|
أسئلة للشباب و الصبايا كلنا يعرف ان النساء تتعرض فى كثير من مجتمعاتنا العربيه للعنف والضرب لكن هل فعلا العنف له مبرر ؟ ممكن هذه الاستفسارات تساعدكم لماذا قد يصل الرجل الى مرحلة العنف مع المرأه ؟؟ ولماذا وفى اغلب الحالات يستخدم العنف ضد الزوجه ولا يستخدم مع الاخت ؟؟ هل من المعقول ان تستحق المرأه العنف ؟؟؟ واذا كان نعم فى اعتقادك ما الجرم الذى قد تستحق عليه المرأه العنف ؟؟؟ هل استعملت العنف فى تعاملك مع المرأة من قبل ؟؟ وهل تضن انك من الممكن ان تستخدمه ؟؟؟ اما سؤالى الى البنات هل رايتى يوما نوع من النساء يستحق العنف ؟؟؟ وما الذى من الممكن ان تفعليه اذا تعرض لكى اخاك او زوجك او حتى اباكى بالعنف ؟؟؟؟ |
اسئلة رائعهلى عودة |
اقتباس:
اسئلة حلوة اشكرك انجولينا |
اقتباس:
اكتر اشي حبيته ب اجاباتك انه ولا مرة استخدمت العنف هاد بدل على انك شخص عاقل بتعرف تتصرف اتجاه الامور العفو انرت الله يبعتلك ايام حلوة |
اول شي العنف مو شرط يكون ضرب العنف ضد المراه ممكن ضرب او حرمان من المال او العنف الجسدي او الحبس يعني مو شكل واحد لماذا قد يصل الرجل الى مرحلة العنف مع المرأه ؟؟ ممكن الفقر او شرب المخدرات والكحول او البيئه وعدم التربيه وعدم فهم الدين ممكن تكون هي السبب اعتقد كل حاله والها تحليل ولماذا وفى اغلب الحالات يستخدم العنف ضد الزوجه ولا يستخدم مع الاخت ؟؟ لانها الحلقه الاضعف وما حدا بحاسبه عليها هل من المعقول ان تستحق المرأه العنف ؟؟؟ ابدا هادا الشي معيب بحق الرجل وبنقص من رجولته شو ما كان سبب اي خلاف لا يصل لدرجه العنف واذا كان نعم فى اعتقادك ما الجرم الذى قد تستحق عليه المرأه العنف ؟؟؟ ممكن لو مشيت في طريق الحرام وعابت اهلها وهادا الشي بمجتمعنا صعب جدا واكيد لازم يعاقبوها من وجهة نظرهم طبعا لكن انا بقول لازم نشوف ليش وصلت البنت لهون ونعالج السبب ونحتويها ونوعيها هل استعملت العنف فى تعاملك مع المرأة من قبل ؟؟ لا انا قطه ما بمد ايدي عليها فكيف بالمراه وهل تضن انك من الممكن ان تستخدمه ؟؟؟ ان شاء الله بعمري ما بستعمله شكرا الك رشا |
اقتباس:
عجبتني اجاباتك كتير مؤيد اديش انت شخص ناضج وعاقل بتعرف تتصرف صحيح التوعية والاحتواء هدوول مهمين قبل الوقوع بالمشاكل الله يبعد عنا مشاكل يارب شكرا لا لك انرت الله يبعتلك ايام حلوة |
انا راح جاوب بدون الاسئله برأيي عمرو م كان العنف اسلوب او علاج العنف م بيولد غير الكراهيه بس في مواقف الانسان م بيتحكم فيها بنفسو انا ضد العنف بكل انواعه وعندي اكتر من صاحب بيضربو زوجاتهم وكل م تنفتح السيره انا اخد موقف منهم واقعد اقاتل فيهم انا نهائياً م بحب هلشي ولى بتقبلو ولكن بنفس الوقت م بعرف شو ممكن يصير بلحظات العصبيه م بكون مسيطر ع حالي بس حتى لو صارت م راح كون متقبل هلشي بيني وبين حالي وهيكون بس مجرد لحظه عصبيه واكيد هيا السبب بأنو وصلت لهلمرحله انا بس بعتقد م راح يصير هلشي بحياتي يسلمو ع المواضوع |
اقتباس:
صحيح كلامك خالد حبيت اجاباتك انه انت مابترضى بالغلط ياريت شباب متلك شو ماكانت الاسباب مافي مبررات للعنف يييييييي حرام عليهم اصحابك لشو يضربو زوجاتهم ازا مابدهم اياهن ينفصلو ويخليهن يروحن على بيت اهاليهن بعدين المفروض الوحده مابتسكت ازا ضربها زوجها بتشد شعره ولا بتضربه بعصايا المكنسة الله يبعدنا جميعا عن العنف |
نعم انه منتشر وخاصة عنف الزوج للزوجة وانا اعتبر الزوج الذي يضرب زوجته ليس رجل ولا علاقة له برجولة التحليل العنف الذي يستخدمه الرجل الرجل الذي يستخدم العنف وؤضرب زوجته او اخته فهو ضعيف الشخصية جدا جدا وعنده هوس كبير انه اذا استخدم العنف يصبح رجل وتحليل نفسي ضعيف الشخصية والذي يخشى الناس يستخدم العنف ضد زوجته باعتبار فشة غل او انه يبني قوته ولا يرى امامه غير الزوجه ... وانا اكره واستفز من الرجل الذي يضرب زوجته او اخته كره شديد مهما تعددت الاسباب لا يجب استخدام العنف والضرب ولكن هناك ضرب غير قصد مثل انه عاندته زوجته او دمرت حياته وغلطت عليه او على اهله ممكن الرجل يضربها غصب عنه وهذه تستحقها ولكن هناك اسلوب بل اساليب اقوى من الضرب للتعامل معها ... فهذا كل راي وخبرتي بالحياة ههه يسلمو رشا على النقاش الجامد وربنا يهدي الجميع ويعقلهم |
صح كلامك نمور الي بضرب مرته مو زلمه بعدين هدوول الي بضربو هم ماعندهم ضمير يأنبهم وفي اكتر من طريقه واسلوب بتعامل مع مرته .. العنف مو منيح اكتر حالات العنف الي بتصير انه زوجه بتسكت مابتحكي دايما بنصح كل زوجه مابتسكت عن زوجها ازا ضربها .. اي اشي بوقع بيدها كاسة ولا طنجره بتزتها عليه وتهرب ..ازا هو شاف هيك ردت فعلها خلص ببطل يضربها حبيت اجاباتك كتير نمور ماشاء الله عنك انرت الله يبعتلك ايام حلوة |
اختصر الاجابه العنف مع المرأة يؤدي إلى اليأس والتمرد حتى لو كان هناك خيانه فلا داعي للعنف فقط الفراق هو السبيل الصحيح موضوع نايس |
انا لو جوزي ضربني بدون سبب بطلب الطلاق مش حيوانة انا ولا خدامة عندو ليعاملني هيك من يومين حكيت مع بنت صف الي بتحكيلي اتجوزت من شهرين كمان مرة بحكيلها ليش طيب اطلقتي من الاول بتحكيلي عالنازلة والطالعة ضرب وقتل واشي بقرف وصار الطلاق وضحت ببناتها وهيهم عند ابوهم وتزوجت كمان مرة وبتحكيلي هاد الزلمة كتير بيفرق عن الاول انا بستغرب كيف بضربوهم م بحسو م عندهم قلب |
اقتباس:
كلامك صحيح قيصر العنف مو منيح ازا مابده اياها ينفصلو وخلاص حبيت رئيك هون قيصر شكرا كتير الله يبعتلك ايام حلوة |
اقتباس:
ي عيني عليك الملاك هيك بدي اياكي جعل أيده للكسر ان شاء الله لشو يضربها .. ليش ماعنده تم يحكي مابحب الضعف انا .. لو كنت مكانها بشد شعره و بخرمشه على أيده اي شي بوقع بايدي طنجره ولا كاسة بزتهم عليه مو مشان شي بس مشان لما يعملوله قطب على جبينه بيحس اديش انه الضرب بيوجع قطيعة لهدوول الي بضربو حبيت كتير كتير رئيك الملاك انرتي الله يبعتلك ايام حلوة |
اسئلة جميلة وحلوة رشا اكيد راح ارجع اجاوب عليها عوافي |
| الساعة الآن 07:55 PM |
Powered by vBulletin® Version 3.8.7
Copyright ©2000 - 2025, vBulletin Solutions, Inc.
Search Engine Optimization by vBSEO ©2011, Crawlability, Inc.
HêĽм √ 3.1 BY: ! ωαнαм ! © 2010
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.