- آنا أحبك ليش إنت بالذات

وهذا البارت الثاني لعيونكم






اليوم الجمعة .. يعني الكل يتجمع في البيت العود بيت " ابو جواد "




نتعرف على بيت ابو جواد ..




" عبد العزيز " : أب لبنتين وولدين " طيبة وبدرية وجواد وأمير " .. عمره 65 سنة .. حنون على اولاده واحفاده.




" حصة " : ام جواد .. عمرها 60 سنة .. طيبة لكن عصبية .




" جواد " : الولد الكبير لحصة وعبد العزيز .. عنده ولد وبنتين " محمد وأمينة وأماني " .. عمره 50 سنة .




" عواطف " : زوجة جواد .. حنونة على اولادها بس مشكلتها توسوس واايد في النظافة .. عمرها 49 سنة .




" امينة " : البنت الكبيرة لعواطف وجواد ..طيبة وماعندها عداوة مع أحد .. بيضة وشعرها بني وعينها بنية .. متزوجة وعندها ولد.. عمرها 24 سنة .




" أماني " : تدرس في كلية العلوم الصحية " أشعة " .. مخطوبة .. عمرها 20 سنة .. بيضة وشعرها أسود وعينها بنية.




" محمد " : يدرس في جامعة البحرين .. عمره 18 سنة .. عينه بنية ورموشه كثيفة بشرته حنطية وشعره بني غامق.





الظهر .. الكل وصل البيت العود وتجمعوا للغذاء




في الصالة الواسعة .. الكل قاعد على السفرة في بداية السفرة الرجال وفي الوسط الأطفال بعدين البنات وآخر السفرة الحريم ..



جابوا الخدم صحون العيش والدياي "الدجاج" .. أبرار واحمد مايحبون من يد الخدم .. فاثنينهم كانوا في المطبخ يحطون ليهم غذاء .. أبرار كانت تتحاشى أحمد وماتبي تكلمه وأحمد بدأ الكلام ..




أحمد : شلونج اليوم ؟



أبرار بهدوء : الحمدلله



أحمد مستغرب : فيج شي ؟



أبرار : انت تشوف فيني شي؟



أحمد : ايه شكلج مريضة



سكتت أبرار وماردت لأن لو ردت يمكن تصيح وهي ماتبي تبين ليه إن هي تعبانة أو فيها شي .



حطت ليها غذاء وما كان ليها خلق تطلع الصالة فقعدت على طاولة الطعام الموجودة في المطبخ وبدأت تاكل ..



أحمد حط ليه غذاء وقعد جنبها ..




أبرار : ليش قاعد ؟ قوم اطلع



أحمد : طردة يعني ؟



أبرار : افهمها مثل ماتبي



تنهد أحمد وبدأ ياكل ولا كأن سامعنها ..



سكتت أبرار وماعلقت بالعكس هي من داخلها مستانسة إن أحمد قاعد ياكل وياها بس مابينت هذا الشي



كل واحد قعد ياكل وهو ساكت .. أبرار تفكر في أحمد وشلون يحب ليلى وامتلت عينها دموع لمجرد إن هي فكرت بزواج أحمد من ليلى ووقفت أكل .. انتبه أحمد لها وسألها ..




أحمد : وش فيج ؟؟ ليش تصيحين ؟



أبرار مسحت دموعها ووقفت : الحمدلله شبعت



أحمد : لحظة .. وين شبعتين وانتين صحنج ماكملتين نصه



أبرار : ماعجبني الغذاء اليوم



أحمد : انا متأكد إن فيج شي اليوم ؟ انتين كل يمعة " جمعة " آخر وحدة تقومين من السفرة واليوم ماقعدتين معاهم وغذاج ماكملتينه .. في أحد مضايقنج ؟ قولي من وانا بضربه وببرد خاطرج .



أبرار في نفسها : شلون تضرب روحك ؟؟ ابتسمت .. ههه اتخيل أحمد يعطي روحه كف



ابتسم أحمد وقال : ايه جدي تصيرين حلوة مو من ساعة مادة بوزج " شفايفج " شبرين وعافسة ويهج .



اتسعت ابتسامة أبرار وبانت غمازة خدها اليمين : صدق انا حلوة ؟



أحمد : ايه وملكة جمال العالم بس اضحكي .



استانست أبرار وتغيرت كشرتها لضحكة .. أبرار في نفسها : الشخص الوحيد الي يقدر يغير نفسيتي انــــت يا أحمد .




أحمد : يلا عاد قعدي وكملي غذاج



أبرار : لا مابي صدق شبعت



أحمد : يلا قعدي كملي غذاج عشاني



أبرار : خلاص قعدنا




دخلت أميرة تغسل يد أخوها عمار ..




أميرة : السلام عليكم



أبرار و أحمد : وعليكم السلام



أميرة : وينج انتي اليوم مو قاعدة معانا على السفرة



أبرار : يعني لازم كل مرة أقابل ويهج لو مايصير



أميرة وهي تستهبل : ايه لازم أنا لو ما اشوف ويهج قدامي ماتطوف اللقمة



أبرار : واضح ماتطوف اللقمة وانتي يوم كملتي غذاج جيتي لي



أحمد : ههههههههههه في الجبهة



أبرار : حدك على بت خالتي ما ارضى عليها



أميرة : ههههههههههه في جبهة من احين ههههههههههههه



تفشل أحمد وسكت .. وأبرار طلعت من المطبخ وأميرة غسلت يد أخوها وطلعت ورا أبرار



ظل أحمد بروحه في المطبخ .. يفكر بأبرار .. ليش إذا يشوفها متضايقة يتضايق ؟ وإذا فرحانة يفرح وياها ؟ معقولة يا أحمد تكون ..... لالالالا .... انت تحب ليلى .. اطرد أبرار من تفكيرك انت تحب ليلى .. ليلى وبس !!




في الصالة الكل كمل أكله وقام والخدم قعدوا يشيلون السفرة وبعدها جابوا الشاي والحلى ...




صبت لها شاي وخذت صحن حلى وراحت جنب التلفزيون وجت لها أبرار ..




أبرار : شلونج أموول وحشتيني يالهبلة



أمل : ألف مررة أقول لج لاتقولين لي هالكلمة



أبرار : مسامحة بس ماقدر انتين لاحظي " أمل الهبلة " يناسبج



أمل ماتحملت وعطت أبرار كف



أبرار بطلت عيونها : من سمح لج تعطيني كف هااه من سمح لج ؟؟



امل : والله انا كيفي اعطيج كف ارفسج اذبحج اقتلج كيييفي



أبرار : لا عااد حدج شكلج تبين هوشة



امل تحمست للفكرة : ايه صج وش رايج نتهاوش



أبرار : رووحي زين وش قالت نتهاوش قالوا لج انا مصرقعة مثلج



امل : مالت عليج ادلفي خليني اتابع المسلسل بهنا



أبرار قامت تغني : مالت مالت عليك عيوني أول مالمحتك



امل ما استحملت و دزتها فطاحت أبرارعلى الارض وانكت على يدها الشاي وكاان حااااار فحرق يدها



أبرار ماتحملت وقامت تصيح .. طبعا الصالة واسعة والكل منتشر فيها فمحد لاحظ أبرار الا أحمد لأن كان قريب شوي وامل لأنها جنبها .. جااء أحمد بسرعة




أحمد حس قلبه طلع من مكانه لما شاف أبرار تصيح : أبرار وش فيج ليش تصيحين ؟



امل خاايفة حدهاا لأن الي صار بسببها : أبرار حبيبتي وش فيج يعورج آسفة موقصدي



أبرار كانت مجودة يدها وهي تصيح بقوة .. أحمد شاف يدها وكااانت حمرة وبسرعة نادى أبوها واخذها ابوها للمستشفى ..



الكل في البيت العود كانوا خايفين على أبرار ... امل كانت تصيح واختها اميرة تهديها ..




امل : أنا السبب الحين يدها احترقت وخسرت جلدها بسبتي



اميرة : فال الله ولا فالج ويش خسرت جلدها ماصار قطرة شاي انكت على يدها



امل : انتي ماشفتي شلون الشاي كله انكت على يدها وكاان حاااااار يدها صارت حمرة



اميرة : بس عاد اموولة لاتصيحين صدقيني مابيصير فيها شي




أحمد ماقدر يتحمل وطلع برا وطلع وياه محمد ..




محمد : شفيك ؟؟



أحمد مايخش شي عن محمد : مادري ياخوك احس قلبي يعورني



محمد : يعورك ؟! وش صاير فيك ؟



أحمد : مادري بس ابي اروح المستشفى



محمد : بتروح بسيارة من ؟ اقعد اقعد كلها كم دقيقة وبيرجعون من المستشفى



سكت أحمد لأن ماليه خلق نقاش قعد على الأرض وهو ينتظر رجعة أبرار وابوها من المستشفى




بعد ساعة ...




رجع أبو علي مع بنته ونزلت أبرار من السيارة وكانت يدها اليسار ملفوفة بشاش



مباشرة أحمد راح ليها : سلامات ماتشوفي شر



أبرار : الشر مايجيك



ودخلت البيت واستقبلتها امل بالأحضان والدموع




أبرار : ههه وش فيج يالهبلة تصيحين



امل : عادي قولي هبلة ومجنونة والي تبين بس لاتخوفيني عليج مرة ثانية



أبرار مثلت إن هي تصيح : تباعدي عني ما اكلمج شوفي يدي وش صار فيها بسبتج



أمل وهي تصيح : سامحيني أبرار سامحيني



أبرار : ههههههههههههه مسامحتج يالهبلة يلا تباعدي عني



ضحكت أمل وتباعدت عنها وهي تمسح دموعها وقام الكل يسلم على أبرار ويتحمد لها بالسلامة ..




أبو عمر : بمناسبة رجعة أبرار بالسلامة الليلة بجيب لكم عشاء ماصار ولا استوى



أم علي : ليش تكلف على روحك يا بو عمر ما يحتاج



أبو عمر : الا يحتاج هذي الغالية أبرار غلاها من غلا بناتي



أبرار : ماتقصر يا بو عمر خيرك سابق ولاحق




قعدت أبرار على الكرسي وعلى يمينها امل ويسارها اميرة




اميرة : شنو قالوا لج ؟



أبرار : حرق بسيط وعطوني كريمات



امل : لمتى يدج بتبقى ملفوفة



أبرار : لاسبوع



اميرة : الحمدلله يعني في عرس اختج ابتهال مابيكون عليج لاشاش ولاشي



أبرار : ايه الحمدلله




وجااء في الليل وجاب أبو عمر العشاء والكل تجمع وتعشوا واكلوا ورجع الكل بيته بعد عنااء يوم متعب بالنسبة للبعض .





آرائكم وتوقعاتكم أحبتي ...

البارت الثامن
عطاكم عمره ظلت هالكلمة تتردد على مسامعهم كللهم وودهم يكون حلم يصحون منه بس مافيه امل فهذا هو الواقع وتعالت اصوات شهقاتهم وبكاهم ...
أحمد وميثم ضموا بعض وصاروا يبكون وهيثم شافهم يبكون بكى معاهم
بدور : انتوا تجذبون ايه ايه تجذبوون ابوووي ما مات ابووي للحين عايش ما مات وبصرخة هززت أركان المستشفى : أبووووووووي ما ماااااااااااااااااااااااااااات
ميثم رااح لإخته وهو يبكي : بس يا بدور بسس
بدور : وخخر عني إنت السبب إنت
ميثم : آنا ؟!!
بدور : اييه انت ، انت الي قلت لابوي إنك ما تجيب عيال إنت الي خليته يمووت إنت الي قتلــ......
طراااااااااااااااااااااخ
حطت يدها على خدها : تضربيني يمممه
أم ميثم : واكسر راسج بعد ولا اشوفج مررة ثاانية تقوولين لاخووج هالكلام اخوج مو السبب بمووت ابوج ، ابوج رااح وهذا يومه واحنا مانقدر نعترض على حكمة رب العالميين وبدت تعلى صوت شهقاتها آآآه يا يمه بس كافي الي فيني كااافي صدمة ورااها صدمة اكبر ما اقدر اتحملل ماقدر
رااح احمد لأمه وضمها لصدره ودموعه تنزل : خلااص يا يمه اهدي
أم ميثم : آآآآه يا أحمد رااااح ابووك راااااااااااااااااااح
ميثم ماقدر يتحمل وطلعع يحس لو يقعد دقيقة ززياادة بيختنق
************************************************** ****************
بيت أبو علي ....
طق طق طق طق
أم علي : سيتاااا سيتااااا وينها ذي
سيتاااااااااا افف بقوم آنا ابطل الباب احسسن لي
راحت تفتح الباب الا بميثم يرتمي بحضنها ويبكي
أم علي باستغراب : ميثم اشفييك
ميثم : آآآآآه ياا عمتي
أم علي : تعاال ادخل داااخل وفهمني شصاير
قعدوا على الكرسي بالصاالة ...
أم علي : اشفيك يا ميثم ؟ أمك فيها شي أبوك فيه شي ؟!
ميثم : ابووي
أم علي بخوف : اشفيييه ؟!!
ميثم : عطااج عمره
أم علي بصدمة : أخوووي مااااات
وصارت تمر عليها ذكريات وفااة إختها ...
قبل سنتين بمستشفى .....
أبو عمر : هاااه يا دكتورة بششري
الدكتورة : الحمدلله ولدت وجابت ولد
أبو عمر والبسمة بانت على ملامحه : الحمدلله
أبو علي : مبروك ما جاك يا بدر
أبو عمر: الله يبارك بحياتك
أم علي : يتربى بعزك وعز أمه
أبو عمر : تسلمين أم علي
الدكتورة : بسس يأسفني أقول لكم إن وضع الأم خطيير جداً
تلاشت البسمة من وجه أبو عمر وحل محلها الخووف
أبو عمر : شتقصدين ؟
الدكتورة : الأم نزفت كميية كبيرة من الدم وإذا ماحصلنا متبرعين بأسرع وقت راح نخسرهاا
أم علي بخووف على إختها : عيلل يلاا خلنا نرووح نشوف إذا نناسب فئة دمهاا
أبو علي : يلااا تعاللي
أبو عمر قعد على الأرض وضم رجلينه لصدره مو عارف شيسوي يحس بخووف يحس إنه راح يخسرها
الدكتورة : إنت زوجها ؟
أبو عمر : اييه
الدكتورة : طلبت مني تشوفك
أبو عمر : وين اهي ؟
الدكتورة : تفضل معااي
دخل أبو عمر على زوجته وكان يبين عليها التعب
رااح لها ومسسك يدها ومسح على شععرها وباس جبهتها : مبرروك ما ياج حبيبتي
أم عمر بصعوبة تتكلم : آآآ الله ي يبارك ب بحياتك
أبو عمر : انتي شلونج
بدرية : تعبااانة
أبو عمر : سلامتج من التعب
بدرية : و وصيتك ع على عياالي ياا ب بدر
أبو عمر : لا تقولين جدي إن شاء الله تقوومين بالسلامة
بدرية : خلاااص آنا برووح وإذا توفيت ت تزوج ياا بدر
أبو عمر بدأ يبكي : بدرية مستحيل اتزوج عليج مستحيييل إن شاء الله تقومين بالسلامة وبنربي الصغير الي يبتيه
بدرية : بدر
أبو عمر : عيوونه
بدرية : عطشانة
صب لها كاس مااي وسقاها
بدر : يلا اشربي
بدرية : ..................
بدر : بدرية صبيت لج مااي يلا اشربي
بدرية : .....................
شال الكاس من فمها وقام يهزها خفيف
بدر : بدرية ، بدرية
بدرية >> ماتتحرك
بدر بدت دموعه تنزل : بدرية لاااااااااااااااااااااااااااااااااااااااااااااا
لا تروحين وتخليني وحيييد آنا من لي غيرج بدرية آآآآآآآآآه لا تروحين بدرية
وقعد يبكي عليها .....
الا لين ما جاء له الدكاترة وطلعووه ....
طللع من الغرفة وشااف بويهه بو علي وزوجته ....
أم علي : هاااه بششر صاارت أحسن تبرعنااا لها بالدم
بوعمر هز راسه : ما فيه فاايدة خلاااااااااااص
أم علي : شتقصد ؟
بو عمر : خلاااااص بدرية راااااااااااااااااااااااحت
أم علي : لااااااااااااااااااااااااا إختي بدريـــــــــــــــــــــــــــــــــــــــــــــة
ضمها أبو علي وظلت تبكي بحضنه وأبو عمر حاالته كانت مأساوية
بيوم ولادة ولده عمر توفت زوجته بدرية
أم علي : ليييييش يصير لنا جدي لييييييييش إختي الوحيدة راااحت والحين أخووي رااااح آآآآآه يا خوووي
ضمها ميثم وقعدوا يبكوون بصوت عالي ..
أبرار : ابتهالوو تسمعين صوت صرااخ وبكاا
ابتهال : اييه شسالفة ؟
أبرار : خلنا ننزل وبنعرف شسالفة
نزلوا وشاافوا أمهم مع ميثم ضاامين بعض ويبكوون ....
أبرار : يماااا ليش تبكين
ابتهال : مييثم شسالفة ؟
أم علي : آآآآآه يا بناتي أخووي رااااح
ميثم بغصة : ابووي عطااكم عمره
أبرار : خااالي أميير ماات
وحضنت ابتهال وقاموا يبكوون ...
************************************************** ****************
بعد ثلاثة أيام ......
أم ميثم : كانت دموعها تنزل وهي تتذكر حياتها مع زوجها لما أخذها وهي بنت 18 وصار لها الزوج والأخ والأب بعد وفاة أبوها مو مصدقة إن الي كان عايش معاها عالحلوة والمرة بغمضة عيين راااااااااح
ميثم : مهما كاان رااح يغصبه على الزوااج بس يظل أبوه سنده بهالحياة بس الحين ابوه راح وتأثر واايد من كلام اخته بدور : انت السبب بمووت ابوي لدرجة إنه لاام نفسه ألف مررة على الكلام الي قاله لأبووه ويتمنى لو يرجع الزمن لورا ويقدر يصلح الأموور
أحمد : طوول هالثلاثة أيام كاان يكلم ليلى ويبكي ويشكي لها الحاال كاان دايما يقول محتاج لج وهي تقول له راح اجي لك بس هو يرفض
بدور : كاااانت منهااااااااارة مو مصدقة إن ابوها خلاها ورااح صج قالت عنه ظاالم لما كان يبي يزوج اخوها غصب وطوول هالثلاثة أيام ما كانت تكلم ميثم وكانت تحسسه بالذنب وإنه سبب موت أبوها
ابتهال : أجلت زواجها لأجل غير مسمى ...
************************************************** ****************
بيت أبو علي ....
بغرفة أبو وأم علي ....
جااب لها صينية الأكل وهي منسدحة على السرير
أبوعلي : ويبت لج أكل
أم علي : ماا ابي
أبو علي : يلاا عاد اكلي ثلاثة أياام ما طب ببطنج شي غير الماي
أم علي : مو مشتهية شي
أبو علي : يا بت الحلال اهو رااح وهذاا يومه
أم علي بدت تبكي : آآآه يا حسين إختي راحت والحين رااح ورااها اخووي
أبو علي ضمها لصدره وصاارت تبكي بقووة
واهو ندم لأن ياب لها سيرة اخوهاا ..
************************************************** ****************
بيت أبو ميثم .....
كانوا البنات وقصدي أميرة وأمل وأبرار متأثرين واايد لان أميرة وأمل جربوا هالاحساس من قبل لما ماتت أمهم وأبرار بسبب تأثر أحمد الي أول مرة تشوف دموعه ، دموع الرجل تأثر فيها بشكل مو طبيعي فما بالكم بأحمد الي تملكها وتملك قلبها وروحها
كانت كل وحدة حاطة راسها على كتف الثانية و تبكي وكل وحدة تتذكر آلامها وجروحها وبداخللها كلااام ....
أبرار بنفسسها : آآآآآه علييك يا أحمد أول مرة بحياتي أشوف دموعك كان ودي امسحها باصبعي وأضمك لصدري وأخفف عنك آلامك بس هذا مستحييل
أميرة : آآآآآآآآه يا يمه وينج تشوفين شصاار لنا من بعدج رحتي وراح خالي وراج صج الموت ما يعرف عدو من صديق
أمل : آآآآآآآآآآه يا يمه آنا تعبت يا يمممه أبيج محتاجتج أبيج تضميني لصدرج وتخففين عني تعباانة يممه تعباانة حييييل
أمل : آآآآآآآآآآآآآآآآآآآه ومسحت دموعها : برووح اييب لنا مااي
الكل هز راسه بالايجااب
أميرة : تبين اجي معااج
أمل : لا ما يحتااج قعدي و آنا بجيب لج ولي ولأبرار
أميرة : براحتج
راحت امل المطبخ وعند المغسلة كاانت تغسل الكااسات و طلت من الناافذة الا تطل على الحوش الا تشوف .......
************************************************** ****************
غرفة أحمد قبل ساااعة .....
: خلااص يا قلبي لا تخليني أبكي وهي تتصنع البكاا اهئ اهئ خلاااص
أحمد : مااقدر يا ليلى مااقدر ابووي رااح
ليلى : اهء خلااص يا قلبي آنا الحين بجي لك
أحمد : اييه تكفين تعالي محتاج لج
ليلى : خلاااص يا قلبي بجي لك الحيين مساافة الطريج
وسككرت وهي تتأفف : اوووف فاضية لك آنا
ودقت على رقم ثواني الا ....
: هلا بقلبي وروحي ودنيتي كللها
ليلى : وهي مستحية : خلوودي بس أحرجتني
خالد : ماقدر ماقدر يا قلبي وحياتي
ليلى : اقولك شي وماتزعل مني
خالد : قوولي
ليلى : ماراح اقدر اقابلك اليوم
خالد بنفسه : اففف كان ودي تجي اليوم وآخذ الي ابيه واخلص منك
بس قال : ليش ياقلبي زعلانة مني ؟
ليلى : ليش تهتم ؟
خالد : اكيييد اهتم إذا ما اهتم فييج عيل في منو اهتم ؟
ليلى بدلع يلوع الكبد مصصدقة إنه يحبها : ههه حياتي مااقدر اقابلك لأني وسكتت شوي ااااا بقابل اختي ايه اختي توها ياية من شهر العسسل وبروح لها
خالد : خلاص يا قلبي ولايهمج صج كان خاطري اقابلج الليلة بس يلا مااعليه مرة ثاانية
ليلى : طييب حبي .. احبك بااااي
خالد : و آنا امووت فيج تحملي بنفسج حياااتي
وسكر التلفون
وطاالع في الي جنبه واشر لها تجلس بحضنه وهي شبه عاارية !!
طبعا عرفتوا إنه في شقة " استغفر الله " دعاااااااارة
خالد : هلا بقلبي رزاان
رزان : هلا بيك حبي
خالد وهو يمرر يده على جسمها : حياتي رزون تفضلي
ومد لها كاس وسكي وأخته وشربته ومد لها ثاني وثالث الا لين ما سكرت وقاام شالها و دخلها غرفة من الغرف وتعرفون الباقي ...... o_O
************************************************** ****************
عند ليلى ...........
كانت تدور بين ثيابها على لبس منااسب وبعد مالبست شيرت أبيض فيه كتابات بالأسود وبنطلون أسود ضااغط على جسمها
حطت لها كحل وماسكرا ومرطب
وطلعت من البيت وركبت السيارة وأعطت السايق عنوان بيت بو ميثم
طبعا أحمد عطاها العنوان
************************************************** ****************: اتصل عليها بس ماترد
: افففف شلون بناخذ عنوان البيت ؟
: مادري ، ماادري
: طيييب جربي تتصلين عليها بعدين
: اووكي
: وبأسسرع وقت لأني أبي أنهي الموضوع بسسرعة
: ان شاء الله
************************************************** ****************
السعودية / جدة
مشاعل بغرفتها .....
مشاعل : حبيبي
: عييونه
مشاعل : عندي لك بشاارة
: شنو ؟؟
مشاعل : الأسبوع الجاي راح اجي البحرين
: صـــج
مشاعل : ايييه صج
: أخيرا راح اشوفج فيس تو فيس
مشاعل : ايييه أخيرا
بغرفة مشاري ....
: اففففف كلشش مو وقتها هالسففرة أبد يعني أبووي ما لقى يساافر الا لما قلت ابي اتزوج واحناا ما بنقعد يوم او يومين
شهريـــــــــــــــــــــــــن مو شوي
لا بالله طارت البنت من يدك يا مشااري
: مششاري ، مشاااااعل نزلوا تحت ابوكم يبيكم
بالصالة ......
بو مشاري : اسمعواا يا عياال تأجلت سفرتنا
مشاعل : افف لييش
مشاري بنفسه : الحمدلله تأجلت
بو مشاري : تأجلت للشهر الجاي
مشاري لقاها فرصة : يباا خلنا نرووح نخطب البنت
بو مشاري : املك عليها وبعدها خلها تسافر معانا
مشاري بفرحة : صج يباا
بو مشاري : هذا الي اشووفه مناسب
ام مشاري : بس بيكفيها الوقت
مشاري : اييه بيكفي يلا يماا اخطبيها لي
أم مشاري : إن شاء الله يمااا
************************************************** ****************
ننهااااية الباااااااااارت
توقعاتكم
-أمل .... شنو الشي الي شافته ؟
-أبرار ... بيصير لها شي بس شنو؟
-للحين في حوار مجهوول تتوقعون بين من ومن ؟
************************************************** ****************
أرائكم وتوقعاتكم أحبتي ....