|
ممكن شوي مرحبا امبارح بالليل قررت انزل بوست على جروب بيت لحم للتسويق والاعلانات وكتبت فيه انه بدي دورات او مخيمات او شغل لابني وولادي الاصغر طبعا اغلبهم صارو يبعتولي عالخاص اشي عرض خدماته ويكتر خيرهم واشي صار بدو وتس اب لحتى يتواصل واشي من القدس بدهم ياني اطلعه وابصر شو بصراحة ندمت اني بعتت في ناس حرام وخسارة انها تكون من البشر يعني شو فيها لو خليت ابني ينضب بشغل وخاصة انو مش من هوات مخيمات ودورات وهو اصلا من الاوائل منو بطالع قرش خفيف ومنه بتسلى انا غلطانة عشان بدي اشغل ابني بهيك عمر 13 ولا لانه ما معه هوية حرام يشتغل ؟ خاصة بفترة بداية مراهقة وقعدته بالبيت مش هينة |
بصراحة اي حرام وكمان هاي بتعتبر جريمه بحق ابنكك ابنكك قاصرر وم بنفع يششتغل بستغرب كيف فكرتي تشغليه ! |
اقتباس:
اشي خفيف يحط يناول ويعطي هيك بس لانه بالبيت عم يعمل مشاكل مع اخوته انا ما قصدي اشغله بالشمس متل اللي عم يبيعو المهم يضل بمكان امن |
انا م فهمت هادا الشي صار معك انتي شخصياً ولى ناقله الموضوع واكيد متل م قالت اسمى غلطانه 100 بلميه كيف تفكري هيك تفكير حتى لو محتاجين في ابوه في امو في اهلو مش ولد 13 سنه بدو يشتغل ويتعتر من وهو صغير ها لما يخلص توجيهي شو هتعملو فيه هادا الولد حقو يدرس وتصرفو عليه لغايه لما يخلص جامعه وكمان حقو ينبسط ب3 شهور اجازه وبردو تصرفو عليه بما يتناسب مع مقدرتكم بس نهائياً الشغل لالو مش صح ولى بعمرو في اي مبرر برر هلشي |
اقتباس:
لو لا سمح الله انجرح مجرد جرح راح تنلامي انتي على هيك وبعتقد انو كمان مؤسسه حمايه الطفل ممكن تحملك مسؤؤليه اي حادث غير هيكك م بتوقع انتي تسامحي حالكك في مخيمات صيفيه او دورات سباحة او دورات ركوب خيل شوفي شي يناسب عمروو م بعرف انتي كام يمكن الك نظرتك |
اقتباس:
عمره بداية مراهقة وهالشي متعب للأم ومش مقتنع بالمخيمات ال هو مش صغير رح احاول اقنعه عقله مش'مساعده بحب يجمع مصاري هو |
اقتباس:
حتى انا ما نزلت انو بدي شغل اله نزلت بدي ع اماكن لدورات رياضة سباحة ومخيمات وهيك شغلات وازا ما في شغل خفيف مش بحاجة انه نشغل ابننا للمصاري بس قعدته بالبيت خانقتني عندو اخوة اصغر منو وعم يضل يضرب فيهم وانا تعبت معه بلش مراهقة وعم يتمرد عالكل ويفرض شخصيته بظل غياب ابوه |
انا عارف انه الولد في فتره الفرصه بعمل مشاكل بس هادا شي طبيعي يعني في كتير اولاد بنضبو في هاي الفتره لكن مش اي شغل لو حدا من قرايبك او قرايب ابوه يشغلو عنده يعني يقضي وقت لكن اوعي تشغليه شغل شاق لو ما لقيتي حدا تحمليه لبين تفتح المدرسه وهيو متله متل كل الاولاد خديهم رحله على بركه سباحه او روحي عند اهلك اكم يوم انا مع انه الولد يشتغل شغل بسيط في دكان حدا قريب من اهله |
لآ حرام انا بكره حالي لاني بتحمل مسؤولية تنضيف البيت فاكيف شغل حرام اصغير اكتير لو كنتي مكانوا كيف كان شعورك حرام لا فكري فيها انتي غلطانة حتى لو بس تفكير تصرفك غلط ابغلط اعجبني انك سالتي وبدك تعرفي مصلحة ابنك وهادا الشي رائع نورت |
اقتباس:
لسى م وصل للمراهقه وحتى لو وصل وشايفه انو غلباوي وبيعملك قصص كسري راسو بدل العقاب ممكن اعطيكي 10 م تعوديه يضرب اخوتو وبنفس الوقت م تطلعيه برا البيت يجيبلك مصايب اكتر اذا ابوه غايب فأنتي كوني الاب والام اعملي كل شي لحتى ينعدل غصب عنو |
13 لساته طفل متل عنا مركز اشبال ، سباحة ، التايكوندو شي طبيعي بكون عندهم فراغ كبير و طاقة بالسن هاد اما من ناحية الشغل متل ماحكى مؤيد يبيع بدكانه |
اقتباس:
اولى من ولاد غيرهم وكمان حاولت مع حد قريب ما قبلو بدهم معو هوية حتى لو شغل خفيف هات وناول وحط وشيل وهيك بتزكر اخوتي من سن 12اشتغلو واعتمدو ع حالهم بس اوضاعنا وقتها كانت بالحضيض ف مضطرين |
اقتباس:
اخوكي عمره 16 وهيو بشتغل مش غلط انا عندي الولد يساعد ازا الشغل ما بتعب |
انا رايي عادي يبدى يعتمد على نفسه ولا اتفق مع معظم الآراء الي بتقول خليه بالبيت وشغله جريمه بتوقع هاذه أفضل مرحله ليعتمد فيها على نفسه ويكون شخصيه متناسقه مع بيئه وثقافه مجتمعنا لو كان مغترب وبمجتمع اخر نكان بقلك خليه بالبيت ولا يشتغل بشكل شاق أما بالنسبه للرسائل الي كانت توصلك يعني أكيد أنتي عارفه المجتمع وشبابه ما بصدق يشم ريحه أنثى الموضوع ثقافته اكثر منو ابتعاد عن الأخلاق والدين اشكرك |
اقتباس:
|
لا غلطانه ولا شي وعمر ١٣ سنه مناسب جدا لبداية السلم وهيك بيتعود على حمل المسؤليه هاد الشي بيعجبني وبشوف بالخليل اطفال بيشتغلو باشياء خفيفه وما يلحق يصير شب الا هو مكتمل وعندو مجال يشتغل دون الاستعانه بحد مش قد الفيل ويقول مانا بدي مصروفي ههه فكري بامر يشغلو لو هيك يبيع لوحده كل يوم جمعه يبيع الورد او بسطه صغيره بالاعياد وربنا يحميه ويسعدكم |
| الساعة الآن 05:59 AM |
Powered by vBulletin® Version 3.8.7
Copyright ©2000 - 2025, vBulletin Solutions, Inc.
Search Engine Optimization by vBSEO ©2011, Crawlability, Inc.
HêĽм √ 3.1 BY: ! ωαнαм ! © 2010
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.