|
مشاركة في اجمل موضوع للنقاش .... لماذا يافتياتنا .... اخوتي واخواتي الفاضلات لااعرف كيف ابدا الكلام واقول لكم ما الذي رايته بام عيني طالبة مدرسة كانت تمشي بشكل عادي وما لفت نظري انها لاترتدي الحجاب ... بعد وقت وجيز رايتها تفتح الحقيبة وتاخذ حجابها من الحقيبة وتلبسه .. كم ذهلت عندما رايت هذا المنظر وتاسفت كثيرا على فتاة بعمر الزهور تفعل مثل هذا الامر اردت التقرب منها والحديث معها ولكن المسافة بعيدة .. لم يتسنى لي التكلم معها ونصحها وعندنا في الجامعة الامر كذلك ... كم اقول وكم انصح ولااياس البعض يتقبل الكلام والبعض الاخر يسمعك كلاما يجرحك في الصميم لاحول ولاقوةالابالله .. اغار على بناتنا كثيرا وما يفعلنه من امور لا تنفع في شيئ اسال الله لهم الهداية اطلت عليكم في حديثي ولكن احببت مشاركتكم ما المسه في حياتنا اليومية اسال نفسي ما السبب هل الاهل لا ينتبهون لمثل هذه الامور هل الحياة المعاصرة وما يتبعها من تطور تكنولوجي له الاثر في ذلك ام الابتعاد عن ديننا الاسلامي وتعاليمه هل وهل وهل بدي ردودكم بهالموضوع عشان نفيد ونستفيد دمتم برعاية الرحمن |
" انك ﻻ تهدي من أحببت .. ولكن الله يهدي من يشاء " راح احكي رأيي بصراحة بهيك موضوع وأعلم انو كتار راح ينتقدوني ولكنه يبقى رأيي الحجاب فريضة هاد شي مفروغ منو وأمر ﻻ نقاش فيه ولكن الحجاب ﻻزم يكون عن اقتناع ومو بس لمجرد انو فريضة ! كتار بصلو منهم من يخشع بصلاتو ومنهم مين بفكر بميشال اوباما بصلاتو مع انهم التنين عم يؤدو نفس الصلاه !! يبئى انو اي شي ﻻزم نعملو ﻻزم يكون نابع من جواتنا اولا لحتى نخلص ونعملو بأكمل وجه هون بيجي دور الاهل : اول ما البنت يصير عمرها 10 سنين ركاض بيجيبولها هالمنديل ويلا اتحجبي !! الموضوع منو هيك ي جماعه اتدرجو معها بالموضوع بلشو بالنصيحة وبالترغيب وما تستعملو الترهيب وخاصة بهيك امور ومو ضروري تتحجب وهي عمرها 10 / 14 شوي شوي هي راح تقتنع وتلبس لحالها و ما راح يكون غش بالموضوع كمان للمدرسه دور وللجامعات بهدف التوعيه والترغيب لما ربنا نهى عن الخمر سبحانه ما حكى من اولها وحرم عليكم الخمر حكى وﻻ تقربو الصلاه وانتم سكارى صح ؟؟؟ وربنا اعطانا اسلوب للنقاش والاقناع بس احنا بدنا الامر كن فيكون وهاي النتيجة بلبسو المنديل بالبيت وبيشلحوه بالشارع !! رايي وفقط كل الاحترام لموضوع نقاشك اميرة ارق التحايا |
كل التحية الك ع الموضوع اكيد خيتو ملك لا اكراه في الدين بس بهالايام وهالزمن الي احنا فيه النقاش ما بجيب نتيجة اكيد كمان من واجب الاهل انو حتى لو كان بالغصب بس همي لو يغرسو قيم الدين في عقول ولادهم من همي صغار ما كان صار هيك ابدا ونحنا هالايام كتيييييير ابتعدا عن دينا وعن اسلامنا الى هو يسر ومش عسر بس شو بنا نحكي لما الاهل يخلو ولادهم ع راحتهم وبعدين بصير بدهم اياهم يسمعو كلامهم مهمي لو بالبداية علمو ولادهم ما كان صار هيك وعلى قولة المثل ابنك على ما تربيه عوافي ع ئلبك ودي |
مداخلة طيبة وقيمة اختي اسمى صحيح الي حكيتي خصوصا في تعاملنا مع البنات انو تيجي مرة وحدة تلبسيها حجاب اكيد راح تشوفو صعب وهون بيجي دور الاهل انهم يهيئو بناتهم لهاد الشي ويضلو يسمعوهم دروس وقصص تحببهم في الحجاب تلعب الام لعبة مع بنتها لعبة الحجاب وتمثل الها كيف الوحدة بتكون جميلة بحجابها وانو احنا مسلمين وهيك علمنا دينا تبلش معها من سن صغيرة حتى يرسخ في عقلها .. اكيد في معاناة احيانا للبس الحجاب من بعض البنات بس الاهل ما ييأسوا ويحاولو بطريقة اسلامية لبِقة يحببو الحجاب لالها اسمى كلمات قليلة بس شملت معاني كتيرة كل الاحترام الك غاليتي |
حبيبتي عسوله ما في شي اسمو بالغصب لو البنت اتحجبت باقتناع ومو غصب كان ما شلحتو بالشارع مو ؟؟ انا حكيت الاهل يقنعو بناتهم ويبلشو وهم زغار معهم باسلوب التدرج والاقناع وخاصة بوئتنا هاد كل المغريات متوفرة بس هالجيل وغصب !! مستحيل تزبط سدئيني |
اكيد ياعسولة كلامك لما الاهل ما يزرعو في اولادهم القيم والاخلاق والتربية الصحيحة الي بدهم اياها من صغر المعاناة بتيجي لمايكبروا .. الاهل بحكو لاولادهم بدنا اياكم تكونو هيك وهيك وليش مش متل فلان وابن فلان وهيك النظرة للحجاب .. لما الاهل يغرسو في بناتهم قيمة الاحجاب والحفاظ عليه من صغر ما بتغلبو معهن على كبر كل التحية لمداخلتك القيمة عسولة |
الاهل الهم دور كبير زي ماحكيتي اسومة حتى مع توفرمغريات العصر وحتى الصحبة لو البنت تربت صح من صغر ما بتتغلب على كبر وبتلبس الحجاب وبتحافظ عليه لو وين ما كانت اعذب التحايا لتفاعلكن |
اكيد ملك بس هاد الزمن بحتاج من الاهل انهم يشدو ع ولادهم لانو اذا ما عملو هيك والله بضيعووو |
برأيي السبب من الأسآس الأهل ! اول شي عناآ المعظم عآيش حآفظ مش فآهم يعني اناآ كيف بشوف امي و خوآتي الكبآر بيعملوو بعمل متلهم نحناآ عآيشين على التقليد بشوف ابوي بصلي بصلي بشوفو بيقرأ قرآن بقرأ متلوو بشوفو بيسهر لآخر الليل و عآيش على الأغآني و مع الشبآب بعمل متلوو نحناآ نآس مسلمين و المفروض انوو من صغرنآ نتأسس على احكآم الشرع و الدين اللي من ضمنهم >> الحجآب وقت نكبر و نحنآ فآهمين هالشي فآهمين ايش عوآقب ترك الحجآب و ايش ميزآت الحجآب مش رح نغلب الأهل بالإقتنآع بالعكس ممكن نطلبوو نحناآ عندي وحدة قريبة كآنت تعمل متل اللي ذكرتيه لكن بالعكس تآخد الحجآب بدون علم اهلهاآ و بس تبعد شوي عن البيت تحطو و وقت ترجع تشيلوو قريب من البيت >>> لأنوو عمرهاآ 7 سنوآت و امهاآ ما كآنت ترضى تلبس الحجآب بعمر صغير و بالعكس نحناآ بهالزمن كونو زمن التطور بطل في جهل صآر الولد او البنت من صغرهم يعرفوو كل شي بعرفوو الحلاآل و الحرآم .. بهآي الحآلة اللي ذكرتيهاآ ممكن الأم او الأب او اي حد يقعدوو مع البنت و يحكوو معهاآ و تقتنع البنت بالحجآب لأنوو البنت بهآي الحآلة بتعمل هيك مش عشآن مش مقتنعة او صعب اقتنآعهاآ هآي بتعمل هيك خوف من الأهل بطريقة سهلة ممكن تقتنع وقت تفهم انوو الخوف اللي لآزم تخآفوو يكون من ربناآ مش من الأهل تحيآتي |
طبعـآإ أولشي هآد شآإن هيه مآ بتكون مقتنعه 100 % بـ الحجآب و هآد مو سبب لتعمل هيك طبعـآإ شآن شوهت سمعة المحجبآت المحآفظآت ') و طبعآإ هيه مو جآهلةة و بتكون عآرفه إنو حرآم هآد الشي بس إيمآنهآ ضعيف ؟ ') و ممكن مآ يكون زنبهآإ إنو نولدت بـ بيئة عندهم الحجآب بس عآإده مو عبآإده ؟ ') نـآهه مو محجبه ؟ ') للآسف طبعـآإ بس تآكدي تمآمآ لو تحجبت مآ رح آعمل هيك شي شـآإن بكون نآهه يلي مقتنعه 100 % يعني لمآ ألبسو خوف من الله و دين كمآإن ☺ ') الله يهدي ككل البنآإت شآإن كتير بشوف هيك شغلآت بالجآمعه عنآإ :( ! يسلمو ع الموضوع القوي لـا لنقآش ') ورده |
عجبني موضوعك وللأسف كتير بنشوفه بواقعنا بالبدايه لما نطلب من اي بنت تلبس حجاب لازم نحبب البنت فيه وما نجبرها عليها لانه الاجبار رح يعطي نتيجه عكسيه متل الشي يلي ذكرتيه بتخرج البنت من البيت لابسته ولما توصل الجامعه او المدرسه بتشلحه للاسف هالشي كتير موجود وكنت اشوفه بالمدرسه وبشوفه بالجامعه كمان انا برأيي السبب الرئيسي لهادا الشي هو اجبار البنت على لبسه بدون ما تكون مقتنعه فيه انه تكون البنت مقنتعه في الحجاب هادا رح يخليها تحافظ عليه وتحترمه وتعرف قيمته وما تشوهه بأي شكل من الاشكال ضعف الوازع الديني والاهتمام بالمظاهر وتقليد الغرب كمان سبب من الاسباب والرفقه السيئه كمان بتعلب دور بهادا الشي البيئه يلي عايشه فيها والاهل كمان الهم دور كبير لازم يحببوها بالحجاب وهالشي بكون بالتدريج ببلش من هم صغار ببينولهم قديش الحجاب حلو وبحببوهم فيه وصدقيني البنت يلي بتتربى على مبادىء الاسلام من صغرها ما رح تتعبي باقناعها لما تكبر وممكن حتى هي يلي تلبسه لحالها بدون تأثير من أي حد الله يهدي الجميع شكرا لالك حبيبتي على الموضوع الرائع بتمنالك التوفيق بالمسابقه |
السلام عليكم ورحمه الله بدايه اخواتي الحجاب هو فرض من الله ولا جدال ولا نقاش فيه ما بدي ادخل في الدين والشرع لانه الكل عارف شو الحجاب واوصافه وشروطه نيجي للمشكله بالذات هدف موضوعنا قبل انا نلبس بنتنا الحجاب اول شي لازم يكون الاب والام ماشيين عالدين مش الام فيها كل العيوب والاب اسخم منها وبدنا نيجي نلبس بنتنا حجاب والله بس عشان خايفين عليها من كلام الناس والمجتمع ايمتى بدنا نفهم انه الحجاب ارضاء لله وليس عاده مجتمعيه تاني شي الام هي مرايه لبنتها شو بتشوف البنت بتقلد امها من هي صغيره البنت منعلمها الحياء والادب وما بصير تكشف شي من جسمها ولا تغير ملابسها ادام حدا هادا الشي بزرع في نفسها الحياء طبعا ايون الحياء هو اساس الحجاب هون بيجي دور الام القدوه والمرآه للبنت لما البنت تشوف امها بتركض عشان تغطي شعرها لما حدا من محارمها يفوت بيتهم ولما تشوف امها ما بتفتح الشباك او باب الدار الا تكون مغطيه على راسها ولما تشوف امها ما بتتعطر الا في بيتها وما بتحط اي مكياج او عطر وانها تزبط حجابها وهي خارجه من البيت تلقائي البنت بتتلهف انها تقلد امها هاي هي البدايه وبكون سهل جدا على الام انها تمشي بنتها متل ما بدها بسهوله حتى البنت نفسها بتصير تلبس وتجرب وهي صغيره ومره مع مره بتحب هالشي لما تكبر شوي منعلمها ومنفهمها شروط واداب وامور الحجاب منجيبلها شي حجاب جميل منخليها تلبسه بنفسها ما شاء الله بجنن عليكي شو طالعه متل الملكه ومره مع مره البنت بتحب الحجاب وبتلبسه عن اقتناع راسخ وما حدا بقدر يزحزح ايمانها لانها عرفت انها دره مكنونه جوا الحجاب وما حدا من صاحباتها ممكن يأثر عليها ولا فيس ولا نت ولا جامعه ولا صديقه بالعكس بتصير هي تهديهم وتحببهم وهي الي بتنصحهم وبترغبهم في الحجاب لانها لبسته عن اقتناع ومش عن غصب وبدون توعيه ما حبيت اسهم في الموضوع كتير هادا رايي المتواضع شكرا يا اختي اللهم اهدي بناتنا وشبابنا لما فيه الخير والصلاح |
اول شي بنظري بتقع المسؤولية على الاهل والاسلوب اللي بعتمدوا في تنشئة بناتهم التربية على فكرة علم ومش بالسهولة تيجي ومو كل البنات متل بعضهم على فكرة...يعني المفروض يعاملوا كل بنت وفق شخصيتها واطباعها اخطر شي بهالموضوع انو الاهل يجبروا البنت على قصة الحجاب وفي كتير اهل بيعملوا هالشي ولانو كل ممنوع مرغوب...فاكيد هالبنت رح تتخلى عن حجابها بكل فرصة متاحة امامها وبعيدة عن عيون الاهل...نوع من التمرد مثلا...او جكر فيهم لانهم ارغموها عشي هي رافضاه بالاساس اشي تاني ممكن يكون عدم التزام البيئة المحيطة للبنت بموضوع الحجاب البنات بسن المراهقة وبسن الجامعة بهمهم كتير يلقوا القبول والاستحسان من الجنس الاخر بهمهم يسمعوا كلمات الاطراء وممكن يعتقدوا بهالسن انو ممكن الحجاب يخفي شي من محاسنهم لهيك بتعمدوا هالظاهرة يمكن يكون تقليد اعمى للبنات اللي حواليهم او للفت الانظار متل ما حكيت البعد عن الدين الاسلامي وتعاليمه اكيد يعني في كتير امهات هم يللي بعيقوا حجاب بناتهم بحجة انهم صغار غياب النصيحة وغياب لامر بالمعروف شخصية البنات الغريبة اللي بتحس بالاهانة لما حد ينصحها كلها امور بتادي لازدياد وتفاقم هالظاهرة اسمحيلي بمداخلة بس صغيرة وقت ما كنت بالجامعة بصراحة ما كنت محجبة. ايام كتير وقت ما كنت ادخل عالتواليت اسمع كتير بنات بتذمروا من الحجاب وحرارة الجو لما كنت ادخل كتير بنات ما بعرفهم يحكولي نيالك والله لانك مش محجبة وما بتعاني من الحر متلنا كنت ادمع فعلا واسال حالي بيني وبين نفسي على شو بحسدوني..وشو جاب حرارة الجو لنار جهنم وعذابها وبيوم من الايام وانا مروحة بباص الجامعة.سمعت درس عن الموت يومها روحت من الجامعة ودخلت لاهلي حكتلهم بدي اتحجب وهيك صار... الي فترة عم افكر بالالتزام بالجلباب كتير شجعوني ناس وفي ناس حكولي لشو وشو بدك فيه هلا لو اني معدومة الشخصية رح اتاثر بحكيهم وشيل الفكرة من الاساس شغلة الاسلوب كتير مهم بهالموضوع والتاثر بالجو المحيط لهيك شغلة كتير ضرورية يكون عند البنت قناعة من جواتها ورغبة بهالشي ابدعتي اختي الكريمة بالتطرق لهاد الموضوع اعذريني عالاطالة |
وعليكم السلآم ورحمه الله وبركآته اولا الموضوع حلو كثير للنقآش وحآبة أرد لأختي أسمى بنقطة .. لمآ قآلت ولكن الحجاب ﻻزم يكون عن اقتناع ومو بس لمجرد انو فريضة ! حبيبتي أسمى بعد بلوغ البنت يكون عليهآ الحجآب ملزوم وهذآ أمر من الله تعآلى ومآفي شئ أسمه أقتنآع البنت أو غيرة مع أحتلرآمي ل أسمى أمآ عن موضوعك أختي أميرة والله بنآت اليوم بس أشوفهم أنآ استحي فكيف لو ولد ! أكيد هوآ حسب الأهل اذآ كآنوا الأهل بيحبون بنآتهم وبيحآفظون ع شرفهم وسمعتهم مآخلو البنت ع رآحتهآ أحنآ بنعرف والكل بيعرف البنت لمآ تبلغ بيكون الحجآب فرض عليهآ ومثل مآيقولوا كل شعرة بجمرة فكيف لو كآن كل شعرك كآشف ! وحتى الحجآب بيكون ستر للبنت من الذئآب وفي كل بيت لازم نغرس محبه الدين وكيف كآنوا زوجآت الرسول علية السلام ولآزم نفهم بنآتنآ وهمآ صغآر ونحببهم في الحجآب من الصغر أذآ الأهل مآ علموا بنآتهم مين رآح يعلمعم ومثل مآبيقول المثل خلف لولآدك الأدب ولآتخلف لهم ذهب وكمآن البرآمج الهآبطه الي انتشرت ب آخر فتره بتدعي ع بنآتنآ ع الفسآد بأنة صوتك حلو او شكلك حلو وبتخبي جمآلكبالحجآب والحجآب مش منآسب لك ؟! وهذآ كلة من الغرب بيغرسوا هذا الشئ في بنآتنآ المسلمآت والشهرة بتخليهم ينسوا دينهم وعآدآتهم ومثل مآقلتي أختي في هذآ الزمن كثير من البنآت مآبيسمعوا نصآئح أحد وبيستهبلو وبيستهزأو فيك لمآ بتنصحهم أو بيقولون أنهآ شيخه وحآبه تعلمنآ مش عآرفين أنآ بننصحهم ل محبتنآ لهم .. بس الله يهدي من يشآء وتسلمي حبيبتي لموضوع الجميل أحترآمي |
كل الشكر لمداخلتك القيمة اختي البريئة للاسف التقليد الاعمى وعدم ترسيخ المبادئ الصحيحة من صغر في عقل اطفالنا راح ياثرعليهم على كبر وراح يكون التعامل معهم صعب وتوجيههم للصحيح ماراح يتقبلوا بسهولة التربية الصحيحة بتبلش من همي صغار وزرع القيم والاخلاق في نفوسهم راح يترسخ وما راح يغلبوا على كبر دمتِ وحُييتِ ياجميلة لمروركِ العطر |
صحيح ننوش كلامك التربية الصحيحة والايمان القوي بالله وانو الحجاب فرض مش لعبة والي هاد الشي لازم ينغرس في عقل بناتنا من صغر راح نلاقي ثمارو لما يكبروا وتنشئ فتياتنا تنشئة صالحة وتربي جيل كما تربت هي كل التحية لمروركِ يا ندِية |
اختي لونلي هارت لاغُبار على كلامكِ فقد تكلمتِ واثريتِ الموضوع بكلماتكِ الجميلة والواضحة تكلمتِ وماقصرتِ في الرد حياكِ الله ياطيبة واسال الله لكِ خيري الدنيا والاخرة |
بارك الله فيك اخي حبيب العمر نعم الفتاة مراة لامها فهي تقلدها تقليد قديكون اعمى حتى وزيادة وهذا الامر مع الحجاب .. اذا تربت الفتاة ورات امها من صغر وما تلبسه وتطبقه في حياتها اليومية اكيدراح تطبق نفس الايشي والحجاب مابكون بالاكراه بل بطريقة نحبب البنت فيه شكرا على المداخلة القيمة ما قصرت اخي الفاضل |
ذكرتيني ياغاردينيا بمثل امي دايما كانت تحكي .. جذورالتربية مريرة لكن ثمارها حلوة .. ومن الامثلة الحجاب . يعني البنت اذاتربت صح وغرسنا فيها حب الحجاب واللباس الشرعي اكيد ماراح يتغلبوا الاهل معها ابدا جزاكِ الله خيرا على لبس الحجاب ..اسال الله لكِ الثبات غاليتي وان يكرمكِ رب العزة بخيري الدنيا والاخرة اخيتي لم يكن الحجاب يوماً وسيلةً لإبراز المفاتن ولإغراء الشباب كما هو حاصل اليوم بما يسمى “حجاب الموضة”، إنما كان الحجاب ولم يزل خضوعاً لأمر الله عز وجل وصوناً لعفة وكرامة المرأة المسلمة. تساؤل لعله بسيط ومن هذه اللحظة لنبحث لأنفسنا عن جواباً قبل أن نقف أمام جبار السماوات والأرض بلا جواب ؟ هل التزمنا بحجابنا وسترنا انفسنا يوم لا تنفع صحبة ولا اهل ولا مال اعذريني كلامكِ شدني للكتابة شكرا على مروركِ الطيب |
اسعدني مروركِ اختي اتعبني غرورك مداخلة هادفة واثراء للموضوع اسال الله ان يصلح حالنا وحال فتياتنا ومن قبلهن ابائهن وامهاتهن فهم مراة الفتاة اسال الله لكِ خيري الدنيا والاخرة كفيتِ ووفيتِ في الرد ياطيبة |
| الساعة الآن 02:36 AM |
Powered by vBulletin® Version 3.8.7
Copyright ©2000 - 2025, vBulletin Solutions, Inc.
Search Engine Optimization by vBSEO ©2011, Crawlability, Inc.
HêĽм √ 3.1 BY: ! ωαнαм ! © 2010
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.