|
سمرة وملك روحي متل ما توقعت حواركم ونقاشكم جدا رائع وممتع استمروا متابعه معكم |
رجعت نورتي شو مفهوم الحريه عندك؟ هل هيي اشي سلبي ولا ايجابي؟ وبرأيك لو انوجدت بالمجتمع العربي هل رح يصير في تطور بشغلات معينه للافضل او رح تتغير الاوضاع للاسوأ؟ الحريه تبدأ عندما تنتهي حريه الاخرين مفهوم الحريه عندي حريه الراي /الحياه /التنقل /العيش بكرامة .... وهي اكيد شي ايجابي طالما ما حدا متضرر من حريتي واكيد لو الحكومات وفرت هالشي كان وضعنا افضل الف مرة ع الاقل ما كان صارت هالانقلابات والمصايب الي اجت بعدها هل برأيك الجن هو من الشر؟ إذا اه لكان ليش في ناس كتير بآمنوا بالشر وبيآمنوش بالجن؟ كإنه في تناقض هون، مع إنه الجن من رأيي هو الانسان نفسه .. اللهم عافنا واعف عنا الجن =شر والانسان الي بيسعى للجن =شر والجن ﻻ يسعى لانسان الا الي جواتو شر والي بآمن بالشر بآمن بالجن ما في تناقض برأيك شو يللي بيخلي الانسان يفكر بالانتحار، هل الاهل هني الجزء الاكبر بهالمشكله؟ بدايه الانتحار حرام لانو يأس من رحمة الله ومن مات منتحرا مات كافر ﻻ تجوز عليه صلاه الميت مهما كانت الاسباب سواء الاهل او الظروف او السياسات او اقتصادنا او او او مجرد التفكير بالانتحار حرااااااام شو رأيك بجيل اليوم؟ وهل بتحسي انه رح يطلع منه اشياء مفيده مستئبليا؟ بالرغم من انه جيل صايع .. ما تنسي احنا من جيل اليوم هههههه اكيد راح يطلع منو شي كل جيل والو وئتو واسلوبو وطريئتو بالحياه وكل جيل بعمل معلم على الجيل الي بعدو بدل ما يوجهه ببلش ينتقدو انا مأمنه انو جيلنا جيل مبدع وخلاق رغم صياعتو ههههه هل بتحسي انه معدش في اهتمام واحترام لفن زمان؟ واكبر دليل مسخره الناس ع الفنانه صباح لمن توفت، بالرغم من انها كانت فنانه قديره بزمناتها متل الاساطير وديع الصافي ورده الجزائريه إلخ .. بهاي معك حئ للاسف ما في احترام لعمالقة الفن الجميل والبعض يمكن يحكي شو صباح مجرد مغنيه وتبلش الفلسفة يا عمي بلاش صباح احترمو تاريخ صباح وانسانيتها طبعا صباح مثال مو اكتر بس كمان في ناس لهلا تسمع طرب اصيل وبتجدد اعمالهم بريمكس كتير حلو شو السبب يللي خلا الناس تتعلئ بالمسلسلات التركيه بالرغم من انه مسلسلاتون بتحكي عن حياتون يللي بعيده كل البعد عن حياتنا، ومسلسلاتنا احنا يللي بتعكس واقعنا بيجهلوها، بدل من انه يتابعوها ويتعلموا منها .. الفراغ العاطفي المسلسلات التركيه مسلسلات عاطفيه بحته واحنا شعب نفتقر للعاطفة بس ملاحظة مسلسلاتنا ﻻ تنقل واقعنا ابدا او حتى بنسبه معينه حتى ما اشمل وفي مسلسلات تركيه تفوق مسلسلاتنا واقعيه للاسف ثورات العرب ئامت بسبب انون ضد نظام الحكم، مع اانه كل هالمشاكل من زمان مكنتش، هل برأيك لو هالثورات مش موجوده كان ممكن انه حياة الشعب والناس تغيرت للاحسن؟ خصوصا إنه الانسان يللي بيرضى بعيشه وباللي ربنا كتبه كان ممكن تتغير حياته للاحسن بدون ما يعمل هاي الثورات؟ احنا انضحك علينا بما يسمى الثورات العربيه او بالربيع العربي بعدين مين حكالك انو الثورات كانت قرارات من الشعب احنا متل احجار الشطرنج بايد عواصم القرار اليوم بدهم ثورة بتصير ثورة بدهم حرب بتصير حرب بدهم تهدئه بنهدا مصر اضربي ليبيا الاردن اضربي سوريا اليوم مع داعش بكرة ضد خليها ع الله سمرة شو رايك ببيت المسنين؟ او دار العجزه متل ما بئولوا؟ هل لازم يكون في هيك اشي؟ مع انه انا بعتبر هالشغله اهانه للاهل، الاهل طول عمرون يربوا اولادون واخر اشي يحطهون ببيت المسنين؟ متل ما ربوهن وهني صغار، سيعتا بيجي دور الصغار يللي صاروا كبار يهتموا بالاهل، خصوصاً انه الانسان لمن يكبر ويصير ختياري بصير متل طفل انا مع دور المسنين هلا سواء اهانة او ﻻء ناس رضيت بهاي الاهانه ورمت الكبير وين يروحو هالختايرة لو ما في دور متل هيك ؟؟؟ بعدين يمكن هالختايرة ما الهم اهل احنا بحاجة لهيك دور ومتابعة من المؤسسات المعنيه بهيك دور اما بالنسبه للي برمي الكبير مثلما تدين تدان اليوم انت ابن بكرة اب وربنا يمهل وﻻ يهمل مبدعة باسئلتك راجعة اكيد |
حبيبتي لونلي يسلمو لمتابعتك ربي يسعدك |
هلا لونلي منوره :137: :137: :137: |
ماشاء الله عليهم الصبايا ناس واعية ومثقفة وبتعرف شو ترد مبسوطة كتير بالمتابعة ^^ |
حبيبتي دقة وانا مبسوطة بمتابعتك نورتي |
بعيد عن السياسه والدين المرة اسئلتي راح تكون اكتر حاجة بتخلي دموع سمرة تنزل ما هي... شو هو اصعب موقف مر عليكي واحكيلنا تفاصيلو... لو انتي ما معاكي فلوس وركبتي تاكسي وعاملة حسابك على سعر معين حتعطيه للسواق وما رضي فيه شو راح تعملي وانتي ما معاكي مصاري ؟ هل احسستي بالرضا على نفسك يوما ما؟ متى يحل الصمت بدل الكلام عندك؟ متى تحبي ان تكتبي؟ولماذا تكتبي؟ولمن تكتبي؟ هل شعرتي يوما بأنك أسعد مخلوقة على وجه الارض؟متى؟ولماذا طلعتي نزهة.رحلة ل احد المنتزهات وأجبرتي ان تأخذي ثلاثة من أعضاء المنتدى من هم؟ ماهي نقطة ضعف سمرة ؟ ماهو مفهوم السعادة عند سمرة؟ الغدر...الخيانة...الريادة...قوة الادراة هذه اربع كلمات ماذا تعني ل سمرة ؟ مار أيك في الأقوال التالية : الإبداع يولد من رحم المعاناة؟ عشرات الكتاب تهزمهم الظروف وتنتصر عليهم المواجع ؟؟ إن مؤلفات الكاتب ماهي إلا انعكاس لعذاباته وأوجاعه ؟؟؟ يقولون أن لكل شاعر ملهمه ! ربما تكون أنسيه أو جنيـّه وربما خياليه ؟ وكذلك الشاعره ! شاعرك المفضل؟ ماهي مساحة الحرية التي تتمناها سمرة في حياتها! بكفي لهون |
هلا دقة قلب، منوره .. :137: :137: |
ايمتا بتشمئزي من حالك؟ عاده بعدك بتعمليها لليوم من وانت صغيري شغله تمنتيها تكون موجوده بمجتمعك؟ اكتر شخصيه تاريخيه بتحبيها؟ واكتر شخصيه تاريخيه بتكرهيها؟ شو اسم عطرك؟ مهنه تمنيها لنفسك؟ عاده غريبه فيكي بس بتشتغنيش عنها؟ اصعب ذكرى عشتيها بحياتك؟ شغله عم تتمنيها بهالايام؟ شخص اتمنيتي انك توصليه بس مئدرتيش؟ بغض النظر مين هو .. احلى هديه تلئتيها بحياتك ومن مين؟ شغله مستعده تتجرأي فيها وتعمليها؟ شغله تعلمتيها من تجاربك بالحياة؟ شغله مستعده تتنازلي عنها كرمال اشي او شخص؟ وبس راجعه :116: |
اكتر حاجة بتخلي دموع سمرة تنزل ما هي... لمن يموت حدا غالي علي، ولمن اغلط واكون عارفي انه غلط، ولمن اضعف .. شو هو اصعب موقف مر عليكي واحكيلنا تفاصيلو... بصراحه في كتير مواقف والمشكله انه كل هالمواقف شخصيه، يعني شغلات بتنحكاش، لهيك بعتزر ما فيني جاوب :137: .. لو انتي ما معاكي فلوس وركبتي تاكسي وعاملة حسابك على سعر معين حتعطيه للسواق وما رضي فيه شو راح تعملي وانتي ما معاكي مصاري ؟ بئلو اعطيني رقمك لحتى اجبلك البائي وهيك بنحل الموضوع وبريح راسي، إذا كان نصاب واخد زياده في الله وشايفو .. هل احسستي بالرضا على نفسك يوما ما؟ كل مره بنجح فيها وبرضي اهلي سيعتا بكون بقمة الرضا .. متى يحل الصمت بدل الكلام عندك؟ لمن ائعد مع ناس بتفهمش عربي !!! متى تحبي ان تكتبي؟ولماذا تكتبي؟ولمن تكتبي؟ انا بكتبش ملك، "وضعي الخاص" معدتش كتبت من بعدها ولا رح اكتب شكلي .. هل شعرتي يوما بأنك أسعد مخلوقة على وجه الارض؟متى؟ولماذا مش مره وحده، مرات كتيره، لمن انجح بغض النظر بإيش .. طلعتي نزهة.رحلة ل احد المنتزهات وأجبرتي ان تأخذي ثلاثة من أعضاء المنتدى من هم؟ كلون صعب اختار =/ ماهي نقطة ضعف سمرة ؟ لمن اغلط غلط كبير .. ماهو مفهوم السعادة عند سمرة؟ الرضا بالنفس .. الغدر...الخيانة...الريادة...قوة الادراة هذه اربع كلمات ماذا تعني ل سمرة ؟ الغدر - مأساه الخيانه - عذاب الرياده - قياده قوة الاراده - قمة مار أيك في الأقوال التالية : الإبداع يولد من رحم المعاناة؟ مزبوط، كل ما عاش الانسان بظروف صعبه كل ما تعلم منها اكتر وبتئوى شخصيته اكتر وبصير خبره بالحياه .. عشرات الكتاب تهزمهم الظروف وتنتصر عليهم المواجع ؟؟ مش دايما، في كتير ناس بتصمد مهما كانت ظروفها وبتخليش المشاكل تأثر ع مواهبها .. إن مؤلفات الكاتب ماهي إلا انعكاس لعذاباته وأوجاعه ؟؟؟ مزبوط بس بنسبه معينه، كتير اوئات ممكن الكاتب يكتب شغلات بعيده عن واقعو ومن وحي خيالو .. يقولون أن لكل شاعر ملهمه ! ابأغلب الاحيان اه .. ربما تكون أنسيه أو جنيـّه وربما خياليه ؟ وكذلك الشاعره ! كل اشي ممكن، لإنه مفش حدود معينه بالكتابه ان كان بالشعر او غيرو من الكتابات .. شاعرك المفضل؟ انا ماليش بالشعر .. ماهي مساحة الحرية التي تتمناها سمرة في حياتها! السفر يمكن .. اسئلتك حلوه ملك يسعدك راجعه :116: |
بالنسبه لسؤالك عن الكتابه، في خربطه بجوابي ئلة انتباه مني عشني كتبتو بسرعه، كنت بدي ائول انه انا بكتبش بس كتبت مره وحده ب 2007 "صديقي الغالي" ، "وضعي الخاص"، ومن وئتها معدتش رجعت كتبت ولا رح افكر .. بعتزر ع الخربطه .. :137: |
بعتذر صبآيآ أنتهت مده النقآش بتمنى إنكو أنبستطوا هون يغلق ل إستضافة جديدة ~ |
lonely heart وعشق الروح في قفص المواجهة .. '
|
اختيار راقي نبض لونلي حبيبتي شخصية رائعة جميلة وتفكيرها ناضج جدا وهي حبيبةقلبي بتمنالكم التوفيق متابعة ودي |
حلو إختيآرك حبيبتي نبض ويسلمو ع المجهود الحل .. لونلي أمورة وبتجنن يسعدهآ .. وأخيي أبو الزين مآشآء الله فهمآن ووآعيي .. بتمنآلهم التوفييق متآبعه معهم آنآ وردآتييي |
موفئة باختيارك نبض حسيت الشخصيتين مختلفتين عن بعضن وهاد بيعطي مجال أكبر لنتعرف على كل شخصية لونلي شخصيةةةة كتير مميزةةة وحبابة وهادية وراقية وعشق الروح شخصيةةةة إلها بصمةةة مميزة وواضحةةة بالملتئى ورائع وكتير حباب ربي يوفئن ويسعدن متابعة يسلمو ايديكي ويعطيكي الف عافيةةةة |
اختيار موفق نبض اخترتي اكثر الاعضاء تميز عشق الروح ولونلي هارت تحياتي الكم |
الله يسعدكو جميعآ نورتوا ^^ |
نبض شكرا لكِ على الموضوع واكيد لونلي هارت شخصية جميلة وأكثر أكيد هيروقني الحوار معها |
اختيار موفق |
اختيار موفق حبيبتي نبض رح اكون متابعه الهم بالتوفيق للاتنين |
اقتباس:
تسعدني إنك رح تكوني متابعة هون كوني بخير |
اقتباس:
وأكيد بتسعدني إنك تكوني متابعة ودي |
إختيآآر موفق سأكون من المتآبعيين ’’ |
اقتباس:
التميز معك نورت |
وشكراً لكم جميعاً على الحضور والمتابعة لروحكم السعادة ودي |
شخصين رائعين لونلي & عشق الروح متابعكما شكرا نبض |
شكرا نبض على موضوعك الرائع وعلى اختياري لحتى أكون ضيفه فيه وسعيده بوجود انسان راقي متل عشق الروح ليكون معي بالمواجهه |
اقتباس:
الله يسعدك يا رب بتشرفني وبتسعدني متابعتك يا قمر |
اقتباس:
انتِ الاحلى حبيبتي بتسعدني متابعتك يا قمر |
اقتباس:
ان شاء الله رح تتعرفي علينا اكتر من خلال هالمواجهه الله يسعدك ويوفقك يا قمر بتسعدني متابعتك |
اقتباس:
الله يسعدك |
اقتباس:
وانا سعيده لانا مع بعض في المواجهه |
شخصين من اعز ناس علي لونلي --- ابو زين منورين متابعكم |
تسلم أبو يامن ربي يسعدك كون بالقرب دوماً |
إختيـآر بعئد لـ شخصيتين بجننو حبيبتي لونلي الله يكون بعونكك يآ عسسل بس آكيد ح نستمتع بوجودكـ ♥ رح كون متآبعةة آكيد وردة |
حنان شهد اميرته الصغيره حبيب العمر حيرتني شكرا كتير الكم جميعا بشرفني وبسعدني متابعتكم |
الموضوع مبني على الصراحة لهيك أجوبتي رح تكون على هذه الأساس س1/ ماهو العضو الذي تمنيت أن يكون معك بالمواجهة داخل القفص؟ لونلي هارت لأني أنا إلي طلبت من نبض هذه الموضوع س2/ ما رأيك بنفسك كعضو في المنتدى؟ هل أنت راضي على ما قدمته إلى حد الآن؟ ما بحب أمدح لكن كل الأقسام تشهد لي وراضي الحمد لله أكيد س3/ هل إستفدت من منتدى بنأت فلسطين أكثر أم أفدت أكثر؟ الأثنين معاً س4/ اكثر موضوع اعجبك للطرف الموجود معك داخل القفص ؟ مواضيعها في قسم اللغة الإنجليزية مفيدة وكثير وموضوع عجبني الطاقة السلبية في البيت س5/ موقف صارلك معه؟ الحمد لله مافي س6/ أكثر صفه تعجبك فيه؟ حضورها الهادي س7/ ما رأيك بالعضو المقابل بكل صراحة وشفافية ؟ شخصية رائع وتعامل الجميع بكل إحترام وتعرف حدودها وحدود الأخرين ومحبوبة من الجميع س8/ هل تتابع مواضيعه بالمنتدى ؟ صراحة لا لو أجى بوجهي مواضيعها برد عليهم س9/ هل سبق ووجدت نفسك في مواجهة مع عضو بالمنتدى؟ كثير جداً س10/ هل تذكر اول موضوع قرأته للطرف الآخر ؟ أخر طرح لها بقسم اللغة الأنجلزية س11/ نصيحه تقدمها له ؟ مافي س12/ أهدي لنا بيت شعر يعبر عن احساسك في هذه اللحظات؟ لونلي أكيد مثل أختي وما طلع معي بيت شعر ولا أعرف شيء يعبر بس كنت بقرأ كتاب لمحمود درويش إسمه حضرت الغياب س13/ شو أكثر قسم تشارك فيه بالمنتدى؟ كل الأقسام لكن بعشق مدونتي س14/ لو طلبوا منك اتغير شي في ملفك الشخصي , شو تغير؟ ما بهتم في مظهر ملفي الشخصي كقير س15/ كم مرة قلت: أوووووووووووف خلاص بطلع من المنتدى نهائيا؟ أنا بالنسبة للمنتدى مزاجي أحياناً ما بطيق أدخله س16/ من العضو إللي مباشرة لما تدخل المنتدى تشوف إذا كان متواجد أم لا؟ طبعاً أميرته الصغيرة وتولين س17/ ماهو السؤال إللي توقعت أوجهه لك بس أنا ما وجهته؟ مافي س18/ لو طلبت منك تقدم هدية للطرف الثاني فماذا تهديه؟ من باب الذوق لأنها رائعة بهديها وردة http://www.bntpal.com/vb/img/bntpal_1424894275_947.jpg س19/ عبر عن ما أنت فيه الأن بثلاث كلمات ؟ سعيد مشوش مشغول س20/ كلمه اخيره تقولها له؟ سعيد بكوني معك هنا |
س1/ ماهو العضو الذي تمنيت أن يكون معك بالمواجهة داخل القفص؟ صراحة ما فكرت بأي حد وتفاجأت بوجودي بقفص المواجهه لكني سعيده باختبارك نبض لعشق الروح ليكون في مواجهه معي س2/ ما رأيك بنفسك كعضو في المنتدى؟ هل أنت راضي على ما قدمته إلى حد الآن؟ بترك هالشي للأعضاء لحتى يقيموا وجودي بالمنتدى لكني نوعا ما راضيه عن نفسي بما اقدمه بقسم الانجلش من طروحات فيها فائده للجميع س3/ هل إستفدت من منتدى بنأت فلسطين أكثر أم أفدت أكثر؟ تنينااتهم استفدت وافدت س4/ اكثر موضوع اعجبك للطرف الموجود معك داخل القفص ؟ صراحه من جديد صرت انتبه لوجود عشق الروح كان تواجده قليل اول ما دخلت المنتدى اجمالا مواضيعه حلوه كتير س5/ موقف صارلك معه؟ الحمد لله ما صار أي شي س6/ أكثر صفه تعجبك فيه؟ رقيه في التعامل وركازته س7/ ما رأيك بالعضو المقابل بكل صراحة وشفافية ؟ من خلال فترة قليله قدرت كون عنه فكره بسيطه هو انسان بحاله قليل ما يحتك بالاعضاء لكن بنفس الوقت بشاركهم بمواضيعهم حضوره جميل محترم وراقي في تعامله..بحسه انسان واعي وله خيره بالحياة صريح وعنده جرأة .. مواضيعه وردوده حلوه ... وما شفت منه الا كل خير وأكيد من وجودي معه بالمواجهه رح اتعرف عليه اكتر س8/ هل تتابع مواضيعه بالمنتدى ؟ يلي بشوفه برد عليه س9/ هل سبق ووجدت نفسك في مواجهة مع عضو بالمنتدى؟ لا س10/ هل تذكر اول موضوع قرأته للطرف الآخر ؟ بصراحة مش متذكره س11/ نصيحه تقدمها له ؟ بحسه انسان واعي مو محتاج للنصائح س12/ أهدي لنا بيت شعر يعبر عن احساسك في هذه اللحظات؟ أنفاسنا في الأفق حائرة. تفتش عن مكان جثث السنين تنام بين ضلوعنا فأشم رائحة لشيء مات في قلبي وتسقط دمعتان فالعطر عطرك والمكان. هو المكان لكن شيئا قد تكسر بيننا لا أنت أنت. ولا الزمان هو الزمان س13/ شو أكثر قسم تشارك فيه بالمنتدى؟ الانجلش والنقاش .. منافذ الروح ..حواء وأناقتها ..اللمسات الفنيه .. استراحة الالعاب وركن الصور س14/ لو طلبوا منك اتغير شي في ملفك الشخصي , شو تغير؟ ما رح اغير شي فيه س15/ كم مرة قلت: أوووووووووووف خلاص بطلع من المنتدى نهائيا؟ ولا مرة س16/ من العضو إللي مباشرة لما تدخل المنتدى تشوف إذا كان متواجد أم لا؟ ما في حد معين س17/ ماهو السؤال إللي توقعت أوجهه لك بس أنا ما وجهته؟ مو مقصرة نبض مو مخليه شي هههه س18/ لو طلبت منك تقدم هدية للطرف الثاني فماذا تهديه؟ http://www.bntpal.com/vb/img/bntpal_1424896225_230.jpg س19/ عبر عن ما أنت فيه الأن بثلاث كلمات ؟ مبسوطه .. متشوقه .. مرهقه س20/ كلمه اخيره تقولها له؟ الله يسعدك ويوفقك يا رب |
سعيده برأيك فيني عشق الروح وشكرا كتير على الورده كلك زووء |
| الساعة الآن 08:23 PM |
Powered by vBulletin® Version 3.8.7
Copyright ©2000 - 2025, vBulletin Solutions, Inc.
Search Engine Optimization by vBSEO ©2011, Crawlability, Inc.
HêĽм √ 3.1 BY: ! ωαнαм ! © 2010
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.