|
لو سمحتو اعضاء المنتدى... اتحملوني شوي ممكن ؟! مسا الخير كيفكم بدايه بدي تتحملوني للحكي الي راح احكيه /وما حدا ياخد الحكي ع حالو بس ظاهرة صارت بمنتدانا للاسف جدا ممله ! والمشكله انها عم تسبب ملل عند الاعضاء راح احكي عن اعضاء او مشاركات فقط من اجل المشاركات !! او احتلال عضو لموضوع عام معين لاكتر من 6 صفحات متتاليه .. وللاسف معظمها مشاركات بلا هدف سوى تسجيل عدد من المشاركات ما بئصد بكلامي حدا معين بس اخي او اختي للي بعمل هيك وين المتعة انك تعبي صفحات دون انك تترك اثر بنفس الاعضاء سوى الملل منك ومن مشاركاتك ؟؟!! وين الاهداف الاساسيه للمنتدى لما ترد على 10 مواضيع متتاليه باقل من دقيقة ؟؟! حتى العنوان ما بتشوفو ! بصراحة انا من رواد موضوع ي فلان وفضفضة وغيرها بس بسبب هيك اعضاء عملو عندي رده فعل انو ما فوتها !! انا حابه نحكي بهالموضوع بروح من الاخوة والمحبه دون ذكر اسماء طبعا لانو هدفنا مو التجريح بقدر ما هو التصحيح ارائكم ؟؟ |
مع احترامي لرأيك حتى لو رد العضو او العضوة على الموضوع الف مرة هاى حريته الشخصية سواء رفضتي او قبلتي هاى حريته الشخصية وانا مع احترامي الك ضد موضوعك لانه تعدي على حريات الاخرين بالمشاركة وعدم احترام ميول الاخرين حتى لو بالمشاركة بنفس الموضوع بالمنتدى نشاط المنتدى وتطويره بالمواضيع مسؤولية المشرفين والمشرفات العضو كزائر واله الحرية المطلقة المشاركة بنفس الموضوع عدة مرات او عدم المشاركة أو التنويع بالمشاركات بالموضوع ضد موضوعك وضد فكرة موضوعك جملة وتفصيلا بإختصار موضوعك تعدي على حريات الأعضاء من ناحية مشاركتهم بالمواضيع او عدم مشاركتهم او مشاركتهم بموضوع واحد فقط دمتى بعز |
انا بنظري هاي حرية شخصية تماما ومواضيع سجل دخولگ بصورة بحكمة ما حدا بنتبه ل التاني شو شارگ ومش گل المواضيع بتستاهل انگ تردي عليها رد مرتب او محرز مواضيع فضفضة او غيرو م عندي مشكلة يشارگو مع انو انا بهاد القسم بشارگ گتير بس مو ورا بعض ههههه وما بنتبه شو حكى غيري او بدور لانو بالاخر اغلبها عبارات نسيخ لصق |
اخي انا مو ضد حريتو الشخصيه بس سؤال لحضرتك لو تسمحلي ؟ لو حضرتك نزلت موضوع تعتبرو موضوع يستحق وهو فعلا يستحق المتابعة وعضو فات ورد يسلمو او شكرا حضرتك شو رده فعلك ؟؟ كمان سؤال اخي : لو حضرتك حابب تشارك لمجرد المشاركات فقط ليش ما تروح لمواضيع متل سجل باسم بنت او ولد واترك المواضيع الي بدها قراءه وما تشارك بصير او ﻻء ع كل انا بحترم رايك وان اختلفت معك نورت |
سبئتيني اسما.. اضلي سبأائة للخير ان شاء الله.. اليوم كنت افكر بهالشي.. فعلاً كلامك مية بالمية صح.. ولكك اليوم انزل الموضوع بدك وئت لتقرأيه وتفهمي بعدها بتجاوبي بس للأسفكان الي مووضوغ ما الو اكتر من تلت دقائق وصار مردود عليه.. هالشي. بيدل انو الهدف نزيد مشاركات مو نزيد تسلايتنا او نفهم ونتعرف ع أشياء.. يمكن الي ببالي نفس او نفسها للي بالك.. كلو نسخ ولصق.. عوافي لألگ |
نبض ردي لالك هو نفسو لاخي رجل بعثره الزمن احترم ارائكم ولكن لهاي المشاركات اثر على الاعضاء وانا وحدة منهم بحس بملل بوجود عضو متل هيك ! بعتزر للكلمة بس هالشي واقعي نورتي نبض |
بالزبط سمو بتزكر مؤمن نزل مرة موضوع عن طفل مات حرق باحد مدارس الاونروا عضو رد عليه مشكور للموضوع الرائع الي نسجتو اناملك !!!! بربك هاد رد !! |
والله يا اسمى بضلها حرية بترجع ل العض ومش گلنا ازوائنا متل بعض |
بس طبعا متل هاد الموقف مش مقبول ههههههه |
اضم صوتي لصوت نبض ردي على اسمي ما الك عنده او عندها هاى حريتها او حريته الشخصية طبعا بعيدا عن وضع الردود المقصود كالغزل والمجاملات وتوجيه الشتائم فى بعض المواضيع عند تكرار الردود مثلا اهدي وردة لشخص ما طول اليوم اظل اهديه او اهديها وردة حتى يفهم او تفهم ضد هيك تصرفات....إلخ ولكن بالمجمل ضد التعدي على حرية الشخص بكيف يرد وشو يرد الا اذا خرج رده او ردها عن السياق الغير محترم بالموضوع نفسه او بعدة مواضيع دمتى بعز |
يسعدكُ مسآكـ اسمىُ تعرفيُ شغلةةٌ لما ينزلٌ العضوُ موضوعُ ماحدُ يردٌ عليهُ حتىُ لو بكلمةٌ يسلمووٌ صدقينيُ بيكرةةٌ ينزلٌ مواضيعُ لآ انٌ العضوُ اللي يحبٌ يقراء المواضيعُ احيانا مواضيعُ ماتعجبةٌ مايحبٌ يقراءهاا ,,, ثاتنيُ بالنسبةةُ للموضوعُ اللي سجلٌ بصورةٌ او غيرهآ احسُ انها عاديةُ لآنٌ ماحدُ يركزٌ فيها كثيرُ تعرفيُ من فؤائدُ ,, انوُ يكونُ فيه اعضااء ذوٌ مشاركآته عليهُ يحمسُ الاعضاء للمشاركةةُ وكذآلكٌ يصيرٌ المنتدىٌ فعالٌ صدقينيُ سجلتٌ بمنتديآتٌ وحبيتُ ها المنتدىٌ اكثرٌ لآن احسُ اعضاءه نشطينُ كثيرٌ يحسسسونكُ بالتفاعلٌ ^^ وجهه نظريُ يسعدكـ ربيُ اسمىُ |
برجع وبحكي خيو انا مع حريتك الشخصيه وحريه الاعضاء الشخصيه بس سؤال تاني لالك وبدي رد مقنع شو هدف المنتدى؟؟ |
يعنى د اسما بدك تحكيلي ما انا شايفه بعيني والله... هالشي بيملل الكل وحتى لما تيجي وتحكى شي بدك تكوني علاقه مع حدا هيك عشان توخد عليه وتئدري تنصحيه بيرد عليكي بنشافه يعني افهميها مابدي احكي معك.. والزوار لما يشوف هيك شي يحسوا انو كلو نفسي نفسي.. |
|
وانا كمان لاحظت هدا الاشي انه قسم من الاعضاء استيعابون بطئ !! مع احترامي إلون، يعني بكونوا عم يحكوا عن شغله صرنا حاكين فيها من ئبل بس برجعوش وبئروش المشاركات من ئبل، يعني عنجد كتير هيك ! إذا مكسل ترجع لورا معناتو متشاركش بكون افضل من تصرفك هدا !! والمشكله الاعظم من هيك إنه في اعضاء بشاركوا وبكتبوا كتير ردود حتى لو وصلوا عشر صفحات بتلائيون مبسوطين، مبسوطين وهني عم يشاركوا يعني بعتبروش حالون "مملين"، فأنا بشوف موضوعك هدا فش منو فايده بالرغم من إنه كلامك مزبوط ميه بالميه وانا بإيدك بكل كلمه كتبتيها، خلينا نئول حاطه شخص ببالك، فكرك هالشخص بشوف نفسو عضو ممل من مشاركاتو او عم بيسبب ملل لبائي الاعضاء؟؟ اكيد لاء، حتى لو فات ع موضوعك هدا مش رح يفهم ولا يستوعب انه الكلام موجه إلو للاسف !!! وع كل حال بظن الاداره بتقدر تعمل اشي وتلائي حل لهالموضوع .. وع فكرة اغلبية الاعضاء بيحكوا حريه شخصيه، مختلفناش انو كل واحد إلو حريتو هاي مش رح نختلف بهالشغله، بس مش بهالنقاط يللي ذكرتها اسمى، انه تفوت تشارك وتوصل عشر صفحات وكلها مشاركات معدومه ؟!! او متلا يفوت يشارك ويكتب عن شغله انذكر وانحكى عنها بالصفحات اللي ئبل؟ الحريه الشخصيه هون صارت موضوع تاني مالها علائه بنقاط اسمى بالمره، هدا رأيي طبعا .. شكرا .. :137: |
اسمى الهدف التسلية اولا الاستفاة ثانيا وللعلم الادارة اجتها گتير شگاوي ع حگيگ هاد وحگت نفس حگي حرية شخصية ولو العضو شارگ مليون رد م حدا اله عنده |
خيتي غرور والله لما انزل موضوع وعضو يرد علي برد ما الو علاقة بالموضوع بغضل انو ما يرد هاد اولا تاني شي انا مع انو ﻻزم تكون في مشاركات بس صدقا 100 مشاركة عن فهم وادراك افضل من 100000 مساركة بلا هدف نورتي غرور |
هدف المنتدى نعطي صورة حضارية عن ابناء فلسطين ثقافة رياضة أخبار احترام متبادل ولكن لا يعني إنه تضعي العضو بقالب واحد حتى لو العضوة انطوائية جيد ان نراعي مشاعرها ونحترم ميولها لو شاركت بنفس الموضوع وحتى لو العضو انطوائي هدف المنتدى شيئ وميول العضو او العضو شيئ اخر ولكن حرية الشخص تنتهي اذا خرج عن سياق الاحترام بالردود بالمواضيع او الموضوع مع اعتراضي على رد سمو المشاعر الاخير ردك سمو خارج عن سياق الموضوع نوع الرد لا يعني تفسيره بلغة النوايا او التخمين دمتم بعز |
اقتباس:
لك جد شي ممل وانا اكيدة انو هيك عضو ما راح يهتم لموضوعي بس طلب من الادارة شوفولنا حل ي جماعة نورتي سمرة |
اخي انت مصر انك تتهمني انو ما بحترم الحريه الشخصيه !! انا مع ... مع ... مع بس حريتو سببت ملل لكتير اعضاء واكتر من شكوى راحت للادارة بهالخصوص وبرجع بحكيلك بحترم رايك وان اختلفت معك تحياتي |
عفوا سؤال مع احترامي الك يعني انتى الناطقة مثلا بإسم ميول الاعضاء وشو نوعية الردود يلى ما بتسبب الملل مثلا للاعضاء مع احترامي الك هذا خارج اختصاصك وضمن الحرية الشخصية لكل عضو مش ضرورى تعرفي شو ميول كل الاعضاء حتى ترضيهم كلهم حرية الشخص بالرد اله لنفسه وما حدا اله فيها ميول الشخص وطريقة تعبيره بالرد حريته وما حدا اله فيها تفسير ميول الاعضاء مش مسؤوليتك يا اسمى ولكن احترام الاعضاء مسؤوليتك ومسؤولية كل عضو بالمنتدى كلامك مناقض لردودك وانا مع الحرية الشخصية للاعضاء بالردود حتى لو بالرد على موضوع واحد بيسلمو وشكرا ضمن حدود الاحترام غير هيك مع تدخل المشرفين والمشرفات والادارة فى حالة كان العضو مستقصد تكرار رده بنفس الموضوع سواء بالغزل او بالمجاملة او بالشتائم دمتي بعز |
بس هيك بتكون حرية شخصية غير مناسبة للمكان يلي انت فيه...؟ ؟ ما حدا بقيدك بايش تشارك بس شارك بشي انت فاهمو وواضح ومعنى الاشي وصلك انت |
سمو يسلمو وشكرا كردود ضمن الحرية الشخصية للعضو غير هيك بعتبره تدخل بخصوصيات وميول وشخصية العضو او العضوة بالعامية العضو هيك تفكيره هيك ردوده او ردودها خرج او خرجت عن الاحترام بنتدخل بالنصحة للعضو او بطرده من المنتدى لو مستقصد التكرار بالردود بالغزل او المجاملة او بالتشائم غير هيك لا يحق لاى شخص تفسير نوعية الردود على مزاجه دمتي بخير سمو |
اخي رجل انا مو ناطقة بلسان حدا وﻻ مسؤؤله هون وحكيتلك الف مرة انا مع الحريه الشخصيه انا احترمت رايك بس حضرتك ما عم تحترم رايي انت مع انا ضد بعتقد هاي هي الحريه بالراي وحريه الشخصيه شكرا لالك |
انتى حرة بوجهة نظرك وضحت الك وجهة نظرك سعيد جدا بالحوار معكم دمتم بخير |
خيو كن ع ثقة انا وموضوعي ما راح اغير شي وحضرتك شفت انو في ناس معك بوجهة نظرك وناس معي بوجهة نظري واختلاف الراي شي طبيعي وحضاري وانا سعيدة بالحوار معك دمت بود |
اقتباس:
ليش لما تشوف خاطرة مثلاً وتعجبك كثير مابتئدر تكتب اشي خاص شكر خاص.. حروف راقتني اشكرك واشكر قلمك الذهبي مثلاً... ولا هيك بتدخل بخصوصيتها كمان... كل اشي الو حدودة.. يعني احلى يسلموو عوافي.. سلمت يداكي.. وبس عيك رد.. لما اشوف هيك رد بحكي ماقرأ الموضوع بلي رد عليه هيكك.. |
السلاآم عليكم و رحمة الله للجميع موضوع نقآشي مهم جداً في البدآية مآ في قآنون بحدد عدد مشآركآت العضوو لهيك الاعضآء عم يشآركوو بشكل كبير بالموآضيع المتجددةة و مآ بهمهم حد يقرأ المشآركآت اللي بيطرحوهاآ عكس باقي الأعضآء اللي وقت بينشر مشآركة بكون حآبب اكبر عدد ممكن من النآس تقرؤو او تشوفو و اكيد هالشي حرية بترجع للعضوو و لهيك لازم نحترم هالحرية و نتأقلم معهاآ اناآ كلآمي هاد كلوو هو الصح كونو فش قانون بيمنع هالشي لكن اناآ ضد هاد كلوو بس ما فيني اعمل شي عير اتناقش معك هون بالنسبة لزيادةة المشاركات و الرد بدون قراءةة الموضوع اناآ شخصيآً صارت معي موضوع عم بطلب فيوو صورةة رمزية في اكتر من عضوو رد على موضوعي ب شكر على مجهودي و سلمت اناملك و مدري شو تأكدت اناآ انو بردوو بدون ليقرأوو و اعضآء كمآن ردوو على موضوعي مرتين كل رد بيوم لوحدوو طبعاً موضوعي عادي مش متجدد المطلوب من الجميع انهم يعطو الموضوع حقو من ناحية القرآءةة و الردود غير هيك مآ عندي شي تحيآتي .~ |
اسمىٌ بسآلكٌ ,, جآوبيُ بصراآحةةٌ؟ 1-افرضىُ انكٌ سجلتيُ بمنتدىُ ونزلتٌ موضوعُ وبذلتيُ مجهودٌ فيهُ ,, مآحدٌ ردآء عليكُ ,, بربكـ بتفكريُ تنزليُ موضوعُ ثانيُ ؟ كيفٌ بتكونُ نفسيتكـ ؟؟ ههههههههه بدكٌ تتحمليُ هههههههه لآزمٌ اقنعكـ هههههههه لآنيُ بوقتُ كنتٌ مثلكٌ اقولٌ ليشُ يردوٌ وليشُ وليشُ ,,, ولآحظتُ انوٌ بعدٌ ماراحوٌ ها الاعضاء اللي كنآ نقولٌ عنهمٌ مملينُ ,, منتدىُ صارٌ غيرٌ فعالٌ وصار مملٌ ,,! هههههه يسعدكُ اسمىُ اجيبٌ كاسةً ليمونُ هههههههhttp://www.bntpal.com/vb/images/icons/18.gif |
حبيبتي ميناس وانا معك 100% وكونك اداريه عم تحكي هالحكي معناتو ﻻزم يكون في قانون يحدد المشاركات بالاقسام المختلفة ربي يسعدك نورتي |
اول شي بشكرك اسمى لطرح هادا الموضوع قبل ارد عليكي بدي ارد عالاخ رجل بعثره الزمن انت اخي ما فيك تحكيلها انا اعترض على كلامك هي نزلت موضوع للنقاش انت عليك ترد مع او ضد دون اتهام العضوه صاحبه الموضوع بالتعرض للحريه الشخصيه انت متناقض مع نفسك بردودك هي جمعت كل الاقسام مو قسم انت وافقتها على بعض الاقسام واعترضت على البعض الاخر عكل حال انا بحكي رايي بصراحه بقول المثل تنتهي حريتك عندما تبدا حريه الاخرين المنتدى كالبيت مش ملك شخص محدد هو ملك للجميع كل عضو اله الحريه انه يرد ويشارك بكل اريحيه المشكله اخي وين ؟ في مواضيع منعتبرها مهمه للتواصل بين الاعضاء مثل يا فلان وشخص ما وغيرها . الخ لو انا بدي اوجه كلمه لشخص ببالي ما رح يشوف شي لانه في 5 صفحات بعد ردي كمان في سجل دخولك عنوان الموضوع باين سجل برد او ردين او تلاته لو مهم ردك بس ما تسجل ب40 او 50 رد متتالي وين التميز وين القيمه الادبيه والمنفعه الكل بعرف انه المنتدى لتبادل الاراء والمنفعه وتواصل الاعضاء بعضهم مع بعض انا عضو متل باقي الاعضاء ما بحب تكون الاقسام ملك لشخص محدد فقط عشان يزيد مشاركاته ولو على حساب المتعه والفائده والتواصل وين المتعه باني ادخل اي موضوع اشاهده اشوف عدد كبير من ردود متتاليه ما الها اي معنى او فائده سوى زياده العدد فقط في مواضيع لزياده عدد المشاركات متل المليون رد او الدردشه اوالتسليه اما المواضيع الهامه ما لازم حدا يحتل الموضوع اله شخصيا هادا رايي ولكل رايه لازم نحترم كل الاراء اخر شي انا لما انزل موضوع متل خاطره تعبت وانا بكتبها ما بلزمني عضو يدخل يكتبلي شكرا او يسلمو انا بعتبره استهتار بما كتبت او احضرت العضو المميز مش بعدد المشاركات بتميز بردوده الهادفه والجامعه للمتعه والفكر واي عضو اله حق يكتب اي موضوع للنقاش واحنا علينا نرد عليه وما نعترض الك راي خلي غيرك يرد بعدك وبالاخر الاداره بحكمتها وفهمها بتشوف المناسب وبتعمله لا انا ولا انت ولا حدا محدد بقرر عن الجميع اسمى موضوعك في محله وانا معك بكل حرف كتبتيه يا ريت الاداره تنوه وتاخد بعين الاعتبار انه المنتدى للجميع وترتيب الاقسام وجمالها من المصلحه العامه للمنتدى |
اقتباس:
مهوو في من الادارةة عكس رأيي تماماً لأنو كل واحد و رأيوو |
سمو وفرضا اعجبتني الخاطرة مثلا يعني ضرورى احط اعجاب الها او ارد باشكرك او يسلمو لا مش ضرورى يمكن اكون معجب بدون ما ارد عالخاطرة وبعدين مين انتي عشان تحكمي على رجل بعثره الزمن او غيره يا سمو يرد او ما يرد سواء كنت معجب فيها الخاطرة او ما كنت معجب فيها الخاطرة مثلا او مقال او قصة او خاطرة انتى ما الك سواء اعجبني الموضوع حبيت ارد عليه او اعجبني وما حبيت ارد عليه انتى مسؤوليتك سمو كمشرفة تهتمي بقسمك وتحاسبي الناس يلى ردودها خارجة عن سياق الموضوع مش تكوني ضابط شرطة بالقسم او منجمة او ساحرة مثلا تفسري مين برد ومين ما برد وليش ما بترد وكيف ردت وليش هيك ردت كل شخص واله حريته الشخصية سمو واشكرك اسمى وبحترم كمان انا وجهة نظرك اسمى ووجهة نظر الجميع |
اخي رجل انا بحكيلك رايي لما انزل خاطره بقلمي لو عجبتك ادخل واكتب رد لائق لا تكتب يسلمو او شكرا لاني ما رح رد عليك ولو ما عجبتك لا تفوت ولا ترد بكون افضل وخفف من حده كلامك لو سمحت |
اقتباس:
انا سمو المشاعر ازا مو عارفني :) انا ما بحكيلك ادخل والله شايفني وائفة باب المنتدى وبحكي لكل واحد يلا ادخل وانت هون وانت هون.. لا انا بحكيلك في اعضاء بيدخلو يسلمو والله كثر خيرك.. والله جد يبياي عرفتني ايش شغلي يسلمو اول مرة بعرف لازم اعمل هيك بقسمي.. كل واحد حر بحالو بس بحدود غيرو... |
يا اخي حبيب مثل ما انك مش حترد على يسلمو وشكرا انا مش شرط كمان دخل واسجل اعجابي ومش شرط شخص يشعر بالملل مني بسبب كمان لو كتبت يسلمو او شكرا وبالنسبة لسمو النا ساعة بنحكيلك كل واحد حر بالحالو سواء يسلمو او شكرا او اى شي كتب حتى لو سجل فقط اعجاب بدون رد هاى حريته الشخصية الا اذا كتب رد غير محترم دمتم بخير |
الرجاء التزموا اداب الحوار ، |
يآ ريت انتوو كمآن اللي بتتنآقشوو ترجعوو تقرأوو الموضوع صح و تتناقشو بمضمونو و ما تتناقشو بشي تاني و يا ريت نحترم بعض شوي و نحترم آرآء الجميع تحيآتي |
اقتباس:
اكيد مش شرط تدخل مين اجبرك تدخل موضوع ؟ لكن لو دخلت موضوع اعطيه حقه واحترم صاحبه وتعبه فيه او لا ترد هادا كان كلامي انا كتير بفوت مواضيع ما بتعجبني ما برد عليها والي بعجبني برد رد يشجع صاحبه ويسعده ويبسطه ويحسسه انه تعبه ما راح عالفاضي لكن الصراحه ما فينا نمنع حدا انه يدخل ويرد حتى متل ما حكت ميناس ما في قانون يمنع الردود المتتاليه لكن هي طرحت الموضوع للنقاش مش لفرض رايها انا احكيلك من الاخر قسما بربي صرت اكره ادخل الاقسام الي فيها متتالي بشكل ممل وجدا كمان احكيلك سر انا انعديت صرت اعمل متلهم هههههههههههههههههههه شكرا اخي لرايك |
شوف. بدي اضربلك مثل لتفهم الشعور والهدف يلي بنا نوصلو لالك.. انت رجل بعثره الزمن جيت وكتبت خاطرة بتجنن لدرجة لا توصف.. وانت مبسوط لانك كتبت هيك شي.. واجي انا ومؤيد واسمى وميناس و..... كل الاعضاء.. نردلك.. يسلمو.. او.. شكرا.. او يعطيك العافية.. دهلت موضوعك انو كتير أعضاء داخلين عليه ومبسوط انك رح تلائي شكر وتقدير.. وتدخل هيك ردودهم بتزعل ولا لأ بتحكيش بببالك جاي كاتب يسلمو ورايح.. لا بتزعل معنوياتك بتهبط كمان |
| الساعة الآن 08:59 AM |
Powered by vBulletin® Version 3.8.7
Copyright ©2000 - 2025, vBulletin Solutions, Inc.
Search Engine Optimization by vBSEO ©2011, Crawlability, Inc.
HêĽм √ 3.1 BY: ! ωαнαм ! © 2010
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.