للنقاش

المشاركة الأصلية كتبت بواسطة تسنيم

1-هل تتقبلون ان يصرح لكم الزوج او الخطيب بان اناقتكم واعتنائكم بانفسكم غير كاف ؟

بتقبل لو كان هالشي في حدود خوفه علي أو ك نصيحة ،
لكن لو كان مجرد شيء ما إله أساس من الصحة بعصب منه ..
تانياً المرأة يلي بتكون بعلاقة لازم تكون قد مسؤولية هذه العلاقة
تهتم بحالها وبالرجل يلي معها علشان ما تخسره ،
يعني أنا رح أهتم بحالي وما أحوج حالي لهيك كلام ..


2- وهل تتقبلون ان يقر لكم بانه راى من هي اكثر اناقه جمال منكم وبانه يرغب في رؤيتكم كذلك ؟


متل م قلتلك يمكن مرات بكون بحب شي وم لقاه معي
ف مسلا بيحكيلي انه اعملي هيك او حاولي تتعلمي هاد الشي
وهاد ابداً مش عيب بالعكس بدلل ع قوة العلاقة يلي بينهم وانه قادر يكون معها بدون حدود ..
لكن مقارنتي مع بنت تانية ما بسمح فيها
وما بسمحلو يطلع ع وحدة غيري أصلاً لانو ساعتها رح ابعت الاتنين ع القبر


3- وهل برايكم تبرير بعض الازواج لاتباطهم بعلاقات باخريات ان زوجاتهم لا تهتم بمظرها واناقتها ورشاقتها ؟
اولاَ الخيانة ما إلها مبرر فيك تنهي العلاقة لكن ابداً هاد مش معناته أنك تخون ، وانا متصالحة جداً مع نفسي وبعرف انه اي زلمة بالدنيا بمر بشهوات ونزوات بحياته لكن قلبه بضل مرهون مع بنت وحدة ، يعني لو تعرضت للخيانة بسامح ..
يعني بتقدر تقول اني رح اعطيه كل الالتفات حتى ما يضل التفاته وحدة لشخص تاني يفوت بيننا
والحقوق دايما بترجع لأصحابها يعني لو وحدة اخدت زلمة من مرتو او حبيبتو او . ..الخ
بتلف الدنيا وبالاخر رح يرجع للي اختارها من البداية
الباقي متل م حكتلك بكون اله زهوته زي م بقولوها الجديد زهوته فيه ..
بس بكرر انو الخيانة ما الها مبرر بس بسامح عليها
للمرة واحدة مش يقضيها خيانة ،


والزلمة للي عينه فيها قمر ما رح يطلع للنجوم والله "))


يسلمو محمد