|
كيف ترى حل أزمة غزة؟ بسم الله الرحمن الرحيم السلام عليكم ورحمة الله وبركاته اليوم وفد وزراء حكومة التوافق غادر غزة دون أي نتائج تُحسب كيف ترى حل أزمة غزة ؟ كل عضو يطرح تصوره لحل أزمة غزة من وجهة نظره هو وحسب فكره وتوقعاته لا أريد أجوبة تقليدية مثل / يصطلحوا فتح وحماس / لأننا كلنا عارفين هذا الشئ أريد تعمق وتوسع أكثر وأي وجهة نظر سأتقبلها ما لم يكن فيها شتم لقادة فتح أو قادة حماس أرجو المشاركة من الجميع |
لما حماس تطلع من غزة شكراً اخ احمد على الموضوع |
وعليكم السلام ورحمة الله وبركاته .. حل أزمة غزه ؟ كل اشي بالدنيا ما بينعمل بايد وحدي .. يعني لو الحركات يلي عنا بفلسطين .. لو تفكر بعمق شوي بتلاقي انه لازم كل طرف يتنازل عشان بلده يتنازل عشان الشهدا يتنازل عشان اطفال غزة .. لا كمان شوي بنتوقع يصير بين الجبهات عنا مشاكل قوي وينسو اليهود .. يعني الحل لازم يكون بتفكير عميق ومنطقي وتفكير الشعب الفلسطيني بدو ارضه وعاصمته مو بدو علم حماس ولا علم فتح .. يعطيك العافيةة |
اقتباس:
ماشي أخوي كيف تطلع ؟ بإنتظار عودتك |
ألي بتاخذ بل قوه ما برجع ألي بل فوه |
اقتباس:
ولكن انا سؤالي واضح ومباشر ومحدد نحن نريد إنهاء أزمة غزة كيف يمكن أن يحدث ذلك بشكل فعلي أريد حلول سمو المشاعر ودعينا نضع الشعارات بعيداً بإنتظار عودتك إن أمكن ذلك |
اقتباس:
أرجو أن يكون لديك حلول أخرى أكثر سلمية وأكثر حقناً للدماء بإنتظار عودتك إن أمكن |
بأن تمسك حكومه الوفاق امور غزة كيف وحماس ترفض؟ حماس تنازلت عن اشياء كثيره لكن لن تتنازل عن حق موظفيها تريد رواتب لهم لو اخذو رواتبهم بأنتظام حينها ستسلم للحكومه كل شيء حينها ستحل اغلب مشاكل غزة مشكور علي موضوعك |
مممم بتنتهي لما يصير الكل بأيد وحدة وهدف واحد .. يمكن نقاشي غلط بس انا مش كتير بعرف عن هالازمة لاني مووعايشتها .. سؤال انت ايش بتقصد بالازمة |
اقتباس:
لكن اخ احمد مافي غير هل حل تحياتي لك |
اقتباس:
إذاً فالحل هو أن تعتمد حكومة التوافق موظفين حركة حماس كموظفين رسميين في الحكومة الفلسطينة الموحدة القادمة حل جميل جداً ونتمنى أن يحدث ذلك فلعل القيام بهذه الخطوة تحل أزمة غزة أنرت عد إن كان لديك حلول أخرى |
اقتباس:
وفكرتك نبيلة ولكن نحن نريد حلول فعلية أقُدر أنكِ لا تعيشين في الأزمة أرجو أن تكوني متابعة قصدت بالأزمة وضع غزة الخانق ككل \ |
مسسسا الخير الحل ما في اسهل منه بس احنا مغمضين عنه بگل بساطة تتفضل فتح وحماس بره الحگم لانو الشعب زهق منهم گل واحد بدور ع مصلحته وبدور ع ولاده يطلعوا منها ويتفضل الشباب ع الحگم طبعا الشباب الواعي هتحكوا شباب وم عندهم خبرة هاحكي بالعكس فاهمين مشاكل البلد اكتر شي وفيهم يستعيوني ب حدا كبير ك استشاري هيك اظن ببطل حجة لاغلاق المعابر والحصار بحجة وجود منظمة ارهابية ع قولتهم ^^ لانها بنظري منظمة مش ارهابية عوافي |
اقتباس:
أنرت فراق ودموع \ كن متابع |
بس رح احكي هالكلمتين وبعدها رح تابع ..ي احمد لو هالوضع يلي بتعيشو غزة انا بعتبره ازمات مو ازمة كانت فدولة تانية كان زمان انحلت بس لما صارت بفلسطين صار الضميررالعربي ميت |
اقتباس:
اقتباس:
ديمن شعب هوا ضحيه بين دنيوصرات |
اقتباس:
إذن فالحل من وجهة نظرك هو إقصاء فتح وحماس عن الحكم ويتسلم الحكم شباب مستقل واعي حل سيكون مريح جداً ولكن لا يمكن أن يحدث ذلك فتح وحماس أكبر كتلتين يملكان قاعدة جماهيرية في فلسطين لا يمكن إقصائهم وأيضاً كلامك هذا ينطبق على ما بعد حل الأزمة والآن فقط نريد حل الأزمة وبعد ذلك يأتي ما بعدها وأيضاً انا من المؤيدين لوجهة نظرك ارجو ان يكون لديكِ حلول أخرى أكثر فاعلية بإنتظارك |
كبدايه للحل حل السلطة كخطوة اولى طول ما في احتلال ما في شي اسمو دوله ودوله بلا عاصمة شي مش مقبول دوله بحكومات متعددة شي مرفوض ! نرجع لخيار المقاومة جربنا بالضفة فتح وجربتو بغزة حماس والتنين فشله ! برايي هيك بنكون مسكنا اول خيط حل الازمة |
اقتباس:
هي حقاً أزمات إضافة إلى كلامك الإحتلال عامل رئيسي وقوي في عرقلة أي جهود للإنفراج أنرتِ وكوني متابعة |
مش شرط لانهم الاكثر جماهرية يتحكموا فينا لانو جربناهم وتعبنا معهم ومن اسلوب الكر والفر يلي بمارسوه ع حساب الشعب والشباب يلي انخنق بتخرج لا وظيفة ولا شي ولا بقدر يفتح بيت حتى الموظف وضعه ع الله يرحموا الشعب منهم وخلص بكفي عاااااد او تتفضل حكومة الوفاق تحل المشاكل وتحقق مطالب موظفين حكومة غزة لانهم والله بشر مش شي تاني |
اقتباس:
|
اقتباس:
وعملت يلي م عملته كل الدول العربية فما بحق الك تحكي عن اطهر رجال الارض فشلة |
أولاً حكومت حماس ضلمت ناس كثير ومازالت تضلم ناس كثير اناس في غزة مابده حماس لناه بتتصتر بدين |
لما حكيت فشله ما ئصدت المقاومة ئصدت الحكومة في فرء |
اقتباس:
أبو مازن يقوم بحل السلطة ثم نتجه لخيار المقاومة المسلحة والكفاح جربنا ذلك في غزة وخسرنا الكثير ولا نريد أن يجدث ذلك في الضفة ونخسر بنفس القدر الذى خسرناه في غزة وربما أكثر أنا من المعارضين لوجهة نظرك لا أؤيد أرجو أن يكون لديكِ حلولٌ أخرى أكثر سلمية وأكثر حقناً للدماء أنرتِ وعودي إن أمكن ذلك |
هل كان حبا كن على ثقة ﻻ لاي حلول لازمات اقتصاديه واجتماعيه دون حلول سياسيه بالاساس مشكلتنا سياسه مو كهربا ومي وموظف عاطل عن العمل مسكلتنا احتلال وحكومات متناحرة ع الكراسي مشكلتنا سياسيين ورطونا باتفاقيات وخلافات بدك حل ؟؟ دور ع حل جذري |
اقتباس:
أرجو أن ننحي جانباً خلافاتنا ونبحث عن حلول أنرت اخ |
اقتباس:
الأمر ليس كذلك وإنما معروف في أي دولة في العالم أكبر تنظيم او حزب سياسي يملك قاعدة جماهيرية يتسلم الحكم ونتمنى أن تقوم حكومة التوافق بتثبيت موظفين حركة حماس عل هذا يكون الحل الأمثل والأسلم انرتِ نبض |
اقتباس:
عبارة جميلة لا حلول اقتصادية دون حلول سياسية ولكن الحلول السياسية التى طرحتيها ستكلفنا مالا طاقة لنا به والإستسقاء الأمثل الذى استسقيته من كلامك عبارة ( حكومات متناحرة على الكراسي ) إن تم الإتفاق بين هذه الحكومات على سياسة ثابتة ورؤية واضحة أمام الشعب لن نحتاج لحلول أكثر مآسي من وجهة نظري \ أنرتِ |
يمكن بس اتفاق فتح وحماس صار من سابع المستحيلات للاسف صرنا دوله بغزة ودوله برام الله وقريبا راح اعلن عن دوله بدارنا طول ما احنا منقسمين ما في حلول |
حل ازمات غزة لا يحتاج الا لقرار سياسي من الرئيس ابو مازن .. هو من يقف خلف هذه الازمات وهو الوحيد اللي بيئدر يحل كل ازمات غزة المتعددة وحل الخلافات بحاجه الى قرار جدي منه .. وبتمنى من كل ئلبي يكون ئد المسؤوليه وينهي كل الخلافات بين حماس وفتح والازمات لانه هاد اللي بدها اياه اسرائيل نتفرق ونكون اعداء بعض ونتهم بعض واسرائيل هي اساس الازمات اللي عم بتصير في غزة لانه غزة الوحيده اللي مو قادرة توصل لها وتحتلها وتحذف حماس منها بسبب المقاومة اللي رافعة راسنا وراس كل الشعب الفلسطيني ولولا حماس والمقاومة ما بنسوى شي .. وقد ما نحكي عنها ما راح نوفيها لها حقها .. وغزة صدقا بنفتخر فيها بسبب المئاومة وما تقولووا الشعب ضحيه الشهداء بالجنه ان شاء الله في احلى من هييك والبيوت آخرتها ترجع وتتعمر البلدان والصابرين بشرهم الله بالجنه ان شاء الله في احلى من هييك احسن ما نكون انذال وجواسيس لاسرائيل .. انتووا عايشين بنعيم بس مو حاسين بهاد الشي بتآكلووا وبتشربووا وعندكم نت واصبرووا ان الله مع الصابرين وآخرتنا رح نمووت ونترك كل شي وما رح نآخد معنى شي بنملكه والله يصبركم وان شاء الله ربنا يفرج عنكم ويحل ازمتكم .. موضوع مميز تحياتي .. |
الحل الوحيد هو انه يصير عنا حكومتين في دولة واحدة وتحت رئيس السلطة واحد حكومة في مقاطعة غزة و حكومة في مقاطعة رام الله هيك بتنتهي كل ازمة غزة كل حكومة عارفة شو الها وشو عليها |
هلاء بس بدي اعقب على الي بيحكو ع حكومه الوفاق حركه حماس وحكومتها خربو بغزه م يقارب ال9 سنوات 3 حروب حصار مميت وضع مأساوي وأول الانقلاب اكتر شباب السلطه انطخو برجليهم او اعدام فبعد ال9 سنوات جبتو حكومه الوفاق وبدكم اياه تطلع العصايه السحريه وتحل كل هلمشاكل؟؟ يعني بلعقل تاني شي الي بيقول يدمجو موظفين غزه مع رام الله هلاء الي وظفك وخلاك موظف على حساب انك تطخ اخوك بموقعو برأيي هو الاولى يقبضك أحمد انا وبأختصار بعد كل الي بيصير وبعد م النائب جمال حكا للتجار انتو ليش زعلانين المواطن هو الخسران حسيت انو عنجد هدول صارو ينصبو ويعربدو ع الشعب عيني عينك أصبح بوجهه نظري موت اسد ولى تعيش كلب بمعنى الحل الوحيد اعلان غزه اقليم متمرد والباقي عندك بعتقد وصلت المعلومه |
سلام عليكم هل كان حبا بالنسبة لأزمة غزة لو بس حماس تفتح مخها شويــــــــــــــــــــــــــــه صغيرة وعنيها تفتحهم نتفــــــــــــــــــــــه زغنطوطه كان انحلت ازمة غزة حماس بتفكر حالها انها مقاومه والكل راح يأيدها لاااا هادي نتيجة عنادهم انضموا لقائمة الارهاب بالعالم هادا واحد صاروا يتلاحقوا على ارض مصر اتنين زاد الخناق عليهم هادا تلاته<<الشعب متحمل الخنقه في سبيل انهم يموتوا فطيس أفشلوا كل محاولات الوفاق والمصالحه بين الضفه وغزة بين الشعبين طردوا بطرق غير مكشوفه كل الوفود الليجايه للحلول الحلول المقترحه للموظفين افشلوها يعني ايش ضايلهم وايش بدهم بدهم ابو مازن يطبطب عليهم ويقلهم بكل اشي امرك سيدي عمره ما بيظبط لان ابو مازن بيدور على اشي اكبر من هيك بيدور على دوله وقضايا ارض واسرى ولاجئين وهم اخر من يفكر فيهم لانه مش معتبرهم من قائمته وهمه الوحيد اللي بخليه يجري وراهم هو الشعب المضطهد بغزة (احنا اللي ماسكين ايده اللي بتجعه)) يعني ايش جابره انه يعطي اهل غزة رواتب وهم بدون شغل خوفه علينا وليش بيجري ورا المصالحه خوفه علينا بس لو حماس تفتح مخها نتفه والمعابر بتمشي والحصار بيخف بس خلص حماس فش الها خط رجعه كل الايادي اللي كانت ممدوده الها صدتها وقطعتها هلقيت تتحمل يا تفتح مخها وترجع عن قراراتهم والصاروخين اللي مهربن وعاملين حالهم فيه مش حيحلوا ازمه بل بيزيدوها وغير هيك لمصالحهم لاسراهم وطلعاتهم بس ويا ريت تكون انتخابات نزيهه فش فيها لعب اولاد صغار وتكون بمراقبه دوليه وتنحل الازمه يا ريت شكرا الك هل كان حبا |
بسم الله الرحمن الرحيم تحياتي لك احمد وتحياتي للجميع وشكرا لطرح هكذا موضوع وسؤال رغم ان الاجابات كانت بعض الشيئ ليس لها علاقه بالحل ابدا لن اضع اي حل هنا بل توضيح بسيط وكما يقال اهل مكه أدرى بأسوارها واهل غزة أدرى بما يحصل بالداخل لن لنا الظاهر والتميز بين الحق والباطل سؤال هنا كما هو واضح حل ازمة وليس تحريض على فئه معينه حينما نقول حل ازمة كأزمة غزة لكن حل التحريض ليس حل حماس ليست وحدها موجوده على ارض غزة وكما أعلم بالحرب الاخيرة شارك معها فتح وغيرها من الجبهات اذ نريد التطرق لخروج حماس من غزة فل نعمل حماس الجواسيس اذا ونبلغ عن عناصرهم ونسهل على اليهود عملية الاغتيال حتى نحل الازمه وان ذهب ت حماس سنضع فتح وان لم يعجبنا وحصل هناك ازمة نفعل ما فعلناه بحماس نعمل عمل الجواسيس ونبلغ عن قادة فتح لنسهل عملية الاغتيال ونأتي بغيرهم وغيرهم وننسى ان العدو لن يهمه حماس او فتح او اي جبها على الارض تقاوم حتى لو خرجت حماس سيبقى الحال كما هو مع العدو متى سنفهم ان العدو لن يرحم فيكم احدا وكلنا تحت النار وايضا اوضح حينما نقول ان المقاومه سواء حماس فتح ألخ جميعهم شهداء ومنهم قادة تم اغتيالهم ولا ننسى ابنائهم ولا ننسى ان منهم عائلاة تم شطبها من السجل المدني وشهداء لماذا لحل ازمه ؟ كي يعيش غيرهم بسلام وبعزة الاسلام الحلول تقول حماس هيه السبب اذا نوافق على القرار المصري انها ارهابيه عجيب اذا الاسلام ارهابي ؟ ندعو للمصالحه رغم ان المصالحه حصلت حينما حصل العدوان الاخير تم التكاتف بين الجبهات فجئه وخرجو علينا جميعهم يعلنو انتصارهم وصمودهم ونسو الخلاف الحاصل بينهم بلحظه وحققنا بعض المطالب وما زالو ماضين بتحقيق المطالب التي يعترضها البعض من اخواننا الفلسطينين من تحت الطاوله وجميع ما يحصل بيننا سيكون تحت عبارة بسيطه جدا للعدو ( لن يرحمو احدا منكم ) في غزة احد نزل الرماه عن الجبل لماذا ؟ اقولك طالبين عرضا من الدنيا خالفو اوامر الرسول عليه السلام ونحن نعيد الكرة نطالب بعرض الدنيا ونسينا الاخره حتى تسأل يا احمد هكذا سؤال يجب ان تنوه وضع الخلقات على جنب والتركيز على الحل من العدو اعتذر عن الاطاله |
اقلكم شغلة وين ما تشوف الاحتلال واقف ضد او مع مين اعرف الحق ... واتبعه ... بكفي انها رجعت كرامة العرب المسلوبة والكل رغم النكد و الدمار انبسط فقط لما سمع شاؤول انخطف وبعد ما يعد نتنياهو جنوده راحتعرفه كم جندي انخطف اللي ما عجبه الوضع عنا بغزة المسلوبة حقها من جيرانها و ابناء بلدها اللي بدور على المفاوضاات يرحل ...بلاد الله واسعة .. |
هل كان حبا شكلو موضوعك راح يعمل أزمه بالمنتدى ^^ انا رأي بحل الازمة انتخابات نزيهة نزيهة نزيهه يعطيك العافية |
النقاش للأسف خرج عن المنحني اللي انا عايزه وهذا مشكلتنا يُغلق الموضوع لبين ما أرد عليكم واحد واحد |
اقتباس:
وحل الأزمة يحتاج إلى قرار جدي منه وأبو مازن بمقدروه ينهي الخلافات بين فتح وحماس !! كلام حميل ولكن كيف ؟ .... ونحن عايشين في نعيم بناكل وبنشرب وبندخل النت بسبب ( المئاومة ) على حد قولك طالما أننا عايشين في نعيم في غزة بناكل وبنشرب وبنتت يبقى انا كذبت في قول أن في غزة أزمة او أزمات غزة ما فيها أزمات والناس عايشين أحلى عيشة ولله الحمد وأتمنى من كل قلبي أنك تزوري غزة وتقعدي فيها 3 أو 4 سنين وتذوقي النعيم اللي بنذوقه في غزة نورتي وأرجو ان يكون لديكِ حلول بدلاً من إلقاء التهم على أي طرف من الأطراف |
اقتباس:
دولة في الضفة ودولة في غزة وسلامٌ على القدس وسلامٌ على اللاجئين وسلامٌ على الأسرى أختلف معك كثيراً وهذا ليس حلاً استاذ ارجو ان يكون لديك حلول أخرى أكثر واقعية وأكثر خدمة للقضية الفلسطينية |
| الساعة الآن 03:35 PM |
Powered by vBulletin® Version 3.8.7
Copyright ©2000 - 2025, vBulletin Solutions, Inc.
Search Engine Optimization by vBSEO ©2011, Crawlability, Inc.
HêĽм √ 3.1 BY: ! ωαнαм ! © 2010
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.