|
تمرد ضد الظلم بغزه مساء الخير عليكم جميعا اول موضوع راح يكون لالي بلمنتدى هو نقاش او حوار مبني ع رأي كل شخص بدون تعصب للرأي ودائما نتزكر ان اختلاف الرأي لا يفسد للود قضيه موضوعنا راح يكون عن تمرد ضد الظلم بغزه الحركه الجديده هل انت مع او ضد الحركه مع زكر السبب تحياتي وراح يكون الي رأي بلمووضوع ولكن بعد رأيكم |
وأنا أول واحد رح أشارك أنا مع التمرد في غزة وفي الضفة أيضآ لكن ليس بأسم فتح ولا حماس والسبب أنو الأثنين لا يمدو لمصالح الشعب بصلى كل بأي الطرق بدو يضل على الكرسي شكرآ يا الماج يك متابعة لباقي الأراء |
يسلموا ع الطرح الرائع اشكرك جداااااا |
اخي ابو الزين يسلمو ع رأيك وع ما اعتقد هتكون احلى رأي اخي رباط الحب انا مش منزل موضوع تشكرني عليه هادا موضوع نقاش فيا بتجاوب يا ما بتشارك تحياتي |
انــا مــع حركــهـ التمــرد وبنفــس الوقــت ضـــد الانقســـاام يعنـــي مـــش ترووح الحكوومة الحاليــهـ ترجــع السلــطة القديــمة وتضــل المشااكل شغاالة بيناتهم يعنــي لو يتقفــوا ع حـــل وســط ويتوحدوا احســن من هالخلافاات الي مالها لاازمة والي عماالها بتشمت الناس فينــا واولــهم اعداائنــا شكررا ع الموضووع تقبل مروري |
انا بصراحة مع وضد حركة تمرد ليش لانو نكون واقعيين هلقيت غزة اغلبها حماس و لو اجتهدنا حبتين و شفنا كيف النظام الاخواني بيعمل بمصر مع انهم فئة كتيييييير قليلة لكن قالبين البلد قلب طيب اتخيل عاد الوضع عنا كيف حيصير كم واحد حيشارك بتمرد 100 او 1000 او 10000 عادي حماس ما عندها مشكلة تصفي شعبها و تبقا هي المسيطرة على غزة و معروف انو نظام الرأي بغزة معدوم تماما يعني الي بيطل يقول اي كلمة حق بينطخ بركبو ويبلوه مليون بلوة و يتهموه باتهامات باطلة كتير كل هالاشيا بديهية بغزة و تمرد بغزة ما بتمشي و هاد شي شبه اكيد و بالمناسبة ن تمرد بالضفة مع لكن اعتقد و حسب رؤيتي للوضع بالضفة في مجال للراي اكتر من هون يعني ممكن بالضفة يصير تمرد لكن انو ينشال النظام برضو صعبة هاد رايي بالموضوع |
ضد الدعوات التي نراها على الفيس بوك لأنها دعوات مدعومة من شخصيات لها مصالح خاصة تسعى لتحقيقها ولكن مع التمرد ضد كل من حكومتي الإنقسام معاً فقد اثبتت الحكومتين بأن مصالحهما الخاصة أهم من الوطن والمواطن فبكلتاهما نرى تركيبة من الشخصيات المستفيدة مادياً وبشكل كبير وبمعنى أنهما إنزلقا في مستنقع الخيانة الغير مباشرة من أجل المصالح والنفوذ فسلطة رام الله وعشرون عاماً من المفاوضات العقيمة وإختتمتها بالقبول بالعودة للمفاوضات في ضل إستمرار الإستيطان والهجمة الشرسة على القدس مما يثبت وبإستمرار على أنهم لايمثلون الوطن وبالمقابل حكومة المقاومة في غزة والتي تحولت في زمن قياسي الى فتح أخرى وماكان مرفوضاً منها في الزمن الماضي أصبح مباحاً وقيادات جمعت الاموال وتغتني على حساب القضية والشعب كما نلاحظ أصبحوا يملكون أغلب اراضي غزة وبمعنى آخر إبتعدوا عن المقاومة ... وأصبحت لهم مجرد شعارات يتم رفعها عند الحاجة لها للتغرير بالمواطن الساذج أنا مع ثورة ضد حكومتي غزة ورام الله معاً |
وعليكم السلام ورحمة الله وبركاته هذا النقاش انطرح قبل ذلك ولكن لا مانع من تكراره لنستمع إلى وجهات نظر جديدة أرجو من المشرفين والمراقبين عدم إغلاقه ,,,,,,,,,,,,,, مع حركة تمرد على الظلم في غزة السبب: - قوانين عشوائية , بطالة غير مسبوقة , انقطاع للكهرباء متواصل , خرجي الجامعات بلا عمل , سياسة هزيلة , فرض الضرائب الباهضة , احتكار للسلطة , استحقار للتعبير بالرأي تكفير لكل من لايتفق مع حكومة غزة , تعذيب في السجون , تخوين وتفتيت للمجتمع , تفكك اجتماعي , لاحرية لاديمقراطية , انقسام مخيف , كل ماذكر تتبعه حكومة غزة ضد ابناء شعبنا فمن أجل كل هذا تمردنا ,.... وفي النهاية الكف لا يمكن أن تلاطم المخرز لا تستطيع أي حكومة في العالم أن تقف في وجه شعب بثورته وغضبه قد لا نملك جيشاً يحمينا كمصر لكن أي نقطة دم سـ/تسيل لن تكون في صالح حكومة حماس ويكفي ان أعظم الجهاد قول كلمة حق في وجه سلطان جائر شكراً لنقاشك |
انا مع حركة التمرد انها تقمع الظلم بس حماس اذا شكت اوسمعت انو حدا منزل مجرد صفحة عالفيس ضد التمرد عادى ما بعرفو الرحمة بياخدو والله اعلم وين حيرموه وخاصة بالفترة هاى لانو حماس خايفة من الوضع المصري ليصير هون بغزة فـ عاملة كل تجهيزاتها وماخدة الحذر وكمان حمماس ماسكة الكراسى كأنو هو اللى بدو يدخلهم الجنة بس من حق الشعب الحريـــــــــــــــــــــــة لانو بجد وضع غزة ع الاخر ..قطع كهرب ومياه وانفاق مغلقة وبنزبن مافيش وأمن وأمااااااااااااان بس عآجلآ أم أجلآ حينتفض الشعب وحيكون السبب حركة تمرد وحيزول حكم حماس لانها مش مطبقة الاسلام منيح (خلافة اسلامية أل) وينها الخلافة |
اقتباس:
مع المطالبه بالحقوق والوقوف ضد الظلم .. والمطالبة بالحق لا تسمى تمرد ووضع غزة مش مخبى وواضح كتير كيف وصلنا لهذه الاسباب .. انا مع انه هذه من مسؤوليات الحكومة انا مش معك ب " قوانين عشوائية , سياسة هزيلة , فرض الضرائب الباهضة , احتكار السلطة , استحقار للتعبير بالرأي , تكفير لكل من لا يتفق مع حكومة غزة , تعذيب في السجون , تخوين وتفيت المجتمع , تفكك اجتماعي , لا حرية ولا ديمقراطية ," احنا عايشين ف غزة بردو ومافي من هدا الكلام , ما صدر منهم اي قانون جديد الحكومة متبعه كل القوانين الموضوعه من السلطة والضرائب موجوده في كل دول العالم ووين امثله ع ضرائب باهظة , وحرية وديمقراطية وتعير عن الرأي كله موجود ف غزة واحكي ايش مابدك بس بالمعنى الحقيقي للحرية .. لانه مش من الحرية انك تغلط بانسان هذا ما بتسمى تعبير عن الرأي وباقي الاشياء من وين جبتها هات دليل واحد ع هدا الكلام وانا بدي ابصملك بالعشرة اني مع حركة تمرد والكهرباء والبطالة انت شايف انه هذا سببه الحكومة نفسها والضفة عندها كل هذه الاشياء لكن تنازلات الشرطة لوين وصلت الضفة مفاوضات واقصى يندس ,, مفاوضات ومستوطنات جديده ,, مفاوضات وبلطجية مستوطنين انا مع تغير الحكومة لكن بالطرق المعتادة عشان ما ينزل دم جديد ف غزة وحكومة مستقلة مش محزبة |
ممم بالاول حابة اشكرك عالموضوع انا بدي احكي وجهة نظر متواضعة يعني مالي بالسياسة بعتقد انو التمرد يلي راح يصير مش راح يحسن الوضع بل العكس بشوف انو راح يتدهور ومش زي مالناس بتحكي راح ترجع فتح ويرجع الخير معروف وباين انو فتح مش راح ترجع زي قبل والتمرد هادا عالفاضي بس حيصير عنا زي مابصير بسوريا ومصر سفك دماء وقتل وبالاخر تتدخل الدول الاجنبية هوا انسب حل الوحدة الوطنية بين الحركات مع اني شايفة انها صعبة ههه ماحدا راضي يتنازل عشان الشعب كل الحركات نفسي نفسي بتسعى لما هوا معروف الكرسي هاي وجهة نظري تحياتي الك |
نقاش جيد جدا وآراء جيدة انا ضد التمرد بغزة والسبب / على فرض انو صار تمرد بغزة وبعد هيك شو راح يصير راح تنزال حكومة حماس ,,,,, رح تيجي شخصيات متنازعة على السلطة كل فريق بدو يثبت قوته على الساحة صورة متكررة من مصر وتونس وليبيا وسوريا راح نكون .... اما قضية البطالة .. ما فى حرية رأي .. تكميم افواه الاعلام .. اعتقالات سياسية .. وغير ذلك .. كلام مردود على اصحابه ... حتى امريكا دولة الحريات والديمقراطية بيصير فيها هيك كل التحية لطرحك الشيق |
اقتباس:
|
عندما تقمع الصحافة لايبقى من الديموقراطية التي تتحدثون عنها شئ سؤال كم صحيفة فلسطينية توزع في غزة ؟؟؟ مع ان الصحف موجودة قبل مولد ثورتنا المعاصرة |
مع الثوره و الإنقلاب على حكومة عباس و فتح أولاً لأنه الكذب و الإفتراءات على الحكومه المقاله مستمر و اله غاياته بدهم حريه ؟؟؟؟؟؟؟؟ شو الحريه المطلوبه مشكور ماج بك على نقاشك |
على الجميع الحيطة والحزر تمرد صناعة حمساوية لخلط الاوراق واتهام فتح امام العالم والدليل كل الاجرائات التي تقوم بها حماس ضد ابناء فتح قبل يومين وصلت رسالة لاحد الاقارب عنوانها اجزر غضبنا قرر مصيرك بنفسك والله يحمي ابناء الفتح ابناء الياسر ابا عمار من الطاوت الحمساوي مشكورة اختي على الموضوع |
أختي ليه شايفني اسمي سوسن وشكرا ع الاجابه |
معلش بالغلط. انت ابوالرجال |
بيقلك حركـة تمرد ضد الظلـم اي ظلم بالزبـط ؟؟! متل ما هو في ظلم بغزة ان كان موجود , فهو عنّآ بالضفة اكتر بكتير احكي كلمة بتلاقي حالك بالسجن ف لما بدكم تعملوا تمرد , اعمل ع الاحتلآل وع اللي بيساعد الاحتلآل وبعدين الاهم من هيك ,, مين اللي قائم على هاي الحركة , واحد شرد من غزة اجا ع الضفة ,, ليه يا عمو تشرد من غزة ههههههه متعمل هنآك التمرد مش تيجي تتحآمى بحكومة الضفة اللي ازفت من كل الحكومآت والسلام منورين النقاش :)) |
كل الاحترام لكل الاراء وبصراحه نقاشكم رائع اخر نقاش اعجبني كتير ياريتك بغزه ياااااااااااااااااااااريت وخلص هكتفي بهادا الرد |
مع احترامي لكل الأرآء ومع الإعتذار للتدخل في شأن داخلي لفلسطين الحبيبة ولكن ... فقط أقول ابحثوا عن المحرك حتمًا ستصلون لحقائق سوف تعني لكم الكثير |
انشاء الله برجع على غزة اللى في بالك قريب يارب عالشان نشوف شو بدك تعمل والله انا شايف في غزة سبب الكره كلو حسد معيشه وطبعا العين بتكره ملاتها |
اختي عبق الجوري لانو ببساطة لو كان داخل غزة رح يقلعوه من جذوره من جذوره يعني يمحوه هوا و عائلته و اقاربه و مش بعيدة صحابه عنا بغزة نظام القمع فوق ما تتصوري وصل لدرجة انو حماس نفسها تقلب ع بعض الاشخاص منها و ان بدنا نحكي عن تمرد ضد الاحتلال و الي بيساعد الاحتلال ف حماس بتساعد الاحتلال قبل فتح حتقوليلي انو المقاومة اشتغلت شغلها ضد اسرائيل بقولك اه و معك بالكلام لكن في فرق بين حكومة حماس و بين المقاومة المقاومة بتعمل الي عليها لكن حماس للاسف دورها مو موجود وهادا واقع كل غزاوي (عاقل) بيفهمه |
انا ضد التمرد بغزة طبعا مش لانو انا بنتمي لحركة حماس ..( الي الفخر طبعا) ومش متل ما بتحكو هي حكومة مشان الكراسي وما بعرف شو . لو مشان الكراسي كان اسماعيل هنية عندو قصور وفلل متل حضرة السيد ابو مازن ~~ وغير عن كل هادا الاشي . الي بيقول الحق صار في هالزمن ما بيعجبكم |
اقتباس:
اغلب ردود الاعضاء مبالغ فيها لدرجة كبيرة .. كأنه احنا مش عايشين بغزة كونوا واقعيين .. بلا ظلم وقمع .. وقلبت حماس ع بعضها كمان كل شخص بفتي ع كيفه ومزاجه .. اي حماس هذه الي بتساعد الاحتلال هو الالتزام بالتهدئة .. حفاظ ع اروح بالغزيين و اخد وقت لتطور المقاومة اكتر بصير مساعدة للاحتلال .. بس تحكو اشي كونوا واقعيين فيه عشان نقدر نصدقه او نتقبله حتى |
اووووووووووووووف حقيقي زهقونآ هدول تعون حمآس بجد حكومة فآآشلة جداااااا ,,, بتتحآمي ف الدين والمقآومة .. و همآ اصلا بعملو لمصلحتهم و بسسس بقولو مقآومة مقآومة و همآ اصلا ما بقآومو ولا شي ,, عمآلة بيعملو استعرآضآت ف الشوآرع و بسسس ان شالله ي رب ينتهو عن قرييييييييب |
عآجلآ ام أجلآ سوف تنتهى ما تسمى حركة حماس |
اقتباس:
|
اقتباس:
مين بده يصدق هدا الكلام .. حماس ما بتقاوم وبتعمل استعراضات وبس تاريخ حماس بيشهد وحربين غزة بشهدو لحماس .. حاول ترد بكلام معقول .. نقدر ننقاشك فيه ويستاهل الرد |
اقتباس:
وفي عايشين بغزة و شايفين الوضع ع حقيقته انا ما قلت كل حماس قلبت ع بعضها انا قلت حماس قلبت ع البعض منها يمكن ما بتشوف الوضع من الجهة الي انتا فيها لكن انا عايش وسط شعبي و شايف الي كان مبارح حمساوي و بيمجد بحماس و اليوم نازل لعن فيها مش مرة ولا مرتين صار هالموقف كتييير صار و لليوم بيصير القمع هادا شي مففروغ منه حماس عندها استعداد تعمل اي شي بشعبها لصالح انها تكون بالحكم الكل بيعرف شو حماس بتعمل لاي حد وقف ضدها اخي انتا هلقيت تقارنلي الروس الكبيرة بحماس بالمقاومين ع الثغور ؟ انا قلت اخي انو حماس شي و المقاومة شي تاني حماس حكومة بدها كراسي والمقاومة رجال و بدها تحمي ارضها ف حماس مش المقاومة و هاد الي انا بقصده |
اقتباس:
|
اقتباس:
شو جاب سيرة الشارع بالموضوع .. هالحين صار بدكم تتكلموا عن الشارع يلي ببيسكن فيه اسماعيل هنية ..؟!!!! |
اقتباس:
ما الي الجرئة اوصل هناك الحرس و الجيبات واصلين لاخر الشارع و الله و اعلم شو يكون مصيري لو دخلت |
اقتباس:
انا اختي اني بقول مع التمر بغزة مش معناه اني انا مع فتح لا انا مع التمرد ع فتح كمان الحكومتين مو مخولين لاي ادارة بالبلد و الحكومتين شبيهين ببعض لكن كل وحدة الها طرقها المعينة بعنصريتها |
اقتباس:
ظهرت اخبار كتير ومن بعض المواقع المحسوبة ع .... ودائما كانت تنفى وبعرف كتير حمساوية مثل ما قولت .. صارو يسبو ع حماس والسبب واضح لانه ماصار مثل ما اتأملو .. كان دخولهم ب حماس لوظيفة مش اكتر وفي كتير من عيلتي وبعرفهم ضد حماس وبغلطو بحماس وعايشين بالنعيم الي بتحكي عنه ... وانت بدك اياهم لما يقاوموا او يعملو شي يصور الك حالهم عشان يثبتولك انهم بشاركوا بالمقاومة وحماس السياسية والمقاومة واحد المقاومة سلاح وسياسة .. مش مثل السلطة .. مقاومة شعبية لحتى اكلت الضفة هوا وصار وضعها زفت |
اااااخ امممم موضوع حلو انا راح احكي الشفته بصراحه بغزة ايام ما كنت ساكن فيها اول شيء حضرت ايام اليهود ومامكان في سلطه ولا في حماس بصدق ما كان فلسطيني جوعان الشب يكون عمره 20 سنه بمتلك احلى بيت صح هو الوجع انه بشتغل عند عدوه بس على الاقل مابفرق العدو انا شو لا بسالني فتح كان ولا حماس بعدين دخلت السلطه ودخل معها اشياء وحريه اكبر وللاسف كان عايش اصحاب السلطه الهم فتح كل عئلة من فتح كانت مبسوطه راضيه دخل منيح وعيشه هنئة وراحت السلطه واجت حماس حكينه يمكن يعم العدل وبرضو نفس المعاناة الفتحاويون انحطو على جنب والحماسويون علي شانهم وفعلا شفت هاد بعيوني نفس الموقف بتكرر ولهسه نفس الشيء انا مو عايش بغزة الي فتره بس روحت اول الصيف وعشت هناك 3 شهور اي والله طلعت روحي لاقدرت اطلع اولا لا كهرباء ولا مي ولا بنزين ولا شغل الناس انخنقت بجد احنه مو حماس ومو فتح بدنه دوله فلسطنيه من غير انقسام بدنا نكون كلنه فلسطنيه ونرجع لترابنه واهلنه بتمنى انهم يعملو حل لخلافتهم وينسو شي اسمه انقسام ويفكرو بفلسطين شوي بعيدا عن الانانيه ماحدا يزعل هاد مجرد رائ |
اقتباس:
|
اقتباس:
حبيبي يكبير |
اقتباس:
وعايشين حياة عادية جدا .. واصحاب الفلل والابراج والسيارات الحديثة .. هم اصحاب الانفاق بغزة وبعد تسكير الانفاق كل شخص رح يرجع لاصله الاول وبالنهاية نتمنى ان ينتهي الانقسام .. وكل شخص ووجهة نظره |
اقتباس:
و الله يكون مع الحق وين ما كان انا بحكي ك مواطن شايف الفساد ببلدي من كل الجهاد والله يحقق الوحدة و نرجع كلنا ايد وحدة والله يصلح وضعنا جميعا للاحسن و ياريت ما يكون النقاش ضايقك بشي بالاخر لكل شخص راي و تحياتي الك اخي .. |
| الساعة الآن 09:37 PM |
Powered by vBulletin® Version 3.8.7
Copyright ©2000 - 2025, vBulletin Solutions, Inc.
Search Engine Optimization by vBSEO ©2011, Crawlability, Inc.
HêĽм √ 3.1 BY: ! ωαнαм ! © 2010
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.