- آنا أحبك ليش إنت بالذات

وهذا البارت الثاني لعيونكم






اليوم الجمعة .. يعني الكل يتجمع في البيت العود بيت " ابو جواد "




نتعرف على بيت ابو جواد ..




" عبد العزيز " : أب لبنتين وولدين " طيبة وبدرية وجواد وأمير " .. عمره 65 سنة .. حنون على اولاده واحفاده.




" حصة " : ام جواد .. عمرها 60 سنة .. طيبة لكن عصبية .




" جواد " : الولد الكبير لحصة وعبد العزيز .. عنده ولد وبنتين " محمد وأمينة وأماني " .. عمره 50 سنة .




" عواطف " : زوجة جواد .. حنونة على اولادها بس مشكلتها توسوس واايد في النظافة .. عمرها 49 سنة .




" امينة " : البنت الكبيرة لعواطف وجواد ..طيبة وماعندها عداوة مع أحد .. بيضة وشعرها بني وعينها بنية .. متزوجة وعندها ولد.. عمرها 24 سنة .




" أماني " : تدرس في كلية العلوم الصحية " أشعة " .. مخطوبة .. عمرها 20 سنة .. بيضة وشعرها أسود وعينها بنية.




" محمد " : يدرس في جامعة البحرين .. عمره 18 سنة .. عينه بنية ورموشه كثيفة بشرته حنطية وشعره بني غامق.





الظهر .. الكل وصل البيت العود وتجمعوا للغذاء




في الصالة الواسعة .. الكل قاعد على السفرة في بداية السفرة الرجال وفي الوسط الأطفال بعدين البنات وآخر السفرة الحريم ..



جابوا الخدم صحون العيش والدياي "الدجاج" .. أبرار واحمد مايحبون من يد الخدم .. فاثنينهم كانوا في المطبخ يحطون ليهم غذاء .. أبرار كانت تتحاشى أحمد وماتبي تكلمه وأحمد بدأ الكلام ..




أحمد : شلونج اليوم ؟



أبرار بهدوء : الحمدلله



أحمد مستغرب : فيج شي ؟



أبرار : انت تشوف فيني شي؟



أحمد : ايه شكلج مريضة



سكتت أبرار وماردت لأن لو ردت يمكن تصيح وهي ماتبي تبين ليه إن هي تعبانة أو فيها شي .



حطت ليها غذاء وما كان ليها خلق تطلع الصالة فقعدت على طاولة الطعام الموجودة في المطبخ وبدأت تاكل ..



أحمد حط ليه غذاء وقعد جنبها ..




أبرار : ليش قاعد ؟ قوم اطلع



أحمد : طردة يعني ؟



أبرار : افهمها مثل ماتبي



تنهد أحمد وبدأ ياكل ولا كأن سامعنها ..



سكتت أبرار وماعلقت بالعكس هي من داخلها مستانسة إن أحمد قاعد ياكل وياها بس مابينت هذا الشي



كل واحد قعد ياكل وهو ساكت .. أبرار تفكر في أحمد وشلون يحب ليلى وامتلت عينها دموع لمجرد إن هي فكرت بزواج أحمد من ليلى ووقفت أكل .. انتبه أحمد لها وسألها ..




أحمد : وش فيج ؟؟ ليش تصيحين ؟



أبرار مسحت دموعها ووقفت : الحمدلله شبعت



أحمد : لحظة .. وين شبعتين وانتين صحنج ماكملتين نصه



أبرار : ماعجبني الغذاء اليوم



أحمد : انا متأكد إن فيج شي اليوم ؟ انتين كل يمعة " جمعة " آخر وحدة تقومين من السفرة واليوم ماقعدتين معاهم وغذاج ماكملتينه .. في أحد مضايقنج ؟ قولي من وانا بضربه وببرد خاطرج .



أبرار في نفسها : شلون تضرب روحك ؟؟ ابتسمت .. ههه اتخيل أحمد يعطي روحه كف



ابتسم أحمد وقال : ايه جدي تصيرين حلوة مو من ساعة مادة بوزج " شفايفج " شبرين وعافسة ويهج .



اتسعت ابتسامة أبرار وبانت غمازة خدها اليمين : صدق انا حلوة ؟



أحمد : ايه وملكة جمال العالم بس اضحكي .



استانست أبرار وتغيرت كشرتها لضحكة .. أبرار في نفسها : الشخص الوحيد الي يقدر يغير نفسيتي انــــت يا أحمد .




أحمد : يلا عاد قعدي وكملي غذاج



أبرار : لا مابي صدق شبعت



أحمد : يلا قعدي كملي غذاج عشاني



أبرار : خلاص قعدنا




دخلت أميرة تغسل يد أخوها عمار ..




أميرة : السلام عليكم



أبرار و أحمد : وعليكم السلام



أميرة : وينج انتي اليوم مو قاعدة معانا على السفرة



أبرار : يعني لازم كل مرة أقابل ويهج لو مايصير



أميرة وهي تستهبل : ايه لازم أنا لو ما اشوف ويهج قدامي ماتطوف اللقمة



أبرار : واضح ماتطوف اللقمة وانتي يوم كملتي غذاج جيتي لي



أحمد : ههههههههههه في الجبهة



أبرار : حدك على بت خالتي ما ارضى عليها



أميرة : ههههههههههه في جبهة من احين ههههههههههههه



تفشل أحمد وسكت .. وأبرار طلعت من المطبخ وأميرة غسلت يد أخوها وطلعت ورا أبرار



ظل أحمد بروحه في المطبخ .. يفكر بأبرار .. ليش إذا يشوفها متضايقة يتضايق ؟ وإذا فرحانة يفرح وياها ؟ معقولة يا أحمد تكون ..... لالالالا .... انت تحب ليلى .. اطرد أبرار من تفكيرك انت تحب ليلى .. ليلى وبس !!




في الصالة الكل كمل أكله وقام والخدم قعدوا يشيلون السفرة وبعدها جابوا الشاي والحلى ...




صبت لها شاي وخذت صحن حلى وراحت جنب التلفزيون وجت لها أبرار ..




أبرار : شلونج أموول وحشتيني يالهبلة



أمل : ألف مررة أقول لج لاتقولين لي هالكلمة



أبرار : مسامحة بس ماقدر انتين لاحظي " أمل الهبلة " يناسبج



أمل ماتحملت وعطت أبرار كف



أبرار بطلت عيونها : من سمح لج تعطيني كف هااه من سمح لج ؟؟



امل : والله انا كيفي اعطيج كف ارفسج اذبحج اقتلج كيييفي



أبرار : لا عااد حدج شكلج تبين هوشة



امل تحمست للفكرة : ايه صج وش رايج نتهاوش



أبرار : رووحي زين وش قالت نتهاوش قالوا لج انا مصرقعة مثلج



امل : مالت عليج ادلفي خليني اتابع المسلسل بهنا



أبرار قامت تغني : مالت مالت عليك عيوني أول مالمحتك



امل ما استحملت و دزتها فطاحت أبرارعلى الارض وانكت على يدها الشاي وكاان حااااار فحرق يدها



أبرار ماتحملت وقامت تصيح .. طبعا الصالة واسعة والكل منتشر فيها فمحد لاحظ أبرار الا أحمد لأن كان قريب شوي وامل لأنها جنبها .. جااء أحمد بسرعة




أحمد حس قلبه طلع من مكانه لما شاف أبرار تصيح : أبرار وش فيج ليش تصيحين ؟



امل خاايفة حدهاا لأن الي صار بسببها : أبرار حبيبتي وش فيج يعورج آسفة موقصدي



أبرار كانت مجودة يدها وهي تصيح بقوة .. أحمد شاف يدها وكااانت حمرة وبسرعة نادى أبوها واخذها ابوها للمستشفى ..



الكل في البيت العود كانوا خايفين على أبرار ... امل كانت تصيح واختها اميرة تهديها ..




امل : أنا السبب الحين يدها احترقت وخسرت جلدها بسبتي



اميرة : فال الله ولا فالج ويش خسرت جلدها ماصار قطرة شاي انكت على يدها



امل : انتي ماشفتي شلون الشاي كله انكت على يدها وكاان حاااااار يدها صارت حمرة



اميرة : بس عاد اموولة لاتصيحين صدقيني مابيصير فيها شي




أحمد ماقدر يتحمل وطلع برا وطلع وياه محمد ..




محمد : شفيك ؟؟



أحمد مايخش شي عن محمد : مادري ياخوك احس قلبي يعورني



محمد : يعورك ؟! وش صاير فيك ؟



أحمد : مادري بس ابي اروح المستشفى



محمد : بتروح بسيارة من ؟ اقعد اقعد كلها كم دقيقة وبيرجعون من المستشفى



سكت أحمد لأن ماليه خلق نقاش قعد على الأرض وهو ينتظر رجعة أبرار وابوها من المستشفى




بعد ساعة ...




رجع أبو علي مع بنته ونزلت أبرار من السيارة وكانت يدها اليسار ملفوفة بشاش



مباشرة أحمد راح ليها : سلامات ماتشوفي شر



أبرار : الشر مايجيك



ودخلت البيت واستقبلتها امل بالأحضان والدموع




أبرار : ههه وش فيج يالهبلة تصيحين



امل : عادي قولي هبلة ومجنونة والي تبين بس لاتخوفيني عليج مرة ثانية



أبرار مثلت إن هي تصيح : تباعدي عني ما اكلمج شوفي يدي وش صار فيها بسبتج



أمل وهي تصيح : سامحيني أبرار سامحيني



أبرار : ههههههههههههه مسامحتج يالهبلة يلا تباعدي عني



ضحكت أمل وتباعدت عنها وهي تمسح دموعها وقام الكل يسلم على أبرار ويتحمد لها بالسلامة ..




أبو عمر : بمناسبة رجعة أبرار بالسلامة الليلة بجيب لكم عشاء ماصار ولا استوى



أم علي : ليش تكلف على روحك يا بو عمر ما يحتاج



أبو عمر : الا يحتاج هذي الغالية أبرار غلاها من غلا بناتي



أبرار : ماتقصر يا بو عمر خيرك سابق ولاحق




قعدت أبرار على الكرسي وعلى يمينها امل ويسارها اميرة




اميرة : شنو قالوا لج ؟



أبرار : حرق بسيط وعطوني كريمات



امل : لمتى يدج بتبقى ملفوفة



أبرار : لاسبوع



اميرة : الحمدلله يعني في عرس اختج ابتهال مابيكون عليج لاشاش ولاشي



أبرار : ايه الحمدلله




وجااء في الليل وجاب أبو عمر العشاء والكل تجمع وتعشوا واكلوا ورجع الكل بيته بعد عنااء يوم متعب بالنسبة للبعض .





آرائكم وتوقعاتكم أحبتي ...