المقلوبة

#1 12-21-2014

السلام عليكم

كيفكن أخواتي
اليوم بدي أبدأ بتزيل صور وطرق عمل أكلات فلسطينية أو بالأحرى أكلات أهل القدس ع أصولها لأنه في كتير اخوات على الانترنت من خارج فلسطين بغيروا وببدلوا في الأكلات وبيقولوا من باب التجديد وإحنا بنقول لأ لأنه في أكلات أصيلة وما بينفع لها أي إضافات بس في الموضوع راح أكتب الاختلافات اللي بتختلف من بيت لبيت القدس
طبعا ما تنسوا تشجعوني

راح نبدأ على بركة الله بالمقلوبة

المقادير:
فرخة مقطعة ومسلوقة
بطاطا مقطعة عرضي أو دوائر ومقلية
باذنجان مقطع عرضي أو دوائر ومقلية
بصل مقطع جوانح ومقلي
حمص حب
بندورة مقطعة دوائر
زهرة مقلية "اختياري" أنا ما بحبها
أرز مصري
توابل "ملح ,فلفل أسمر. بهار"

الطريقة:
1.معروف طبعا سلق الدجاج كيف بنشوح بصلة مفرومة ناعم وبعدين بنضيف الدجاج المتنظف بالطحين والماء وبنشوحه شويه عشان تنزل الزفة منه وبعدها بنضيف الماء وبنتركه يغلي أول غلوة وبعدها بنضيف ورق غار وحب هال وملح وحبوب فلفل أسمر.

2. بعد ما يستوي الدجاج بنجيب طنجرة وبنحط طبقة شرايح البندورة وبعدها الحمص وبعدين بنرص الدجاج وبعدها طبقة البطاطا مع رشة خفيفة من الفلفل الأسمر والبهار وبنكرر نفس العملية مع الباذنجان والبصل .

3. بنجيب الأرز وبنغسله وبنتبله برضوا بالفلفل الأسمر والبهاروبنحطه فوق المكونات وبنضغط عليه بأطراف الأصابع .

4.بنسكب من مرقة الدجاج فوق الأرز وبنحطها على النار وبنتركها ع نار هادية لعند ما يستوي.

5. بعد ما يستوي بنتركه شوية يرتاح عشان لم نقلب المقلوبة ما تنهار

تحياتي

المصدر: منتديات بنات فلسطين - من قسم: װ..مطبخ بنات فلسطين]●ะ

hglrg,fm

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
المقلوبة الفلسطينية بالباذنجان	شموخ امرآه	װ..مطبخ بنات فلسطين]●ะ<	4	10-27-2014 11:12 AM
المقلوبة بالطريقة الفلسطينية	رقة قلب	װ..مطبخ بنات فلسطين]●ะ<	13	01-27-2014 09:22 AM
كعكة الاناناس المقلوبة - طريق عمل كعكة الانانس المقلوبة	حيرتني	װ..مطبخ بنات فلسطين]●ะ<	22	08-17-2013 08:42 PM

المقلوبة

السلام عليكم كيفكن أخواتي اليوم بدي أبدأ بتزيل صور وطرق عمل أكلات فلسطينية أو بالأحرى أكلات أهل القدس ع أصولها لأنه في كتير اخوات على الانترنت من خارج فلسطين