|
يعطيك الف عافية اخي لا الحلول موجودة وكتيرة كمان وكل واحد بغزة عندة حل بس ما حدا صافط للتاني وكل شيء معروف وواضح بس المشكلة في جمعتنا الي هون الي مو مطولين روحهم شوية بدهم اياها بالهيلمان بالعامية بحكيلك اياها يعني بدهم كل شيء كن فيكون وهاد الشي ما بقدر علية غير الي خلقنا وليش يعني هم مصممين انهم يصرفو الرواتب وبدهم يفرضو هيك شي قبل اي حل أكيد الآسبآب واضحة بعتذر ع الآطالة احترامي |
اقتباس:
يعني ما في أحد حابب يقدم تنازلات لأجل الشعب والقضية طيب في هذه الحالة شو ممكن يكون في حلول إذا الطرفين لن يقدموا شئ ؟ |
اقتباس:
لك اخي انا رح ارد على كلامك ومن حقي اني ارد على كلامك متل ما انت رديت حتى لو بدك تحذف ردي المهم تشوف ردي .. الحل انك تئعد مع ابو مازن وتتفاهمووا مع بعض لحل ازمة غزة .. ... ونحن عايشين في نعيم بناكل وبنشرب وبندخل النت بسبب ( المئاومة ) على حد قولك*. اول شي لا تتمسخر على كلامي اوك لازم تحترم ردي وكلامي وتاني شي انا حكيت انتووا عايشين بنعيم بتآكلووا وبتشربووا وعندكم نت ولازم تشكروا الله على هاي النعمه لانه في غيركم بيتمنووا اللي انتووا فيه متل سوريا والصومال ووو .. واي بسبب المقاومة انتوو بألف خير واسم غزة مرفوع للسما .. وبسبب المقاومة كرامتكم فوئ فوئ وبسبب المقاومة راح كتير ناس على الجنه .. وبسبب المقاومة اليهود مو قادرين يدخلووا غزه بتنكر هاد الشي .. ومع اني ما حكيت انتووا عايشين بنعيم بسبب المئاومة هاد الكلام منك مو مني .. حكيت هيك شي لحتى تهون مصيبتكم وتنظروا للاقل منكم .. طالما أننا عايشين في نعيم في غزة بناكل وبنشرب وبنتت* يبقى انا كذبت في قول أن في غزة أزمة او أزمات* غزة ما فيها أزمات والناس عايشين أحلى عيشة ولله الحمد* دائما الحمدلله على كل حال بس اصبروا ان الله مع الصابرين وانا ما حكيت انك كزبت انا حكيت في ازمة بس اصبروا وتئبلووا هاد الشي وكمان الضفة نفس الشي الوضع عنا تعيس وووو .. وأتمنى من كل قلبي أنك تزوري غزة وتقعدي فيها 3 أو 4 سنين* ان شاء الله مش غلط نفسي ازور غزة وجميع المدن الفلسطينيه وعلى فكرة بتحمل هييك عيشة ولو بآكل خبز يابس لانه كرامتي فوئ كل شي ونشكر الله على كل حال لانه بالآخير الحياة قصيرة وكلنا رح نمووت ونترك كل شي وتذوقي النعيم اللي بنذوقه في غزة*.. كمان مش غلط بندووئ .. وكأنوو عايشه بامريكيا لحتى اذوئ اللي ما بيعرف الضفه يجهلها .. وأرجو ان يكون لديكِ حلول بدﻻً من إلقاء التهم على أي طرف من اﻷطراف* انا حكييت اللي عندي وما اتهمت أي طرف من الاطراف بس انت يبدووا بدك تفهم كل شي على كيفك وما ئصدت شي بكلامي .. كلامي واضح جدا ومفهووم شو عم بئصد وهاد رأيي تحياتي .. |
اقتباس:
وليش أحذف ردك الحل اني اقعد مع ابو مازن ونتفاهم مع بعض لحل أزمة غزة <<< لا تعليق على هذه النقطة طبعاً اكيد احترم آراء الجميع وانا ما تمسخرت على كلامك انا رديت عليكي وعلى كلامك بخصوص المئاومة والحمد لله على كل حال أحنا افضل من غيرنا وغيرنا أفضل منا ولكن هذا لا يمنع أن في غزة يوجد أزمة خانقة وحصار وفقر وبطالة وأزمة كهرباء وغاز وغلاء أسعار رهيب والشعب في غزة ضاق ذرعاً بما يُلاقيه ما في شئ مني أنا ما بجيب شئ من راسي وبكتبه انا برد على كلامك أنت ذكرتي ان ( المئاومة) سبب كرامتنا وسبب وسبب وسبب فبالتالي هي سبب النعيم اللي أحنا بنعشيه وبنذوقه في غزة مع العلم نقاشي ليس له علاقة لا (بمئاومة) ولا بغيره نقاشي واضح ومحدد نريد حلول لحل أزمة غزة وانت ذكرتي حل مبهر ما شاء الله ( اني اقعد مع ابو مازن ونتفاهم مع بعض لحل أزمة غزة ) وأنا ما قلت انك عايشة في امريكا ومثل ما بتقولي اللي ما بيعرف الضفة بيجهلها ايضاً اللي ما بيعرف غزة بيجهلها لا أنت هاجمتي طرف وقلتي ان ابو مازن هو سبب كل هذا وهو اللي ورا كل هذا وانا لا أدافع عن أي طرف سواء هو او أي طرف أخر نحاول أن نجد حلول لا أن نوجه اتهامات وانت طرحت حل وهو ( اني اقعد مع ابو مازن ونتفاهم مع بعض لحل أزمة غزة ) إن شاء الله سأحاول أن أجلس معه ونحل سوياً ازمة غزة وسأقوم بإبلاغك بالتفاصيل فيما بعد نورتي |
اقتباس:
|
اقتباس:
بعد ما كتبت ردي الفيرفوكس انهار وضاع كل اشي معاه ^-^ سؤالك كبير علي شويه اشوف رد ابو ياسين عليه وبرجع برد تاني ان شاء الله ايد وحده بتزقفش الاتفاقيات واوراق المصالحه وحكومة الوفاق ايش صار فيهم ومن وين انصدوا؟ بلاش نقعد نشفر بالطرف التاني عبر وسائل الاعلان والتصريحات كل يوم والتاني لأنه بيهدم ما بيعمر اللي بتمناه تقعد مع الوفود اللي جايه زي الرجال ما بتقعد ويتناقشوا لحل ازمة وكارثه وبلاش نصارخ كل يوم والتاني عند اشتداد الازمة ولما تفرج نبدا نشفر ونجرح كله بيهدم |
صحيح وبتمنى انتخااااااااااااااابات نزيهه وشريفه تحت رقابه دوليه (خلينا نشوف وجوه جديده) ويجربوا علينا ما صرنا فئران تجارب لكل من هب ودب داخل اسرائيل وفلسطين |
ازمات غزة بأغلبها سياسية , لا الها علاقة بحصار ولا بغيره والكل بس بده يشيل حكومة حماس الغلط وانه هي سبب كل هالازمآت كأنه في حكومة بدورع خراب شعبها وتحطيم شعبيتها .. والحل انه يتم دمج موظفين غزة واعتمادهم لانه مش ناقصة بطالة وفقر آكثر .. لانه 40 الف موظف ب 40 آلف عيلة .. وانت بتطالبَ باقتراح حلول غير المصالحة والاتفاق وما في اي حل بزبط او بصير بدون اتفاق ومصالحةَ هالاطراف وحكومة التوافق تقوم بعملهآ .. وبشوف اذا اعتمدو موظفين غزة ف جزء كبير من هالازمات راح ينتهي ف غزة . |
اخي المشكله تتعلق بالفصيلين الكبار المسيطرين عالساحه الفلسطينيه وكل فصيل متمسك بمبادئه وارائه والكراسي عند الجهتين اهم من الشعب الحل اخي ببساطه حماس عليها التنازل عن المعابر عليها الدخول في منظمه التحرير عليها المساواه بين فئات الشعب عدم الملاحقه السياسيه اخراج المعتقلين من حركه فتح والبدء بتسليم الحكومه برئاسه رامي الحمد الله كل مناحي وامور الحياه والاكتفاء بالحفاظ على قوتها العسكريه لرد اي عدوان قادم لا سمح الله فالعدو لا يؤمن جانبه واخيرا على حماس الخروج من عبائه الاخوان المسلمين ومن عبائه ايران وحزب الله ويكون مصلحه الشعب فوق اي منظومه خارجيه ام فتح عليها ان تخرج كل السجناء وعدم ملاحقه حمساويين الضفه عليها ان لا تميز بين موظف وموظف كلهم اخوه وشعب واحد عليها ان تبتعد عن العبائه الامريكيه والتنسيق الامني مع العدو والبقاء على التنسيق الانساني المدني وعمل جدول لانتخابات رئاسيه وتشريعيه لانه انتهى وقت المجلس التشريعي وانتهى وقت الرئيس عباس ما بعرف هادا تصوري للحل في الاخير يجب على كلا الفصيلين برؤيا مسئوله عن ما يوحد الشعب والبعد عن ما يفرقه فما يجمعنا اكثر بكثير مما يفرقنا الوطن والدين والعدو المشترك والهدف هو التحرير شكرا اخي لاتاحه الفرصه لنا للتعبير |
تعقيبا على كلامي لما كان في غزة حكومة و في الضفة حكومة ما انسينا االأسرى وانخطف شاليط ما انسينا القدس و الخليل و لبينا ندائهم حكومتان لتسيير الحياة في غزة و الضفة لا يعني نسيان القضية |
| الساعة الآن 06:59 PM |
Powered by vBulletin® Version 3.8.7
Copyright ©2000 - 2025, vBulletin Solutions, Inc.
Search Engine Optimization by vBSEO ©2011, Crawlability, Inc.
HêĽм √ 3.1 BY: ! ωαнαм ! © 2010
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.