|
مو شرط نبض لو بحبك بهتم بكل الاوقات شو رأيك بالغلاء وارتفاع السعار برمضان |
استغلال وطمع ومصالح رايك / حبيب اليوم عدو الغد ؟؟ |
الحب الحقيقي مستحيل يتحول لكره او عداوه واللي بحب بصدق مستحيل يصير عدو هادا رأيي شو برأيك سبب البطاله ؟؟ |
الحكومة مانها مهتمة ابدا بالشباب وهمها بس مصلحتها هاد اولا تانيا وجود الاحتلال بذاته عائق برايك انتي شو السبب |
ممم اول اشي برجع للاحتلال اللي هوا اول عائق تانيا برجع للوضع الاقتصادي عناا مافي موارد مش بشرية قصدي عن رأس المال وموارد الاعمال وهيكا طيب برأيك ازا الرجل ضلو يضرب مرتو ويعنفها وهي صابرة بتحكي ولادي المؤسسات اللي عنا لو التجأنا الها بتساعد ؟ |
هي المفروض م تسكت اصلا عشان ولادها شو كيف بدها تكون نفسيتهم وهما شايفين امهم بتنضرب قدامهم ، واكيد لو راحت بيساعدوها ، ب رأيك انك تضل تستنى حدا باعك وفاء ولا غباء |
ازا حدا باعك ليش لازم تكون وفي الو شو رأيك بالحب من طرف واحد ؟ |
وجع وبتموت حالك ع البطئ وانتي شو رأيك |
صصعب جداا بس ساعات بجي غصبن عناا كيف ممكن ننسى حدا برأيك ؟ |
امممم هههه والله م بعرف ان بتعرفي احكيلي رأيك ب الناس يلي بوجهك حكي ووراكي حكي |
المنافقين ومين بحبهم طب لما هما هيك ببينو انهم مناح قدامك بس بتكون بنتعرف انهم مخادعين شو بتعمل معهم ؟ |
بنهي علاقتي معهم وببعد عنهم هاد يلي في اعمله انتي شو بتعملي |
بقطع علاقتي فيهم وببعد عنهم ما بحب اتعامل مع هيك نوعيه ليش الانسان معظم الوقت ما بكون راضي عن حاله وعن حياته مع انه هو احسن من غيره بكتير |
قلةة قناعةة مش أكتر وبرأيك ليشش |
متل جوابك برأيك الحب ضروري يكون قبل الزواج وليش ؟؟ |
والله بعد يلي شفته الحب الحقيقي بكون بعد الزواج غير هيك كله كذب ع النفس ب رأيك ليش بعض الشباب برفض ياخد بنت حكى معها مع انو ممكن يلي يتجوزها تكون حكت مع عشرة غيره |
ممم بعتقد انو خلل فيه الشب نفسه وممكن بتربايته بعرف الانسان لازم يكون عندو مبآدى ويمشي عليها طيب برأيك ككيف ممكن نحد من التزويج المبكر وهان بقصد مادون سن ال18 ؟ |
يكون في وعي اكتر للاهل والبنت تعليم البنت ممكن يكون له تأثير كبير في هاي الناحيه ليش الشباب بحكوا مع البنات ولو سألت واحد ان كانت اختك بتحكي مع شاب شو بتعمل بقول رح اضربها ومن الحكي ليش هالتناقض فيهم |
يمكن بشوف انو عادي هوا يعمل كل اشي محلل الو ومحرم ع البنات كمان يمكن لانو بعمل غلط ويكزب ع بنات الناس بخاف اختويصير فيها هيك يعني ربنايعاقبو باختو طب انتي شو وجهة نظرك ؟ |
لانو ما عندهم خوف من ربنا وبعاد عنه لو قريبين من ربنا كان عرفوا انو كما تدين تدان شو بتعملي ل تتعاملي مع ناس عقلها صغيرة هههه ومفكرة حالها بتفهم |
بدك الصراحه هيك ناس ما بتعامل معهم بتجنبهم وما بحكي معهم لانهم مهما حكيتي كله على الفاضي ما رح يسبتوعبوا شو بتقولي هل تأيدين هذا القول " الشكوى لغير الله مذله " وليش ؟؟ |
ههههه عجبتني اي بإيدها لانو مهما حكيتي م حدا هيحس فيكي ممكن بس امك غير هيك م بظن انتي شو رأيك |
انا تقريبا متل جوابك نبض الانسان ممكن لو اشتكى يفضفض وبرتاح شوي لكن ما حد رح يحس بالشي اللي هو بحس فيه ربنا هو الوحيد اللي ممكن يعرف شو جواة الانسان واحساسه شو رأيك بهاي العباره "رافق كل من أراد الخروج من حياتك إلى الباب وودعه بإبتسامة وتأكد من أنك أغلقت الباب جيداً " |
معها انو ليش نتمسك بناس م بدها ايانا الله معهم برأيك البنت يلي م بتعرف تطبخ لا تصلح للزواج |
عادي بامكانها تتعلم بأي وقت والنت ما شاء الله مو مخلي شي ممكن تتعلم بسهوله منه انا ما كنت اعرف شي كل شي بعمله من النت وبطلع بجنن نفسه |
الأمر له كذا اتجاه يعني من جهة / إذا ما بتعرف تطبخ بكرا زوجها أو أولادها كيف رح ياكلوا كيف رح تقدر تشبع أولادها الصغار وتتعامل معهم وتعرف شو الأكل اللي يناسبهم ويفيدهم والأكل اللي هيضرهم من جهة أخرى ما بنقدر نحكم عليها أنها غير صالحة للزواج يعني ممكن تكون ناجحة في امور أخرى أكثر من الطبخ والأكل وكلمة غير صالحة للزواج بحد ذاتها كلمة ثقيلة بس في كل الأحوال لازم تتعلم ما الفرق بين الحب والإعجاب ؟ |
الاعجاب ممكن يدوم ساعة يوم شهر سنة وبعدها بنتهي بمجرد م انك تشوف شي تاني اعجبك اما الحب شي بتغلل جواتك بسيطر عليك م يخليك تشوف شي تاني غير الانسان يلي حبيته وبطل جواتك لحد م تموت. " هاد الحب الحقيقي " ووقت تكون معجب بلفتك اي شي بغير الشخص ووقت تحب م عاد تشوف. غيره ولو شو م كان http://www.bntpal.com/vb/img/bntpal_1435316642_892.jpg |
الصورة ما ظهرت عندي |
|
الكرامة الصحة المال الحب رتبي انت |
|
ما حددت لسى نحن نقوم بشنق صغار اللصوص لنعين كبارهم في المناصب العليا ما رأيك ؟ |
فعلا. يعني بنعاقب واحد سرق جاجة او شي بسيط مع انو بكون محتاج " م ببرر اله " وبنترك اصحاب المناصب يسرقوا عيني عينك ومحدش بحكي الهم شي ، والدليل سلطة غزة ورام الله من ولا شي صاروا وتصوروا حدا سألهم من أين لك هذا طبعا لااا برأيك السن المناسب للزواج شو هو |
البنت 25 سنة الشب 29 سنة شئ غير مجري حياتك ؟ |
شغلة صارت من سنين برأيك البكاء على من لا يستحق غباء او طيبة !! |
شوفي هوا شي غصبن عناا بجي لاهي طيبة ولا غباء طيب شو رأيك انتي ؟ |
ما بعرف هالشي بكون لا ارادي انه الواحد يبكي على هيك شي يمكن بكون السبب طيبة القلب بس ان استمر وضل يبكي على حدا مش مستاهل هالشي رح يتحول لغباء نفسه |
لا أحد يستطيع منع نفسه من البكاء كما يقال البكاء أخر مرحلة في الوجع ومحدش بقدر يمنع نفسه من البكاء حتى لو إن الشخص او الفعل لا يستحق والإنسان يكبي على نفسه هوا أفضل شي بعض الأشخاص يجد هناك حساسيه في طلب المساعدة من الأخرين او بنظر إلها كَ إنها تمس كرامته ما رأيكِ |
ازا كان بحاجة للمساعدة الماسة مافيها شي بس انو يتكل ع حدا ممكن تقيلة برايك احداث مصر حماس الها علاقة فيها ؟ |
بنظري لا. كلها مجرد اداعاءات برأيك الناس اصحاب الاقعنةة بملوا من حالهم |
| الساعة الآن 06:05 PM |
Powered by vBulletin® Version 3.8.7
Copyright ©2000 - 2025, vBulletin Solutions, Inc.
Search Engine Optimization by vBSEO ©2011, Crawlability, Inc.
HêĽм √ 3.1 BY: ! ωαнαм ! © 2010
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.