|
كم المهر اللي ممكن يطلبه الشباب من الفتيات؟؟ كم المهر اللي ممكن يطلبه الشباب من الفتيات؟؟ نعرف كم أصبح عبئ الحياة ثقيل على الشباب الذين يريدون الزواج ولا يستطيعون بسبب غلاء المهور وغلاء المعشية الذي نشهده اليوم في معظم الدول العربية والعالم بشكل عام وفلسطين خاصة. ونعرف أن جزء كبير من هذه المسؤولية يقع على الشاب عند التقدم لخطوبة الفتاة بحكم الدين والعادات والتقاليد من مهر ومصاريف وترتيبات الزفاف السؤال الذي أريد أن أطرحه اليوم لو إنعكست الصورة وصار عنا متل الهند وأصبحت الفتاة هي تتحمل تكاليف الزواج , فكم سيكون المهر الذين يطلبونه الشباب من الفتيات ؟؟؟؟ مع تحياتي~ |
موضوع حلو كتير لي عودة اكيد ودي حبيبتي |
مشَ في كل مناطق الهندَ الفتاة بتدفعَ مهرهاَ بعضها بسَ , لكن لو صارَ هالشيء ما بدنا نكونَ مبالغينَ خليه نفس المهر الحالي تبعناَ ههه انا عني ما بقبلَ هالشيء لو كل غزة بتمشي عليهَ / يعطيكِ العافيةَ ., |
اقتباس:
وأنا بإنتظارك أحلى ريما شرفتيني بطلتك الحلوة |
لك سكون ﻻ سمح الله يختي كمان بدنا ندفعلهم ؟؟! ههههه ليكي عن نفسي الرجل لو شو ما كان بمد ايدو لمصاري شريكتو بالنسبه لالي مش زلمة اتعودنا الزلمة يتحمل مسؤؤليه كل شي بعدين احنا لو يضلو يدفعولنا ما بسدو دينهم خخخخخ عوافي سكون |
اقتباس:
بس أنا قصدت بالمناطق اللي تدفع البنت مهرها أه كويس بس هالأد والله أنت رجل طيب يا الصياد بلا منه المهر هههه الله يعافيك يا رب |
ههههههههه لا والله انا ضد ان الفتاة تدفع المهر لشاب الهنود خبول نصير مثلهم وهذا الشي ينتقص من رجولة الرجال وان شاء الله مايصير الشي هذا تحياتي اختي سكون |
اقتباس:
عصبت :34: شفتي وقال ناقص ندفع المهر كمان ما بدنا هالزواجة كلها ههههههههه ملك بس بنقول فرضاً فرضاً مش جد يعافيك ي عسل |
اقتباس:
لو صار هيك راح نعنس كلنا يختي ههههههههه |
اقتباس:
هههههه بشكرك أخ عادل على مشاركتنا رأيك ما بعرف هي هاي عاداتهم شرفتني بتواجدك تحياتي~ |
اقتباس:
والله ملك حاسة ساعتها برجعو لوأد البنات هههههه |
ههههههههه منيح الي نفدنا لكان ههههه |
بداية هذا الأمر لا يمكن أن يحدث في ظل مجتمعات شرقية مسلمة واعية كمجتمعاتنا ولكن على إفتراض ان ذلك حدث سيكون بنفس القدر المتعارف عليه حالياً في الزواج شكراً لك على طرح الموضوع دمتِ بخير |
صح هي ما بتصير عنا بس والله بعد الزواج خاصة لتكون الست موظفة بصير الأفظع هيك طلبك كويس معقولة يعني سعيدة بمرورك الطيب ومشاركتنا رأيك هل كان حباً دمت بسعادة....تحياتي~ |
افضل ان اكون عانس ولا اني ادفع شي .. الحمدلله على نعمة الاسلام موضوع جميل تحياتي لك .. |
اقتباس:
والرجل الحقيقي فعلاً هو الذى يكفي بيته وزوجته وأولاده من حر ماله لا من مال زوجته ولك كل السعادة كوني بخير |
وأنت .. وحُروفُك.. شرَفُ هّذا كُلِّهـ.... لَك .. جُلَّ إحْتِرامي...! |
خيتي سكون انتي بتفترضي ما رح يصير هالشي لانه المهر مذكور بالقران وهادا من حق المرأه عالرجل لانه القوامه بايده الا لو بدك يصير الرجال طرطور بيدها روح روح تعال تعال مهما النسوان لما يدفعو شيكل بحملو حالهم الف جميله فما بالك لو دفعولنا المهر بموتو بالزفه من القهر عكل حال انا بعرف في اهلنا بداخل فلسطين 48 بتساعد الشب والبنت عكل شي وفي مصر الشبكه والبيت من الشب والعفش كله من اهل البنت احنا ما بدنا جميله حدا بدنا يخففو المهر ويخلف عليهم مش 5 و6 الاف وعرس وتكاليفه ب الف دينار وشوفه وقاعه ب الف وبيت وعفشه ب 50 الف يتجوز سيرلانكيه احسن هههههههههههههه شكرا للنقاش اختي |
نسيت احكيلك لو وافقت تدفعلي مهر انا بطلب 150 شيكل بس حرام |
وع التخفيضات ؟؟ هههههه |
يعني انا عنجد بستغرب من هالناس اللي بعدا عايشه ع الدقه القديمه والمهر !! ومع هيك رح اجاوب ع السؤال، بيتعلق فالبيئه يللي بيكون عايش فيها الشب وبنفس الوقت بيتعلق شو مفهومه لكلمة "مصاري ومهر"، في عندك شباب بهتموش للمصاري قد ما بيهمون السترة وانه تكون البنت بنت حلال والراحه بالحياة الزوجيه مش اكتر، وفي شباب العكس، بتلاقي المصاري من اهم الاشياء بحياتون وقتها رح يطلبوا مهر كبير .. شكرا ع السؤال :137: .. |
بس حق سندويش شاورما وازازه عصير مانجا هههههههههههه |
ههههههههههه تخيلييي بلا ما أتخيييل هههههه يختيي يا سكوون .. مو حلوة بحق البنت تدفع مهر .. يعنيي والله ما بتدخل العقل الشب بيجي يطلب وبيطلب فلوس كمان ما بيكفيي ماخد البنت ضربتيين ع الرااس بتووجع هههههههه يسعدِك بطة .. إنتِ كم بتدفعيي هههه ..؟؟ وردآآتـــي إلِك ..~~ |
أنا مهري غالي :34: . . لن يحصل للصراحة وما قدرت اتخيل الموضوع حتى اقدر جاوب يعطيكي العافية زميلة :136: |
الشي صعب اتصوره ومستحيل يحدث بمجتمعنا الرجل الشرقي ما بقبل هيك شي على حاله خلينا مبسوطين هيك ليش بدك تقلبي الموازين سكون ههههه |
هههه الحمد لله انو ماعنا هييك اازا شباب ومتصعبين كيف احنا الصباياا :39: نروح نشتغل ونجيب مهر يعني :/ |
اقتباس:
خلص لا تدفعي وردة وأنا كمان ما راح أدفع متلك تحياتي ي أحلى وردة~ |
اقتباس:
أولاً والله إنت ظالمهم للستات لتكون الست هي وزوجها متفقين ما بهمها لو أخد كل فلوسها بس بدك يكون هالزوج المخلص وأنا ما بشوف فرق بين الزوجين أبداً بدنا يخففو المهر ويخلف عليهم أها لهدا السبب أصلاً طرحت الموضوع أخي مؤيد مش بأراضي ال48 كمان هنا عنا في غزة في ناس بساعدوا العريس والعروسة من أهل العروس لو حالتهم تسمح لإلهم بالمساعدة بس أنا كان هدفي من الموضوع ان البنات والأهل خاصة يخفوا عن الشباب شوي وبلا منها كل هالمظاهر والمصاريف الزايدة واللي بيت العريس الجديد أحق فيها الشكر لإلك ولمرورك الطيب مع تحياتي~ |
اقتباس:
أها والله ي حرام مافي بعد هيك كلامt140 |
اقتباس:
لا والله سمورة أنا مش دقة قديمة لسة طازة أنا بس كيف الناس لساتها عايشة على المهر يعني هلأ مافي شب بقدر يتقدم لبنت قبل ليكون معه على الأقل 5000 دينار يمكن الوضع عندكم ب 48 غير عن غزة المحاصرة من شي 8/7 سنين وما تغير عليكم شي بس هنا الشباب مش قادرين يتزوجوا بسبب تكاليف الزواج وقلة الشغل وفي كتير ناس ما براعوا هالشي ليتقدم لبنتهم عريس في عندك شباب بهتموش للمصاري قد ما بيهمون السترة وانه تكون البنت بنت حلال والراحه بالحياة الزوجيه مش اكتر، وفي شباب العكس، بتلاقي المصاري من اهم الاشياء بحياتون وقتها رح يطلبوا مهر كبير .. بهاي النقطة أنا معك 100% وخاصة بالنقطة الأخيرة لأن في شباب صار همهم بس يتزوج من بنت موظفة لتساعده ومش مهم الباقي سعيدة بتواجدك ورأيك سمرة مع تحياتي~ |
ندفع مهر ؟ ليه هنود احنا أهوده اللي ناقص عليا الطلاق مقدما لوشاب يقولي ادفعيلي مهر لخليه يندم ندم عمره انه بس فكر يبصلي هههههههههههه مالها القعدة جنب أمي دي حتى أمي عسل والله وطيبة وبنت حلال شكرا يا عسل |
اقتباس:
ههههههههه خلص لا تتخيلي بس لا تعصبي هدا المهم أنا بساعده على أد ما بقدر مع تحياتي~ |
اقتباس:
ههههههههههههه ي لهوي ي بت ي مستكة من هلأ وقبل لتدفعي المهر بتحلفي طلاق طلع عنده حق أخي مؤيد ههههههههههه مستكة ربنا يحفظها لإلك إمك يا رب ويفرحها فيكِ قريباً وهو اللي يدفع المهر غصب عن نني عينه كمان منورة ي أحلى من العسل أنتِ |
اقتباس:
خلص لا تتعب حالك ما تتخيل الله يعافيك ي زميل شرفتني |
اقتباس:
حبيبتي لونلي دوووووم هالضحكة يا رب اها خلص سحبته للسؤال وما بدنا نتخيل خلينا هيك تمام يسعد قلبو الرجل الشرقي :63: هو يدفع |
اقتباس:
الحمد لله أها والله ي حرام الله يكون بعونهم لا احنا بنشتغل ونحوش...آل ندفع مهر آل دقة قلب وردة لقلبك الندي~ |
أتمنيْ حُصولِ ذلكْ وهذا من أجلِ عفة النساءْ فقطْ لا غيرْ حيثُ ارتفعت احصائية النساء الغير متزوجات او الارامل او المطلقات في الأونة الاخيرةْ وبصراحةْ الشابْ في هذا الوقتْ ما بيقدرْ يحصل حق كيلو زتونْ لارتفاع نسبة البطالة خاصة في قطاع غزة يسلمو سكون ع الطرح |
أي بجد هلأ صارت نسبة العنوسة كبيرة والشباب مش قادرين يتزوجوا بس بلاش كل المهر نص نص ههههه والتعاون والمساعدة مش عيب أـو تتنازل البنات وأهلهم عن مطالبهم الخيالية للزواج راح تمشي الحياة لابنا يوفق الجميع الله يسلمك بلوك على البشر |
هههههههههـ احنا ما بدنا نكون زي البنات و ندلع مثلهم و يطلبو اشياء و اشويات من العريس ما بدي منها شي .. بس تكون بنت ملتزمه بتعرف ربنا .. قلبها طيب .. تحآفظ ع بيتها و جوزها واولادها .. >> يييييي ما احسني احم احم .. وينها تشوف الحكي عشان ما تخليني ادفعلها شي بس اتجوزها هههههههههـ بس ع فكرة قصه المهر العآلي هاد ف غزة .. مش حلو و عآدآت خاطئه للأسسف الرسول حكى " أقلهن مهرا اكثرهن بركة " ...... بس النآس صارت تمشي ع العآدات و التقآليد و نسيت الصح و اللي حكى عليه ربنا عموما البنت تستآهل بس تكون محترمه و تتقي ربنا ف جوزها يسلموو ع الموضوع الجميل ي سكون دايما متميزة ف كل شي انتي ودي :81: |
الله يخليك يا القيصر أها والله إنك طلعت منيح كتير وينها لتيجي تشوف حظها الحلو بس بقول كلمة حق القيصر... هلأ مش المهر غالي في غزة...لا الأشياء اللي صارت غالية كتير صحيح الشباب ما معهم و3000 و4000 مبلغ كبير كمهر على الشباب بس لو بدها تروح تشتري فيهم ما بتلاقيهم شي وهاد لأن الأسعار كمان كتير غالية والحق لازم أولياء الأمور يراعوا هالشي ويخفوا شوي لأن كان المهر 1000 أو 10000 كله راجع مع البنت لبيت زوجها وفعلاً بتبقى الزوجة الصالحة والزوج الصالح الأفضل ربنا يوفق الجميع يا رب بجد القيصر سعيدة بمشاركتك ورأيك الجميل دمت بسعادة |
| الساعة الآن 03:01 PM |
Powered by vBulletin® Version 3.8.7
Copyright ©2000 - 2025, vBulletin Solutions, Inc.
Search Engine Optimization by vBSEO ©2011, Crawlability, Inc.
HêĽм √ 3.1 BY: ! ωαнαм ! © 2010
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.