|
حينما يصبح الإسم نقمة لا زالت بعض الأسر تتمسك في تسمية المولود الأول بإسم الجد أو الجدة ربما من باب الوفاء و الإحترام للوالدين أو من أجل الحفاظ على الأسماء من الإندثار أو ربما وفقاً للعادات و التقاليد . رغم أن بعض الأسماء أصبحت جزء من الماضي ، وتحولت سبباً لإثارة المتاعب أو السخرية من صاحبها. ديبة، رمزية، حسيبة، محضية، نصيفة، مقبولة ، هي أسماء عربية قديمة باتت تسبب حساسية زائدة للفتيات كونهن يرغبن في حمل اسم جميل يترافق مع طبيعتهن الأنثوية، فالكثير منهن قبلن بهذا الحال وتقوقعن داخل تاريخ أسماءهن القديمة وتحملن ذنباً لم يرتكبنه، وأخريات تذمرن ورفضن واقعهن وأطلقن على أنفسهن أسماء مستعارة تتماشي مع الموضة. برأيك ~ هل تسمية الأبناء من باب إحياء النسل و التقاليد أم من باب البر والحب بالوالدين ! |
هادا بعتبره انا من بااب الهبل م الو دخل لا بتقدير ولا باحترام ولا بعادات وتقاليد بس الآباء تسمي الابناء اسماء غير محببة او قديمه جداً معناته انهم عقوا ابنائهم قبل م يعقوهم .. حلو البر وحلو حب الوالدين بس بردو الاسم شي مصيري هيضل مرافق الابن او الابنه ف الافضل نحب ونبر بعيداً عن اعادة التسميه ف حال كانت الاسماء قديمة وغير محببه . يعطيك العافيه |
يمكن هي اكتر من باب التقاليد يلي تعودوا عليها اياءنا واجدادنا وممكن كمان تكون من باب البر بالوالدين حلو الواحد يفرح ابوه وانه يسمي ع اسمه بس كمان شي ومنه في أسماء مش حلوه وقديمه وممكن لما هالبنت او الشب يكبروا تعمللهم عقدة نفسيه وهاي الاخيره انا مش معها صراحه الجد او الجده الواعي من حالهم بطلبوا من ابنهم ما يسمي هيك أسماء سؤال جميل يسلمو هالديات |
اناضد هذه العادات الابتفرض نفسها بشكل مقززوللاسف طرح واقعى ميرسي رشا |
اقتباس:
هون بضم صوتي ل صوتك البر الحقيقي للوالدين .. بنعمل الهم صدقات جارية .. دعواتنا الهم.. الاستغفار الهم .. صلة الرحم . في ناس الله يهديها بتفكر انه ازا بسمو صبي على اسم سيده انه هيك بر ب الوالدين .. متل ماحكيتي الاسم مصيري برتبط ب الأبناء مدى الحياة حبيت مشاركتك و رئيك هون انرتي الله يبعتلك ايام حلوة |
اقتباس:
ازا كانت الأسماء حلوة .. هون مافي مشكلة بسميهم كرمال مابكسر بخاطرهم حتى لو بسمي على اسم الوالدين مافي حدا متل حدا ولا حدا بشبه حدا .. الوالدين اكيد غير ماحدا بشبهم بعدين خلص عقليات تفتح مو متل زمان حبيت مشاركتك و رئيك هون انرتي الله يبعتلك ايام حلوة |
اقتباس:
العادات بتضلها عادات مابنقدر نغير شي بتحكي درر سارة انرتي الله يبعتلك ايام حلوة |
بغض النظر انها عادة او تقليد حلو الواحد يفرح ابوه او امه بانو سما حفيدهم ع اسمو بس افرض اسم الجد او اسم الججدة قديم شو زنبو الولد يحملو ؟! يعني كمان الولد الو حق عليناا يسسسلموو حبي للادراج ككتير حبيت |
انا ضد وبشدة ومع الاسف صارت مع اختي بنوتتها سمتها ع اسم حماتها الاسم قديم وجوزها ماشي ع هالعادات يعني والله الطفل بينظلم ليكبر انا من هلا بشجعها بس تكبر تغيره هههه شككرا رشا |
هو حلو يضل الاسم موجود بالعيله بس عالاقل يكون مقبول لانه الاسم رح يضل ملازم البنت طول العمر يمكن الشب ما بتفرق معه انا لما كنت اخطب وتعجبني البنت بكل الصفات المطلوبه واعرف اسمها وما يعجبني الغي الموضوع كله مش حرام اسم متل ديبه يعملها حاله نفسيه طول العمر لازم هالعاده تنتهي من الوجود كل انسان اله حريه الاختيار بحكي عن الام والاب شكرا رشا |
| الساعة الآن 08:03 AM |
Powered by vBulletin® Version 3.8.7
Copyright ©2000 - 2025, vBulletin Solutions, Inc.
Search Engine Optimization by vBSEO ©2011, Crawlability, Inc.
HêĽм √ 3.1 BY: ! ωαнαм ! © 2010
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.