المشاركة الأصلية كتبت بواسطة lonely heart

شوفي الاهل والبيئة والاصدقاء وانفتاح العصر
كل واحد فيهم بلعب دور في تربية الابناء
ما فينا نحط اللوم الاكبر ع الاهل في فساد اولادهم لانهم ممكن يكونوا تعبوا وعملوا اقصى ما عندهم لحتى يربوهم
وبالاخير هالابناء بسبب الرفقه الفاسده بتخرب اخلاقهم وبنحرفوا
وكمان وبشدد ع هالشي لو الاهل من الصغر زرعوا بذرة الاخلاق والايمان وضلوا يواظبوا ع انها تضل فيهم ما رح يفسدوا هالابناء
بآمن كتير بعلاقة الصداقة ما بين الاهل والابناء والمفروض تكون من الصغر ويكون دايما في صراحة بيناتهم من دون اي خوف من قولها
التربية مش سهله خاصة مع الانفتاح والانترنت يمكن زمان كانت اسهل
هلأ الامر صار صعب كتير ع الاهل
الاهل ما لازم يكونوا شديدين كتير ولا كمان يدللوا اولادهم كتير لازم يكون في حل وسط بين التنين ويحاولوا يكونوا دايما قريبين منهم
يعرفوا شو مشاكلهم ويحاولوا يناقشوها معهم
كمان شغلة حابة اذكرها انه الاهل دايما هم قدوة لاولادهم وهالشي له تأثير كبير ع تربيتهم
لانه هالشي بنعكس بشكل سلبي او ايجابي ع تكوين شخصيتهم وتصرفهم فيما بعد

موضوع جميل جدا ويستحق النقاش
عوافي عشق