|
تدخل الاهل في اختيار شريك الحياه !! السلام عليكم ورحمة الله وبركاته يدعي الاهل أن تدخلهم في شريك الحياه هو حرص منهم على الأبن او الأبنه وليس لهما مصلحه غير ذلك فما رأي أل منتدى بنات فلسطين ؟ تقول الأم لأبنتها ( هذا الرجل لا يناسبك ) ليس له مستواكِ الفكري و المادي و الأجتماعي وهنا تتحدث الأم عن نفسها وليس أبنتها فلا شعورها يقول هذا الرجل لا يجب أن يكون زوجاً لأبنتي لأن مستواه الأجتماعي ادنى من مستواي وسيتكلم الناس عني وسأصبح مثار سخريه بين العائلات الغنيه .!! يقول الأب لأبنه ( أنت تستحق أفضل من هذه الفتاه ) هذه العباره تبدو ظاهريا كأنها مديح بالأبن و أجلال لمكانته لكن لا شعور الأب يقول : يا مغفل أنت عاجز أن تأتي بفتاة افضل من التي قررت أن تتزوجها . عليك أن تجد واحده اخرى . نتيجة هذا التدخل هو ضياع العديد من الفرص و أيمان الأبن و الأبنه أنهم لا يستطيعون أيجاد شريك مناسب و بالتالي الفشل في الزواج و من بعد ذلك يقوم الأبن و الأبنه بأصلاح الخطأ الأول بخطأ ثاني هو الأقتناع والرضى بالزواج بأي شخص يصادفونه كي لا تتكرر معهم التجارب السابقه !! فما رأيكم ..!!؟ أنتظر نقاشاً واسعاً ..Alaa.. |
موضوع كتير حساس.حابة أشارك فيه لاني مريت بتجربتين قاسيات المرة الأولى كانت لما اتقدملي قريب لالي كان فيه اعجاب من الطرفين.وام الشب فعلا طلبتني من ماما وبدون ما اعرف...وبدون ما حد يوخد رايي.تم الرفض بحجة انو(مو مكمل تعليمه) اطلعي عبنات عمك وخالك؟؟؟مين فيهم اخدت واحد مو متعلم؟؟شو يحكوا علينا الناس؟؟؟ هاد هو سبب الرفض الخوف من كلام الناس المرة الثانية.كان عمري 28 سنة.تقدملي شب(زواج تقليدي) يومها وافقت.ورجع الشب حكى مع امي.ليحددوا موعد.اللي صار انو انا (اللي المفروض يكون الي الراي الأول والأخير بهيك موضوع) ما اتاخد رايي بكل الموضوع.وفوق هاد.ماما حكت للشب انو صلت استخارة البنت وما ارتاحت ولو تعرف شو السبب؟؟؟الشكل الخارجي للشب ما عجبها تسلط مر عانيت منه بهالموضوع بس ما قدرت احرك ساكن لا بالمرة الأولى او التانية الاهل بشوفوا أولادهم وبناتهم احلسن الناس شو يعني شب مو مكمل تعليمه.في كتير ناس فرضت عليهم ظروفهم .بس هالشي ما منع نجاحهم بمجالات تانية وين المشكل اذا الشب مظهره الخارجي مو حلو اخر همي المظهر االخارجي.بكفيني الاخلاق ويكون مقتدر ماليا وهي شو النتيجة عمري 30 سنة وفاتني قطار الزواج...بفكروا رح يجي انسان كامل على أساس بنتهم انا كاملة وما فيي عيوب الكمال لله وحده الطمع اله عواقب وخيمة بدهم كل شي يكون مجمع بانسان واحد فشي تنازلات اقصى شي قدرت اعمله اني انعزلت عن اهلي فترة أسبوع بدون ما حاكيهم بدي احكي انو الاهل عالعين والراس وجميلهم عراسي من فوق بس دايما بحكيها.يا ريت ما يتدخلوا بالقرارات المصيرية لابناءهم متل الزواج والدراسة ويا ريت يتعاملوا بحكمة بهالامور...ويسمعوا لاراء ابناءهم ورغباتهم ووجهة نظرهم لاني ممكن هالشي يأدي لخسارة أولادهم |
موضوع كتير كتير كتير مهم الي رجعة وعندي حكي كتير |
في خاطرة دايما بكتبها عاول صفحة بدفاتري. اخترتلها عنوان(العقل التائه بين الاهل والحبيب) اصعب القرارات في حياة الانسان ان يتخلى عن اجمل ما يملك من اجل استمرار دورة الأيام ان يتخلى عن الحلم الأول.والحب الأول..وقراره الأول وان يعيش الحياة كما يريدها له االاخرون ان بعيشها...لا كما يريد هو... اسفة عالاطالة بدي احكي انو حقنا ندافع عن حلمنا بهالحياة.عن حبنا ما دامه حلال ...والمقصد منه الزواج انا كنت جبانة وندمانة لاني ما قدرت حرك ساكن نصيحتي لكل حدا حارب لتحقق حلمك..اسعى اله...أطرق كل الأبواب.ما تخلي شي يوقف بطريقك وادعي.الدعاء من اهم الأشياء لانو طعم الندم مر وبشع بعتذر منك اخ علاء عالاطالة ولاني سمحت لحالي علق مرتين بس موضوعك فتح جراح قديمة يعطيك الف عاافية تقديري واحترامي |
صبآاحكك خير علآاء ب البداية شكرا ل هيكك نقاش واقعي ومهم جدا جدا ... هلأ بالنسبةة الي كلآام الأهل ونظرتهم مش دايما صح ولا هما دايما على حق ، هما أهلنا على العين والرأس بس أحيانا تفكيرهم بكون غلط للأسف وهالشي بيجي ع رأسنا ، هلأ الجيل اليوم واعي وأبن العشرين قادر يفهم شو بده صح هما الهم نظرة للأمور غيرنا ، لكن أحيانا بتصيب واحيانا لا ، وغير هيك بعقدوا الأمور تعقيد غير شكل ، نسيوا ان الشخص ينكح لأخلاقه ودينه قبل جماله وماله ، صح الرسول حكى تنكح المرأة لمالها وحسبها وجمالها ودينها لكن بالاخر حكى أظفروا بذات الدين ، ونفس الشي للشب طالما اجى لبنتك شب خلوق متدين ليش تحكي لا !؟ صح المال مهم بالدنيا بس مش كل شي وطالما الشب بعرف الله ومتدين فربنا راح يرزقه ، غير هيك ليش م بنحترم رغبات ولادنا ، ليش لما يجي للبنت شب الكل بعرف وبقرر الا هي ، وليش الشب لو حكى لاهله بدي هاي البنت بتصير حرب !! افكار للأسف غبيةةة جدا .... غير هيك بدي قلك ع المستوى الشخصي الي ... عيلتي معقدةةةةة لأبعد درجة يعني مستحيل تعطي مهاجر او فلاح او بدو او حتى غزاوي مش من عيلة منيحة بنظرها ... صدقني ي علاء لو مخهم منيح كان انا عندي اربع ولاد لانو من توجيهي وانا بتقدم الي ناس . .. بس مخ اهلي مسكر وجدا .. باخر فترة قعدت مع امي حكيت الها ي امي هيك بزبطش طالما الشب متدين خلوق شو بدكو اكتر من هيك لا اروح اتجوز واحد معه مال وما بعرف الله ولا يحترمني امي الحمد لله مخها متلي بس المشكلة ب بابا وامي حكت الي لو اجى ابن الحلال بقنعه بس بعد شو !؟ يمكن رفضوا عشرة غير انا كمان رفضت ناس ل سبب معين. .. برجع وبحكي كلمة للأهل حرام عليكو بناتكو لما يجي شب ل بنتك تخيل انه ابنك وما تحمله فوق طاقته خاصة عنا بغزة الشباب وضعهم ع الله شكرا علاء |
هم بفكرو انه لمصلحة البنت ازا اجتك فرصة لا تفوتيها والفرص قليلة لهيك بقدرو يأثرو عليها لحتى تقتنع من برة طبعا بتلاقيها م بدها بس كلامهم بخليهم يقبلو هو اكيد الاهل ما بدهم يرمو بناتهم رمية هيك وبدهم يجوزوهم احلى جيزة بس فكرو براي ولادكو اول شي بعدين احكو انتو رايكو الزواج مش طاير والشب هو اللي رح يتزوج بنتكو مش انتو اللي حتتزوجوه يعني مو انتو اللي حتعيشو معو بنتكو اللي حتقضي حياتها معه مو انتو |
موضوع كتير حلوو علاء ويستحق النقاش كون مجتمعنا شرقي ذكوري بالدرجة الاولى حواء فيه مهمشة وتابعة دائما ^^ انا اكيدة وبدون اي شك ان الاهل دائما بفكرو بمصلحة ابنائهم وخصوصا البنات لانو برايهم " هم البنات للممات " فبتلائيهم ع طول ماخدين دور البودي جارد من جهةة والمسؤؤل من جهةة واصحاب القرار وبدهم الانسان او الانسانة الكامله لبنتهم او ابنهم متعلم / مبسوط / وسيم / عندو بيت / ويا ريت ما عندو اهل ههه ناسيبن او متجاهلين ارادة البنت ومشاعرها وكانها لعبه او حجر شطرنج بحركوه متل ما بدهم بس كمان برأيي هالشي كتير قل و تدخل الاهل صار محصور بابداء ارائهم كون البنات اليوم اوعى وكون سن الزواج ارتفع وكمان نظرا لظروفنا الصعبه الي فرضت عليهم بقبول شريكك لبناتهم اقل من طموحهم الي بتمنوه لبنتهم وبالنهايه للبنت او حتى للشاب الي بتزوج لمجرد انو اهلو بدهم هاد وما بدهم هاد انت / انتي المسؤؤله وبدك تتحمل نتيجة قبولك للامر الواقع لانو قرارك كان تضعف وما تحكي رايك يسلمو علاء للطرح تحياتي لالكك |
صباحكم ورد وبنقاء اغنيه فيروزيه سأعود لقراءة ارائكم والنقاش في هذا الموضوع بشكل أوسع بعد انتهاء عملي والعوده إلى المنزل انرتم جميعاً |
انا مع الاهل بكل شي يختاره لاابنائهم وخصوصا اذا اختارو عريس لبنتهم اذا كان فيه جميع الموصفات كـ زوج صالح يعطيك العافيه |
ضد انه الأهل يفرضوا ع أبنآئهم اختيآر شريك حيآتهم هآي حيآة وعشرة عمر أنا اللي بدي أعيشهآ من أهلي وبنفس الوقت ضد انه أفرض رأيي ع أهلي يعني لآزم يكون توافق ورضآ من كلا الطرفين وبالتفآهم والاقنآع كل شي بجي بس أحياناً الظروف أو الأوضآع اللي نوجدنا فيهآ بتفرص علينآ هيك شي :( :( ووقتها ماباليد حيلة الا ندعي ربنآ اللي فيه الخير يجيبه مشكور ع نقآشك علآء فلسطين وردي |
| الساعة الآن 05:04 AM |
Powered by vBulletin® Version 3.8.7
Copyright ©2000 - 2025, vBulletin Solutions, Inc.
Search Engine Optimization by vBSEO ©2011, Crawlability, Inc.
HêĽм √ 3.1 BY: ! ωαнαм ! © 2010
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.