|
حوار بين فريق الشباب والبنات مرحبا بنات وشباب اجت ببالي فكرة حبيت شارككم فيها الفكرة عبارة عن حوار مثير بين فريقين . . {فريق الشباب} . . {فريق البنات} . . هناك أمور يكرهها الرجل في المرأة ولا يستطيع فهمها . . ((و)) . . وهناك أمور تكرهها المرأة في الرجل ولا تستطيع فهمها . . وسنقوم في هذا الحوار بتسليط الضوء على كل ما لا يعجبنا في الجنس الآخر بكل صراحة وموضوعيه حتى نستمتع ونخرج منه بنتائج إيجابيه . . {بدايه الحوار} . . سيقوم فريق الشباب بطرح تساؤل عن أمر معين لا يعجبه في البنات وسيقوم فريق البنات بالرد وتبرير الموقف . . وبعد اعطاء الأجابات والمبررات الكافيه . . يصبح فريق البنات في وضع الهجوم ويطرح سؤال على فريق الشباب <وهكذا يستمر الحوار> . . <<ملاحظه>> يحق للجميع المشاركه وابداء الرأي ولكن بعدا عن التجريح وبدون استهزاء . . وأرجو ان تكون مع الحق دائما بعيدا عن التحيز . أرجوا التفاعل والمشاركه من دون تجريح . . تحياتي |
فكره رائعه ان شاء الله بنتفاعل تحياتي هع |
الفكرة حلوة ومعروفة لكن التفاعل عليها معدوم على كل حال اترك لك البدء في الجولة الأولى وبإنتظار طرح سؤالك |
طرح رائـــع وفكرة جديدة ومميزة ... يعطيك العافية بما اني صاحبة اول قضية ... اسمحولي بسؤال يا شباب ... لماذا ياخذ الشباب القسم الاكبر من الحرية وخصوصا في الخروج من المنزل ... رغم الاخطاء التي يرتكبوها اما نحن فحريتنا محدودة ... وتكون البنت محاسبة على كل تصرف لها سواء من اهلها او الاخريــن ؟؟ |
بعد شوي بيصير كلو مجاملات هاد ازا ماصار مشلكى مافي حدا بيعجبو النقد ع كل حال كتير حلوة الفكرة بس ع ئولتو للمدير اهم شي التفاعل يسلمو |
إها فكرة حلوة و انا كمان عندي سؤال لشباب ليش أزا حبيتو شي بنت ما بتعيروها الاهتمام يلي لازم ينعمل رغم انو هيا أزا حبت بتحب بصدق أنتو أزا حبي تو بتحبو بصدق او بس للمتعة و التعمير الوقت ؟؟ ههههههه هاي بس أسئلة مع كل احترامي الكم |
حبيت الموضوع، بعاود اشترك اكيد، انثى، مشكوره ع فكرتك الحلوه، هيك منصير نعرف كل شخص هون كيف عئلاته .. |
اقتباس:
فالبداية احنا بمجتمعات هيك بتتطلب الشب اذا طلع ما حدا بخاف او بقلق عليه ،، لكن البنت ع العكس منه رح يكون في قلق وخوف عليها من اهلها ،، و بالنسبة للأخطاء بعيداَ عن الدين المجتمعات الشرقية تغفر ذنوب الشاب ولا تنسى ذنوب الفتاة وتصرفاتها محسوبة عليها لانه المجتمع ما بنساها |
اقتباس:
هو اختلاف بطريقة الاهتمام البنت بتعبر عن حبها واهتمامها بالكلام والشب بالعكس منها بعبر عن حبه واهتمام بالفعل .. |
فكرة حلوة نوعا ما بتمنى التفاعل تحياتي انااا ....:118: |
اسعدني مروركم سؤالي للشباب ... ليش البنــات علاماتهم ونتائجهــم اعلى من الشباب ... مع انو عقل الشباب اذكــى ؟؟ |
طرح رائع اختي ساكون دوما هناااا |
شكرا لك بانتظار تفاعلك نورت |
اقتباس:
كلامك فمحلو و رغم انو رح احكي ما بيهتمو او بيهتمو ما رح اقدر لأنو الشباب فيهم اصناف و كذلك البنات فيهم اصناف لهيك صعب الحكم الى بعد التجربة ميرسي على جوابك الواضح |
اقتباس:
بالنسبة لخروج الفتااة .... الشاب لما يطلع بعرف وين بروووح وما بنخاف عليه البنت لما تخرج من البيت وين بدهاا ترووح؟؟؟؟؟؟؟؟؟؟ بالعكس حر يتكم مطلقة بوجود محرم معكي تستقوي به عمال بنتمنى نكوووون مثلكم قاعدين بالبيت مش ياولد روووووووح وتعال ؟؟؟ احمدِ ربك |
اقتباس:
في هيك وفي هيك ومعك حق بلاحظ انه البنات دايما اعلى بعلامتهم وممكن هالشي برجع انه البنت موجوده بالبيت وبتعطي دراستها اهمية كبيره بعكس الشب ،، وبالنهاية الا بدرس منيح بتكون نتائجه منيحه وعالية |
ليش يا شباب صايرين بتقعدو امام المرآة بالتواني و الدقائق اكثر من البنات و هاذ الأشياء لاحظت وكثير من خلال طريقة اللبس و شكل الشعر ؟؟ |
اقتباس:
انا احكيلك لو انو نظرتي مختلفة عن اخي الصياد . لا يوجد فعل من الشباب البنت بحكمها الحساس العاطفي بكلمتين حلوووين ممكن تخليها تحت اجنااحك وتعيرك كل اهتمامها الك الفعل من البناات صراحة يوجد وانتي حكيتي الحب بصدق اما الكلام عند الشباب حدث ولا حرج هي اللي انا بلتمسووا من الواقع اللي بشووفوا |
اقتباس:
في بعض الشباب صراحة زي ما تحكي خاصة الشعر باستخدام الجل و الكريم ..الخ بده اكثر من نص ساعة ما في بعد محسووبك خالد بروووح ع الجامعة بدوون تمشيط و لبسه بستغرق دقيقتين بحكوولي ليش بتعمل هيك .......... عادي بايعهاااا |
اقتباس:
اقتباس:
رأيك مطابق تاما لرأي تبعي و لهيك الشباب فيختارون نقطة الضعف تبع البنت يلي هول العاطفة يلي عندها بتكون حساسة زيادة شكرًا الك اخي هاي حقيقة و لازم الكل يتقبلها |
اقتباس:
يرجع الامر الى الغيرة غيرة البنت احكي زي ما بدك عنه ........... الشباب فقد تلك الغيرة وللاسف طبعا الا ما رحم ربي |
اقتباس:
أكيد انا ما استهدفت كل الشباب ميرسي على صراحتك |
اقتباس:
شكرا الك |
سؤال قرأت بأحد المواقع و أعجبني و حبي تو نقلو هاذ السؤال منقول ((انت كشاب كيف تقدر تحدد ان هالبنت ثقيلة وان البنت الثانيه العكس( من دون التعامل وياها طبعا")؟ |
اقتباس:
انتي لما تقابلي اي بنت بدوون تعاملك معهاا و ال بتكلميها بتحكي البنت امبين عليها محترمة وبترتاحي لها الله اذا احب عبداً نادى على اهل السماء والارض اني احببت فلانا فأحبوه ليس لها علاقة انو الشاب له عين ثاقبة وبعرف صفت البنت بدوون تعامل معهااا |
بس انا ما حكيت صفة انا حكيت تصرف او يمكن ما فهمت سؤالي ما بعرف كيف رح يوصلك بلاقي مشكلة في التواصل لأنو ما بتقن الفلسطينية المهم شكرًا على نقاشك |
اقتباس:
صراحة ما بعرف سؤالي / ليه البنت اول ما تقعد بالتاكسي هي وصحبيتة ببقوا بزنووووووووووا وببرمووووووووووووا لحتى ما توصل ؟؟؟؟؟؟؟ |
اقتباس:
مش من هذا النوع انا ومابعرف السبب بس في شباب كتير صارو يتشابهو بالبنات باللبس وباستخدموا اشياء من مكياجهم وغيرها من هالاشياء .. |
فكرهـ عظيمهــ سؤالي .. ليش الشاب بقلل من تفكير المرأة وعقلها ودائما بتعامل انو هو الأكثر خبرة وهو المطاع و شكرا بانتظار أسئلة الشباب أيضا ودي |
اقتباس:
من شعري تمشيط مظبوط هدوم انظيفه مكويه ريحه حلوه جزمه لمعتها موجوده هادا الشي بدو وقت مش عشان اي حد يعجب فيا بس لانو النظيف بحب يكون مرتب اقتباس:
عقليات الشباب بتختلف انتا حسستني انو كل البنات ملائكه والشباب كلهم شياطين العيب يا اخي مش بلشباب العيب والغلط في الشباب الي انتا بتشوفهم وبتعرفهم اقتباس:
من اول نظره بتنعرف سواء كانت تقيله ولى العكس ضحكتلها ضحكتلي شورتلها شورتلي بسرعه هتكون شو رأيك؟ اقتباس:
ربنا قالها ناقصات عقل ودين ولكن موضوعنا مش الدين تاني شي لانو المرأه العاطفه بتغلب عندها العقل لهيك ما بتاخد برأيها |
اقتباس:
ما بتقدري تجمعي جميع الشباب لكن ممكن البعض بتعامل بهذا الشكل لانه بتعامل مع اشخاص اكتر و في بحياته فعلاً خبرة اكبر لانه باختلط بكتير ناس ،، وفي اشخاص بنظرهم الرجولة بهذه الشكل بتكون بانه هو لازم يكون الافضل بكل اشي وصاحب القرار |
اقتباس:
كلامك غلط يا ماجيك انت اخدت النقص بالحديث وتركت باقي الحديث وهذا شرح حديث الرسول ومعنى النقص عند المرأة فقد بين النبي صلى الله عليه وسلم في الحديث وجه نقصان دين المرأة وعقلها. ففي الصحيحين من حديث أبي سعيد الخدري رضي الله عنه قال: خرج رسول الله صلى الله عليه وسلم في أضحى أو فطر إلى المصلى، فمرَّ على النساء فقال: " يا معشر النساء تصدقن فإني رأيتكن أكثر أهل النار. فقلن : وبم يا رسول الله؟ قال: تكثرن اللعن وتكفرن العشير . ما رأيت من ناقصات عقل ودين أذهب للب الرجل الحازم من إحداكن. قلن: وما نقصان ديننا وعقلنا يا رسول الله؟ قال: أليس شهادة المرأة مثل نصف شهادة الرجل. قلن: بلى. قال: فذلك من نقصان عقلها. أليس إذا حاضت لم تصل ولم تصم؟ قلن: بلى. قال:فذلك من نقصان دينها". وقد نبه الله تعالى إلى السبب الذي جعل من أجله شهادة المرأة على الضعف من شهادة الرجل فقال: ( أن تضل إحداهما فتذكر إحداهما الأخرى). [البقرة:282]وهذا عام في فترة الحيض وغيرها. وأما نقصان الدين فهو لما يفوتها من العبادة في أيام حيضها. فهو نقصان بالنسبة لأهل الكمال. قال النووي رحمه الله :(ونقص الدين قد يكون على وجه يأثم به، كمن ترك الصلاة أو الصوم أو غيرهما من العبادات الواجبة عليه بلا عذر. وقد يكون على وجه لا إثم فيه، كمن ترك الجمعة أو الغزو أو غير ذلك مما لا يجب عليه بلا عذر. وقد يكون على وجه هو مكلف به كترك الحائض الصلاة والصوم) انتهى. والله أعلم. |
اقتباس:
سؤال ألكم شباب أيمتها بتستطيعو انو تضحو منشان حبكم ؟ |
اقتباس:
سؤالي / ليه البنت بتبكي لو حدا غلط عليهااا غلطة بسيطة ؟؟؟؟ |
اقتباس:
|
اقتباس:
سبب علمي مقنع بعين الله اختي |
ليش الشباب بخافو يرتبطو بالفتاة يلي ئد حالها و بتكون متولية مناصب مهمة في عملها ...؟ |
اذاا حبيت بنت وبدك تتزوجهاا لكن أهلك مع الأسف رفضوا شو بتعمل ؟؟؟؟ |
اقتباس:
في بخدوهاا من ناحية انو البنت لما تشوف ئد حالهاا بصير عنده كبرة و عجرفة الزووج ما راح يتحكم فيهااا و لما تكون متولية مناصب ما راااح تفضى للتربية الابناء و العناية بزوجها كما يجب |
اقتباس:
ودايما الام بتحب تكون عند ابناااءههاا افضل البناات ربما حسوا انو البنت مش لايقة لأبنهم برفضوهها فبوافقهم و بتركها اما اذا كان بدوون سبب مش بخاطرهم |
| الساعة الآن 01:40 AM |
Powered by vBulletin® Version 3.8.7
Copyright ©2000 - 2025, vBulletin Solutions, Inc.
Search Engine Optimization by vBSEO ©2011, Crawlability, Inc.
HêĽм √ 3.1 BY: ! ωαнαм ! © 2010
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.