|
بمرحلة من مراحل حياتنا لازم نرمي حالنا بهالدنيا، متل ما نرخي حالنا فالبحر بالزبط، مع إنه منكون عارفين إنه البحر ممكن يأذينا لإنه امواجه رح تاخذنا وين ما بدها، مش قضية استسلام بس ع الاقل مواجهة "الخوف" يللي موجود جواتنا، خوف من إتخاذ اي قرار بالحياة .. http://www.bntpal.com/vb/img/bntpal_1440238482_961.jpg |
لنرتاح نفسيا، لازم نبعد، لإنه فالبعد "إرتقاء" عن هالكم الكبير من النفاق يللي موجود وين مكان وعن هالمحبه المزيفه ! لازم نبعد لنفهم شو بيعنيلنا هالعالم، وشو منعني إحنا بجهلنا، إبتعادنا، قربنا، سطحيتنا، سذاجتنا وعمقنا بمزاجنا ومنطقنا ! شو منعني لهالكون والعالم ! لازم نبعد ونتجرد لحتى نفوسنا "ترتقي" إيماناً .. http://www.bntpal.com/vb/img/bntpal_1440529970_946.jpg |
طبيعتنا كبشر منحتاج لتغيير لإنه بكون عنا رغبه بإنه نحس بالتجديد "بمختلف النواحي" ودايما منحلم بحياة مثاليه بس المكتوب مكتوب، بالنهايه ما إلنا غير نستنى او بالاحرى نتفائل بمصيرنا المجهول ! http://www.bntpal.com/vb/img/bntpal_1440681721_737.png |
http://www.bntpal.com/vb/img/bntpal_1440700229_658.jpg اوقات بيسألوني مرتاحه بحياتك؟ بحكيلون اه مرتاحه .. بس جوابي بكون مخبي سر "محتاج دعم" ! |
وجودنا كأقليه عربيه اصبح عدم يعني معدش ومضلش في إلنا ولا اي اشي بالحاضر يللي عايشينه او بالاحرى بهالزمن يللي عايشينه، قد ما حاولنا كل الطرق رح تودي للفشل لإننا من زمان وإحنا هيك ! ما بقي علينا غير شغله وحده مش اكتر، يللي هي إنه نعلم الجيل الجاي، نعلمه كيف ممكن يعمل لنفسه "وجود" كإنسان عربي بمجتمع فيه "اقليه عربيه" ! ويحاول دايما يثبت هالإشي .. |
ما تحاول تسأل يللي قبالك "شو مالك"؟ لإنه هذا مانو اسلوب بالنسبه إلي، اعطي الشخص يللي قبالك الامان والثقه بإنه يصير يجي من حالو يحكيلك "شو مالوو" ! |
اكره ان احب مثل الناس .. واكره ان يوسوسوا كالوسواس، فيا ليت كنت كنيسه وكلماتي لك أجراس ! |
قديش بشمئز من الناس يللي تفكيرون محدود !! |
وتبقى بشريّتنا على حافة الهاويه ! |
مفش اصعب منها لمن تصير دمعة الإنسان "هوينه" ! |
http://www.bntpal.com/vb/img/bntpal_1443293627_104.jpg الافضل ما نتمادى بتعرفنا ع الاشخاص، لازم نخلي الامور متل العلاقات السطحيه، ودايما نخلي المسافات موجوده، متل البُعد بين السما والارض ! لازم نجعل لحياتنا حدود ! لإننا مدن تعبانه ومهجوره ! فمش لازم نسمح لأي شخص يمر هالمدن عند الحاجز بدون تصريح ! |
على فكره مهما كنت مفكر حالك إنسان محبوب من كل الناس، ضلك متأكد إنه في حدا من هالناس ناطر اللحظه اللي توقف فيها عشان يدفشك بقوه ! |
ليش لحتى ازعل او اسمح للزعل يفوت حياتي؟ شوفة عيون امي وعيون ابوي بحد ذاتون حياة ! |
http://www.bntpal.com/vb/img/bntpal_1443563838_608.jpg اصعب مأساه ممكن تكون، لمن يموت حلم جوات الإنسان وهوي عايش .. |
http://www.bntpal.com/vb/img/bntpal_1443700787_832.png بتعرف شو معناها إنه الإنسان ينام بالليل وهوي من جوا ومخنوق وقلبه تعبان؟ يعني يمكن يصبّح ميت ! |
اشي كتير مستفز لمن اكون عم بحكي مع شخص عربي من عنا لهجته الام "عربي" بس كل حكيه بكون فالعبري !! اوكي فهمنا انك عندك خبره وبلبل بهاللغه وفهمنا إنك معاشر يهود، بس شو مع لغتك الام؟ انقرضت متلا؟! |
الحلم بشكل عام بعطينا "آلأمل"، بس الواقع بشل أملنا ! وهيك بتضل نظرتنا للحلم "صعب المنال" .. |
السلام ولا بعمرو بيجي عن طريق العنف او رمي القنابل او استعمال الاسلحه ! السلام الحقيقي بيجي عن طريق تنوير الناس وتعليمون كيف يتصرفوا بأسلوب "مقدس" ! |
إيقنت بإنه الانسان ممكن يرتقي لمن يوصل لمرحلة بحياته يكتشف فيها مدى تفاهة الحياة اللي عم بعيشها ! بالوقت نفسه بكونوا بقية البشر يللي بعيدين عن هالمفهوم غاطسين بملذات الحياة ! |
لمن تبطل تفرق معك، هون بتكون بلشت تفهم الحياة صح !! |
حاج تصرخ وتعلي بصوتك عالفاضي لإنه حريتك رح تضل مفقوده بهيك زمن مسلوب ! |
معنديش عيون إمك لشوفك غزال هه ! |
ليش دايما منتحسر لمن نشوف تنين بحبوا بعضون؟ ليش منتدايق لمن ميكنش في إنسان مميز بحياتنا؟ مش يمكن نكون إحنا هالإنسان المميز بحياة ناس غيرنا؟ بظن هالإشي كافي ليسعدنا ويبسطنا .. |
قد ما فكرت منيح قبل ما تحكي، لا بُد تلاقي مين يفهم حكيك غلط ! |
|
مدونتي اتثبتت، صرلي 3 سنين فالمنتدى هاي اول موضوع إلي بتثبت، הרגשה غريبه هههه، شكرا كتير ننوش عالتثبيت الفجائي، يسعدك يغالي .. :137: |
http://www.bntpal.com/vb/img/bntpal_1452620738_293.jpg سيبك من اللي حوليك، اهتم وفكر باللي "فقلبك" وبس، لإنك انت هناك عايش .. |
|
محادثه كانت بيني وبين واحد من هالمعارف .. انا : من وين الاخ؟ هو: من "يانوح" انا : اه يعني درزي هو : لا انا إنسان انا : كلنا إنسان :) .. بس مذهبك الديني درزي هو : هههه إذا هيك بدك تعتبريني مو مشكله انا : مش قصة بدي اعتبر بس كل إنسان بهالدنيا لمن يخلق بكون بينتمي لمذهب ديني معين هو : انا علماني ... مفكرتش إنه يجي يوم وإتعرف ع شخص علماني يللي بيآمن بقوى معينه بيعتبروها مسيطره ع العالم وما بيآمنوا بالإيمان !! مع إني بحترم جميع الناس وما بفرق بيناتون وبتعامل مع اللي قبالي "كإنسان" .. ما بعرف شو اللي ممكن يمرق عالإنسان من مواقف وظروف لحتى يجي يوم ويلاقي حاله بعيد عن ديانته .. |
"بس بمجتمعنا" بتسمع اشياء عن حالك انت بحالك بتعرفهاش !! |
كلمة آلحق بتوجّع هّه ! |
ولا بعمرك تترك إنسان بيحب يحكي معك، لإنك بتقدرش تعرف شو انت ومين انت بالنسبه إلو، يمكن تكون الاشي الوحيد يللي ضل بحياتو ! |
هو طلب 10 شيكل .. اعطيتو 10 شيكل، بس حدا تاني اعطاه 20 شيكل، هو فكر إنه هالحدا احسن مني عشان اعطاه 20 شيكل ! بس هو بعرفش إنه هالحدا معو 200 شيكل واعطاه بس 20، وانا معيش غير هال 10 شيكل اللي اعطيتو ياها ! |
معقول آلدنيا صعبه؟ وإنه مش متل ما إحنا دايما منحلم فيها ومنتخيلها "حلوي"؟ |
مش كل الناس بستحقوا إنك تحترمون، في ناس بستحقوا إنك تتجاهلون، عشان يحترموا حالون بالأول ! |
إذا حكا الواحد بقولوا الواحد حكا، وإذا ما حكا الواحد بقولوا الواحد ما حكا، اي شو بدو يحكي الواحد تا يحكي الواحد ! |
بالنهايه رح تلاقي حدك اللي هو بيحبك مش اللي إنت بتحبه ! |
زت حالك فالبحر وإرجع لحالك ! هيك الحياة بدها ! |
حب الخير لغيرك عشان ربنا يوفقك، صدقني هاي بكل بساطه ! |
فش إنسان بتغير من حاله معينه لحاله تانيه هيك فجأه، القصه وما فيها إنو بسكر عين قلبو وبفتح عين عقلو ! وقتا رح يكتشف شغلات مكنش يشوفا بقلبو ! |
| الساعة الآن 03:15 PM |
Powered by vBulletin® Version 3.8.7
Copyright ©2000 - 2025, vBulletin Solutions, Inc.
Search Engine Optimization by vBSEO ©2011, Crawlability, Inc.
HêĽм √ 3.1 BY: ! ωαнαм ! © 2010
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.