|
اتفضلي سمرة المايك معك انتي هلاء ناطرة اسئلتك |
تسلميلي ملك، كتير انبسطت بحكيك، واكتر اشي لفت نظري "الكوفيه الفلسطينيه"، الله يسعدك .. / لو يرجع الزمن لورا شو الشغله يللي كنتي بتشيليها من حياتك وشغله بتضيفيها؟ شي مره حطيتي عينك ع شب بس مئدرتيش توصليه؟ بتحسي حالك جاهزه في حال فكرتي تتزوجي وتفتحي بيت؟ يعني تئومي بواجباتك كست بيت ناجحه، وإذا لاء شو يللي بينئصك بالزبط؟ بتهتمي بحالك؟ يعني بتحبي الاناقه؟ وايش اكتر شغله بتهتمي فيها بشكلك؟ بتعرفي تطبخي؟ ابشع صفه واحلى صفه بشخصيتك شو هني؟ حاسه حالك رح تكوني ناجحه بمجالك الاعلام والصحافه مستئبلياً؟ مبسوطه بحياتك؟ شو نائصك بهالايام؟ بكفي هدول الاسئله إسا .. :137: :137: |
شكرا نبض لهاي الاستضافه بجد احسنتِ الاختيار ملك وسمره من العضوات الي بتميزو بروح التحدي والتالق والإبداع متابع |
منور خيا، الله يسعدك .. :137: :137: :137: |
يسلموووو كتيييررر |
نقااش جميل متااابعةة ~ |
سمرة كنت معها في القفص قبل هيك وكانت جولة ممتع وبعرف نقاشها ممتع وأحسن شيء مش متعصبة حابب أشوف ملك روحي سأكون متابع موفقات ي صبايا |
اووووه عنجد اختيار عضوين رائعين ملك وسمرة بيستحقو المتابعه نبض اختيارك روعه ملك وسمرة بدنا نقاش يكون نار بالتوفيق لاالكم ودي ومتابع |
http://www.bntpal.com/vb/images/icons/icon1.gif تسلميلي ملك، كتير انبسطت بحكيك، واكتر اشي لفت نظري "الكوفيه الفلسطينيه"، الله يسعدك .. / لو يرجع الزمن لورا شو الشغله يللي كنتي بتشيليها من حياتك وشغله بتضيفيها؟ سؤالك صعب كتير سمرة لو رجع الزمن فيا ممكن شيل ترددي ببعض المواقف عفويتي مع بعض الناس /وثقتي الزايدة /قرارات كتير كنت ما اخدتها واهمها انو ضليت هون بالبلد بالوئت الي كان ﻻزم فيه اسافر امريكا واستقر هونيك مع اخوتي وممكن اضيف ع حياتي ائضي وئت اكبر مع امي الله يرحمها واحاول اكسب بابا اكتر بصفي شي مره حطيتي عينك ع شب بس مئدرتيش توصليه؟ ههههههههههه اي هههههه بتحسي حالك جاهزه في حال فكرتي تتزوجي وتفتحي بيت؟ يعني تئومي بواجباتك كست بيت ناجحه، وإذا لاء شو يللي بينئصك بالزبط؟ انو جاهزة كست بيت اي جاهزة بس مو جاهزة نفسيا وصلت؟؟ بتهتمي بحالك؟ يعني بتحبي الاناقه؟ وايش اكتر شغله بتهتمي فيها بشكلك؟ طبعا وكتير كمان انا من الناس الي بهتم كتير بالنظافة الشخصيه بغسل اسناني 3مرات باليوم وشعري بمشطو الف مرة هههه بتابع الموضة و بحب البس ع الموضة والي بيعرفوني بعرفو هالشي عني بهتم بالاكسسوارات بالشنط وبالشوزات كل لبسه بشتريها ﻻزم اشتري معها الشوز المناسب والشنطة والاكسسوارات بس لاكون صريحة معك معظم لبسي بيجيني هديه من اخي ومرتو الي بتفهم علي وع ميولي بهالخصوص بتعرفي تطبخي؟ يب يب وبعجبك كمان ههه ابشع صفه واحلى صفه بشخصيتك شو هني؟ ابشع صفة العناد والعصبيه واحلى شي بسامح وبروء بسرعة حاسه حالك رح تكوني ناجحه بمجالك الاعلام والصحافه مستئبلياً؟ لو اعتمدت بس ع دراستي ﻻء بس بتصور راح يدعموني اخوتي وناس صحابنا الهم اذاعات خاصة فيهم يعني بلواسطة هههه مبسوطه بحياتك؟ بنسبه 70% ما حدا بخلى سمرة من النكد وعدم الرضا بحياتو شو نائصك بهالايام؟ لمه العيله بكفي هدول الاسئله إسا .. ماشي دوري هلاء هههه |
اختيار في منتهي الجمال عقليتين مختلفتين اكيد حيكون كتير قوي ورائع نقاشهم ملك موفقة حبيبتي سمرة موفقة حبيبة قلبي نبض كلك ذوقك باختيارك علي فكرة ليجي دوري قوليلي بدي اختار حدا معي هههههههههههه ودي |
اسئلتي سمرة بعيدا عن عالم النت والخيال حقيقة تخص سمرة لاول مرة تحكيها ؟؟ من خلال بعض الردود لالك سمرة حسيت انك على علاقة واقعيه هل هالشي يعني ارتباط قريبا ؟؟ سمرة كمواطنه من عرب 48 شو ردك ع الكلام الي بحكي انكم مو حاسين معنا ( كضفة وغزة ) وانكم خلص تم تهويدكم ؟؟؟ حكوماتنا اختلفت واصبح لكل مدينه دوله انتي كفلسطينيه رايك بلي عم يصير ؟؟؟ شو نائص احزابنا ليصير في تصالح وحكومة واحدة ؟؟؟ سمرة انا بعرف انكم عايشين بجو من العنصريه واعتباركم من الدرجة التانيه او حتى التالته هالشي اثر عليكي انتي بشكل شخصي ؟؟؟ عندكم جماعة اسمهم الدروز وللاسف هاي جماعة بتخدم بالجيش الاسرائيلي كفلسطينيه وعربيه شو السبب لهالشي ؟؟ سمعت عن حالات زواج عرب من اسرائيليات بهدف الحصول ع الجنسيه الاسرائيليه ... ليش برايك ؟؟وشو تعليقك ع الموضوع ؟؟ رغم انو اليهود محتل وظالم لكنو شعب انساني !! هاي الجمله مرة سمعتها من مواطن عربي داخل اسرائيل في من هالحكي ؟؟! طيب لو في ايمتا بتلمسو انسانيتهم !؟ بتمنى تكون اسئلتي خفيفة واكيد راجعة |
يسلمو ريما تسعدني متابعتك |
سمره & ملك روحي بتجننو تنيناتكن ربي يسعدكن موفئةةةة نبض بالاختيار يعطيكي العافيةةةة |
حبيبتي شام نورتي ييسعد مساكي |
بعيدا عن عالم النت والخيال حقيقة تخص سمرة لاول مرة تحكيها ؟؟ كتير حكيت شغلات عني بكرسي الاعتراف، يللي حابب يعرف عني يعني، ما بعرف شو ممكن احكي اكتر واعترف، انه كتير شغلات بتضلها خاصه بيني وبين نفسي .. من خلال بعض الردود لالك سمرة حسيت انك على علاقة واقعيه هل هالشي يعني ارتباط قريبا ؟؟ مزبوط في شخص بحياتي، وعشان اوضحلك اكتر، انا بحسش بمشاعر حب إتجاهه، بس استمريت معه لإني ماشيه ع مبدأ إذا عشت مع انسان انا بحبه سيعتا رح اتعب كتير بحياتي، لهالسبب اخترت اني اعيش مع انسان هو بيحبني مش انا بحبه، صعبه ممكن، بس بيكفي انه يحبني ويحترمني ويدللني، ولا بُد مع الايام يصير انسجام، ع كل حال الموضوع معئد شوي، بديش اتعمق فالموضوع اكتر من هيك، بس مش ع الاكيد رح استمر معه او انه يصير ارتباط عن ئريب، يعني حسب .. سمرة كمواطنه من عرب 48 شو ردك ع الكلام الي بحكي انكم مو حاسين معنا ( كضفة وغزة ) وانكم خلص تم تهويدكم ؟؟؟ اشي طبيعي رح تحكوا هيك بما إنكوا شايفين عرب الداخل عايشين حياتون ومن ناحية مستوى معيشه يمكن افضل والاوضاع الاقتصاديه احسن وبما إننا عايشين بمجتمعات مختلطه مع اليهود، بس ولا بعمركوا تحكموا ع الانسان من مستواه او من عيشته، لإنه اذا بتلاحظوا كل فتره العرب عنا بيعملوا مظاهرات تضامنا معكوا ضد اليهود، صحيح هالاشي يمكن بيحلش مشاكل بس بيفرجي ئديش حاسين معكوا .. وما بعرف اذا اغلبيتكوا مفكرين انه عرب الداخل فيهون يحلوا مشاكل او يحرروا فلسطين متلا، مش لهالدرجه، لإنه اليهود هون مسيطرين ع العرب .. حكوماتنا اختلفت واصبح لكل مدينه دوله انتي كفلسطينيه رايك بلي عم يصير ؟؟؟ كل الحكومات فاشله لإنه السياسيين يللي دايما بختاروهن فاشلين وهني سبب المشاكل بقراراتون الفاشله، وبرضه الشعب مش عارفين حالون ايش بدن بالزبط، هدا إلو تأثير وبيولّد صراع ومشاكل، ان كان بين حكومات الدول او بين الحكومه والشعب .. واكيد هدا كله غلط، لإنه المفروض الكل يكونوا ايد وحده، بس للاسف بيختاروا السياسيين الغلط .. شو نائص احزابنا ليصير في تصالح وحكومة واحدة ؟؟؟ مع اني بفهمش كتير بالسياسه، بس اللي انا شايفيته، نائص زلام تكون ئد كلمتها، لإنه هني يللي عم بديروا هالاحزاب ومسؤولين عنها، والمفروض هني يللي يوحدوا كل العرب ببعضون .. سمرة انا بعرف انكم عايشين بجو من العنصريه واعتباركم من الدرجة التانيه او حتى التالته هالشي اثر عليكي انتي بشكل شخصي ؟؟؟ لاء مستحيل تأثر، لإنه دايما بتعامل مع اللي ئبالي كإنسان بغض النظر شو كانت ديانته، وفي حال اللي ئبالي عاملني عاطل سيعتا اللي علي عملته، والبائي ع الله .. عندكم جماعة اسمهم الدروز وللاسف هاي جماعة بتخدم بالجيش الاسرائيلي كفلسطينيه وعربيه شو السبب لهالشي ؟؟ مع اني انا درزيه وسبئ وذكرت هالاشي بكرسي الاعتراف ما بعرف اذا انتبهتي، وما بعرف اذا رح تتفاجئي، لإني بعرف الدروز مش محبوبين نوعا ما بالرغم من انه مش كلون نفس العئليات، واكبر دليل الشب الدرزي "عمر سعد" من قرية المغار يللي موجوده جنب طبريا، رفض التجنيد من لمن كان عمرو 18 سنه وهو لليوم ضد النظام .. وفيكي تكتبي اسمه لتتعمقي وتعرفي اكتر عنه .. بالنسبه للتجنيد هدا فرض يعني شرط من شروط الجيش، وانحط هالفرض من وئت قيام الدوله بسنوات الاربعينات، انه الدروز لازم يخدموا اما الاسلام والبدو والمسيحيه اختياري مش اجباري، والخدمه الاجباريه هي 3 سنين لمن يصير عمرو 18 يعني لمن يخلص ثانويه، من بعد ما يمرئوا 3 سنين سيعتا هوي حر يضل وحر يطلع من الجيش، المهم المده الاجباريه نفسها، وكتار شباب عنا برفضوا وبيعملوا المستحيل بس للاسف اي واحد بيخدمش بيحبسوه، اعطيكي كمان مثال، شب من "بيت جن" قريه درزيه بالشمال، من عيلة "قبلان"، رفض يخدم بالجيش وطخ اجرو كرمال ما يخدم بس للاسف وئتها الجيش عرفوا واخدوه وحبسوه وهوي متصاوب .. وما بنكر انه قسم كبير من الدروز عنصريين بشكل بشع لإني درزيه وعايشه بين دروز وفاهمه وعارفه عئلياتون، وانا شخصياً اوئات كتير بشمئز من تصرفاتون وعئلياتون وعنصريتون وبتفاجأ، ولا بعمري كنت متلون ومستحيل افكر كون متلون والحمد لله ترباية اهلي، النا صحاب من كل الديانات انا واهلي والحمد لله .. لإنه بالنهايه كلنا بشر واحد منآمن بالله واحد فليش افرق بيني وبين خوي الانسان؟ سمعت عن حالات زواج عرب من اسرائيليات بهدف الحصول ع الجنسيه الاسرائيليه ... ليش برايك ؟؟وشو تعليقك ع الموضوع ؟؟ شكلك بتئصدي عن عرب الخارج او عرب الضفه، لإنه عرب 48 مش بحاجه لهيك جيزه لإنه جنسيتون اسرائيليه كل الوئت، وعكل حال لمن تسمعي بهيك جيزه الحب هوي اللي بخليهون يعملوا هيك، ومن ناحه تانيه اغلب شباب العرب بيحسوا وبيلائوا انه الغير عربيات ابسط بكتير من العربيات والحياة معون رح تكون احلى واريح وابسط، بعكس العربيات يللي دايما "نكديات"، هيك حسب اعتقادي .. رغم انو اليهود محتل وظالم لكنو شعب انساني !! هاي الجمله مرة سمعتها من مواطن عربي داخل اسرائيل في من هالحكي ؟؟! طيب لو في ايمتا بتلمسو انسانيتهم !؟ ليكي انا بآمن بشغله انه كل انسان جواته خير الانسانيه كتير بتعنيله، بغض النظر لأي ديانه بينتمي، يعني اكيد الانسانيه موجوده عند اليهود ما بنكر، بس اكيد "مش عند الكل"، واكيد انسانية الانسان بتبين وئت المشاكل الصعبه، ما فيني احكي عن انسانيتون مقابل مشاكلون مع الضفه هاي اذا كنتي عم تئصدي عن الضفه وغزه، بالرغم من انه الاغلب بيحكوا لو انو اليهود انسانيين كانوا بيقتلوش العرب، بس انا حسب رايي المشاكل يللي دايما بتصير هاي "سياسه"، والسياسه مالها علائه بالانسانيه، لو السياسات ناجحه كنا مشفناش كل هالمشاكل، ما بعرف هدا رايي .. شكرا ع الاسئله ملك، اسئله صعبه شوي، بس جاوبت ئد ما بئدر .. راجعه مع اسئلتي :137: .. |
"مظهر البنت" برأيك ليش دايما الشب بيحكم ع البنت من لبسها، إذا كان بيآمن انه المظهر مانو مهم متل ما الجوهر ونفس الانسان مهمين، فليش بيحكموا ع البنت من شكلها، كتير بنات بتشوفيهون محتشمات بالشكل وعاملات حالون ملائكه بس جوفن وشخصيتون من جوا قمة الوقاحه والسفاله !! "الاجهاض ما بين العار والستره" شو رأيك بالاجهاض وئت تتعرض البنت لإغتصاب وفجأه تحبل والاشي بكون صار غصبن عنها مش هيي يللي بدها يصير هيك، هل برأيك لازم ترمي يللي ببطنها ئبل ما يمرء 5 اشهر ويكبر الجنين لإنه وئتها الجنين بيكنش حي، وتعمل هالعمليه لتستر ع حالها من الفضايح؟ ولا بكل الحالات هالشغله تُعد جريمه بحق الجنين بغض النظر ان فات هالجنين مرحلة النمو او لاء؟ وإنو لازم تخليه ببطنها وتخلفه بالنهايه مع إنه يمكن يطلع مش معروف مين ابوه لهالطفل ومع انه ممكن يصير فضايح وتوصل الئتل؟ "الشواذ" يعني الشب يللي بيحب شب او بنت اللي بتحب بنت، هل هاي فطره يعني الشغله بتكون من جواتون من لمن يخلئوا ولا الحياة والمجتمع والبيئه يللي بتخليهون يصيروا هيك؟ وبرأيك شو ممكن يكون الحل مع هيك بشر؟ او إنه مستحيل ولا اي اشي يغيرون؟ "صراع الديانات" مسلم ومسيحي ودرزي وشركسي ويهودي واجنبي، لو منئعد معن ومنحكي بموضوع الدين رح نلائي كل شخص فيهون متمسك بدينه، لدرجه إنه ممكن يئعد يحاول يقنعك ويثبتلك إنه ديانته هيي رح تضل للاخره بعد هالدنيا، شو حتكون ردة فعلك وكيف رح تتصرفي وايش ممكن تئولي لكل واحد فيهون؟ "الشبكه العنكبوتيه" هل برأيك لازم الانسان يكون صادق وصريح مع غيره بعالم النت حتى لو كان مليان كذب؟ ولا لازم يكذب وميكنش صريح لسبب واحد انه محداش بيستحق يعرف عنه كل خصوصياته وكل اشي عن حياته الخاصه؟ "اقنعة الشباب" برأيك ليش دايما الشب بعمل حاله ملاك ئدام اي بنت، لدرجه انه يئعد يتفلسف ئديش بيخاف ع بنات الناس وانه مستحيل يضحك عليهون، بس هوي بالاصل بكون مش مخلي بنت من شره، واكبر دليل لمن يكبر بالعمر ويفكر بالجيزه، هيك بكون شبع صياعه بكل مراحل عمره، واكتفى وقرر يعئل ويتزوج ويفتح بيت ؟! "مساواه" دايما النسوان والبنات بحاولوا يعملوا المستحيل ليكون في مساواه بينون وبين الشباب والزلام بالمجتمع، بس انا بشوف اغلب مشاكل المجتمع من ورا النسوان هيك وبدون مساواه فكيف لو انوجدت هالمساواه !! شو رايك انت؟ بيكفي هدول اسا .. :137: |
بدايه ابدعتي سمرة بجد "مظهر البنت" برأيك ليش دايما الشب بيحكم ع البنت من لبسها، إذا كان بيآمن انه المظهر مانو مهم متل ما الجوهر ونفس الانسان مهمين، فليش بيحكموا ع البنت من شكلها، كتير بنات بتشوفيهون محتشمات بالشكل وعاملات حالون ملائكه بس جوفن وشخصيتون من جوا قمة الوقاحه والسفاله !! شوفي سمرة هلاء الشاب بحكم ع البنت من لبسها لانو هيك اتربى البنت محجبه يعني بنت متربايه وبنت اصل والبنت الي مو متحجبه بنت سهله مع انهم الشباب كتير واعيين وشايفين بعيونهم انو هالشي ابدا مو مقياس وﻻ دليل ع التربايه بس بضلو شباب شرقي !! انا مع انو الحجاب فرض وما عليه كلام وﻻ نقاش بس من رايي كتير بنات عاملتو ستار لشغلات تانيه وطبعا ما بعمم بس انا بنت جامعة وبشوف تصرفات لمحجبات وربي مسيحيات ما بعملوها لهيك بحكي للشباب بالله عليكم راقبو البنت من حيث الفعل وردة الفعل وحكمها على الامور والشله الي بتمشي معهم ئبل ما تركزو ع لبسها و مكياجها "الاجهاض ما بين العار والستره" شو رأيك بالاجهاض وئت تتعرض البنت لإغتصاب وفجأه تحبل والاشي بكون صار غصبن عنها مش هيي يللي بدها يصير هيك، هل برأيك لازم ترمي يللي ببطنها ئبل ما يمرء 5 اشهر ويكبر الجنين لإنه وئتها الجنين بيكنش حي، وتعمل هالعمليه لتستر ع حالها من الفضايح؟ ولا بكل الحالات هالشغله تُعد جريمه بحق الجنين بغض النظر ان فات هالجنين مرحلة النمو او لاء؟ وإنو لازم تخليه ببطنها وتخلفه بالنهايه مع إنه يمكن يطلع مش معروف مين ابوه لهالطفل ومع انه ممكن يصير فضايح وتوصل الئتل؟ انا مع الاجهاض بهاي الحاله طبعا ازا هالشي ما بتعارض مع الدين وﻻ بسببلها مشاكل صحيه هلا راح تساليني طيب ليش مع راح جاوبك اوﻻ هاد الجنين راح يضل موسوم بانو ابن حرام تانيا مجتمعنا ما راح يرحم الام للعمر وﻻ راح يغفرلها هالخطيئه حتى لو غصب تالتا الحكومة ما راح تعطي الجنين شهادة ميلاد يعني ﻻ دراسه وﻻ هويه و ﻻ جواز سفر وﻻ حتى حقوق كمواطن عادي رابعا ازا الام عاجزة انها تدافع عن حالها فكيف راح تدافع عن حقوق ابنها !!! "الشواذ" يعني الشب يللي بيحب شب او بنت اللي بتحب بنت، هل هاي فطره يعني الشغله بتكون من جواتون من لمن يخلئوا ولا الحياة والمجتمع والبيئه يللي بتخليهون يصيروا هيك؟ وبرأيك شو ممكن يكون الحل مع هيك بشر؟ او إنه مستحيل ولا اي اشي يغيرون؟ الشذوذ مرض وعوارضو بتوقع بتبين منذ الصغر هون بيجي دور الاهل والمدرسه والمرشدين النفسيين لمعالجة هالمريض الاسباب بتصور انو بكون اتعرض لتحرش جنسي ومفهوم الجنس عند الولد غلط ليش ما بدرسو الجنس بالمدارس !! ليش ما الاهل يحاولو يفهمو وﻻدهم وبناتهم ويوجهو فطرتهم للطريئ الصح بلا ما يروحو الولاد لمصادر غلط ايمتا راح نشيل هالحاجز ﻻ حياء بالدين "صراع الديانات" مسلم ومسيحي ودرزي وشركسي ويهودي واجنبي، لو منئعد معن ومنحكي بموضوع الدين رح نلائي كل شخص فيهون متمسك بدينه، لدرجه إنه ممكن يئعد يحاول يقنعك ويثبتلك إنه ديانته هيي رح تضل للاخره بعد هالدنيا، شو حتكون ردة فعلك وكيف رح تتصرفي وايش ممكن تئولي لكل واحد فيهون؟ نفسي وحلمي انو نتعامل مع بعض بدون ما نحكي سني وشيعي ومسيحي ومسلم ي جماعة الدين علاقة بين العبد وربو خلونا نعامل بعض كمواطتين النا حقوق وواجبات كلنا على حد سواء هلا ما في مانع من هدايه الناس بس ما تتشدد بالهدايه فالرسول (ص)لو كان فظا غليظ القلب لانفضو من حوله وانت ﻻ تهدي من احببت ولكن الله يهدي من يشاء بدنا اكتر من هيك قاعدة نمشي عليها !!! "الشبكه العنكبوتيه" هل برأيك لازم الانسان يكون صادق وصريح مع غيره بعالم النت حتى لو كان مليان كذب؟ ولا لازم يكذب وميكنش صريح لسبب واحد انه محداش بيستحق يعرف عنه كل خصوصياته وكل اشي عن حياته الخاصه؟ الكزاب كزاب والمنافق بضلو منافق والانسان السادئ حتى من ورا شاشه بتحسي بسدئو لو كلنا اتعاملنا مع النت ع انو وسيله اتصال وتواصل متل التلفون والتلفزيون والجريدة وانو مو وسيله لفرد العضلات من ورا شاشه وكزب ونفاق ودجل لو ندرك انو الي بنعملو الناس بتعملو فينا كنا ما استعملنا النت كوسيله للسب والشتم و فرد العضلات بالنسبه للخصوصيات مو مطلوب من حدا يحكو خصوصياتو بس كمان مو مطلوب تعيشو فلم هندي !!! "اقنعة الشباب" برأيك ليش دايما الشب بعمل حاله ملاك ئدام اي بنت، لدرجه انه يئعد يتفلسف ئديش بيخاف ع بنات الناس وانه مستحيل يضحك عليهون، بس هوي بالاصل بكون مش مخلي بنت من شره، واكبر دليل لمن يكبر بالعمر ويفكر بالجيزه، هيك بكون شبع صياعه بكل مراحل عمره، واكتفى وقرر يعئل ويتزوج ويفتح بيت ؟! هاد مو قناع سمرة الشب العربي هيك اتربى هاد شي بجوانو مزروع انت شب مسموحلك تصيع وتلعب ع بنات الناس والاهل بكونو مبسوطين واو ابننا محبوب كل بنات الحارة بتركض وراه وبزئفولو ع هالشي ولما ييجي يتجوز بصير بفهم وبدو بنت حلال لتسترو للاسف هيك مجتمعنا وهيك اتربينا "مساواه" دايما النسوان والبنات بحاولوا يعملوا المستحيل ليكون في مساواه بينون وبين الشباب والزلام بالمجتمع، بس انا بشوف اغلب مشاكل المجتمع من ورا النسوان هيك وبدون مساواه فكيف لو انوجدت هالمساواه !! شو رايك انت المراه سبب المشاكل ؟؟ برفض هالتهمة سمرة ابدا وﻻ عمرها كانت سبب المشاكل هلا بالنسبه للمساواه ما في شي اسمو مساواه 100% ﻻ جسم المراه وﻻ تركيبتها الفسيولوجيه بعطوها هالحئ وانا كبنت مؤمنه بهالشي بس كتير نساء اثبتو حالهم بكتير مجالات وتفوقو على الرجل كمان راجعة باسئلتي |
- في تقييمك للناس والحكم على شخصياتهم على ماذا تعتمدين ؟ انطباع أولي أم موقف أم ماذا ؟ - يتبادر دائما إلى ذهن أي طالب في مقعده الدراسي أن يفكر ماذا سيكون يوما ما , ماذا كانت إجاباتك في الماضي وتخيلاتك لما سيكون عليه حالك مستقبلا ؟ وهل تحقق كل ماتصبو له نفسك أم أن هناك المزيد مازال متاحا ؟ بعض المجاديف بالطبع تكسرت لسبب ما , ماهي المجاديف أو الطموحات التي لم تتحقق وماهي أسباب عرقلتها من وجهة نظرك ؟ - المجتمع بكل بساطة هو عبارة عن وحدات تكونه , هل تتحدد ملامح وشخصية وموروثات المجتمع بطبائع وحداته أم إن هناك من وجهة نظرك تكوينات تتواجد في المجتمع دون أن تنصبغ بها الوحدات المكونة له ؟ - التغيير كيف يبدأ ومن أين ؟ هل إذا تغير فرد أو عائلة يستطيعون تغيير مجتمع بأكمله أم أن هناك متطلبات أخرى ؟ - كيفما تكونوا يولى عليكم هل توافقين على ذلك ؟ أم كيفما يولى عليكم تكونوا ؟ أيهما أصح وأقرب ؟ - الفتاة في المجتمع العربي والمجتمع الغربي مقارنة سريعة من وجهة نظرك , هل تعتقدين أن الفتاة العربية الآن هي النموذج الحقيقي للفتاة المسلمة ؟ ماذا ينقصها للوصول إلى ذلك النموذج ؟ - نسمع كثيرا بحقوق المرأة والمطالبات بتحقيق هذه الحقوق وأدائها , على أي أساس يمكننا تحديد ماهي الحقوق المستحقة للمرأة ؟ بلا شك أن الإسلام منح المرأة المسلمة حقوقها كاملة , ولكن كيف تناقصت وتآكلت هذه الحقوق حتى توصلنا إلى مطالبة المرأة بأبسط الحقوق المشروعة ؟ - كانت الجاهلية ثم حل الإسلام وغير كل موروثاتها وعاداتها , ولكن مالذي أعادنا إلى تلك الحقبة المظلمة برأيك ؟ هل تؤمنين بفكرة التجديد في التعاليم الإسلامية لتتواءم مع الحداثة ؟ - فصل الدين عن السياسة مارأيك بهذه المطالبة ؟ (قل إن صلاتي ونسكي ومحياي ومماتي لله رب العالمين) هل هناك من تعارض بين الحياة والممات بالإسلام وبين تلبيس السياسة بالإسلام وصبغها به ؟ الحركات السياسية الإسلامية بدأت ملامحها في الثورة الإسلامية في إيران ثم تكاثرت الحركات فهناك القاعدة وحماس والإخوان وغيرها من الجماعات هل يمكن أن نصفها بأنها حركات إسلامية أم أن الإسلام مجرد عباءة لتحقيق مكاسب سياسية لهون وبكفي |
روعه بجد اشي مش طبيعي اسئله غريبه وجريئه واجوبه كمان اجمل واروع من تنيناتكم بس عندي طلب يا ريت لما تجاوبو تغيرو اللون عشان نعرف السؤال من الجواب بشكل واضح استمراااااااااااااا |
- في تقييمك للناس والحكم على شخصياتهم على ماذا تعتمدين ؟ انطباع أولي أم موقف أم ماذا ؟ بركز ع اسلوبن بالحكي وتعاملون مع الغير .. - يتبادر دائما إلى ذهن أي طالب في مقعده الدراسي أن يفكر ماذا سيكون يوما ما , ماذا كانت إجاباتك في الماضي وتخيلاتك لما سيكون عليه حالك مستقبلا ؟ وهل تحقق كل ماتصبو له نفسك أم أن هناك المزيد مازال متاحا ؟ بعض المجاديف بالطبع تكسرت لسبب ما , ماهي المجاديف أو الطموحات التي لم تتحقق وماهي أسباب عرقلتها من وجهة نظرك ؟ كنت دايما ائول بدي افتح صيدليه لمن اكبر، بس وئتها كنت بجهل إنه "ليس كل ما يتمناه المرء يدركه، تجري الرياح بما لا تشتهي السفن"، كبرت ومتعلمتش صيدله لإنه بدو بسخومتري وهالنظام كتير صعب، وعلى ما يبدو مش موجود غير بجامعات الداخل بكل جامعات العالم .. لهيك الطالب مش لازم يتفائل اكتر من اللازم لإنه لازم يتوقع يصير الاسوأ وعكس يللي بيرغبه حتى لو كانت ارادته ئويه .. - المجتمع بكل بساطة هو عبارة عن وحدات تكونه , هل تتحدد ملامح وشخصية وموروثات المجتمع بطبائع وحداته أم إن هناك من وجهة نظرك تكوينات تتواجد في المجتمع دون أن تنصبغ بها الوحدات المكونة له ؟ اكيد كل مجتمع بيعكس شخصية وتصرفات وطبع وافكار وحياة الانسان .. هدا الاشي واضح، وبغض النظر شو طبيعة هالمجتمع، ان سلبياته اكتر او ايجابياته اكتر .. - التغيير كيف يبدأ ومن أين ؟ هل إذا تغير فرد أو عائلة يستطيعون تغيير مجتمع بأكمله أم أن هناك متطلبات أخرى ؟ التغيير بدو عئل بيفكر بدو إراده وئوه شخصيه وطولة روح، وما بظن فرد واحد يأثر ع مجتمع كامل ميه بالميه، إحتمال يصير تغيير بحاله وحده إذا كان في تعاون، وهون الدور بيجي عالفرد نفسه، دوره ليعرف كيف يوّصل تغييره الايجابي من فرد لفرد ويأثر عليهون ويقنعون بتغييره، وهيك بالنهايه بيوصل التغيير لمجتمع كامل .. - كيفما تكونوا يولى عليكم هل توافقين على ذلك ؟ أم كيفما يولى عليكم تكونوا ؟ أيهما أصح وأقرب ؟ المقوله مزبوطه، ومش شايفه فرء بين الجملتين .. - الفتاة في المجتمع العربي والمجتمع الغربي مقارنة سريعة من وجهة نظرك , هل تعتقدين أن الفتاة العربية الآن هي النموذج الحقيقي للفتاة المسلمة ؟ ماذا ينقصها للوصول إلى ذلك النموذج ؟ العربيه عايشه بمجتمع عربي متشدد محافظ، الاجنبيه عايشه بمجتمع غربي منفتح متطور، كلامك مزبوط انه البنت العربيه هي نموذج للمسلمه بس طبعا مش اي عربيه، لإنه في كتير عربيات متأثرات بحياة الغرب يعني بيتعلئ، ببظن يكفي انها تحافظ وتحترم دينها وتخاف ربها وتكون اخلاق وقدوه لغيرها .. - نسمع كثيرا بحقوق المرأة والمطالبات بتحقيق هذه الحقوق وأدائها , على أي أساس يمكننا تحديد ماهي الحقوق المستحقة للمرأة ؟ بلا شك أن الإسلام منح المرأة المسلمة حقوقها كاملة , ولكن كيف تناقصت وتآكلت هذه الحقوق حتى توصلنا إلى مطالبة المرأة بأبسط الحقوق المشروعة ؟ المشكله انه كل بنت عايشه بمجتمع بيختلف عن مجتمعات بائي البنات، يعني كل وحده بتلائيها بتطالب بحقوقها يللي مختلفه عن التانيه، مفش حقوق معينه، إذا الحقوق كانت موجوده من الاساس واختفت يمكن بسبب نفسيات الناس والبيئه يللي بعيشوا فيها خلت حقوقها تروح، بس ملاحظه مش كل الحقوق معدومه .. - كانت الجاهلية ثم حل الإسلام وغير كل موروثاتها وعاداتها , ولكن مالذي أعادنا إلى تلك الحقبة المظلمة برأيك ؟ هل تؤمنين بفكرة التجديد في التعاليم الإسلامية لتتواءم مع الحداثة ؟ تطور الحياة يللي ودّا الناس ع الهاويه، بطلوا يعرفوا الصح من الغلط، وصار كل ممنوع مرغوب، وانتشرت كل الاشياء السلبيه بمجتمعاتنا تا وصلنا لهيك حاله .. ما بظن الحياة تتغير للاحسن لإنه بكل بساطه البشر متأثرين بالتطور .. - فصل الدين عن السياسة مارأيك بهذه المطالبة ؟ (قل إن صلاتي ونسكي ومحياي ومماتي لله رب العالمين) هل هناك من تعارض بين الحياة والممات بالإسلام وبين تلبيس السياسة بالإسلام وصبغها به ؟ الحركات السياسية الإسلامية بدأت ملامحها في الثورة الإسلامية في إيران ثم تكاثرت الحركات فهناك القاعدة وحماس والإخوان وغيرها من الجماعات هل يمكن أن نصفها بأنها حركات إسلامية أم أن الإسلام مجرد عباءة لتحقيق مكاسب سياسية ماليش كتير بالسياسه، بس انا مع الفصل، لإنه بكل بساطه الدين اشي والسياسه اشي تاني .. وبالنسبه لكترة الحركات، هدا كله نابع من الجهل، ما كلون اسلام واحد ليش لحتى تكون كل حركه تكون لحالها؟! ليش ما يكنوش ايد وحده متلا؟! وبسبب هالحركات كترت المشاكل .. ما بعرف شو الهدف منها، انا ماليش كتير بالسياسه .. شكرا ملك ع الاسئله .. :137: :137: :137: |
منور خيا، بعد ما ئريت ملاحظتك غيرت لون الاسئله ولا يهمك .. :137: :137: |
شخصيتين رائعتين. واسئلةة واجابات مدهشةة . متابعة معكما . بالتوفيق //~ |
اقتباس:
اوك راح غير لون الاجابات يسعد مساك |
رائعة انتي سمرة ما تتصوري ئديش بتشبهيني ناطر اسئلتك اكيد |
شكرا سمره لانك غيرتي اللون طبعا من حقنا نعقب انا مع حريه الرد والمبدا والتعبير الا انه في كتير شغلات ما قتنعت فيها شخصيا مع ذلك كل انسان اله تفكير وفهم حسب بيئته او مجتمعه او تجربته في الحياه او عدم الخروج من دائره الحلال والحرام مع احترامي لكل الاراء |
حبيبتي ظل مشكورة يسعد مساكي |
اقتباس:
برحب باي تعقيب وبعتقد سمرة ما عندها مانع بس ممكن توضح مؤيد ع شو اعتراضك بالزبط ؟؟ |
هههههه تسلميلي ملك الله يسعدك :50: |
بس عندي كمان تعقيب ملك انتي ابدا ما بتشبهي سمره ممكن في الجراه والرد والصراحه لكن انتو عايشات بمجتمعين مختلفين تماماً لفت نظري انه سمره عندها صديق ما بعرف كيفيه العلاقه وهي حره تجرب تعيش معه ووقت ما بدها بتتركه عنا هادا الشي مرفوض من الاساس في عنا عادات وتقاليد ودين ما منقدر نبتعد عنهم حتى لو معنا شويه حريه بضل خوفنا من الله هو منبع تصرفاتنا وفي كمان شي السياسه والدين على مر العصور الاسلاميه ما انفصلت عن بعض من ايام الرسول لحتى انتهت الدوله العثمانيه بعدها طلعولنا بالعلمانيه هي فصل الدين عن السياسه والدوله لحتى يكون الدين فقط بالمسجد والسياسيين يتحكمو بالشعوب ويحكومها على هواهم اكتفي هنا ارجو ما اكون ازعجتكم |
مفهمتش مؤيد عن اي سؤال عم يحكي، واكيد بتئبل رأيه :137: .. / ظل، بنبسط بمتابعتك اكيد، منوره :137: .. |
حبيب العمر اوﻻ نورت وتعقيبك دليل على انك متابع و هالشي بسعدني بالنسبه لانو سمرة بتشبهني او ﻻء يمكن بالافكار والاسلوب وبالصراحة بالتحدي مو الظروف بالنسبه للسياسه والدين مجتمعاتنا اليوم مختلطة فيها المسلم والمسيحي والشيعي والسني وووو صحيح احنا دول اسلاميه بس بعتقد انو الفصل بهاي الحاله شي بصب لمصلحة الشعوب اوﻻ واخيرا مع اختلاف الطوائف والديانات اكيد ما ازعجتنا سعيدة بتواجدك |
سمرة بما انك مو جاهزة باسئلتك راح اسبئك هالمرة ههههه 1/ شخص معين او شيء حصل وغير مجرى حياتك ؟؟ وهل غيرها للأسوأ ام للأفضل ؟ 2/ كيف بتقضي اغلب اوقات فراغك ؟ 3/ يوم ما بتنسيه بعمرك شو هو هاليوم ؟؟ 4/ شو اكتر مكان بتحبيه في بيتكم ( غرفتك , المطبخ , الحديقه ... الخ ) ؟ 5/ لو بأمكانك السفر للدراسه في الخارج اي بلد كنتي حتختاري تسافري له ؟ 6/ لو معك اجازه ليومين وين بتختاري تروحي ومين بتاخدي معك من المنتدى :) ؟ 7/ اقلام من مِن الاعضاء تلفت نظرك بأستمرار ؟ 8/ شو الشيء الي بيخليكي تعصبي بقوه ؟ 9/ ايمتى ممكن تبكي بحرقه ؟ 10 / لو أحب شخص عزيز على قلبك ان يهديكي هديه , ماذا تحبي ان تكون هذه الهديه؟ 11/ هل من الممكن ان تحقدي على شخص وتقرري الانتقام منه ؟؟ اذا نعم في اي حالات ؟؟ 12 / هل انت انسانه ناجحه في حياتك ؟ اذا كانت اجابتك نعم فما هو سر نجاحك ؟ 13/ ما هو اجمل شيء في الحياة بنظرك ؟ 14 / شو رأيك بالصداقه بين الشاب والفتاة ؟ مع او ضد ؟ 15/ هل انتي شخص فوضوي ولا بنوته عسل مرتبه ونظاميه ^_* ؟ 16 / الخيانه من افظع ما يكون , اي اصعب بالنسبه الك ( خيانة الصديق / الحبيب / الاخت ... ) وهل سبق وان خانك احد ؟ 17/ حكمه تؤمني بها جداً ؟ 18 / معك 3 وردات لمين بتهديهم من اعضاء المنتدى وليش ؟ 19/ شو هي ايجابيات وسلبيات سمرة ؟ 20 / شيء عملتيه وندمتي عليه , وبتتمني لو يرجع الزمن وتصلحيه ؟ ما هو ؟ |
سمرة حدا بعتلي ع الخاص وحابب يسالك هالسؤال شو دور المراه الدرزيه في الدين هل هي مكلفه دينياً او الدين يقتصر عالرجال وهل القران عندكم نفس القران عنا هل بتعتبرو انفسكم مسلمين طيب من هو النبي تاعكم هل هو محمد ولا نبي اخر الك حريه الرد طبعا |
مؤيد، انا محبيتش اتعمق بموضوع علاقتي العاطفيه، وما بعرف اذا ئريت جوابي منيح لإني مذكرتش اشي يللي يفرجيك اني منفتحه اكتر من اللازم، انا حكيت اني ارتبطت بالشب لإنه بحبني، مش اكتر، يعني متعمقتش لحتى تحكم وتئول اني منفتحه بعلائتي معه، بعرفش لوين راح فكرك، صحيح يمكن عنا حريه بس برضه في حدود لكل اشي عنا، ودايما بتمسك بأخلائي ئبل ما اعمل اي اشي، مستحيل اتعدى الحدود، وإذا كان ئصدك عن "العلاقه" نفسها، فهالاشي موجود عند كل العرب، مش بس عنا، اي شب بيفكر ببنت وبحط عينه عليها بخطبهاش دغري صح؟ إلا ما يئعد معها فتره، يعني فتره تعارف واكيد انت مريت بهالفتره او يمكن عم تعيشها اذا كان في حدا بحياتك، وبرأيي هالاشي كتير عادي وكتير طبيعي وبعيد عن الحريه والانفتاح متل ما انت فكرت، ولمن يكون في سوء تفاهم بين التنين ويحسوا انون مش رح يئدروا يكملوا سيعتا مفش شك رح ينفصلوا عن بعض، برضو هالاشي طبيعي، بعرفش لوين راح فكرك خيا .. وبالنسبه لسؤال ملك عن السياسه والدين، انا مش مسلمه سبئ وذكرت هالاشي لهالسبب جاوبت ملك هالجواب بحسب كيف انا بفكر وبعرف، وكتير شغلات مجاوبتهاش بسؤالها الاخير لانه معنديش خبره كتير عن المجتمع وطبيعة حياة الاسلام .. بتمنى كل اشي يكون وضح إسا، وتكون فهمتني اكتر، منور خيا، يسعدك :137: .. |
ابدا خيتي سمره ما كان القصد الي اخدتيه انتي حتى لو ما كنتي مسلمه بس انتي عربيه والعربيه عندها شرف واصل وهادا انا شايفه من اجوبتك وقناعاتك يمكن مرات التعقيب بطلب منك توضيح اكثر وليس اتهام اجوبتك رائعه سمره بحييك لثقتك وثقافتك |
سمرة شو ما كانت توجهاتك وافكارك وديانتك في شي اسمو احترام راي الاخرين سواء نتفق او نختلف وهاد اساس اي حوار وبرجع وبكرر انا جدا سعيدة بمواجهتي مع انسانه متلك وبعقليتك وبطريئه نقاشك واسلوبك |
سبئتيني ها ههههه كنت جاي احطلك اسئله :69: 1/ شخص معين او شيء حصل وغير مجرى حياتك ؟؟ وهل غيرها للأسوأ ام للأفضل ؟ فترة الشغل في عكا لمن اشتغلت بعد الثانويه، غيرتني للاحسن .. 2/ كيف بتقضي اغلب اوقات فراغك ؟ اغلب الاوئات بنشغل بالتعليم، ولمن اكون فاضيه بزور خواتي المتزوجات او بطلع مشاوير، او بضلني فالبيت مع اختي مروه واهلي، وهيك .. 3/ يوم ما بتنسيه بعمرك شو هو هاليوم ؟؟ 25.10.2010 كان يوم عالمي بالقدس واجتمعوا كل الطوائف الاسلام والمسيحيه الدروز اليهود والاجانب الشركس، كان يوم بجنن وكمان عشني ميلت ع السوق بباب العامود، بحب هالسوق كرمال اتسوق ههههه كل فتره بنزل عليه .. 4/ شو اكتر مكان بتحبيه في بيتكم ( غرفتك , المطبخ , الحديقه ... الخ ) ؟ اوضتي، بحسها اهدا اوضه فالبيت لانه محداش بفوت وبزعج .. وبحب الحاقوره جنب الدار بوي فلاح دايما بيزرع خضره وفواكه وسمره بتنزل تاكل هههه .. 5/ لو بأمكانك السفر للدراسه في الخارج اي بلد كنتي حتختاري تسافري له ؟ اميركا .. 6/ لو معك اجازه ليومين وين بتختاري تروحي ومين بتاخدي معك من المنتدى نقرتين لعرض الصورة في صفحة مستقلة ؟ لو بطلع بإيدي باخد الكل اكيد بختار احلام مجنونه عشان تضل تضحكني وتيم عشان يضل يصورنا طالما عندو خبره بالتصوير 7/ اقلام من مِن الاعضاء تلفت نظرك بأستمرار ؟ الوطن والغربه، ملك روحي، هل كان حبا، لونلي هيرت، إيزل، قصي، ورده ليلكيه، وسام الملك، سفير القلعه، البريئه، دارك ديفل، ظل، ننوش، حبيب العمر، .. 8/ شو الشيء الي بيخليكي تعصبي بقوه ؟ لمن يصير اشي بديش ياه يصير .. 9/ ايمتى ممكن تبكي بحرقه ؟ لمن اعمل اشي غلط واتندم بحس بذنب مش طبيعي .. 10 / لو أحب شخص عزيز على قلبك ان يهديكي هديه , ماذا تحبي ان تكون هذه الهديه؟ ئطعه من اوعيه عليها ريحته .. 11/ هل من الممكن ان تحقدي على شخص وتقرري الانتقام منه ؟؟ اذا نعم في اي حالات ؟؟ ولا مره فكرت انتقم، دايما ربنا موجود وهو يللي بحاسب الناس مش انا .. 12 / هل انت انسانه ناجحه في حياتك ؟ اذا كانت اجابتك نعم فما هو سر نجاحك ؟ ناجحه والحمد لله، التفاؤل والثقه .. 13/ ما هو اجمل شيء في الحياة بنظرك ؟ مفش اشي معين لانه ملان اشياء حلوه بالدنيا .. الاطفال متلا .. 14 / شو رأيك بالصداقه بين الشاب والفتاة ؟ مع او ضد ؟ مع، بس الناس فاهمينها غلط .. 15/ هل انتي شخص فوضوي ولا بنوته عسل مرتبه ونظاميه ^_* ؟ اكيد منظمه واوئات كتير بكون فوضويه، لمن اتاخر بشغله معينه بصير فوضويه، بس اغلب الاوئات منظمه .. 16 / الخيانه من افظع ما يكون , اي اصعب بالنسبه الك ( خيانة الصديق / الحبيب / الاخت ... ) وهل سبق وان خانك احد ؟ خيانة صديق، لانه كل يوم ممكن لائي انسان يحبني بس مش كل يوم لائي صديق يفهمني، والاخت بتضل من لحمي ودمي شو ما عملت بسامحها .. 17/ حكمه تؤمني بها جداً ؟ "تمضي الحياة كلمح البصر، ونحن فيها شمعه تحتضر" 18 / معك 3 وردات لمين بتهديهم من اعضاء المنتدى وليش ؟ ورده حمره لكل البنات وبئلون اني بحترمكوا متل خواتي واذا دايئتكوا او جرحتكوا بإشي مره اكيد مكنتش بئصد :137: .. ورده بيضه لكل الشباب وبئلون كمان هني متل اخواتي وبتأسف إذا دايئت او جرحت حدا منكوا :137: .. ورده ملونه للاداره بئلون لولاكوا هالمنتدى اسا مكنش موجود :137: .. 19/ شو هي ايجابيات وسلبيات سمرة ؟ بعرفش احكي عن حالي كتير، بس اظن سلبياتي متسرعه كتير .. وايجابياتي صريحه .. 20 / شيء عملتيه وندمتي عليه , وبتتمني لو يرجع الزمن وتصلحيه ؟ ما هو ؟ هو السؤال شخصي، بعتزر ما فيني جاوب :137: .. شكرا ع الاسئله ملك، راجعه مع اسئلتي حبوبه .. :116: |
اقتباس:
اكيد ملك، وانا كمان بفكر متلك، يسعدو الفهمان :137: :137: :137: :137: |
اقتباس:
اكيد مفش مشكله ولا اي مشكله بما اني انسانه صريحه .. شو دور المراه الدرزيه في الدين هل هي مكلفه دينياً او الدين يقتصر عالرجال اكيد مكلفه ما بدا سؤال .. وهل القران عندكم نفس القران عنا تئريبا، لإنه كلامنا مأخوذ من عندكوا .. هل بتعتبرو انفسكم مسلمين اه لإنه كنا اسلام، بالنهايه كلنا بشر واحد منآمن بالله واحد .. طيب من هو النبي تاعكم هل هو محمد ولا نبي اخر لاء نبي تاني، بس منآمن بالنبي محمد، متل ما بوي دايما بضل يحكيلي انه النبي محمد كان انسان منيح بحياته .. شكرا لصاحب الاسئله :137: .. |
رجعت شو مفهوم الحريه عندك؟ هل هيي اشي سلبي ولا ايجابي؟ وبرأيك لو انوجدت بالمجتمع العربي هل رح يصير في تطور بشغلات معينه للافضل او رح تتغير الاوضاع للاسوأ؟ هل برأيك الجن هو من الشر؟ إذا اه لكان ليش في ناس كتير بآمنوا بالشر وبيآمنوش بالجن؟ كإنه في تناقض هون، مع إنه الجن من رأيي هو الانسان نفسه .. برأيك شو يللي بيخلي الانسان يفكر بالانتحار، هل الاهل هني الجزء الاكبر بهالمشكله؟ شو رأيك بجيل اليوم؟ وهل بتحسي انه رح يطلع منه اشياء مفيده مستئبليا؟ بالرغم من انه جيل صايع .. هل بتحسي انه معدش في اهتمام واحترام لفن زمان؟ واكبر دليل مسخره الناس ع الفنانه صباح لمن توفت، بالرغم من انها كانت فنانه قديره بزمناتها متل الاساطير وديع الصافي ورده الجزائريه إلخ .. شو السبب يللي خلا الناس تتعلئ بالمسلسلات التركيه بالرغم من انه مسلسلاتون بتحكي عن حياتون يللي بعيده كل البعد عن حياتنا، ومسلسلاتنا احنا يللي بتعكس واقعنا بيجهلوها، بدل من انه يتابعوها ويتعلموا منها .. ثورات العرب ئامت بسبب انون ضد نظام الحكم، مع اانه كل هالمشاكل من زمان مكنتش، هل برأيك لو هالثورات مش موجوده كان ممكن انه حياة الشعب والناس تغيرت للاحسن؟ خصوصا إنه الانسان يللي بيرضى بعيشه وباللي ربنا كتبه كان ممكن تتغير حياته للاحسن بدون ما يعمل هاي الثورات؟ شو رايك ببيت المسنين؟ او دار العجزه متل ما بئولوا؟ هل لازم يكون في هيك اشي؟ مع انه انا بعتبر هالشغله اهانه للاهل، الاهل طول عمرون يربوا اولادون واخر اشي يحطهون ببيت المسنين؟ متل ما ربوهن وهني صغار، سيعتا بيجي دور الصغار يللي صاروا كبار يهتموا بالاهل، خصوصاً انه الانسان لمن يكبر ويصير ختياري بصير متل طفل .. وبس :137: .. |
| الساعة الآن 08:15 PM |
Powered by vBulletin® Version 3.8.7
Copyright ©2000 - 2025, vBulletin Solutions, Inc.
Search Engine Optimization by vBSEO ©2011, Crawlability, Inc.
HêĽм √ 3.1 BY: ! ωαнαм ! © 2010
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.