منتديات بنات فلسطين

بصراحة العنوان اخدته من قناة الاطفال كراميش
شفت البرنامج وحبيت اعمل فكرته هون
هو عبارة عن كم سؤال بماذا لو

حتكون كمشة اسئلة للشباب واستضيف كل مرة عضو لحتى يجاوب
وكمان اسئلة للصبايا رح تختلف شوية عن اسئلة الشباب
لطشت من البرنامج كم سؤال وجبت من عندي كم سؤال
رح ابلش بالشباب
واسئلة الصبايا حتكون بموضوع لحال
بتمنى الفكرة تعجبكم
عشرة اسئلة بانتظاركم

" ماذا لو قالولك اشتغل بمجال البناء تحت الشمس وتعب وارهاق حتوافق تكون بمحله ولا حتدور على شغل تاني ؟؟؟

"ماذا لو كنت مقدم برامج بقناة فضائية شو البرناج اللي حابب تعمله؟؟؟

" ماذا لو حكولك احذف مادة من مواد التعليم وضيف مادة جديدة شو حتكون ؟؟؟

"ماذا لو شفت شحادة بالطريق او بشي مكان هل انك بتعطيه او بتضلك ماشي ؟؟؟

"ماذا لو كان عندك مصاري كتير شو رح تعمل فيهم بتضل تصرف منهم وتعيش حياتك ولا بتخبي منهموبتعمل شي مشروع تستفيد منه؟؟؟

"ماذا لو تقدمت لخطبة بنت وكان شرطها تعيش* لوحدها وانت ما بتملك بيت وحتعيش ببيت اهلك حتوافق عالشرط ولا وقتها بتستاجر شي دار ؟؟؟

"ماذا لو اتصلو عليك اهلك وحكولك انو حد من العيلة توفى من غير شر وانت كنت طالع بسفر بعيد هل بتقطع سفرك ولا بترجع بوقتك ؟؟

"ماذا لو كنت بسيارتك بساعة متأخرة بالليل وشفت ناس مقطوعة بالطريق وم في سيارات توصلهم هل بتركبهم معك وانت ما بتعرف عنهم شي ولا بتضل ماشي بالسيارة ؟؟

"ماذا لو خبروك بانك ربحت جائزة وهي سفرة لاحدى الدول
وحكولك حتاخد شخص واحد بس مين حتاخد بالزبط ؟؟

"ماذا لو كنت عم تسوق سيارتك
وفجأة طلعتلك قطة ودعستها وماتت
بتنزل بتشوفها ولا بتكمل سواقتك ؟؟

وبس

رح يكون ضيفي الاول هل كان حبا"

بتمنى الاسئلة تكون خفيفة

تحياتي للجميع