح اعطي زوجتي حريتها بانها تبقى معي او تطلقني . اعطيها حقوقها كاملة و اساعدها بحياتها لو تضضرت هيا . لو كانت هيا المصابة بالعقم . ف ما رح اتركها . لاني رح انقذها من نظرة المجتمع الها ونظرتها لنفسها و وقوعها بمشكلة ما الها دخل فيها . و انا تجوزتها وبعيش معها المرة قبل الحلوة . الزواج مشاركة قبل كل شيء . |
اقتباس:
لكن لا يوجد سخافة بالعلم . الحرام حرام ف هادا شيء صحيح . لكن النقاش انحط هون لسببين . الاول انو نعرف الآراء و اختلاف العقليات هون . تانيا لحتى نعرف الحكمة من تحريم هالشيء و النقاش فيه . البحث و السؤال ولا عمره بيكون سخافة . |
اقتباس:
إذا شايف الموضوع سخيف ليش فوتت ع الموضوع؟ شو هالتناقض؟ مع إنه عندك الحريه الشخصيه تشارك حتى لو كنت معارض، مش حلوه تئول عن موضوعي سخيف لإني محكيتش عن شغله تافهه، حكيت عن شغله واقعيه وموجوده دايما، حكيت عن مشكله بواجهوها كتير متزوجين وعايشين بمعاناة كبيره لإنه صعبه العيشه بدون اطفال، وين السخافه هون؟ إذا كان العقم مشكله معئده ؟! وكيف بتحكم إنه انا مع هالشغله، طالما ما ابديتش رأيي بالموضوع ومحكيتش إذا انا كنت مع او ضد، ما في داعي تتسرع وتحكم ع الواحد، لمن ابدي رأيي سيعتها ابدي رأيك، وع العموم رأيك وتئبلته اكيد، وقاسي يمكن، بس المهم إنك حكيت بصراحه، بعدين كلو ولا يطق عقلك، مجرد موضوع للنقاش، مكنش ضروري تجاوب اذا كنت عنجد مش طايئو، شكرا سفير :137: .. |
اقتباس:
اكيد لا بُد يكون في حلول تانيه، لإنه كل مشكله وإلها حل بالنهايه، خصوصا بهالتطور يللي صرنا عايشين فيه، شكرا صياد :137: .. |
(خيت خيي ما عم يحكي عن المشكلة العقم انها سخيفة انما دفاعك عن طرية محرمة للانجاب هو ياللي اثار حفيظتو لاخي (-((صحيح الشغله مخالفه للشرع بس تستغربيش إذا في ناس عملوها، لمن يشوفوا إنه مفش اشي مستحيل، وبنفس الوئت لمن مفش عندون استعداد يتبنوا طفل مش من لحمون ودمون، برضه صعبه هالشغله لا؟)) اسمحيلي سمرة بعمرو الحرام خيت ما بيصير حلال ولا بعمرنا اسمعنا عن عائلة محترمة قبلت انو تطبق طفل الانابيب بالطريقة ياللي طرحتيها لهيك هو حكي طريئة طفل الانابيب ياللي ناقشتيني فيها بردك هي السخيفة تحت اي مبرر ما دامت حرام النقاش فيها صار واضح وبينتهي اي نقاش عند حدود الحلال والحرام مو موضوع العقم هو السخيف ابدا جمال ما عنى هالشي . برجاء خيت حار لإلك اتحري الدقةانتي عم تناقشي مسألة بتمس الانساب ونحني وضحنالك انو الطريقة محرمة شرعاً فبيقى خيت حلول العقم الاخوة وضحوها الك كما امر رب العالمين. بتمنى انو الرأي هلأ وضح شكرا . |
اقتباس:
ولا قلت عنه سخيف انا لونت وفندت اللي قلت عنه سخيف اللي هم ردها لسمرة على وردة هدول مافيهم جنس العلم ( شوفهم دراك ) 1-((صحيح الشغله مخالفه للشرع بس تستغربيش إذا في ناس عملوها)) 2-(( لمن يشوفوا إنه مفش اشي مستحيل)) رقم واحد ورقم اتنين في منتهى السخافة انا ما ناقشتها لسمرة بموضوع العقم ككل البندين اللي ردت فيهم على وردة وهادا الرد الك سمرة حتى ما ارجع اعيدوه نفسه في الرد عليكي |
اقتباس:
واضح ئديش إنك إنسان "متفهم"، دايما اجوبتك مقنعه، وما بظن إنه مرتك تئبل تطلق منك إذا كنتوا مرتاحين لبعض وبتحبوا بعض، ولا بُد يكون في حلول تانيه متل ما ذكرت للصياد، او الاتكال ع الله، شكرا دارك :137: .. |
الانسانه ما كفرت حطت موضوع للنقاش لنعرف راي الدين والشرع والمجتمع ونشوف شو تبعاته وسلبياته ما حكت انه حلال ولا حتى شفنا رئيها هي لهلا بتناقش في الردود فلا يجوز حدا يحكي عن موضوعها سخيف السخافه انك ما تحترم موضوع غيرك لو ما عجبك لا تدخل وتحط رايك الدين والشرع والحلال والحرام ما عليهم اي جدال ابدا ولا نقاش لكن في شي موجود غلط او صح لازم نناقشه بطريقه جميله حتى الكل يعرف شو هدف الموضوع مش واحد يعمل رد وتاني وراه ييجي يقتبس رده وياكده خلي كل واحد عنده شخصيه وما يكون تابع لحدا اي موضوع نقاشي هدفه انه نشوف اراء الجميع ونحترم راي الجميع بكل احترام وعدم اساءه لانه ما جآبت الموضوع من راسها اكيدفي ناس عملت وبتعمل هيك ممكن هادا الموضوع من خلال ارائنا يعرفو انه حرام ولا يجوز |
اقتباس:
كيف هالامور مافيها جنس العلم . كل شيء بيبحث عنه العقل هوا علم .. دائما اعطي النظرة الايجابية للشيء اخي .. يعني . ليش اخدت انها عم تحاول توصل لشيء معين . ليه ما اخدت انو بدها توصل لرد مقنع يرضي عقليتها ؟ يعني بدهاش ينحكا انو حرام وبس . بدها تعرف الرأي العام للموضوع لارضاء تفكيرها . او ممكن بدها تفتح مجال اوسع للنقاش . او امور كتير ممكنة . و اخي العلم والسؤال بالشيء و معرفة كافة تفاصيله مش شيء خطأ . كل ما هو جديد على العقل البشري ويدعي التفكير ف هو علم .. و بالاخر ببقا الي رأيي وببقا الك رأيك . وبحترم وجهة نظرك و رأيك طبعا . |
سفير القلعه، ورده ليلكيه، إذا انا حكيت "صحيح الشغله مخالفه للشرع بس تستغربيش إذا في ناس عملوها"، معناتو انا بكون مع هالشغله؟! انا حكيت في ناس عملوها، محكيتش انا يللي عملتها، ومحكيتش رأيي اصلا ! برضو عم تحكموا علي غلط ! مش ضروري اركز ع فئة معينه من الناس لمن بدي احكي بموضوع معين، ليش ما اتوسع متلا؟ واحكي عن كل الفئات؟ شكرا :137: .. |
اقتباس:
إذا شايف الموضوع سخيف ليش فوتت ع الموضوع؟ انا فتت للرد على البدين الاول والتاني اللي لونتون باللون الازرق شو هالتناقض؟ لا في تناقض ولاشي انا مافتت على موضوعك الرئيسي لابدي راي فيه شوفي منيح ردي وين كان مع إنه عندك الحريه الشخصيه تشارك حتى لو كنت معارض، انا ماني معارضك على موضوعك قلتلك انا فتت فقط للرد على البندين اللي ذكرتهم باللون الازرق ( 1و2 ) مش حلوه تئول عن موضوعي سخيف لإني محكيتش عن شغله تافهه، انا قلت عن هدول واكررها سخيف جدا جدا البندين الاول والتاني حكيت عن شغله واقعيه وموجوده دايما، صحيح وعلمية وموجودة بالمجتمع العقم حكيت عن مشكله بواجهوها كتير متزوجين وعايشين بمعاناة كبيره لإنه صعبه العيشه بدون اطفال، كمان صحيح وين السخافه هون؟ السخافة في البندين الاول والتاني باللون الازرق بردك على وردة إذا كان العقم مشكله معئده ؟! العقم من رب العالمين وكيف بتحكم إنه انا مع هالشغله، انا ما قلت انك مع ها الشغلة ( وين ها الكلام ) لا تأوليني كلام ما قلته الا بردي عليكي بالبندين الاول والتاني طالما ما ابديتش رأيي بالموضوع ومحكيتش إذا انا كنت مع او ضد، انتي رديتي على وردة رد مو صحيح في البندين الاول والتاني ما في داعي تتسرع وتحكم ع الواحد، بالعكس لاحكمت ولا اتسرعت رديت برأي خاص فيني لمن ابدي رأيي سيعتها ابدي رأيك، وردك على وردة مش رد ورايك وع العموم رأيك وتئبلته اكيد، شكرا وقاسي يمكن، بس المهم إنك حكيت بصراحه، من اللي شفته واستغربته يبدر منك بعدين كلو ولا يطق عقلك، مجرد موضوع للنقاش، لا هو طق وخلص مكنش ضروري تجاوب اذا كنت عنجد مش طايئو، لا لانك ابديتي شي دهشني بردك على وردة شكرا سفير الشكر الجزيل الك سمرة |
لكل الاخوة ياللي اتدخلو الاخ مؤيد والاخ دارك اتنو انفسكم اجمعتو ان طريقة طفل الانابيب ياللي انطرحت حرام وهي الطريقة اللي اقترحتها سمرة (فال انابيب يعني حمل عن طريئ إنه الاطباء ياخدوا حيوانات منويه من زلمي تاني مش من زوج البنت، لإنه من هالطريئه بكون في امل كبير إنه يصير حمل بالنهايه)، وسبق حطينا فتاوي ومن اول شخص لاخر شخص كتب انو فيها خلط انساب وخيي لما ناقشت الامر مع سمرة حطيتلها الفتاوى الشرعية بهيك امر وضحتلها الفتاوى وهي شافية وكافية لتوضيح السبب بترجع بتقلي انو في ناس عملوها هي الطريقة بالذات ولو انو مخالفة للشرع!! معليش لو انتو بتناقشو انسان بشي حرام بيقوم بيقلك فلان عملو هل يعني اباحة هذا الشي طبعا لاء هاد الامر ياللي اعترض عليه خيي الرد اسمحو الي اللي مش مدروس من سمرة وهيني برجع بقلك خيت بروية هيك انتي طرحتي موضوع العقم بس في جزئية في الموضوع حرام نحنا وضحناها الك لانو فيها خلط انساب حرمها الشرع وخيي بيحترم رأي الكل لكن الامر لما يتعدى حدود الحلال والحرام علق تعليق على سمرة وقال انو ردها مافي وعي علمي لأنو عم تناقش بامر حرام وتقلك انو في عائلات طبقتو فهو ممكن مقبول!! معليش الاخوة ياللي عم يناقشونا بمبادئ النقاش بدي قلهم انو اللي بدو يطرح النقاش لازم يقرأ منيح ويستفيد ويطرح شي منطقي وفرضيات ما تتعارض مع الدين. مع الشكر. |
بتمنى موضوع النقاشُ ما يتحولٌُ لشيءُ تاني وما يردَ اي شخصٌ بعيداً عن الموضوعُ , ويكتفي بردهَ واتركوا المجالً لسمرة بنفسها تدافعُ ع موضوعهاُ بتهيألي هي افضل شخصُ لهذا الردَ , ما بدنُأ الموضوع يتحول لاقتباس الردودً والتعليق ع بعَضُ . |
لا يا خيتي ورده انا ما حكيت انه حرام كل طرق الانابيب انا حكيت كل الطرق حرام الا طريقه وحده حلال شرعا هي انه تؤخذ النطفه من الزوج فقط عدا ذالك حرام ووضحت انه ابن خالتي طفل انابيب من ابوه وامه ولهلا بعملوها في مركز بنابلس وما حدا معترض اما نطفه من زوج تاني طبعا حرام واختلاط انساب ان شاء الله كون وضحتلك رايي احترامي خلو غير اعضاء نشوف رايهم |
اقتباس:
انا فتت ارد على ردها لوردة لاني من الاساس كنت متابع من السخافة انك ثلاث مرات ما تشوف شو قلت : البندين الاول والتاني هدول السخيفين بردها على وردة ما قلت عن الموضوع الرئيسي انه سخيف لاني انا من الاساس ما فتت وشاركت فيه بس كنت متابع للنقاشات اللي دارت ولما شفت ردها على وردة فندت ردها في بندين والبندين في ردها وليس موضوعها انهم سخيفين وسخيفن جدا اذا ما بتشوف وين انا قلت انه سخيف بتكون هي مشكلتك وبتكون عم تتسرع بالحكم الهوائي وما بردلك اياها يا مؤيد انت مراقب وبتفهم \لاتغلط الله يرضى عليك |
طبعا حرام لما من زوج تاني حتى لو ما حصل جماع بضل من رجل تاني سمرة حكت انه القصة بعقم يعني مستحيل يصير حمل الا بامر الله اكيد بهالحالة كيف رح تزبط قصة الانابيب من الاب والام ازا الاحتماليه صفر والتبني حرام وهاد رايي القراان مو رايي بس بدي احكي انه في اسرى صارت معهم وعملوها وانتوا سمعتو بس من الاب والام مو من حد تاني مو رجل اخر هاد رايي |
رح ارجع احط ردي يللي كتبتو من ئبل لإنه بدناش نضل نعيد، إذا انا حكيت "صحيح الشغله مخالفه للشرع بس تستغربيش إذا في ناس عملوها"، معناتو انا بكون مع هالشغله؟؟! وين بهالجمله الاشي يللي بيوضح انه انا مع هالشغله؟! انا حكيت في ناس عملوها، محكيتش انا يللي عملتها، ومحكيتش رأيي اصلا إذا كنت مع او ضد! برضو حكمتوا علي غلط، مش ضروري اركز ع فئة معينه من الناس لمن بدي احكي بموضوع معين، ليش ما اتوسع متلا؟ واحكي عن كل الفئات؟ لهالسبب جاوبت ورده بهالجواب المقتبس فوء! حسستوني إني كافره! ياريت تفهموا وتتعمقوا بأجوبتي وبعدين احكموا .. / وشكرا ع المشاركه مره تانيه سفير القلعه، دارك ديفل، حبيب العمر، ورده ليلكيه، صياد، بديش نتجادل ونختلف اكتر، مش هيك هدفي ! هدا مجرد موضوع للنقاش، كلنا منئبل آراء بعض بالنهايه، يعطيكوا الف العافي وكل الشكر :137: .. |
اخي مؤيد ما ما قلت انو اطفال الانابيب كلها حرام في اكتر من سبع طرق خمسة منها حرام وتنتين حلال هنن بيضمنو ياللي حضرتك ذكرتو بس الظاهر انت ما تابعت نقاش سمرة معي انا ناقشتها بطريقة هي ضمنتها موضوعها وهي محرمة (فال انابيب يعني حمل عن طريئ إنه الاطباء ياخدوا حيوانات منويه من زلمي تاني مش من زوج البنت، لإنه من هالطريئه بكون في امل كبير إنه يصير حمل بالنهايه( وهو كان نقاشي معها والكل قبلي وضوحولها انو الطريقة حرام رجعت ردت برد ياللي شفتوه وياللي اعترض عليه جمال بدي منها تفسير ونحن عم ناقش الامر كيف يعني انو عالم واسر طبقت الطريقة هي لطفل الانابيب ؟ وانتي اعترفتي انها محرمة شرعاً صح انتي رديتي بس خيت برجع بقلك الرد بالنقاش لازم يكون الو اساس منطقي وما يوضع فرضية محرمة ع ساحة النقاش. واعتراض جمال كان على ردك وما قال انو موضوعك سخيف ونحنا ما كفرنا حدا خيت ومعاذ الله نكون من ضيقي الافق لنكفر مسلم بيشهد ان لا اله الا الله بتمنى تجاوبيني على تساؤلي ما دام الطريقة (الطريقة المذكورة بطرحك للموضوع مو طفل الانابيب بشكل عام) حرام كيف طبقوها العالم والطفل بهي الحالة طفل مين بالزبط؟؟ |
اقتباس:
انا عم اقول على البندين هدول 1-((صحيح الشغله مخالفه للشرع بس تستغربيش إذا في ناس عملوها)) 2-(( لمن يشوفوا إنه مفش اشي مستحيل)) مافيهم جنس العلم ارجع اقول للمرة الخامسة اعيد واكرر البندين هدول حرام بحرام النقاش فيهم ومافيهم جنس العلم ماني عم اناقش في الموضوع من اساسه هدول البندين هدول البندين النقاش فيهم حرام بحرام ومافيهم جنس العلم اعيد كمان لا اله الا الله البندين هدول انا ما ناقشت في الموضوع الرئيسي ولا ابديت راي فيه |
اخي جمال حتى لو كان اصل الموضوع غير شرعي وحتى لو انا وانت مش مقتنعين فيه لكن نناقش بطريقه غير هجوميه ونحط البينات والتحريمات واضحه يعني الموضوع لو بدنا من اساسه كله لا طبيعي ولا منطقي ولا حتى شرعي لكن هي ممكن سمعت او شافت او حبت تسمع راي ديني او فقهي بالموضوع برد بكرر اخذ نطفه من نفس الزوج بمركز اسلامي مضمون وزرعه في رحم المراه الزوجه حلال شرعا وموجود وما زال لحد هلا عنا بعملوه اما طريقه الاخت سمره حرااام شرعا ولاا يجوز |
| الساعة الآن 08:56 AM |
Powered by vBulletin® Version 3.8.7
Copyright ©2000 - 2025, vBulletin Solutions, Inc.
Search Engine Optimization by vBSEO ©2011, Crawlability, Inc.
HêĽм √ 3.1 BY: ! ωαнαм ! © 2010
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.