منتديات بنات فلسطين - تزوج بالتقسيط

منتديات بنات فلسطين (http://www.bntpal.com/vb/)

- - تزوج بالتقسيط (http://www.bntpal.com/vb/t15544/)

موضوع حلو كتير للنقاش

اها بتصير كتير وصارت مع احد اقاربي طبعن
بس انا انو راي انو يلي مامعو مابلزمو جيزة وبعتقد
يلي بشتغل وبكون عليه دخل راح يكون قادر ع دفع المهر
ووالي مابشتغل مش راح يكون قادر ع دفع المهر
يعني ازا انتا مابتشتغل كيف بدك تتجوز وتفتح بيت؟
وانا هيك راي يعني يلي مامعو لازم يبني حالو حتى يصير معو
اكيد يعني الحال من بعضو
بس يعني انا عن نفسي لو الي بنت مابرضى قصة مهر بالتقسيط وهيك شغلة
يعني ازا بالمهر هيك كيف بدو يامن بيتو بكرة ؟؟

عوافي الك خيوو

تحياتي

مش ضد ،
لكن استنى حتى يكون جاهز افضل، اذا من البداية زواجه كان تقسيط
كيف بده يعيشها بعدين ، لكن يكون جاهز من كل النواحي وبعدها يتزوج احسن

اقتباس:

المشاركة الأصلية كتبت بواسطة وَطنْ،،! (المشاركة 422409)

بدي أحكي رأيي بالموضوع بشكل عآم
لإنو انا من النآس اللي عندها عزوف عن الزواج ههههه

رأيي انو اذا الناس مش نآويه تخفف من تكاليف الزواج سواء مهر او مقدم او مُأخر أو جهاز او اي شي تاني
فـ فكرة الزوآج بالتقسيط
فـكره منيحه وَ مُطبقه و مـــش غـريبه!
بــشرط
انو التقسيط يكون بالمهر او المقدم او بالذهب
مش بـ جهاز البيت أو الصاله أو الاشياء اللي بتكون تحت بند "الديون"
لانو فكرة يكتب العريس لـ العروس 200 غم ذهب ويشتريلها 70 أو 50 عــآدي
أو حتى اللي بقدر عليه ،،
لانو هآد بكون تحت بند دين عليه ،، بس لمين؟ لـ مرتو
مش حدا غريب
اما اذا كانت الديون لـ اجهزه كهربائيه وغرفة نوم وصالون وممكن تكون شيكات وكمبيالات ودنيا وحاله
هآد اشي انا ضدو
بالعكس
اما بتستنى لترتب امورك نوعا ما
والأولى ما تبآلغ العروس بجهاز البيت
اي شي بسيط ومسسلك وخلص

وو
حرجع اكتب عن شي تاني
لاني قرأت ردود الاعضاء
بدي أعقب ع بعض الاشياء هههه

بصراحة

تفكير منطقي
عقلاني
متزن
به الكثير من الحكمة

راق لي بشدة

وأنصحك أن تبقى عازف عن الزواج ^ ^

تحياتي لك وطن

اقتباس:

المشاركة الأصلية كتبت بواسطة عآشق آلوحده (المشاركة 422435)

شيء مُحزِن هوُ وُآقعُنآإ
حتى الإرتبآط آصَبحَ يتعلَق بـِ حآل جَيِبُ آلرَجُل
وفيِ هَكذآ وُضَع !
لآ آعتَقِد آنَ بإستِطآعَة أَي أحَد الإرِتبآط
خُصوُصاً بعَد إنعِدآم الأعَمآل وحَتى آلبطآلة آلتيِ كُنآ نتجَنبُهآ
أَصَبحَتُ معدوُمة ,,
آعآننآ آللهُ على مآ إبتلآنآ بِهِ
آمآ رأييِ بـِ حَملَة تيسِير آلزوُآج
فَـ هُوُ عَمل خَيرْ , لتيسيرْ أمُوُر آلمعَيشة آلمُترهلَة
كآن آللهُ فـ آلعَوُن

بالفعل يا عزيزي واقع مؤم وحال مؤسف
والأمور تبدو لي أنها معقدة
حيث تزداد يوماً بعد يوم معدل البطالة
ويقل فرص العمل
نتيجة الحصار الخانق والوضع الماسأوي الذي نعيشه

أعان الله شبابنا
ووفقهم للخير
وفتح لهم أبوابه التي لا تغلق

سرني تواجدك

أشكرك

اقتباس:

المشاركة الأصلية كتبت بواسطة سمــره (المشاركة 422447)

الحمدلله إنه فش عنا هيك إشي بالمره، حياتكوا كتير مختلفه عن حياتنا، بصراحه انا بشوف المهر هبل، مع احترامي لكل المجتمعات اللي ماشيه ع هيك عاده، طالما الشب والبنت رح يعيشوا مع بعض تحت سئف واحد، فلشو المهر يعني؟ مهي مرته وشريكته بحياته بكل إشي ورح يظلوا عايشين مع بعضون طول العمر فلشو المهر هون؟ اول مره بتأكد ئديش البنات بتطلب مصاري بالضفه، اشي 5 تلاف واشي 8 تلاف، بهدول المصاري كل شهر بشتروا غراض للبيت إلو ولمرته ولولاده، يعني شو مفكري حالا البنت لحتى تطلب مصاري إلها لحالها، يعني انا مش فاهمه لشو المهر بالزبط وعلى شو بيساعد البنت؟؟ عنجد الوضع عندكوا مش طبيعي، بعدين شو هالافكار الهبل إنه اذا بطلب مصاري من عريس بنته ئال هيك اكتر ئيمه لبنته، اذا كانت شريفه هاي اكبر ئيمه ..
الله يعينكوا ع هيك عيشه ..

المهر من حق الزوجة
وبدون مهر ومقدم ومؤخر ثقي جيداً أنها ستزداد معدلات الطلاق
فالأمر سيكون هين على اصحاب النفوس الضعيفة والقلوب السوداء
وسيجدون في الأمر متعة وتغيير لا سيما ان الأمر لن يكلفهم شيء

لتننظري الى الموضوع بعمق أكثر ...لتدريكي ما أقصده ^ ^

اشكرك لتواجدك ونقاشك ورائيك