|
المقلوبة السلام عليكم كيفكن أخواتي اليوم بدي أبدأ بتزيل صور وطرق عمل أكلات فلسطينية أو بالأحرى أكلات أهل القدس ع أصولها لأنه في كتير اخوات على الانترنت من خارج فلسطين بغيروا وببدلوا في الأكلات وبيقولوا من باب التجديد وإحنا بنقول لأ لأنه في أكلات أصيلة وما بينفع لها أي إضافات بس في الموضوع راح أكتب الاختلافات اللي بتختلف من بيت لبيت القدس طبعا ما تنسوا تشجعوني راح نبدأ على بركة الله بالمقلوبة المقادير: فرخة مقطعة ومسلوقة بطاطا مقطعة عرضي أو دوائر ومقلية باذنجان مقطع عرضي أو دوائر ومقلية بصل مقطع جوانح ومقلي حمص حب بندورة مقطعة دوائر زهرة مقلية "اختياري" أنا ما بحبها أرز مصري توابل "ملح ,فلفل أسمر. بهار" الطريقة: 1.معروف طبعا سلق الدجاج كيف بنشوح بصلة مفرومة ناعم وبعدين بنضيف الدجاج المتنظف بالطحين والماء وبنشوحه شويه عشان تنزل الزفة منه وبعدها بنضيف الماء وبنتركه يغلي أول غلوة وبعدها بنضيف ورق غار وحب هال وملح وحبوب فلفل أسمر. 2. بعد ما يستوي الدجاج بنجيب طنجرة وبنحط طبقة شرايح البندورة وبعدها الحمص وبعدين بنرص الدجاج وبعدها طبقة البطاطا مع رشة خفيفة من الفلفل الأسمر والبهار وبنكرر نفس العملية مع الباذنجان والبصل . 3. بنجيب الأرز وبنغسله وبنتبله برضوا بالفلفل الأسمر والبهاروبنحطه فوق المكونات وبنضغط عليه بأطراف الأصابع . 4.بنسكب من مرقة الدجاج فوق الأرز وبنحطها على النار وبنتركها ع نار هادية لعند ما يستوي. 5. بعد ما يستوي بنتركه شوية يرتاح عشان لم نقلب المقلوبة ما تنهار تحياتي:118: |
فكره حلووه يعطيكي العافيه من الاكلات المحببه والى طعمها طيب كثير ♥ |
احم احم ما بعرف انتي من اي منطقة انا بعرف اعمل مئلوبه بس طريئتك مختلفة شوي عن طريئتي لهيك راح جرب اعملها ع طريئتك عوافي ع الوصفة وراخ كون متابعة لالك |
وين ما نروح مقلوبه هو ما في غيرها طبيخ عنا هههههههههههه بس زاكيه كتير خصوصا لوكانت بطريقتك اكيد شهيه يسلمو دياتك منجرب ونحكيلك شو بصير |
ع اساس انت فنان بالمقلوبه هههههه البيض فقس ببطنك مؤيد هع |
وحيات عيونك عم اطبخ فاصوليا بيضه هلأ ما حدا مقدر موآهبي |
ههههههههههه ماشي ي شيف مؤيد ريتو صحة |
كتير طيبة يسلمو دياتك على الوصفة تحياتي |
اقتباس:
|
اقتباس:
شكرا ع مرورك |
| الساعة الآن 01:01 AM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Search Engine Optimization by vBSEO ©2011, Crawlability, Inc.
HêĽм √ 3.1 BY: ! ωαнαм ! © 2010
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2024 DragonByte Technologies Ltd. Runs best on HiVelocity Hosting.