|
ضيفي التالت رح يكون مؤمن |
" ماذا لو قالولك اشتغل بمجال البناء تحت الشمس وتعب وارهاق حتوافق تكون بمحله ولا حتدور على شغل تاني ؟؟؟ لاء هشوف شغل تاني "ماذا لو كنت مقدم برامج بقناة فضائية شو البرناج اللي حابب تعمله؟؟؟ صباح الخير يا فلسطين " ماذا لو حكولك احذف مادة من مواد التعليم وضيف مادة جديدة شو حتكون ؟؟؟ بحذف الرياضيات ما هضيف شي "ماذا لو شفت شحادة بالطريق او بشي مكان هل انك بتعطيه او بتضلك ماشي ؟؟؟ اكيد بعطيها "ماذا لو كان عندك مصاري كتير شو رح تعمل فيهم بتضل تصرف منهم وتعيش حياتك ولا بتخبي منهموبتعمل شي مشروع تستفيد منه؟؟؟ بفتح مشروع لاستفيد منو "ماذا لو تقدمت لخطبة بنت وكان شرطها تعيش* لوحدها وانت ما بتملك بيت وحتعيش ببيت اهلك حتوافق عالشرط ولا وقتها بتستاجر شي دار ؟؟؟ هذا الاشي حقها انها تعيش ببيت ولو ما بملك فالافضل اني ما أقدم علي الزواج الا لمن اجهز بيت "ماذا لو اتصلو عليك اهلك وحكولك انو حد من العيلة توفى من غير شر وانت كنت طالع بسفر بعيد هل بتقطع سفرك ولا بترجع بوقتك ؟؟ بقطع سفري اكيد وبرجع "ماذا لو كنت بسيارتك بساعة متأخرة بالليل وشفت ناس مقطوعة بالطريق وم في سيارات توصلهم هل بتركبهم معك وانت ما بتعرف عنهم شي ولا بتضل ماشي بالسيارة ؟؟ اكيد بوصلهم لوين مابدهم "ماذا لو خبروك بانك ربحت جائزة وهي سفرة لاحدى الدول وحكولك حتاخد شخص واحد بس مين حتاخد بالزبط ؟؟ اكثر حدا برتاح معو باخذو "ماذا لو كنت عم تسوق سيارتك وفجأة طلعتلك قطة ودعستها وماتت بتنزل بتشوفها ولا بتكمل سواقتك ؟؟ لا اكيد بقف وبنزل اشوفها شكراً اخت ملاك علي استضافتي اسئله جميلة ورائعه كل الشكر لالك |
اجابات مختصرة وجميلة مؤمن شكرا كتير الك |
ضيفي الرابع هو القيصر سامر |
" ماذا لو قالولك اشتغل بمجال البناء تحت الشمس وتعب وارهاق حتوافق تكون بمحله ولا حتدور على شغل تاني ؟؟؟ بشتغل عادي أهم شي الرجل ما يمد إيدو لحد لانو بهاي النقطة بالذات يسمى رجل فاشل وأصلاً إشتغلت زمان في بيتي القديم انا بنيت فيه ودهنت فيه "ماذا لو كنت مقدم برامج بقناة فضائية شو البرناج اللي حابب تعمله؟؟؟ انا بطبعي ما بشوف تلفزيون بشكل عام لهيك ما بعرف أسماء برامج لكن إن وجد برنامج بيختص بالحديث عن الطلاق والعنف الأسري وهالأمور أكيد راح قدمه " ماذا لو حكولك احذف مادة من مواد التعليم وضيف مادة جديدة شو حتكون ؟؟؟ مافيه شي محدد أصلاً نسيتها للدراسة ههه "ماذا لو شفت شحادة بالطريق او بشي مكان هل انك بتعطيه او بتضلك ماشي ؟؟؟ اأكيد بعطيها وإن إتأثرت فيها ممكن أتابعها وأزورها وأخصصلها راتب كمان إن كانت ما بتقدر عالعمل وإن كانت بيقدر بشوفلها شي شغلة تناسبها "ماذا لو كان عندك مصاري كتير شو رح تعمل فيهم بتضل تصرف منهم وتعيش حياتك ولا بتخبي منهموبتعمل شي مشروع تستفيد منه؟؟؟ شوفي ملاك أنا هيك عامل حالياً كنت بشتغل بالمنظمة العالمية الـــ un وتركتها من فترة صغيرة ومو محتاج المادة أبداً لكن ناوي أعمل مشروع إستيراد قطع صيانة الموبايل من الصين وكوريا ويمكن الفترة الجاية أطلع وما بحكي غير يارب "ماذا لو تقدمت لخطبة بنت وكان شرطها تعيش* لوحدها وانت ما بتملك بيت وحتعيش ببيت اهلك حتوافق عالشرط ولا وقتها بتستاجر شي دار ؟؟؟ بهالنقطة أنا بعيد عنها وما بتخصني أبداً لاني الحمد لله عايش لحالي لكن بما انو السؤال ماذا لو..؟ أكيد بستأجر وإيدي بإيدها بنشتري بيت وبعدين ملاك أي زوجة تأكدي تماماً وعن تجارب ناس بعرفها إن ما كان عش الزوجية مستقل بيخرب كل شي ومن حق الأنثى تكون ملكة بمملكتها "ماذا لو اتصلو عليك اهلك وحكولك انو حد من العيلة توفى من غير شر وانت كنت طالع بسفر بعيد هل بتقطع سفرك ولا بترجع بوقتك ؟؟ بقطع كل شي بترك وراي كل شي ممكن تتخيليه وبرجع عطول "ماذا لو كنت بسيارتك بساعة متأخرة بالليل وشفت ناس مقطوعة بالطريق وم في سيارات توصلهم هل بتركبهم معك وانت ما بتعرف عنهم شي ولا بتضل ماشي بالسيارة ؟؟ أكيد بوصلهم وما بتركهم لكن على حسب المكان الي لقيتهم فيه لأنو في منطقة بعرفها في ناس بتعمل حالها مقطوعة لحتى يسلبو الشخص ممتلكاته يعني طريقة من طرق قطاع الطرق "ماذا لو خبروك بانك ربحت جائزة وهي سفرة لاحدى الدول وحكولك حتاخد شخص واحد بس مين حتاخد بالزبط ؟؟ باخد أكتر صديق برتاح معو "ماذا لو كنت عم تسوق سيارتك وفجأة طلعتلك قطة ودعستها وماتت بتنزل بتشوفها ولا بتكمل سواقتك ؟؟ ههه شو هالسؤال ملاك عالعموم بمرة دعست وحده صغيرة يا حرام طبعاً بالغلط والله وانزلت وفكيت بطانة الكرسي ولفيتها فيها وحطيتها عجمب الطريق ودفعت كفارتها لانو بتستحق الكفارة عالمسلم هون ملاك أسئلة حلوة وأبطال قناة كراميش بمرة شفتهم بالسيتي مول كانو عاملين مهرجان بجننو هالأطفال الي فيه إستمتعت بالإجابة يعطيكِ ربي العافية وينولك إلي ببالك يارب تحياتي إلك سامر |
واخيرا فتحت الصفحة من الصبح وانا عم حاول النت صعب بهالجو اي يا عم طالع لصاحبك مؤيد حنون عالقطط اي شايف والله ولادي عم يخلوني احضر قنوات الاطفال وحفظتهم بصم اجابات حلوة سامر اتعودنا على صراحتك شكرا الك |
موضوع مميز جدا والاسئلة كتير حلوة ومميزة استضافات اكتر من رائعة ل هل كان حبا حبيب العمر القيصر سامر مؤمن تقييمي البسيط عزيزتي (الملاك البريء) وبانتظار باقي ضيوفك وبانتظار الموضوع الخاص فينا بانتظارك |
تسلمي غاردينيا بيسعدني يكون موضوعي مميز بالنسبة الك شكرا كتير |
رح يكون ضيفي المرة كماني المزاج |
اقتباس:
:136: |
| الساعة الآن 07:37 AM |
Powered by vBulletin® Version 3.8.7
Copyright ©2000 - 2025, vBulletin Solutions, Inc.
Search Engine Optimization by vBSEO ©2011, Crawlability, Inc.
HêĽм √ 3.1 BY: ! ωαнαм ! © 2010
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.