|
حوار ساخن بين أدم وحواء (( الحوار المثالي بين الشبــاب والبنات )) أسعد الله أوقاتكم بكل الحب والخير موضوعي الذي أود أن أطرحه عليكم عبارة عن حوار مثير بين فريقين فريق >>>> آدم فريق >>>> حواء أتمنى أن تكون الردود راقية تمثل عن صاحبها... هناك أمور يكرهها الرجل في المرأه أو لا يستطيع فهمها.. (( و )) هناك أمور تكرهها المرأة في الرجل أو لا تستطيع فهمها.. وسنقوم في هذا الحوار بتسليط الضوء على كل ما لا يعجبنا في الجنس الآخر بكل صراحة و موضوعية وبعيداً عن التعصب حتى نستمتع و نخرج منه بنتائج إيجابية. [ بداية الحوار ] سيقوم فريق(( آدم )) بطرح تساؤل عن أمر معين لا يعجبه في (( حواء)) وسيقوم فريق (( حواء )) بالرد وتبرير الموقف.. وبعد إعطاء الإجابات والمبررات الكافية يصبح فريق (( حواء )) في وضع الهجوم ويطرح سؤال على فريق (( آدم )) وهكذا يستمر الحوار... [ ملاحظة ] فريق أدم يتكون من "قصي وحبيب العمر " فريق حواء يتكون من "عشق الياسمين وملائكية" وأرجوا أن نكون مع الحق دائماً بعيداً عن الإنتماء و التحيز.. (( صافرة البداية )) أتمنى أن ينال الموضوع إعجابكم تقبلوا تحياتي |
اووه الموضوع ححلو للامانة وفعلا ساخن يلا بانتظار تساؤلاتكم |
حواء لما الكثير منكم يبالغ في أمر الزواج بأن هناك أكثر من عريس تقدم لخطبتكم منهم الدكتور ومنهم المهندس ومنهم رجل الأعمال لكنك رفضتي وفي النهاية نسمع بأنك تزوجتي من إبن عمك الي ما صارله يومين خارج من السجن بتهمة سرقة معدات المسجد المجاور لبيته ؟ |
هجوم كاسح يا باسل جابو اشوف ال تلبني دكتور ورفدته :125: |
ههههه راجعه بالاجابة بس بدي اغيب نص ساعة |
استعانه بصديق هههههههههههه |
:7: رح تابع بصمت ولربما بابتسامة عريضة يا ابناء حواء |
اقتباس:
فيني جاوب عن عشرة بس كان الجلي يستناني :74: |
اقتباس:
امام الاخرين يمكن يكون كلامها صحيح بس محجوزة لابن عمها مثل عادات وتقاليد بعض المجتمعات البنت لابن عمها |
اقتباس:
ومش بس بزعجك ي ادم بزعج حواء حتى برأيي هالشي مرض قلة ثقة بالنفس وغرور ولو تيجي للجد بكون ما متقدملها حدا من هالنوع ههههه بس هي بدها تشوف حالها قدام صحباتها مثلا او شي من هالشبيه وهالشي بيرجع للثقافة والتربية والبيئة الي حوليها ويمكن بينها وبين حالها بتتمنى لو اتقدملها هيك شب وبتطلع الي بتتمناه والي بتحلم فيه بهالطريقة يعني سبب نفسي |
المفروض تعلقوا ع ردودنا ي ادم ولا نعطي اسئلتنا |
هو مش تعليق الي لفت انتباهي موافقة حواء لهاي الحركات صحيح اي بنت بتحب تكون افضل من غيرها لكن ما تعيش باوهام واحلام وخيالات واسعه لا تسمن ولا تغني من جوع ليش ما تكون صادقه اول شي مع نفسها وعندها ثقه في شخصيتها ولا الشغله مرض مستعصي فيكم تسألو |
احنا مش موافقين مؤيد بس ما فينا ننكر ونقول انه هالشي مش موجود لحتى ندافع عن حواء واكيد قابلنا هيك نوعيات من البنات |
رح اسأل شي يمكن تلاقوه غريب ادم ليش الكتير منكم بكون مهمل في العناية بنفسه ما بعرف شو يعني اناقة ما بيلبس ولا بيتأنق بحجة انه الاناقة والترتيب هو للمرأة بس وبنفس الوقت بيطلب من زوجته انها دايما تكون انيقة لما بيرجع ع البيت ! |
منين جايبه هالاشاعه اليوم الرجال بلبسو وبتأنكجو اكتر من النسوان على العكس تماما بتشوفي الرجال احلا لبس واحلا قصات شعر واحلا عطر والمراه او الزوجه في بيتها مكسله وملتهيه بالشغل والولاد انا سمعت مره كلام عن ابن عباس عم الرسول صلى الله عليه وسلم بقول اني احب ان اتزين لزوجتي كما احب ان تتزين لي لكن ما بمنع احيانا رجال ما بهتمو بحالهم وهالشي بعتقد متساوي بين الرجل والمراه |
مؤيد في نوعية من الرجال بفكروا الحياة شغل بس بس يطلعوا يشتغلوا ويجيبوا مصاري لعيلتهم وبينسوا انه نفسهم الها حق عليهم وحتى زوجاتهم الهم حق عليهم بانه يشوفوهم باجمل مظهر لانه اناقة زوجها من اناقتها هي |
اقتباس:
كمان ما تنكري انه في نسوان ما بهتمو بمظهرهم ابدا وماخدين الامور ببساطه مع انه هالشي مطلب اساسي للرجل عشان ما تزيغ عينه على غيرها هلا عشان نكون صادقين الجهتين لازم يهتمو بحالهم لانها المغريات صارت كتيره وانفتاح المراه والرجل على العالم صار و بشوفو شغلات مش موجوده عندهم لهيك كل اسره لازم تعتني بنفسها من حيث المظهر والشكل والنظافه |
طبعا الهدف من الحوار مش التصادم لازم نشوف وين الاخطاء والخلل ونعالجها اكيد مش فايتين بحرب هون شوي وبسال سؤالي |
اكيد معك ١٠٠% |
بانتظار رأي قصي |
رح احكي عن الزوجه اللصيقه الي بتلازم زوجها وبتخنقه خنق وبترافقه اكتر من ظله بتضل طول انهار شغاله عالخط تحكي معه وين انت وشو بتعمل حكيت مع حدا شفت بنات المهم تشعره انها متابعته بسبب وبدون سبب بتحبني ولا بتكرهني اكيد بتكرهني ما انت طول النهار مع البنات في الشغل هاي التصرفات بتتعب الرجل نفسيا وبتحسسه انه عايش بسجن وانه دايما تحت الشك لدرجه انه ممكن يمل منها وما يحب يقعد معها او حتى يجادلها او يفتح موضوع معها يا بنت الناس لازم تعرفي انه الرجل بطبعه بحتاج لبعض الراحه والخصوصيه ما تكوني ملحه اكتر من اللازم شو رأي حواء بهادا الاتهام |
اوكك خليني اشوف رأي قصي بقضيتي بعدها برجع بعلق ع سؤالك مشان نخلص من موضوع موضوع |
اوكي :51: |
اقتباس:
بصراحة مطلقة وبدون تحيز لجنسي انا أرى ان أدم أكثر إهتمام وأكثر أناقة وأكثر زينة من حواء ويسبقها بمراحل كثيرة قي المقابل أرى أن الكثير من النساء والقيتات يهتمون بزينتهم خارج بيوتهم ويبدون زينتهم قي الشارع والأماكن المختلطة كي يلقتوا الإنتباه يعني على قولة صاحبي وبلا اي زعل برا البيت بتلاقيها عروسة وجوا البيت جاموسة برا البيت بتكون بكامل زينتها والعطر والبرقان بتشميه من أخر شارع وجوا البيت ملابسها ممتلئة برائحة الطبيخ ولكن لا يمنع ذلك ان هناك شباب لا يهتمون بمظهرهم ولا بعتنون بزينتهم وليس لديهم الوقت الكاقي لذلك ولا أخقيكي سراً ان حواء قد تكون جزء من المشكلة خاصة لو كان متزوج لاسيما عندما تٌلح عليه بكثرة الطلبات وتكون زوجة متطلبة وتٌريد الحصول على كل شيء لذلك نرى الشاب منهمك قي عمله ويقضى جل وقته قي العمل وأحيانا يعمل بأكثر من عمل كي يوقر لزوجته متطلباتها الكثيرة ويلبي احتياجاتها وكي لا تشعر بالنقص لديها خاصة ان جارتها سوسن تعيش حياة الملوك ويوقر لها زوجها كل شيء وهي ترى انها لا تقل عنها ولا يروق لها او يشبع غرورها سوى ان يعمل زوجها ليل نهار ويشق الصخر كي يأتي لها بالأموال لتذهب بعدها ساعة واحدة الى السوق وتٌضيع تعب شهر كامل لزوجها من خلال شرائها لما يجعلها تتباهي قيه أمام جيرانها اخيراً هناك نوع من حواء لم يتعود على الإهتمام ولا يهمه المظهر بقدر ما يهمه الطعام والشراب والسبب يعود لحواء لأنها هي الأساس قهي المربية وهي الموجهه وهي المسؤلة على تربية أبنائها ^ ^ |
محلاكو لهلأ ما في اصابات بالموضوع متفقين لسة |
اوكك انت حطيت الحق ع حواء بحترم رأيك |
فكركم بتطلعو معه راس شريكي بالمعركه متشبع ومتمرس وجاهز للحرب حتى الرمق الاخير انا ما عندي روح اكتب متلك باسل انا بكتفي بالمختصر المفيد |
مؤيد بتعرف شو قصي بالذات مقتنع بالشي الي بحكيه لهيك صعب تناقشه بشي ههههههه |
لا تعليق ع اجابتكم اجابات صريحة ومقنعةة |
اقتباس:
المسألة مش مسألة مقتنع او متعنت برائيي انا ارى الكثير من الشباب أكثر زينة وأكثر إهتمام ويستهويهم كل ما هو جديد بالأسواق هاي حقيقة ولا اتحدث هنا عن شيء مبالغ به لأن الأمر محسوم ولا يمكن إنكار ذلك وحتى يكون هناك برهان صوروا لنا ما تحتويه خزائنكم من ملابس وعطور وسأقوم بتصوير جانب واحد من خزانتي لتشاهدي القروق وتعرقي من يهتم أكثر انا كل لبسى عندي الها ساعة وبوت ^ ^ اما حواء اظن انه الشيلة السودة بتلبق على كل شيء وجزمتها ام كعب عالي بتنقع لكل المناسبات :64: |
اقتباس:
هو قصي من النوع الهجومي خاصه بما يتعلق بحواء يمكن ما اتفق معه بحالات كتيره مش هروب ولا تملق ولا تلطيف جو او انحياز او تقرب انا ما بحب ادخل حوار الا واحكي الي بعرفه او بواجهه او بسمع فيه ما عندي حكم مسبق لكل شي لهيك قبلت الانضمام للمعركه الوهميه على اساس نشوف وين في خلل ونعالجه سواء عند الرجل ام المرأه |
اقتباس:
ي مؤيد هي ليش بتلجأ لهيك اشياء اكيد شايفة تقصير من ادم قلة اهتمام منه حواء اكتر شي بتقدره من ادم الاهتمام فيها يهتم بادق تفاصيلها اكيد عندها نقص من شي معين ما عم بتشوفه من ادم لهيك عم بتعوضه بهيك اسئلة لحتى تحس باهتمامه بغض النظر عن انه ادم بتدايق من هيك امور المفروض يراعي هي شو بتحتاج بس مع الاسف ادم ما عنده ابدا هالصفة المهم عنده نفسه وممكن من ناحية تانية ادم عنده تصرفات مراهقة احيانا وبتسأله هالنوع من الاسئلة لانها شاكه فيه متل م حكيت لانه عينه زااايغة كل وحدة ادرى بادم الي عندها ههههه |
اقتباس:
ناقشيه التاني ولا كلامو خلص خليه متمسك برايه كل واحد حر بالاخر هاي وجهات نظر معلش حبيت ادخل شوي تعطونيش انزار ماشي |
اقتباس:
انت هيك شايف معقول !!! والاتهام الي منكم الي بقول انه حواء بتعشق التسوق وبتشتري من كل قطعة تنتين وتلاتة مش ضروري تلبسها المهم تحطها بالخزانة وين راحوا هدول صدمتني والله ههههههههه |
اقتباس:
|
ما اقتنعت باجابتك هههههههههه بدي حدا يقنعني اكتر بعدين كشري وانتي بتجاوبي عشان نخاف ونعملك حساب تعلمي من قصي الهجوم :36: |
اقتباس:
هدول النسوان بكونن مش واثقة بزوجها او غيورة كثيرا او فاضية صحيح الاهتمام حلو كثير بحس الزوج انو زوجته مهتمة فيه كثير بس مش هيك بكون الاهتمام والحرص |
اروح انام انا احسن سلامووووو بكره بجيب معي قطن ويود عشان الاصابات هههههههههه |
هههههه لا ما بقدر اكشر اقتنعت ولا لا هاد جوابي 34yh استنى ملائكية تقنعك |
المجال لسؤالك ملائكية |
| الساعة الآن 11:28 PM |
Powered by vBulletin® Version 3.8.7
Copyright ©2000 - 2025, vBulletin Solutions, Inc.
Search Engine Optimization by vBSEO ©2011, Crawlability, Inc.
HêĽм √ 3.1 BY: ! ωαнαм ! © 2010
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.