|
الحب احساس متبادل بين شخصين يعنى مو ضرورى الكل يعرف والى بيحبوا لازم يحافظوا على حبهم حتى يستمر لان مجتمعنا ما بيرحم تحياتى الك |
ما في شي ابدا اسمه الحب عن طريق النت الحب الي نهايته والهدف منه الارتباط هو الحب الصادق وهادا ما بيجي من ورا الشبابيك ومن خلف الجدران وشاشات الكمبيوتر فقط ياتي من الباب الحقيقي للعائله |
اقتباس:
يا إم عبدالله فش اشي اسمه حب بس يحافطوا عليه مع احترامي لوجهة نظرك الحب مثلا شخص يحب بنت عالفيس عالمنتدى على غيره نصيحة كله كلام فاضي وهذا إذا ما اوقع الشب بمشكلة مع البنت ولانه كمان الحياة كما تدين تدان فبخاف الواحد يتكرر الموقف معاه مع شخص قريب جدا منه انه بيوم من الايام تتحول بنتك كأب لبنت بتحب ومن هالفضايح وبكفي إنه تشوف بنت الناس أمامك وانتا عارف انه ماراح تكون من نصيبك ويعني شرعا حرام تعلق بنت فيك او على الأقل تنكش راس عليها فش اشي اسمه حب واحافظ عليه كله كلام فاضي ومرة ثانية بدك تكون ملك وتكوني ملكة ما تبحثي عن هيك أشياء لا عن حب وعن خزعبلات البشر وبالنسبة للكلام المعسول يلى بتشوفوه من بعض عاهات النت سواء شباب أو صبايا هادول الجماعة عفا الله عنهم لا شخصية الهم ولا فكر الهم وتعال جادل وناقش فيهم للاسف بتكتشف ناس ضعيفة شخصيا ومريضة فكريا فيعنى تجاهل تجاهلي هادول الناس افضل حل الهم وشغلة ثانية مهو فيه مشكلة ثانية كمان إنه قصة شب مزح مع بنت وصار يحبها سبحان الله بقدرة قادر صار الشب يحب البنت والبنت دخلت قلبه ليش عن طريق المزح هادول كمان ضمن عاهات النت سواء شباب او صبايا فما تنتبهوا لهيك قصص يلا الواحد مسلك حاله بدون حب وهبل وحكي فاضي وشكرا لتوضيح وجهات نظر الجميع |
وبدى أنوه لنقطة مهمة إنه فيه ناس بتصدق هالحكي والمشكلة بتبكي ومشاعرها بتكون صادقة والشب ببكي ومشاعره بتكون صادقة بهيك قصص مثلا لو تركها الشب او تركته البنت يا زلمة بس هبل ايش هالهبل والتخلف ويا حرام قلبي الصغير يعتصر الما عليهم وقلبي الصغير لا يتحمل فكر من عقلك مش من إصبع رجلك فكر من عقلك مش من قلبك وكلامي لكل شب وصبية عشان ما تكون وكلامي للشب بضاعة رخيصة للزمن وما تكوني بضاعة رخيصة ومن مين من عاهات النت واغبياء النت سواء بنات أو شباب فيلى بدى أحكي يا عمو ويا عمتو حطي مشاعرك بدرج ودموعك وقلبك ورومانسيتك مصطلح من وحي الخزعبلات الجديدة على النت وقولي يارب لانه الحب مثل ما حكيت اشي هبل ومن خزعبلات البشر وشغلة مهمة المزح بينكم مدخل اساسي فإنتبهوا من المزح عشان عاهات النت ما تستغل الفرصة وينضحك وينتكش راس عليكي وعليها هذا ما أنخرب بيتك وبيتها وحصلت مشاكل معك ومعها ودمتم بخير |
بعدين بدى انوه لنقطة مهمة سواء بالجامعة بالعمل بالمدرسة بالمنتدى بأى مكان غير قصة الحب إنه بتحس الشب متعرف على 5 أو 10 موظفات أو صبايا وبمزح وبحكي عادي معهن والمصيبة إنه إذا وحدة منهن يعني زعلت منه أو ما حكت معه بزعل طيب يا زلمة انتا على اساس بتشوف الناس وبتشوفي الناس انتى كبنت من هيك منظور ليش انتا كشاب بتسمح لنفسك بتدخل ابواب مظملة وبتعمل فيها قتيل السيد بالاخير والحكي للبنات انا بعرف رأس مال الشب والبنت الحياء مش فاهم أنا فيه ناس حلال ترميها من ناطحة سحاب أمريكا وصلت القمر وانتوا بصحن الطبيخ بتفكروا وبالحب بس هيك شغل العرب هيك تفكير العرب صحن الطبيخ والحب وبنت زعلت وفلانة حكت وفلان حكا وكيف نسرق وكيف نكزب وكيف نضرب وكيف نعمل عملية احتيال على العباد ونوكل حق الاخرين هاى مواضيعنا هي الى أحنا فالحين فيها صحن الطبيخ والمشاكل والحب وفساد المبادئ والسرقة والمشاكل كيف نعمل مشاكل لبعض بس هي يلى شاطرين فيه احنا كعرب قال حب قال الناس بإيش بتفكر كيف تعيش وكيف تحصل على لقمة عيشها واحنا بالحب وزعلت وجرحت عاطفتها وبليز اسمعينى وبليز اسمعنى وانتا املي وأنتى أملي وطبعا يستمر مسلسل الخزعبلات البشرية عند العرب طبعا كثير كنت حشري بالموضوع صح بس الموضوع لفت إنتباهي كثير لانه نعاد سبعين الف مرة بالقسم |
يارب هيك بيوم من الأيام أصحا من النوم الاقي العرب عاملين مكوك فضائي أو إنهم صاروا فعلا بنى أدمين بالمبادئ بالاسلوب بالتعامل بالمواضيع بكل اشي يارب بس حقق الى هالحلم يارب يارب اللهم أمين |
يارب هيك بيوم من الأيام أصحا من النوم الاقي العرب عاملين مكوك فضائي أو إنهم صاروا فعلا بنى أدمين بالمبادئ بالاسلوب بالتعامل بالمواضيع بكل اشي يارب بس حقق الى هالحلم يارب يارب اللهم أمين |
امين يا رب واالاقيك انت الي عامل المكوك واعد فيه هههههههه |
لك رووء علينا شوي أخي آدم الحب مذكور بالقران الكريم وبالسنة النبوية شلون تحكي انه خزعبلات ؟ المشكلة مو بل حب المشكلة هي نهاية الحب تبكون شو؟ والنية بتكون شو |
الحب شي جميل وراقي لو تخلله الصدق وهنا عبر الانترنيت نادرا ماينجح هذا الحب وتكون نهايته الزواج واقول نادرا اي ان هناك حالات نجحت وكانت نهايتها سعيدة . اما لو اتينا الى الحالات التي بائت بالفشل سيكون سببها انعدام الصدق بين الطرفين وان وجد وكانت هناك ثقة متبادلة لابد ان تظهر معوقات اخرى وهي عدم حصولهم على موافقة الاهل \ عندها ستأتي المشكلة الكبرى ستكون صدمة لكلا الطرفين يشعرون معها بأحباط يستمر معهم لفترة طويلة قد تسمم هذه الحالة حياتهم لذا يجب دراسة الامر من جميع النواحي قبل الاقدام على تلك الخطوة . وان يضع كل فرد هنا امام عينيه احتمال فشل هذا الحب وعلى الفتاة بالاخص ان تكون حذرة ومتحفظة بعض الشيء كي لا تكون فريسة سهلة وتخدع في مثل تلك الامور وارجوا من كل فتاة وكل شاب عبر هذه الشبكة ان يضعوا اولا واخيرا مخافة الله نصب اعينهم عندها سيسلكون الطريقة الصحيح والامن ان شاءالله \ شكرا لك لهذا الموضوع القيم وخالص مودتي \ |
يعني مثال بسيط وأنا مش عارف عن اي حب بتحكو سواء بواقع أو بالنت يعني لمن بتشوف عضو من ملفه الشخصي عامل الك إعلانات عن نفسه وبتدخل على صفحته ما شاء الله شات مع بنات الناس والمشكلة يعني حتي الخجل والحياء مات منهم وبشارك وعادي الزلمة يعني ما معه خبر لا مخافة من ربنا ولا الخجل ولا الحياء هادول بشر جاوبوني هادول بنى أدمين عندهم ضمير طيب يلى بعمل هيك بعمل اكثر من هيك بالله عليكم ظل خير بالدنيا احكولي إحنا بحياة عبارة عن غابة كلها ذئاب والمشكلة إنه فيه ناس بتعطي إهتمام لهيك نوعيات من البشر وبالأخير بتشوف جمل اله هان وهان حبيبتى ومش عارف شو دمرت شباب وبنات الناس وبتنشر فتنة وبتضحك على العباد ورغم إنك ما بتستحتي وبتحكيلى حبيبتى وعاملي حالك بتعاني من الدنيا يا زلمة اذا انتا فاشل بنحكيلك الله يهديك ويصلح حالك وحالنا بس لا تدمر شباب وبنات الناس لا تنشر بالأرض الفساد شخص عامل ملفه الشخصي من الاخير حتى يضحك على بنات والشباب ويستغلهم ويدمرهم هذا إذا ما خرب بيتهم ودمرهم فالبنت بتكون مسكينة ومؤمنة بفكرة حب وخزعبلات وما بعرف شو طيب سؤالي لكل عاقل شخص عامل ملفه شات مع أغنية مثل ما بتسموها رومنسية فالشب بكون عايش الدور والبنت بطبيعة الحال بنضحك عليها بأى كلمة طيب سؤال ثاني لكل شب بتضمن إنه الزمن ما راح يعمل بخواتك هيك وسؤالي لكل بنت بتضمني إنه الزمن ما راح يعاقبك لانك بتنشري الفتنة بين بنات الناس تحت مسمي حب رومنسية بطيخ الى نهاية الخزعبلات بتضمن أكيد لا الجملة بتحكي يعجبني القدر والزمن حينما يعيد تصفية الحسابات بين البشر بالنسبة للبنت الله منحك عقل حتى تفكرى ليش انتى من الأصل كنتى مؤمنة بفكرة الحب والنهاية جحيم الك ولعائلتك وكمان للشب فكر بعقلك يا أخي قبل ما يقع الفاس بالرأس فقط مثال بسيط على إنه أحنا بحياة عبارة عن بشر اتحولوا فيها لذئاب والبطل يلى يستغل الثاني سواء شب او بنت فإنتبهوا وحافظوا على أنفسكم من هاى المصطلحات الوهيمة الحب والتعارف وتدمير الأخلاق من أصحاب النفوس والنفسيات المريضة بالنت بالواقع بالجامعة والأفضل الكل يظل بحاله إجاباتي لكل الاخوة والاخوات مهما تحكو الى بحترم وجهة نظركم الحب فقط من باب البيت بالتقدم للفتاة ولكل شب وبنت حافظوا على أنفسكم لانه الحياة ما بترحم ودمتم بخير |
وبالإضافة الحياة لا تحمي المغفلين والمغفلات وتصبحون على اجمل وطن |
ادم بصراحه كل الاحترام لالك كيف يا زلمه بتكتب كل هلكلام انا بكتب سطرين بحس حالي اتخنقت كان نفسي اقرأ كلامك ولكن والله كتير يا ادم بس اقتبست منو اشوي ولقيت كلام موزون حزيفه صلي ع حبيبك النبي وروق نور فلسطين موضوعك كتير حلو استمري بلنقاش |
اقتباس:
بدك الصراحة انا حزين على وضع الجيل الصغير بالمنتدى وحتى بعض الكبار من العاهات الى بفكروا حالهم خفاف دم من الشباب كل واحد منهم فاتح قصة بحياته مفكر حاله لمن يحكي مع بنت أو مع البشر بطل أو خفيف دم بس انه القضية توضيح للاعضاء على الأقل ننصح فيهم من العاهات من الشباب والصبايا الى نفسياتهم مريضة وأشكرك على تواجدك ودائما وأبدا تقبل تحياتي |
اقتباس:
يا اخوي الله يرضا ويوفقك بحياتك بتشبه الحب العفوي الطاهر بحب العاهات بالنت وبالواقع (الحبيبة مثلا) يا اخوي يرضا عليك احنا عارفين الصحيح وعارفين الصح بس بنلف وبندور الحب بس من باب البيت غيره خزعبلات ودمتم بخير |
يسلمواااااااااا بس اكيدانا ما بقبلها من اي شخص من المنتدى |
برأيه لأ مو كل من حب تزوج ايه يالله يحبها بشي مكان ويروح يطلبها فما بالك اذا كان هالحب عن بعد مجرد حكي |
| الساعة الآن 07:37 PM |
Powered by vBulletin® Version 3.8.7
Copyright ©2000 - 2025, vBulletin Solutions, Inc.
Search Engine Optimization by vBSEO ©2011, Crawlability, Inc.
HêĽм √ 3.1 BY: ! ωαнαм ! © 2010
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.