|
اقتباس:
ولكك دخيل تفكيرك إنتي.. عليكي نور.. بملل جداً جداً .. وهدفنا الرقية بهالمكان.. يسلم تمك.. ماحدا بيزعل من الحئ... سوما هاد نقاش رديت عادي مافي بهدلة صح. :13: :49: |
ممكن اشارك اول شي شايف انه الحوار صار صعب بهيك موضوع على اساس انه تعدي على حريه شخصيه مع انه ما ألها علاقه بالحريه الشخصيه ابدا لما بدنا نحكي عن حرية شخصيه بتكون بحاله انا اجبرك على شي ما بدك ياه هون بتكون تعدي على الحريه الشخصيه بس الموضوع بحكي عن عمل جماعي ونقاش لحل مشكله واضحه للكل وانا من قبل حكيت فيها كمان اسمى ما حكت لازم تفوت موضوع لعضو وترد عليه ولازم اتحط اعجاب انا ما فهمت هيك من الموضوع انا الي افهمته من الموضوع هاد ان الاهتمام بقسم معين مثل ما ذكرت فقط لزيادة عدد المشاركات وهاد ما بيطابق مع مفهم المنتدى ولرقيه رقي المنتدى بطلب منا غير هيك ازا حابين نرتقي ونوصل فكرة عن منتدى بنات فلسطين ما نسلط المشاركات بالزياده بس في مواضيع نقاشيه وفي مواضيع تكون حصريه وفي مواضيع بتعب عليها العضو وهو يجز فيها بنترك كل هاد وبنتوجه لقسم فيه زيادة المشاركات اكثر وين رقي المنتدى اذا بالموضوع؟؟؟ حتى هون تركنا المضمون والمهم وتوجهنا للنقاش على اساس تعدي على الحريه الشخصيه ليش ما نعطي الموضوع اهميه ونتوجه للحلول بدل ألقاء التهم وفرض المعنى على انه تعدي بدل ما نوحد الاراء ونعمل على حل المشكله بنزيدها وحتى يكون المنتدى واجها لشخصيات شعب فلسطين لازم يكون ألنا نظره غير هيك وترك الحساسيه اهم شي من وجهة نظري موضوع اسمى مهم للمنتدى وما عليه اي غبار وانا شايف انه مو تعدي على اي حريه او اي شخص بالعكس بنساعد على الاهتمام بأقسام تانيه والاهتمام بمواضيع تم تنزيلها ونتركت وانا حكيت بالنسبه للنقل انا متواجد هون من الصبح للساعه 2 وبقدر اظل للساعه 4 العصر بهاد الوقت بقدر انقل كل يوم الف موضوع يومي بس وين الفايده بهيك شي ازيد مشاركتي ؟ شو رح استفيد رئي لو كل يوم مشاركه وحده كافيه بالمواضيع الي متل فضفضه وغيرها لانها كثيره ونتوجه للمواضيع الغير منقوله وشكرا اعتذر عن الاطاله يسلمووووو اسمى |
كلامك صحيح لكن مرور الاعضاء يكفي ولو بكلمة .... |
وسام اطلع بره المنتدى انا لگان |
هههههههههههههههه نبض شو تطلعي ما بنستغني عنك هاي وجهة نظري عمتي انا بطلع ولا انتي هههههههههه ولو |
يعطيكي العافية اسمي موضوعك حلو وزمان حكينا فيه مع الادارة وكان ردهم اتركوا العضو علي راحته حتي دمج مشاركاته لا برضو لهيك ما في بايدينا شئ بهيك موضوع يعطيكم العافية |
يسعد صباحكم جميعا الموضوع حلو كتير للنقاش ومش بس حلو لا..مهم كتير واكيد اسمى ما طرحته الا بعد ما صار الامر لا يطاق اسمى انا متلك بطلت افوت كتير مواضيع لاني بلاقي مليون صفحه لنفس العضو واكتر من قسم...طب السؤال...ليش؟ بس للمشاركات! طب وصلنا مليون مشاركه.. شو استفدنا؟1 مندون ما نقرء ولا موضوع هادف او حصري او خاطره نستمتع واحنا نقرء فيها اسمى انا معك بكل حرف انا ضد ضد ضد وبجد لازم يكون في حل اقل شيء تنبيه... يا جماعه الرجاء الالتزام بالمشاركات انه مشاركه او تنتين بالقسم او انه تكون الردود مش ورا بعض ما فيها شي هاي |
اسمي صارت محققة وانا مابعرف ههه معك حق في كلامك يلي بيعيد نفس الروتين يصير الوضع ممل كتير ويصير الكل زهقان لازم تقرا الموضوع قبل ماترد عليه وترد عليه بطريقة تخلي الواحد يشعر انو الوا مكانة مو ترد عليه بنفس الطريقة كل اليوم رح يحس انو ماحدا مهتم لامروا او لموضوعوا يا محققة اسمى د موضوع حلو اسومة حبيبتي تسلمي |
صباح الخير جميعا بدايه حابه احكي شي ي جماعة انا ما اتعديت على الحريه الشخصيه لحدا وما جبيت احكي اسم عضو معين ونوهت انو الموضوع للتصحيح مش للتجريح وناس مع وهم غالبيه وناس ضد وطبعا بحترم ارائهم بس رجاء من الادارة تاخد باراء الناس الي حكو احنا ما بدنا هالشي والردود المتتابعة لحد 40/50رد عملتلنا ملل ! رجاء ادارتنا بدنا حل وما يكون ردكم انو هاي حربه شخصيه دام الاعضاء متدايئين من هاي الحريه معناها بطلت حريه وصارت اعتداء على حريتنا !! بدنا قوانين وسقف لتحديد مشاركات الاعضاء بكل الاقسام وكل الشكر للي فات وقرا كل الردود واستوعب المغزى من الموضوع وما حدا رد علي بيسلمو هههههههه تحياتي للكل |
بحب احكي كلمه اخيره بوجها لنفسي عشان ما حدا يفكر انها بتخصه كل عضو بسجل هون اله هدف في بحب يقرا اشعار في بحب يتعلم الطبخ في بحب النقاش في بحب التواصل وتبادل الافكر والرأي وفي بدخل عشان يحب وفي بدخل عشان يزيد مشاركات كل عضو اله الحريه يتحرك ضمن هدفه هاي حريه شخصيه وما حدا بمنعه ابدا لكن في اقسام مخصصه لكل هدا الشي فيك تروح عكل قسم وتفش قلبك فيه بدك تزيد مشاركاتك فوت موضوع المليون رد ضل حط مشاركات من الصبح لاخر الليل وازا حدا حكى معك انا مسؤول عن كلامي المهم التزم بهدف كل قسم او موضوع يا فلان وين هالغيبه يا فلان يسعد صباحك مش ردود منسوخه ما الها اي صله بالموضوع في فضفضه فضفض اد ما بدك ما حدا بمنعك في شخص ما احكيله كلمه واخرج لا تضل تكرر نفس العبارات ورا بعض عشان يضل المنتدى عامر فينا وفيكم احنا هون عيله وحده وبصراحه بتربطنا علاقات المحبه والالفه والاخوه وللعلم منتدانا من اروع وانجح المنتديات والا لما كان لهادا الوقت موجود انت لما تفوت المنتدى ادخل علة اي موضوع اعمل مشاركه تنتين او تلاته روح لموضوع غيره وهكذا واترك المجال لغيرك يشوف شو كتبت الا لو كنت ما بهمك حدا يقرأ شو كتبت اورديت الخلاصه ما بدنا نجبر حدا ولا نوجع راس الاداره العضو نفسه يكون عنده مسؤليه ويعرف كل قسم الهدف منه شو بالنسبه للردود عالمواضيع لما يكون في عشر مواضيع جديده وحبيب العمر يدخل يرد يسلمو شكرا يسلمو شكرا انا اتحدى لو قرا حرف من الموضوع ليش ؟ لانه اي موضوع اله فائده او هدف ومش معقول انا ادخل موضوع ويعجبني ويكون اثر في نفسي او ستفدت منه اكتب شكرا رح تحكو في اعضاء ما عندهم فن الردود ماشي ما طلبنا تحكي لغه فصحى فيك تحكي موضوعك جميل استمتعت بقراءته صور جميله ومعبره ومدهشه خاطره رائعه وكلمات راقت لي وعجبتني هاي صعبه ؟ وفي الاخير بتمنى تضل روح المحبه والالفه والترابط موجوده بين الجميع رغم اختلاف الفكر والعمر والرؤيا والهدف ويسعد صباحك يا وطن |
| الساعة الآن 07:44 AM |
Powered by vBulletin® Version 3.8.7
Copyright ©2000 - 2025, vBulletin Solutions, Inc.
Search Engine Optimization by vBSEO ©2011, Crawlability, Inc.
HêĽм √ 3.1 BY: ! ωαнαм ! © 2010
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.