|
وضحت الصوره اخواني ويا ريت ما حدا يحمل على حدا منضل اخوان واحباب في الله حلو النقاش معكم بس يا ويل الي بوقع بلسانكم:60: |
لسهًُ بنلفَ وبندور بنفسٌُ المكانَ والمضمونٌُ انه هالطريقة حلالَ , هي صحيح ذكرتٌُ انه في اشخاص بعملوهاٌُ وهاالشيء ما بنقدر ننفيهَ اكيد ما دام اطفال الآنابيب فيها 7 طرق ف كل الطرق اتجربتَُ وفي ناس عملتهُا مش شرط يكونوا بمجتمعنا او بمجتمعٌُ شرقي ومسلمُ , بتصير ف المجتمعات الغربية وممكن بعض العرب يطبقوها .. |
اقتباس:
وماقلت عن الموضوع انه شرعي او غير شرعي تابع الموضوع من اوله بتلاقيني لوقت ردت على وردة فتت وعلقت على ردها فقط لاغير كنت بتابع الموضوع فقط لاغير والموضوع والمشاركات هي هي موجودة اتبع من البداية بتلاقيني ما شاركت ولا حطيت لايك كعادتي لما بشارك باي موضوع اخي مؤيد \ موضوع العقم موجود بالحياة وهو من رب العالمين وجده عند الانسان وهو لاعيب ولا حرام والدراسات العلمية لاتزال مستمرة فيه فانا قلت فقط عن البندين انهم سخيفين وانه النقاش فيهم حرام بحرام ولايوجد فيهم اي علم هادا كان ردي ومدون شكرا الك اخي مؤيد تحياتي للجميع |
بكره رح نزل موضوع عن التبني لنشوف ارائكم وردودكم ونولعها كمان مره هههههههههههه |
ورده، طيب طالما عارفه من الاساس إنه انا مع الشرع فليش حكمتوا علي انه انا ضد؟ يعني كل هدا عشني حكيت "تستغربيش اذا في ناس عملوها"، شو المشكله إذا بتوسع وبحكي عن كل الفئات؟! شو المشكله بهالجمله مش فاهمه، رح اجاوبك ع سؤالك مع إنه الجواب واضح! "كيف طبقوها العالم والطفل بهي الحالة طفل مين بالزبط؟؟" اخترعوا هالشغله لإنه العلماء مفش عندون اشي إسمه ممنوع دايما في عندن حب الاستطلاع إنه يجربوا كل اشي، فلمن شافوا انه هالشغله في منها امل انه يصير حمل بالنهايه لهالسبب اقترحوها ع الناس، بغض النظر اذا كانت محرمه او مسموحه، في ناس عندها استعداد تعملها، اما طفل مين بالزبط؟ يبئى هاي مشكلتون لإنون وافئوا من الاساس يعملوا هالعمليه .. ورح ارجع احط ردي ثالث مره ! إذا انا حكيت "صحيح الشغله مخالفه للشرع بس تستغربيش إذا في ناس عملوها"، معناتو انا بكون مع هالشغله؟؟! وين بهالجمله الاشي يللي بيوضح انه انا مع هالشغله؟! انا حكيت في ناس عملوها، محكيتش انا يللي عملتها، ومحكيتش رأيي اصلا إذا كنت مع او ضد! رغم إنه ورده ليلكيه ئدرت تعرفه من مقدمة موضوعي، مش ضروري اركز ع فئة معينه من الناس لمن بدي احكي بموضوع معين، ليش ما اتوسع متلا؟ واحكي عن كل الفئات؟ لهالسبب جاوبت ورده بهالجواب المقتبس فوء! حسستوني إني كافره! ياريت تفهموا وتتعمقوا بأجوبتي وبعدين احكموا .. / وشكرا ع المشاركه مره تانيه سفير القلعه، دارك ديفل، حبيب العمر، ورده ليلكيه، صياد، بديش نتجادل ونختلف اكتر، مش هيك هدفي ! هدا مجرد موضوع للنقاش، كلنا منئبل آراء بعض بالنهايه، يعطيكوا الف العافي وكل الشكر :137: .. |
ورده، طيب طالما عارفه من الاساس إنه انا مع الشرع فليش حكمتوا علي انه انا ضد؟ مين قال انك ضد الشرع ومين حكم عليكي انك ضد الشرع وين بهالجمله الاشي يللي بيوضح انه انا مع هالشغله؟! حتى بهي ما قلت انك مع الشغلة قلت النقاش فيها حرام بحرام والنقاش فيها سخيف لاتفسري على كيفك رأي شكرا |
اقتباس:
مو كل تجربة بيعملوها العلماء بتكون حلال يعني تجارب الاسلحة مثلا مو تجارب علمية؟ هل هي حلال ؟ وهالطريقة هي ياللي ذكرتيها هيك عم ياخدو نطفة شخص ويزرعوها برحم زوجة شخص اخر وبنسبو الطفل لغير والديه لاني مني الرجل بيحمل صفاته وجيناته الوراثية وهو صلب الرجل ودايما بقلك سمرة وقت اللي بتتناقشي بأمر وبتعرفي انو حرام بدك تسألي عن فئات تانية في حالتك هي ما بيعمل هيك الا المجتمعات ياللي مو مسلمة من الاساس وياللي مسألة الحفاظ على الانساب عندهن اصبحت مومهمة متل الاوربيين ياللي فقدو اي رابط بينهم وبين الدين بعد ما حرفوه لعند شرعنا الاسلامي سمرة وكم الفتاوى ياللي حطيناهم المفروض الامر اتوضح بالنسبة لالك خيت بقي من موضوعك الطرق البديلة بحالة انو حتى لو طفل الانابيب ما بينفع هي الاخوة اللي سبقو وكل ياللي شارك وضحلك اياها وما تضايقي من غيرة اخي ع الدين بردو عليكي لأنو لما مناقش بامور الحلال والحرام بيمسك الانسان وبيعرف حدود النقاش لان الدين ما حرم شي الا لمصلحة البشر وما بدك تناقشي محرمات خيت وتقعي في الاثم. ونحنا م قلنا انك مع الشغلة ما قلنا انك ضد الشرع متل ما اعتقدتي نحنا منقلك انو الشي اللي بتناقشيه ضد الشرع والدين. بتمنى انو النقاش هيك وضح سمرة وبتضلي زميلة واخت ورغم خلاف وجهات النظر . |
انا مش متدايئه، لو متدايئه كنت سكرت الموضوع من زمان، بالعكس انبسطت انو كل اللي جواتكوا تجاه الموضوع طلعتوه وحكيتوني بكل صراحه، وانا عارفه وفاهمه انو هالشغله محرمه شرعا واكيد كلنا عارفين هالاشي بالرغم من إنه انا محكيتش رأيي بشكل واضح بالمقدمه بس اكيد انا مش إنسانه كافره لحتى اكون مع الحرام .. مواضيع النقاش مش حلو نركزها ع مجتمعات معينه او فئات معينه من الناس، حلو التوسع برضه، انا يللي ركزت عليه إنكوا انتي وسفير مفهمتوش كلماتي يللي انتي علئتي عليهون، لهيك حطيت ردي 3 مرات لإنه جوابي واضح كتير ومفهوم ومفش اشي ازيده عليه .. بالنهايه الرأي والرأي الاخر لا يفسدان الود بالقضيه، يعطيكوا الف عافي وشكرا :137: .. |
عوجا -_- |
اقتباس:
بتئبل نقدك بصدر رحب وكبير، شكرا :137: .. |
في الحقيقة اثرتي موضوع في غاية الأهمية وحتى تكون الامور على بينة أكثر لاني من خلال متابعتي لردود الاعضاء وجدت ما لا يسر وما لا يصح فهناك من يحرم وهناك ما يبيح وهناك من يفتي بدون علم لن افوت في تفاصيل الموضوع أكثر ولكن اود ان اشير ان عملية الزراعة واطفال الانابيب ان كانت بالطريقة المباحة التي يحللها الشرع ويجيزها الاسلام فأين المشكلكة تكمن ؟ اما كما اثرتي وتفضلتي ان تتم عملية الاخصاب من خلال اخذ الحيونات المنوية من رجل أخر فهذا يخالف الشرع ولا يجوز في ديننا الحنيف وبغض النظر عن مااذا كان يجيزه الاسلام ام لا فلا اتصور ان يكون هناك شخص عاقل ويقبل بطفل من رجل أخر لن يشعر بالابوة وسيكون الحنان والاهتمام مفقود وضعيف وهذا ما سوف تثبته الايام النفطة الثانية وحتى اكون صادق مع نفسي قبل ان اكون صادق معكم لا اتصور ان يضحى الرجل بحياته ويقبل العيش بدون اطفال فهم زينة الحياة وزهرة العمر وربيع الايام وبدونهم لا تحلو الايام ولن يكن للبيت بهجة او سعادة حتى لو وصل الحب لاعلى ذروته واشتدت حدتة بالتأكيد مع الايام وتعاقب السنين حتماً سيحل الظلام وتزداد المشاكل وتدب الغيرة قلوب ذالك الرجل لا سيما عندما يرى اطفال اصدقائه يلعبون ويلهون امامه وهو محروم بخصوص حواء أظن حواء أكثر وفاء وتضحية من الرجل ومن الممكن ان تقبل العيش وتتقبل الامر وتحتسب الثواب عند الله واعرف من الامثلة الكثير ولدي صديق لا ينجب والحيوان المنوي لدية معدوم وضعيف ولكن زوجته أمنت بنصيببها وقبلت بقضاء الله وقدره وواختارت العيش معه رغم انه عقيم وهناك قصة اخرى لصديق لا ينجب وقرر الزواج بإرادة زوجته ومباركتها له وتزوج زوجة اخرى وأتت له بالبنين والبنات وبكرم الله وفضله من على الزوجة الاولى بالبنين والبنات لانها احتسبت الاجر والثواب وباركت لزوجها وقبلت ان يكون لها درة فرزقها الله وحفظ له تضحيتها وأيضا لولا الغيرة ما حبلت النساء |
اهلين قصي، بحب اشوف ردودك بمواضيعي مع إني ئليل ما بحط مواضيع، وحبيت رأيك، هالعمليه محرمه بالرغم من إنه في كتير ناس بعيده عن الدين، وبيجهلوا إنه هالشغله تعتبر زنى، بس ربنا موجود وهو اللي بحاسب هالناس مش إحنا، وحبيت جوابك بالنهايه إنه المره بتتحمل اكتر من الزلمي ومستعده تعيش بدون طفل كرماله، بيكفي هالاشي اللي يئربه من مرته اكتر، بس للاسف مش كل الزلام متل بعضون ونفس التفكير، لإنه بيتعلئ ئديش متفئين وئديش في موده بيناتون، وهالقصص اللي ذكرتا اكبر دليل ع إنه الاتكال ع الله افضل حل، بكل مشاكلنا بالحياة مش بس بمشاكل العقم بين المتزوجين، لإنه الله بنساش حدا .. شكرا قصي :137: .. |
| الساعة الآن 04:03 PM |
Powered by vBulletin® Version 3.8.7
Copyright ©2000 - 2025, vBulletin Solutions, Inc.
Search Engine Optimization by vBSEO ©2011, Crawlability, Inc.
HêĽм √ 3.1 BY: ! ωαнαм ! © 2010
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.