|
هاد ما عنده ذرة شرف او كرامة رأيك ب هالجو جو مرض ما هيك |
اه كتيييييييير ... شوو رأيِك / ِ بالشوكلاته مفيييدة .. ههه ...؟ |
بسمع انها منيحة ل الرجيم رأيك بقرب بارد ام بعد قاتل !؟ |
ما فهمِت .. !!! رأيك / ِ إنت ...؟؟ |
ههههه انسي انا خبصت عن شغلة جواتي لحظة وبرجعلك ب عبارة |
|
أيوااااا ياارييتِك ما غبتيي ههههه بمزززح اووك .. اه فعلا كل شحص عقليتو بتتختلف عن التااني حسب كييف هو معوود حالوو .. هااد اليي طلِع معيي ههههههه إتفضل / ِ ..؟ الخيبة : أن تجد نفسك على الهامش ! عندما كنت تعتقد أنك في النص رأيييِك ..؟ |
مو بسسس خيبةة گل شي بوجع رأيگ انتي |
مش بس خيبة اشي صعب كتير وخاصة لناس بتعزهم هيك تطلع ولا اشي بالنسبة الهم وانهم ناس بهموك شو رأيك بالدول يلي عندها برتوكولات بتسمح ببيع الاطفال وبيع اعضائهم ؟ |
دخيل الله هاد شي مقرف ما فيه ذرة انسانية رأيك الرجل لا ينسى حُبه الأول ، هو فقط يُدفنه في مكان ما في قلبه ، يزوره بين حين وحين ينفض الغبار عنه ويبكيه بصمت ، الرجال أكثر اخلاصا ممَ تظنون! |
بعتقد الرجل ان احب انثى بصدق مستحيل ينساها من وقت للتاني رح يتذكرها ما رأيك بهذه المقولة (كن كالشمعه تحترق لتضئ الطريق للآخرين) |
مو دايما معها في ناس م بتستاهل رأيك انتي |
مع هذه المقوله بشرط ان تكون التضحيه متبادلة ولاشخاص يستحقونها فعلا متل اهلي وان لا تكون على حساب نفسي ما رأيك بهذه المقوله من لايقدر تضحياتي ,,, ويضحي لاجل حبي لايستحق وجوده في حيــــــاتي |
معقولة يعني بس ازا هالاشي بنطبق ع ناس قرايبي متلا وصحبات ممكن اعاملهم نفس المعاملة مش معقولة اقطع علاقتي بناس كتير لانهم مابقدرو يلي بعملو اصلا بتعرفي بهالايام الناس مابتضحي الا لنفسها الا قليل جداا طب شو رأيك بمقولة انو المرأة وقت تكره رجل بنقلب هالكره لحب وعشق ؟ |
لا مش معها ابداااا انتي شو رايك |
بعتقد بصيرر بس مش دايما شو رأيك بالرحلات المختلطة ؟ |
بـ المدآرس ضدهـآ الجآمعـآإت عآدي بـ النسبةة إالي بس آهلي برفضوهـآ :( !! \ مو لـآزم الوآحد يعـآتب كتتير شـآن يرجعو متل مـآ ككآإنو لأنو يلي بحبكك و بحترمكك , مـآ بخليكك تعآإتبو آكتر من مره بنفس الموضوع ")) رأيكم ؟ |
مع مقولتك العتب على قد المحبة انا ممكن اعاتب انسان بحبه مرة لكن ان تكرر الغلط ما في ضرورة للعتاب بصير ملوش معنى شو رأيك في شباب اليوم ؟ |
في شبـآإب لسآتهم متزكرنن شيعني كلمة رجولةة !! بحترمهم !! وفي شبـآإب حرآإم يكون إسمو شب !! زكر وكتير عليه !! بـ تقلب معدتي منهم نفسو ؟ |
مش الكل بتعرفي في شباب جل وبنطاطيل ساحلة وابصر شو بس بوقت الجد بتبين الرجولة يعني احنا بنحكم ع المظهر مابنكر انو في حرام ينحكى عنهم رجال بس في رجال المواقف بتبيينهم برأيك شو قوانين لازم تنحط بدستورنا قوانين جديدة بتعبر عن حقوقنا اكثر اهمية مهملها الدستور ؟ |
هههه م بعرف لانو بعرفش شو بالدستور برأيك التجاهل بزبط بكل وقت |
لا لانه بدمر كتير علاقات لو زاد عن حدو طيب نفسه ؟ |
اي معه ب اغلب الاوقات مع انو م كنت هيگ رأيگ ب حگومة الوفاق |
ليش هما محسسينا انو ف حكومة وفاق مابعرف بس حاساها ع الفاضي لو حدا اتقدملك لانه بحبك وانتي مابتحبيه ورفضتي بتكوني انانية ؟ |
ما بعتقد انه الموضوع فيو انانيه بالنهاية هاي حياتي اللي راح اعيشها واحتمال اكون سعيده معه واحتمال لا ليش اوافق وانا مش مقتنعه بهادا الزواج مآ رأيك بمن يقول قوي الذاكره شديد الوجع !؟ |
رَايْ سَليمْ فَمنْ منا لمْ يتوجعْ في حياتهِ ومن منا من عاشَ الأمرينْ سَواءْ لسوءْ الوضع الاجتماعي والمادي او لِسوءْ تقديرْ عواطفنا من قبلِ الاخرينْ فعندما يحدثْ هذا معكْ تأكدْ انّ ذاكرتكْ لنْ تحذفُهْ بسهولةْ وسَ تعملْ على تعذيبكْ وسقيانكْ جُرعاتْ قصيرة من الألم على المدي الطويلْ الماضيْ لا يُستطيعْ المرءْ نسيانهُ بسهولةْ مهما حرصَ على نسيانهْ ما رايكْ حولَ اقامة دولة اسلاميةْ في جميع البلاد العربيةْ يحكمها خليفة واحدْ |
م بظن هالأيام راح تزبط بعد تمزيق الحدود والاحزاب يلي صارت نفس الرأي ، شو رأيگ ،! |
مَعْ ولكنْ بشروطْ يرتضيها الربْ سُبحانهُ جلّ ثناؤهْ ويرتضاهْ الجَميعْ اقصدْ ليس من الممكن اقامة دولةْ اسلاميةْ وحصرها في الشامْ او بلادْ العراقْ فقطْ بَلْ يجبْ انْ يتفقْ جميع المسلمينْ في جميع الدول العربيةْ على خليفةُ واحدْ يحكمهمْ ويطبقْ شرعْ اللهْ مع مزجِ تطبيقِ الشريعةْ بِ خُلقِ رسولِ اللهْ كأنْ امنح فرصةْ لمن يتعدي حدود الله امنحهُ فرصة للتوبة والانابةْ وانْ لم يستجبْ حينها يُطبقْ شرعِ اللهْ مع عد التمثيلْ والترويعْ والتهويلْ في الامرْ |
مع بس مو بگل الامور ، يعني م بقدر اتهون مع الزاني واعطيه فرصه تانيه رأيگ بوضع الحگومة الحالي ! |
ليشْ النبيْ صلي الله عليهِ وسلم عندما اتاه ماعز رضي الله عنهُ عن أبي هريرة رضي الله عنه أنه قال { أتى رجل من المسلمين رسول الله صلى الله عليه وسلم - وهو في المسجد - فناداه : يا رسول الله ، إني زنيت ، فأعرض عنه . فتنحى تلقاء وجهه فقال : يا رسول الله ، إني زنيت ، فأعرض عنه ، حتى ثنى ذلك عليه أربع مرات . فلما شهد على نفسه أربع شهادات : دعاه رسول الله ، فقال : أبك جنون ؟ قال : لا . قال : فهل أحصنت ؟ قال : نعم . فقال رسول الله صلى الله عليه وسلم : اذهبوا به فارجموه } . قال ابن شهاب : فأخبرني أبو سلمة بن عبد الرحمن . سمع جابر بن عبد الله يقول " كنت فيمن رجمه ، فرجمناه بالمصلي زبالةْ + لا تعليقْ ما بدي اعلقْ بلاشْ يشحطوني ع الكركونْ هههه |
وضع الحكومة الحاالي فساد وظلم وقمع للحريات والرأي وقوانين عشوائية تصب في صالح الحكومة وأبناءها فقط محسوبية وواسطة سياسة عقيمة ترتب عليها كوارث اهما 3 حروب كلفتنا الكثير لم نخرج منها بتحقيق شئ خسارة الجانب المصري ومعاداته وفقدان تعاطفه إفشال أي جهود لإتمام مصالحة يا راجل قلبي محروق من جوا نفس السؤال ؟ |
حكومة فساد وقمع وقهر وكذب شعب ضايع وبيوت مهدومة وهم ولا على بالهم وناس معدومة ممنوع يتكلموا ممنوع يقولوا الآه بخلقوا الأسباب لتقوم الحروب فقط ليستفيدوا هم شباب مدمن ضايع...عاطل...أصبح بلا مستقبل عداوة مع كل البلاد العربية وحصار وقرف هيء لو بضل بحكي ما بسكت نفسه؟ |
بتهيألي انا مش عايش ف غزة بعد رأيكم في الحكومآت وكل هالاشياء المبالغ فيهآ وانه الحرب هي السبب فيهآ وانه خرجنآ منها بدون تحقيق شيء وقمع ومافي حريات وكل الحكي المذكور فوق بردودكمَ شكلي انا مش عايش ف غزةَ , يعني ممكن تكرهوآ الحكومة بس مش لدرجة المبالغة بكل هالحكي , الحكومة ممكن الحصــار فشلهآ من الناحية الاقتصادية لكن بباقي النواحي ف هي ناجحة وبشكل كبير كمآن والحرب راح فيها كثير وادمر كثير ف غزة لكن احنا ما طلبنآها وما خرجنآ منها بشكلَ مجاني ووبلاشَ , الايام الجاي بتغير , وان شاء الله بتتشكل حكومة جديدة وبتتغير كل هالاشياء .. وصحيح كان السؤال رأيك بالحكومة الحالية ونسيتو انه في 3 حكومات صار في الضفة وغزة وحكومة التوافق .. رأيك في الحكومة الحالية ف الضفة !؟ |
بما اني ضفاويه ومن رام الله بالتحديد راح كون منصفة حكومتنا الها اخطائها وﻻ يمكن انكارها لكن مهتمة من الناحيه الاقتصاديه وبتطور واكبر دليل رام الله الي عم تعيش نهضة اقتصاديه واجتماعيه برايك الحاجز بين الغزاوي والضفاوي شو سببو ؟؟!! |
صحيح الصياد أنت معك حق في نقطة واللي هيا إنك مش عايش بغزة بعد واتمنى انك تعيش فيها على كل حال كل عضو وله وجهة نظره وكل عضو شايف الواقع من منظوره هو فما في داعي نتهم الردود والآراء الاخرى بالمبالغة لأننا لو بدنا نقيس على هذا المقام فنص كلامك ورأيك هنا مبالغة الحاجز يا ملك روحي هو الإحتلال ما رأيك في التدخل العربي في اليمن لإعادة الشرعية ؟ |
مو المفروض يكون الاحتلال هو الدافع ورا انو ما يكون في حواجز بين غزة والضفة !! باعتبار انو قضيتنا وحدة ع الاقل !! الاجدر بالعرب كل واحد يشوف طعجة رئبتو وما اتدخلو خاصة ازا كان هالتدخل لصالح مش عربيه اصلا ؛ رايك النت عالم افتراضي ولكن معظم وقتنا عم نئضيه بهالعالم هل من الممكن الفصل بين العالمين !! وهالشي ما بعمل عدم توازن بالشخصيه؟؟ |
أكيييد بيعمل عدم تواازن .. هلأ حسب هالشخص كييف بيستغل عالم النت متل ما بتعرفيي النت فيي سلبيااتو وإيجابياتو بس أكييد رح يأثر على واقعنا بحس إستخدامنا لإله ومرآآت الوااحد بيستخدمه لحتى يفضفض عن يليي بوجعو بعالمو الواقعيي شوو رأيك بيليي بيصيير بأغلب الصبايا والشباب ع النت ..؟ يعنيي والله بسمع سمعاات بطيير الرآآس من نآآحية الفضااوة العاطفيية بيكوون عندهم فضااوة بواقعهم لهييك يعنيي بيدخلو على النت لحتى يعبوو حيااتهم بس أكثر إشيي بتعكس علييهم بسلبيية شو رأيييك ..؟ |
برايي الي بيصير طبيعي دامو بحدود احنا بمجتمع مغلق وكمان ظروفنا السياسيه والاقتصاديه والاجتماعيه بتحتم علينا امور وضغوط كتيرة عالم النت متنفس للشباب وللصبايا كمان شو المانع من الحوار والنقاش وحتى الاعجاب صحيح تبقى شخصيات من وراء شاشه ما بننكر هالشي لكن الهم تأثير ع حياتنا وع معنوياتنا ومزاجنا برايك الزواج من اجنبيه من اجل الحصول على الجنسيه والعمل شو راح يكون المقابل ؟! |
يقطع هييك جييزة .. بلااها والله خيتيي .. ع الفاضيي أوك باخد جنسيية وبشتغل بس أشرف للشب يشتغل ببلدو ويتجوزو من بلدوو شو رأييك ..؟ بسمع كتيير بدول الخلييج البنت هنآآك بتحب تتجوز من أجنبي بقصد من أجنبي ( فلسطيني / أردني / سوري / لبناني ) والسبب إنو ما بيتزوج مرة تانية وتالته عليها قلييل جدآآ ..؟ شو رأييك بهالتصرف ؟ |
اول سمعة هاي ههه ما بعرف بحس انو كل الرجال ما الهم امان وممكن يتجوزو مرة واتنين واربعه ههههههه رايك سفر البنت للدراسه ومجتمعنا الشرقي وكلام الناس الي ما بيخلص مع انو البنت متل الشب او هيك ع الاقل بتمنى ؟؟؟ |
| الساعة الآن 10:33 PM |
Powered by vBulletin® Version 3.8.7
Copyright ©2000 - 2025, vBulletin Solutions, Inc.
Search Engine Optimization by vBSEO ©2011, Crawlability, Inc.
HêĽм √ 3.1 BY: ! ωαнαм ! © 2010
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.