|
تزوج بالتقسيط سمعت من بعض الأخوات الكريمات أن لها قريبة قد تزوجت بالتقسيط اي بمعنى ان المهر لم يدفع كاملاً ودفع على أجزاء العروس” بـ”التقسيط”… هذه حقيقة، ولا تحمل أي غرابة في قطاع غزة المحاصر حبث يعاني أكثر من مليوني فلسطيني فيه أوضاعاً اقتصادية متردية، ومعدلات خطيرة من الفقر والبطالة. الرجل ( الزواج بالتقسيط ام العزوبية بامتياز ونتائجها التي لا يحمد عقباها؟؟؟؟؟؟؟؟؟؟؟؟؟؟؟؟؟؟؟؟) البنت ( الزواج بالتقسيط ام العنوسة مع مرتبة الشرف وما يترتب عليها من نتائج؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟) اخي اختي انت وأنت مع ام ضد الزواج بالتقسيط !!! ارجو ان تتسم ردرونا بالعقلانية والنظر للواقع والحياة الني نعيشها وان تكون ردونا صريحة ولا تحمل اي نوع من النفاق |
صراحة سمعت بهالشيء تيسير الزواج هي فكرة رائعة بالطبع انك تساعد المتزوجين وتحمل عبىء لو بسيط عن كاحلهم لكن لي رأي الزواج بتعبك وشقااك ومن عرق جبينك بتصبح احلى وأجمل وبتحس فيهااا الواحد لما يكون مع افلوس ومو محتاج انو يداين من الناس بكون احسن لانو بعد الزواج بصير يلطم يميمن وشمال من الدين اللي تراكم عليه وما راح يعيش اول ايام شهر العسل او ما بعديه بطعم الهناء والسرور ويصبح بفكر بالدين شكرا على النقاش اخي |
انا من رأيي بحكي ليش الناس بيطلبو مهور غاليه مش عارفا والله لما اي شب يروح يطلب بنت الا الاب يطلب مهر غالي يعني هيك بيفكر قيمه بنته واكتر الابهات ما بيطلعو على اخلاق الشب والوضع الي احنا عايشينو لهيك بتلائي ما في كتير حالات زواج هون وكتير في شباب عزابيه بيكونو بدهم يتزوجو بس الحياه الاقتصاديه عليهم وكمان الابهات عليهم لازم يكون في رحمه بالئلوب شويه ليش لأ ما دام الواحد معطي بنته لشب اخلاقه كتير كويسه ومحترم ومدين اه يكون المهر بالتقسيط ما فيها اي شي ولا الاحسن يعني تزيد نسبه العنوسه اكتر من هيك والشباب يضلهم هيك والله حرام انا بالنسبه الي ان شاء الله ازا صار وجبت بنت مش رح اطلع ع المهر بالمره المهم عندي اخلاق الشب وبنتي تكون مبسوتا معاه مرسي الك خيو ع هيك موضوع حلو بانتظار جديدك دمت بود |
بالنسبه لي الزواح ليس بالتقسيط وانمـــــآ التخفيف بالمهر بحيث مراعاه ظروف الرجل والاستناد الى قول النبي صل الله عليه وسلم بمآ معنــــآه( اقلكن مهرآ اكثركن بركه) فيجب على الاباء تشجيع الرجل على الزواج وتسهيله وليس زياده المصاريف فالرجل الذي تهمه مصلحه بنته يختار لها رجلا ذو خلق ودين وليس رجلا ذومال ونفوذ تقبل رايي دمت بود |
انا بالنسبه الي ان شاء الله ازا صار وجبت بنت مش رح اطلع ع المهر بالمره المهم عندي اخلاق الشب وبنتي تكون مبسوتا معاه خلص بستناها اذا في مراعاة خاصة وبالنسبة للأخلاق الحمد لله موجودة ههههه |
اقتباس:
بالعكس اختي غزة هي الارخص مهورا بالعالم كم مهر الفتاة عناااا ؟؟؟ بالمقابل لي اخ تزوج في الامارات وزوجته من غزة لكن سكنين اهلها بالامارات بتعرفي كم المهر 7 آلاف دينار وغير 5آلاف دينار حتى يتأجر صالة وغير السكن الغالي ..... يعني وضعنا احسن بكتير عنا بمنطقتي اكتر الشباب الللي بتزوجوا عمرهم من 18 الى فوق هي صراحة ما رايحه غير علي اللي بتعلمووا |
بالفعل عزيزى ماطرحته قائم آنا اخى قبل سنة قسط المهر دفع الف ونص وبعد مدة الف ونص تكاليف الزواج باهضة وكلنا نعى الوضع المادى بصراحة مش ضد تقسيط المهر طالما بدو يسددو على دفعتيين فقط هههههه نقاشك جدا مهم كل الشكر لالك ارق وردى |
اقتباس:
شو رأيك احجز عندك ؟؟؟ بس هي الرابعة |
اقتباس:
هههههههههههههه ان شاء الله ليش لأ بس تيجي هي الاول بس مو تتزوج غيرها بموتك يعني اعتبرك عريس بنتي الي لسا ما أجت:40: |
اقتباس:
ما برميك عالمر غير الأمر يعني لو الفلوس متوفرة مين بحب يجيب على نفسه ديون ويشغل حاله في هيك مواضيع نحنا بنحكي مجرد فكرة للخروج من الوضع الراهن والظروف الصعبة |
اقتباس:
خلص بكون عمري وقتها 45 هيك شيء بكون في ريعان شبابي وقمة نضوجي وكامل طاقتي هههه على بركة الله نتوكل بس المهم البنت ما تحكيلي يا بابا بكرة بدك تفهميها القصة من اولها وكيف صارت ^ ^ |
صراحة ردود الـأعضاء بعد الموضوع فاجئني ! معقول المهر مبلغ كبير هيك بغزةة ؟! بتعرف قصي اديه كآن مهري اناآ ؟ بلـآش تعرف ايده بتعرف انو ما ندفع لليوم ؟ يعني اناآ تزوجت نصب ههههههههـ غريب احناآ عناآ البنت ما بتتقدر بفلوس ابداً بالنهاية شكراً الك ~ |
اقتباس:
فكرتني بقصة حدثت مع احد الأصدقاء عندما تقدم لخطبة فتاة وطلب أهلها مهراً 7 ألاف دينار غير المقدم والمؤخر والشبكة وما شابه والسبب أن الفتاة جميلة وتمتلك عيون زرقاء ^ ^ وكأننا في بيع وتجارة ومزاد سبحان الله أصبح المال يطغى على كل شيء تناسينا المبادئ وابتعدنا عن الأخلاق وركنا الدين الى جنب وأصبحنا نسال عن الشقة والمال والعقار |
اقتباس:
متزوجة نصب ياويلى عليا قبل شهرين بنت خالتى خطبت وكان مهرها 4 الاف احكيلى قديش كان مهرك يابت |
احنا المهر عنا برام الله بيصل 10 الاف دينار ومرات اكتر من 15 الف دينار وفي اكم بلد برام الله المهر بيكون 4 الاف او 3 الاف او هيك شي |
اقتباس:
له له له له ضحكو عليكي وجوزكو نصب يا بطه ئديش انتي كان مهرك |
اقتباس:
لا ضير في ذلك طالما أن الشاب يتمتع بأخلاق عالية وذو حسب ونسب وسمعة طيبة وأهل لهم سيطهم وسمعتهم ومكانتهم لا أرى في ذلك عيباً بل أرى في ذلك شهامة وأخلاق مختفية في زماننا الحالي اشكرك هدوء لنقاشك |
مهو بدي احكي خايفة يصير فيكو شي اوعدوني تكونو قويين هههههـ |
اكيد بس احكي انتي ولا يهمك |
مهري كآن دينآر اردني فقط عادةة عناآ بالخليل المهر بيكون اماآ دينار اردني و اماآ ليرةة ذهب صراحة متلي متل خواتي و بنات عمي دينآر اردني فقط وقتهاآ كان بالـإسرآئيلي 7 شيكل بس ممكن هاد السبب اللي بيخلي بنات الخليل تتزوج من سن 14 |
اقتباس:
شباب هلموا الى الخليل ههههههه يلا شباب شو ناطرين هجرة جماعية للخليل |
هههههههههههههههههههـ كمان لا تنسى انو ما ندفع لهلأ |
لا لا الشباب ما بتحب الدين ولا التقسيط مش مستاهلة يعني الدينار يكونوا 100 مع المواصلات هههه |
اقتباس:
انا اول مره بسمع بهيك شي تيب وليش ما اعطوكي اياهن السبعه شيكل تعرفي انا مهري كان 4 الاف دينار المهم تكوني مبسوته بحياتك |
اقتباس:
هههههههههههههههههههه ازا هيك 107 شيكل بس منشان تتزوجو شو مستنين يلا البريئه احجزيلهم اكم بنت ئبل ما يروحو عليهم:d |
لنيجي للجد هلأ صح المهر عناآ دينار فقط بس في حقوق للبنت و هاي من الشرع انها بتكون الها مثال بسيط يعني ذهب 350 غرآم اشيا العروس من غرفة نوم و ما شابه 3 آلاف دينار مؤخر الصدآق 2 الف دينار هآد لو ما دفعوهم اهل العريس شي عادي المهم بيكونو انكتبو للعروس لأنو حقها الشرعي صرآحة اناآ ما اشترولي غير 150 غرآم ذهب و بعد فترةة زوجي اعتازهم و باعهم هاد الشي ما بيفرق المهم مكتوب بالعقد طبعاً هالكلام قبل 6 سنين يعني الوضع كان احسن من هاد اكيد هلأ الناس قللت بهالأمور هاي بعتذر للـإطالة لكن حبيت تعرفو الوضع بالخليل ~ |
اقتباس:
اي هاد الشي صح لنفكر شوي ال 4 الآف ايش عملتي فيهم غريب انك من الضفة و ما بتعرفي هالشي ! |
اقتباس:
لك البنات كتار بس المشكلة كيف بدهم ييجو و الله و الله من اسبوع وحدةة اتصلت على اذآعة الحرية بتطلب من حد يتزوجها و طبعاً للي بدو يتزوجهاآ الو قطعة ارض و ما بدها ذهب غير 50 غرآم و ازا ما بدو لا يجيب عندها اخوة بيلبسوها طواق ذهب يوم العرس و في واحد من غزةة اتصل على الأذاعة و طلب من المذيع ياخد رقم البنت لكن متل ما بتعرفوا المواصلات صعبة و الدليل على كلامي هالخبر انتشر على صفحة الإذآعة و صفحة الخليل ازا بدك فيكو تتأكدوا |
بصراحة المهم في الشب يكون بيصلي وعندو أخلاق بس للأسف لشديد أنو بنات هاليام بيطلعن اذا لابس ع لموضا وشعره عاملهن لفوق ومعبيهن جل وحلو ومش عارف شو للأسف ناس قليلة بتطلع ع الاخلاق والدين أنا ما بحكي أنو تختار شب مو حلو الحلاوة بالدين مو بالمظهر في شباب بيكونو موضة من الاخرر بس للأسف ما بيفهمو بشي وفي منهم عادي بس بكون أحسن ناس بتقابليهم وبيحترموك وبقدروك من الاخر الله بعين ......الدنيا كلها غالية مو بس المهر تحياتيلك وشكرا لهذا الطرح قصي |
اقتباس:
ولا شي كلهم شريت فيهم دهب مو اكتر من هيك اه عمري ما سمعت بهيك شي والله يلا معلومه جديده ههههههههه |
اقتباس:
اه مهو حبيبتي صارو البنات يطلبن العرسان علنا ولا شو مفكرا وانا كتير بسمع بهيك ئصص الله يستر ع الجميع مو ضروري نتأكد يا ئمرايه اكيد صادئه:81: |
هههههههه فكره مش بطاله الله يكون بعون الشباب مطلوب منه اشي كتير والوضع مقفل علي الكل خصوصا عنا بقطاع غزه علشان هيك نسبة العنوساه ارتفعت كتير يالله بالتقسيط بالتقسيط المهم تتزوج |
- يْ جمآإأعةة آلجيزةة مآإأنآإأ مجرد مهر فِ أشيةة كتيرة غير آلمهر وصآإألةة وبدلةة عروس وبدلةة عريس وغدآ وموآصلآت وكوآإأفير وغرفةة نورم.. وكمآإأن آلبيت ممكن يكوؤون كلهُ جآإاهز إذآ كآإأن فِ بيت لوحدههُ وغيرهُ وغيرهُ.. وأد م آلوآإأحد يختصر لآزم يلآئيْ أشيةة بدهآإأ بآلرآإاحة وإذآ بدهُ يختصر ويعمل آلمستحيل بدهُ 8000 دينآإأر وأنآإأ برأييْ إذآ آلعريس م معهُ نص آلمبلغ ع آلأئليةة م يروحَ يطلب بنآإأت آلنآإأس ويبهدلآ معآإأهَ بسدآإأد ديونهُ..ويمكن بعد يضيع ذهبآإأ كمآإأنآإأ منشآإأن يسسد ديونهُ.. آلإنسسآإان بدهُ يتزوجَ مشآإان يستقر م مشآإأن بدمر حيآإأتهُ ع خلآفآأت مآإأديةة بعدين آلجيزةة بهيكْ طريئةة بتعلمْ شبآإأب آليوؤم ع آلكسسل وآلجلسةة عن آلشغل وبدهن آلسسمآإأ تمطر دولآرآتْ..م بنكر آلوضع آلإقتصآإأديْ آلصعب لكن هيدآ موش عآإأئق أمآإأم آلعمل فِ أي مهنةة محترمةة.. هيدآ رآييْ آلششخصيْ.. سلمآإأتي~ لطرحكْ..! : |
اقتباس:
بصراحة فاجئني ردك قليلاً وأعلم أن لا ذنب لحواء في أن تتحمل ديون أدم وتعاني من مشاكله وظروفه القاسية ولكن انتِ تتحدثين عن فئة من جنس حواء تتمسك بهذا الرأي لا يروقها أن تتزوح من أدم الفقير المثقل بالديون وتحب أدم الذي يملك الشقة والوظيفة والمال رغم أن هذا الصنف الآن قل بكثرة هذه الأيام ولكن بقى أن اذكرك أن هناك فئة من حواء تعيش مع أدم في كل الظروف والأحوال تعشق البساطة ولا ترغب بغير حضن دافئ وصدر حنون |
بدي أحكي رأيي بالموضوع بشكل عآم لإنو انا من النآس اللي عندها عزوف عن الزواج ههههه رأيي انو اذا الناس مش نآويه تخفف من تكاليف الزواج سواء مهر او مقدم او مُأخر أو جهاز او اي شي تاني فـ فكرة الزوآج بالتقسيط فـكره منيحه وَ مُطبقه و مـــش غـريبه! بــشرط انو التقسيط يكون بالمهر او المقدم او بالذهب مش بـ جهاز البيت أو الصاله أو الاشياء اللي بتكون تحت بند "الديون" لانو فكرة يكتب العريس لـ العروس 200 غم ذهب ويشتريلها 70 أو 50 عــآدي أو حتى اللي بقدر عليه ،، لانو هآد بكون تحت بند دين عليه ،، بس لمين؟ لـ مرتو مش حدا غريب اما اذا كانت الديون لـ اجهزه كهربائيه وغرفة نوم وصالون وممكن تكون شيكات وكمبيالات ودنيا وحاله هآد اشي انا ضدو بالعكس اما بتستنى لترتب امورك نوعا ما والأولى ما تبآلغ العروس بجهاز البيت اي شي بسيط ومسسلك وخلص وو حرجع اكتب عن شي تاني لاني قرأت ردود الاعضاء بدي أعقب ع بعض الاشياء هههه |
شيء مُحزِن هوُ وُآقعُنآإ حتى الإرتبآط آصَبحَ يتعلَق بـِ حآل جَيِبُ آلرَجُل وفيِ هَكذآ وُضَع ! لآ آعتَقِد آنَ بإستِطآعَة أَي أحَد الإرِتبآط خُصوُصاً بعَد إنعِدآم الأعَمآل وحَتى آلبطآلة آلتيِ كُنآ نتجَنبُهآ أَصَبحَتُ معدوُمة ,, آعآننآ آللهُ على مآ إبتلآنآ بِهِ آمآ رأييِ بـِ حَملَة تيسِير آلزوُآج فَـ هُوُ عَمل خَيرْ , لتيسيرْ أمُوُر آلمعَيشة آلمُترهلَة كآن آللهُ فـ آلعَوُن |
اقتباس:
هههههه طبعا انآ كنت بدي أحكيلك تـحكيلهم شو تـكآليف الزوآج التآنيه ومـعروف انو بالخليل اشيآء بتـكسر الظهـر هههه بكفي قصة انو بكتبو الذهب بـ الغرآم مـش بالمبلغ المآلي والذهب هلأ بالعآآآلي في نآس التبس عليها الفرق بين المهر والمؤجل والحقوق التانيه ! عآدي يكون المهر ليره ذهب أو دينآر اردني بـ 5 شيكل اليوم هههه بس مؤجل ، لا يقل عن 5 ألآف دينآر وفي ذهب ،، ومنآطق بتكتبو بالغرآمآت وشبه قآعده عند بعض العائلات وفي منآطق بتكتبو بمبلغ مآلي ، بغض النظر شو سعر الذهب وفي جهآز للعروس ، مبلغ مالي ايضا وفي اشياء كتير بس ما بتندرج تحت اسم "مهر" انداري ،،، كانها تجاره مش جوازه :92: |
الحمدلله إنه فش عنا هيك إشي بالمره، حياتكوا كتير مختلفه عن حياتنا، بصراحه انا بشوف المهر هبل، مع احترامي لكل المجتمعات اللي ماشيه ع هيك عاده، طالما الشب والبنت رح يعيشوا مع بعض تحت سئف واحد، فلشو المهر يعني؟ مهي مرته وشريكته بحياته بكل إشي ورح يظلوا عايشين مع بعضون طول العمر فلشو المهر هون؟ اول مره بتأكد ئديش البنات بتطلب مصاري بالضفه، اشي 5 تلاف واشي 8 تلاف، بهدول المصاري كل شهر بشتروا غراض للبيت إلو ولمرته ولولاده، يعني شو مفكري حالا البنت لحتى تطلب مصاري إلها لحالها، يعني انا مش فاهمه لشو المهر بالزبط وعلى شو بيساعد البنت؟؟ عنجد الوضع عندكوا مش طبيعي، بعدين شو هالافكار الهبل إنه اذا بطلب مصاري من عريس بنته ئال هيك اكتر ئيمه لبنته، اذا كانت شريفه هاي اكبر ئيمه .. الله يعينكوا ع هيك عيشه .. |
شبآإأب آليوؤم ع آلكسسل وآلجلسةة عن آلشغل وبدهن آلسسمآإأ تمطر دولآرآتْ..م بنكر آلوضع آلإقتصآإأديْ آلصعب لكن هيدآ موش عآإأئق تعَقيباً على كلآمْ الاُخُتْ لَديك تنآقُضْ كَبير وأنتَ أعلّمْ بـِ وُضَع آلشبآب آليَوُم علَى سبيل آلمَثآل " أنآ " عنديِ طآبق وُلَيسَ شقة عنديِ مهَر مِش مآ عِنديِ , وطَبعاً حصَلتهُ ولله آلحَمد من شُغليِ وفرضاً إتزوُجنآ ! مِنْ وُين بديِ أصَرُف عَ بنت آلنآسْ ! بهآد آلنُقطة بآلذآتِ رَح تعَرفيِ أن آلشُغُل هوُ آلمُيسر للزوُآج بعَد إْرآدة آلله عَزَ وَجلْ أرجوُ أن لآ أكوُن قَد سببت إزعآج وُلكنْ ردكِ أصرّنيِ على كتآبة رَد مَرة اُخرى عوُآفيِ |
اقتباس:
اهاآ بعض كلامك صح يعني انا ما اعطيت ارقام خيالية 350 غرآم 2000 دينار 3000 دينار مش 5000 و بعدين هدول مش كلهم بجيبهم العريس بتعرفي شغلة آخر أخت لـإلي تزوجت يوم ما اجو يخطبوها ابو العريس احكى لأبوي انا ما معي مصاري بدك تزوج ؟ حكالو جيزة الولد عَ حسابي ! |
| الساعة الآن 07:42 AM |
Powered by vBulletin® Version 3.8.7
Copyright ©2000 - 2025, vBulletin Solutions, Inc.
Search Engine Optimization by vBSEO ©2011, Crawlability, Inc.
HêĽм √ 3.1 BY: ! ωαнαм ! © 2010
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.