|
هل الفتاة بلا مكياج كالمقلوبة بلا دجاج ..بناءا على طلب الملاك البريء أسعد الله أوقاتكم بكل حب بناءا على طلب الأخت الملاك البريء بأن أقوم بوضع موضوع في قسم النقاش أحببت اليوم أن أتحدث عن موضوع هام وخطير خاصة على جنس حواء ما دفعني لطرحه هو قيام بعض الجامعات الفلسطينية في قطاع غزة على وجه التحديد بمنعه وعدم السماح به في داخل الجامعات لن اطيل الحديث أكثر وسأدخل الى الموضوع و هو المكياج حيث قامت بعض الجامعات الفلسطينية بمنعه داخلها وبينما اقرأ بردود الفعل على هذا الأمر لفت انتباهي هذا التعليق بعد قرار منع المكياج بالجامعات راح اتصير ظاهرة الجعافر يعني ما تزعلي لمن السواق يزمرلك يقلك وين ي ابو الشباب كلو حيظهر ويبان هههه وتعليق أخر ابتداء من غدا سيتم استقبال جعافر بكرة بالجامعه بعد منع المكياج ههههه لذلك أحب أن اسمع وجهات نظركم في هذا الموضوع هل المكياج ضروري للفتيات وبنسبة كام بالمئة يمثل لكم أهمية وضرورة في حياتكم ؟ هل ممكن ان تخرجي بدون مكياج ؟ هل المرأة بلا مكياج كالمقلوبة بلا دجاج ؟ اتمنى ان يتسع صدركم لهذا الامر وتكونو صريحين في الإجابة على هذا الموضوع وان نتناقش بعيداً عن التعصب والتشنج بالرأي ملاحظة / @حبيب العمر احميني انا عارف شو حيسير فيني :) |
هههههههههه معك عالموت اصلا لو النسوان احلا من الرجال ما اخترعو المكياج الهم ولا الشفط والنفخ والشد احنا حلوين بكل حالاتنا حتى المكياج بخلينا بشعين لهيك جمالنا طبيعي سحر مش صناعي سبحان الي خلقنا قل اعوذ برب الفلق خمسه وخميسه :138::138: |
|
ما رح يعترفو هلا كلهم بقولو والله بس نتفه كحله ونتفه شدو وايلاينر مع انه حتى الرموش صناعيه يعني تخيل بنت بدون رموش ااااااااااخ يا بطني ههههههههههههههههه |
اقتباس:
اطلبني عالموت بلبيك شو بدك مني بعطيك ههه على اي حال الصورة وضحت يا صديقي كلامك للأمانة مقنع وكتير كمان واختصرت كل شيء وهو ان لولا ان الرجال يتفقون بالجمال على النساء لما اخترعو المكياج والبوية والدهانات سؤالي لك يا صديق هل المطر يؤثر على مكياج الفتيات وهل صاحب أغنية مطر مطر مكياج البنات في خطر كان محق في إطلاق هذه الأغنية ؟ وأخيراً هل تود توجيه رسالة الى https://i.ytimg.com/vi/IBkWrw8IrXU/hqdefault.jpg |
اقتباس:
ارحب بك في صفحتي اولا وأشكرك لإجاباتك الي افهمته منك انك المكياح لافاضة لمسة او ابراز جمال مش طلاية بوية ودهانات واستعراض :) بتمنى الكل يفهم هيك شيء شكراً لنقاشك أختي شغف |
اقتباس:
وتاكد بنفسك وشوف جعفر قبل المكياج لا رموش ولا حواجب حتى الشامه راحت كله تزوير http://elayki.com/wp-content/uploads...89298262_n.jpg تعال هون @آلرَّسَّآمْ |
ههههههههههه اناماعندى روح اتكلم بس انتم ضحكوتني وربي |
اقتباس:
ههههههههههه انا دايما بقول تحت المكياج الخادع اما قمر ساطع او نوع من انواع الضفادع انت وحظك اكشط واربح هههه بس فرق كبير وربي واكتر شيء بغيظك وحدة بتكون حاطة بوية وعاملة سنفرة ومبيضة بشرتها كتير وبس تخلف ويجيها ولد سنفور وبشرتو سمرا بتقولك لمين طالع هادا يا اخي طالع للنسخة القديمة يختي قبل التحديث لمين بدو يكون لجارتك فوزية مثلا هههه ^ ^ |
اقتباس:
ميصحش كدة يا بنتي رائيك بهمنا بردو الموضوع خطير جدا وبدنا رائيك بالموضوع |
اقتباس:
بس كثير صارت انه عريس ثاني يوم يطلق مرته بقلك والله مش هي مجوزيني اخوها ههههههههههه بعدين في نوعية جديدة هاي نازلة بتعمل أوباما نانسي جد والله يعني صارت القصة اكشط وعشرة ع الشجرة ههههههههه يعني البطيخة بطبل عليها بترن بنات الأيام هاي بدك تغسل وجهها بفرشاة سجاد مع رطل هايبكس وفلاش لتظهر الحقيقة المرة ههههههههههه الله يكون بعون اللي بدور ع عروس قباني مؤيد رح يفجروا جبهتكم على هالحكي ههههه ! |
اقتباس:
هههههههههه يقطع شرك يا محمد انا لساتني بدي اعملك اشارة لاني كنت حابب شوف رائيك عالموضوع وتعليقك عالأمر لقيت فايت هون وشكلك ما حزرت مين الي يفجر جبهة قصي ومؤيد شكلك مش شايف حروبنا ومعاركنا القديمة قولو مؤيد هادا محمد شاككك بقدراتنا احنا بنقصف وبنضرب وبنوجه وما بهمنا حد هههه المهم اضمك للشلة هههه ؟ |
لاماعندى تعليق انا باضحك فقط |
اقتباس:
لا انا اللي بعرف ولو اكيد معكم ع قولة مؤيد اطلبني ع الموت بلبيك هههه معآ لمكافحة جرائم النصب والاحتيال وتزوير خلق الله فرشاية وسطل فلاش ساهم بكشف الحقيقة هههههههههههه :p ! |
محمد من زمان معنا لانه مع الحقيقه ولو كانت مره هههههههههه المكياج يصنع المستحيل من القبر الى الحياه نافشه شعرها كمان :77::77::77: http://www.elbalad.news/upload/photo...0x338o/773.jpg |
اقتباس:
شايف كيف وجهها محروق وم بعرف شو هاي وجهها وجه مكياج وبس :138: |
اقتباس:
ههههههههههههههههههههههههههههههههههه يسعدها ملاكنا |
يا ويلك يا قصي جبت على راسك مشاكل ووجع راس ههههههن موضوع حلو ومهم بنسبة لي عادي جدا وانا ما بحط مكياج لما اخرج الا كحلة وهذا اجمل شيء نسبة كبيرة من حواء لا تستطيع الخروج بدون مكياج لانو بالنسبة لها هو الوجه الاساسي وبنسبة لبعضهن عادي خروجها بدون مكياج |
عالعموم انا جبت الدب لكرمي ورح جاوب الله يعيني عليكو كوني متزوجة اكيد رح اهتم بمظهري الخارجي وخاصة الوجه مع اني مش بحاجة لشي بس لازم يعني ماما بتحكيلي الله يسامحك ما بدك بودرة لتطلعي بحكيلها مش بايدي ي امي لازم احط هاي شغلة والكحلة لازم كل يوم برة وجوا البيت طبعا السودة الخفيفة مش الزرقا ولا الخضرا الايشدو الملون ما بحطو الا بالافراح الا ازا في لمة نسوان بالبيت بحط شي خفيف اصلا ما بتابع مسلسلات خليجية من مكياجهم الفاقع تالتا جوزي بهتمش بالمكياج لانه ما تستغربو من كلامي في جيزان بحبو هالشغلات وبعتبروها اغراء الهم ونوع من الاهتمام الحمد لله اني مش بحاجة لهالشغلات |
https://youtu.be/G4m7EN_N5XM اتفرج خلي العالم تعرف الحقيقة المرة هههههه https://www.marocsmile.com/upload/98...7a6a89eb21.jpg اللي معه صندل ٤٥ يستغني عنه ههههههه ! |
الحلو حلو بمكياج ولا بدون بس اكيد رح تخف الثقه بنفسها اللي متعوده على المكياج |
اقتباس:
في كريمات لاخفاء العيوب بس مش لهالدرجة برضو زودتوها انتو كمان عالعموم انا لما اطلع من البيت لازم بودرة مع انو بلزمش وكحلة ومسكارة غير هيك لا انا بستغرب من اللي بحطو حمرة ع تمهم شو بتكون مقرفة بجد |
اقتباس:
شوف تجاعيد وجهها راحو شي مع المكياج راحو لا هياتهم موجودين بدون عمليات تجميل ما بروح لا تجاعيد ولا حب |
اقتباس:
هههههههههه |
اقتباس:
بس المشكلة وين كل مرة شكل ولون جديد والله يوم في تغيير بالملامح والألوان مآ ضل إلا يعملوا انتيكا لوجهم .. يعني هاي تجربة شخصية .. فالمهم مرة صدفة شفتها بدون مكياج وكانت الكارثة لهلاء بسلمش عليها هههههههههه ! |
الحلو حلو لو قام من النوم سواء بمكياج او غيره في بنات بتحط مكياج جد بتبشع منه وفي ناس فوق جمالهم بصيرو احلى واحلى... انا بالنسبة الي بكتفي بمسكارة وكحل سواء طلعة او عرس او طشة لا كنتور ولا ايشدو ولا شغلات فاقعة وغيرو وجد بتمسخر ع البنات الي بكونوا طالعين كانه ع عرس ف طبيعي انتو الشباب تشوفو انه مبالغ فيه |
انت ي @آلرَّسَّآمْ المتجوز اعترف لما تشوف مرتك حاطة لو شي خفيف مش بتكون حلوة وبتغير مزاجك وبتصير تحكي معها بنفس مو متل لما تكون تطبخ وريحة الزيت وحالتها حالة قول |
وانت ي @قباني الهوى ي قصي ي كاره النسوان بقص ايدي كلها لما تتجوز حتموت بالمكياج وتصير تحكيلها مشان الله حطي شي ع وجهك وتصير تشتريلها حمرة وبودرة كتشجيع منك يعني |
اقتباس:
في واحد صيني حليوه كتير حب يتزوج بنت حلوه عشان يخلفو ولاد حلوين اول بنت بشعه حكى شو هادا تاني ولد بشع قال يو هادا تالت بنت ابشع وابشع قال اكيد هالمره بتخوني مع واحد بشع راح رفع عليها دعوه طلاق وفحض الدي ان اي طلعو كلهم ولادها وولاده حكتله اعترفلك بشي انا عامله عمليات تجميل وكنت بشعه كتير من قبل حكالها يعني تزوجت وحده تانيه روح وانت طالق يا صاحبي هههههههه |
اقتباس:
هذا اهتمام ونظافة شخصية مآ حد جاب سيرته احنا بنحكي عن ورشات الطراشة يلي بتمشي بالشوارع هههههههه ! |
اقتباس:
فعلا الحلو حلو لو قام من النوم والبشع بشع لو حط ايلاينر وكحلة ومسكارة واتحمم كل يوم وبحب الناس الي عندها ثقة بجمالها وبتعرف تستخدم المكياج وما بتطلي وجهها بالبوية |
اقتباس:
ولا كنت حاطط عينك عليها وقرفت منها:138: صدقني في مليان بحطوش مكياج وبكونو بجننو احكيلك شي في حلوات بس يتمكيجو بصيرو غوريلا بعرف وحدة قريبتنا بس تحط الايشدو فوق عينيها بتصير مش حلوة بتكتفي بالكحلة الخفيفة بس لانه جمالها الطبيعي احلى |
اقتباس:
ههههههههههه لا كلامها صح وانا ببصم عليه كمان بلاش ينتفونا اليوم يا صديقي شد وارخي ههههههههههه |
اقتباس:
طبعا طبعا بحب ولو ما كانت أنيقة وجميلة وبتهتم بكشلها وستايلها وحتى نوع عطرها ما بتلزمني وقتها انا قصدي يا الملاك انه المكياج لاضافة لمسة وابراز جمال متل ما تفضلتي وقلتي كحلة شوية بودرة مش طلاء بوية ودهانات والوان الطيف السبعة ولوحات فنية متل ما بشوف كل يوم |
اقتباس:
هههههههههه جد في بنات مجرمات بالمكياج بتقلب انجلينا وهي بالأصل خلف ههههههههه مؤيد ملاك كابسة معها حد يفهمها الحقيقة المرة هههههههه ! |
اقتباس:
غميت وربي قصدك بميز ههه لا ميما من الناس الي ارائها معروفة من قبل ومن الناس الي بتعارض البوية والدهانات واللوحات الاستعراضية والفنية كمان |
اقتباس:
بتكون معزلة البيت كلو وفجاة بتقلب حالها بالمكياج طب سؤال مرتك بتحط مكياج برة البيت ؟؟ |
اقتباس:
ههههههههههههه |
ليك ححكي بصراحةة انا ضد منع المكيااج بالجامعات لانو بهاي المرحله انا وصلت لمرحله البلوغ والرشد وقادرة حدد اختياراتي فما بحقلك ولا باي شكل من الاشكال تجبرني ع شي معين بالنسبه للمكياج يلي مبتعرفوه انتو الششباب وكتير بنات انو المكياج انواع وكل نوع الو وقت محدد مكياج الجامعه والوظيفة غير مكياج الاعراس والمناسبات وفي شي اسمو اساسياات وفي شي اوفر استعمالو لو استعمل بغير وقتو كتير بشوف بنات جامعات للاسف عم يستخدمو الاي شادو والايلاينر والحومرة الالوان الجديدة والرهيبه والعدسات والرموش ووووو بس كمان في بتات بكتفو بواقي الشمس شوي كونديشين مسكارة حومرة ناعمة وهيك المفرووض يعني خلو حلول وسسسططط بالنسبه للجعافر جعفر بضل جعفر بمكياج وبلاه ههههه حبيت طرحك قباني م ننحرم |
اقتباس:
كنت بشوفها بطبيعة الشغل كان يوم اسود هههههههه ! |
| الساعة الآن 11:07 PM |
Powered by vBulletin® Version 3.8.7
Copyright ©2000 - 2025, vBulletin Solutions, Inc.
Search Engine Optimization by vBSEO ©2011, Crawlability, Inc.
HêĽм √ 3.1 BY: ! ωαнαм ! © 2010
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.