|
موضوع للنقاش من سنن الله في الكون ان خلق للانسان من نفسه ازواجا بمعنى انه لكل منا اخوات او بنات متزوجات . ومن افضل النعم التي تعود براحه بال على الابوين خاصه والاهل عامه ان تزوق البنت بزوج صالح يريحها ويحسن اليها اما ان حدث العكس فان الضرر سيمتد الى الاهل . من هذا المنطلق اطرح عليكم السؤال الاتي :- في حاله رمى النصيب سهامه على زوج سيء التعامل والمزاج وربما الاخلاق لاحد اقاربك بالدرجه الاول (بنت ,اخت ... الخ ) وحاولت ان تحل المشكلات النابعه من اسباب غير واقعيه وتافهه ومزاجيه ولم تتمكن او انهكت من كثرتها . وطلبت من قريبتك ان تلجاً للمحكمه وتطلب الطلاق لسد هذا الباب المزعج وصدمت برفضها لاسباب (لكونها لا تحب ان تسمى مطلقه مثلاُُ ,او لوجود ابناء لديها ولا تريديهم ان تعيشو بعيدين عن الاب او غير ذلك ) .. فكيف تتصرف اتجاهها هل تقاطعها وتطلب منها عدم طلب اي مساعده مستقبلاً في حال حدوث اي مشكله ؟ ام تصبر على الاساءات المتكرره والتصرفاء الرعناء الصادره من الزوج وتستمر في محاولات رءب الصدع ؟ ماذا لو اعتقد الزوج ان استمرار الحياه الزوجيه ضعف من قبل الاهل في وضع حد له ؟ وهي هي محقه عندما ترفض الطلاق رغم ان الحياه اصبحت شبه مستحيله ؟؟ اترك المساحه لكم |
ليك اخي رح اختصرلك هالشي كله نحنا حياه وحده يلي هنعيشها ف ي نعيشها متل الناس ي اما بلاها شو يعني مطلقة ليه انا اصبر ع رجال مو منيح بتعامله شو بجبرني الاولاد؟ مسيرهم كل واحد فيهم تكونلو حياتو الشخصية ويلتهي فيها نظرة المجتمع ؟ مجتمع رجعي متخلف م بينعملو حساب وطالما على الحق م يهم اي حد يعطيك العافيه |
رح برجع برد عليك اخي |
ليه اجبرع حياة كلها مشاكل عشان ايه ربنا قال عاشرهن بالمعروف هو بقى حياته كلها مشاكل استحالة لقب مطلقة أفضل بكتير صح ف معناة ان الأطفال بيفقدوا حنان الاب بس لما يكون أب سيئ الام بتعوض أطفالها ويتكون ام واب ليهم وبتقدر تنجح ف ده اما لوالبنت اتحملت ده فهي حرة دي حياتهاوهي اللي بتعاني ليه اخدموقف منها لااطلاقا موضوع حلو ميرسي |
احيانا المرأه تفضل العيش مع اطفالها بغض النظر عن الحياه الي عايشتها وهادا الشي برجع الها شخصيا لكن هي لما تطلب المساعده اكيد رح يوقف عند حده ويتربى كمان انا تعاملت مع كتير اشكال من هالموديل وعرفت كيف اخلي الواحد فيهم يمشي بالطريق الصح لكن لا يمكن اعمل شي الا لما اخد الموافقه من صاحبة الشأن شو يعني مطلقه العيب في المجتمع مش فيها شكرا الك محمد |
مش حابة اعطي رايي لاني عشت هاي التجربة ومستحيل حدا يكون متل رايي التجربة غير عن الحكي |
الاغلب راح يكون رايهم ي عيشه تبسطني ي بدي اطلق بس الواقع بيختلف مليون بلميه اخر حل بيكون الطلاق وكل الزوجات راح يصبرو وهو الافضل البنت المتربيه صح عند اهلها ومش مدلعه هتعرف انو في غلط بلعلاقه بينها وبين جوزها فهتحاول تصحح هلشي ومع الايام بتصلح كل شي بس الدلوعه هتقول عادي اطلق بس حتى هادي اهلها م بخلوها تطلق لو هي تافه ومش فاهمه شو يعني طلاق اهلها بيكونو فاهمين بس ع النت كل واحد بيحكي بوسع الكلام م عليه جمرك |
اقتباس:
الحكي مش متل التجربة انا جربت الطلاق ولو جربو هالشي ما كانو بيحكو هيك الوحدة وقتها بتفكر باهلها قبل ولادها كيفبنتهم حتكون مطلقة |
انا أعتقد أن المرأة التي تمتلك الشجاعة والكرامة هي فقد من ستتخذ قرار مصيري كهذا الزواج ليس جنة الله في الأرض وليس كل الأماني والأحلام حتى تتحمل المرأة ما لا يٌطاق وتتحمل رجل سيء بهذا الشكل وهذا الإنحطاط |
اقتباس:
وبحكولها اتحملي واصبري بلكي اتغير وبطخ وهم ما بيعرفو انه هالشي تعاسة الها مش صبر ومسايرة وبتضل على هاد الحكي لامتى؟؟ لحتى تنفجر وما عاد في طاقة للتحمل |
اقتباس:
انا نسبت الشيء للمرأة الشجاعة وللأسف أغلب الزوجات ضعيفات ولا يمتلكن شيء من الشجاعة وكلام الأهل ونظرة الناس ما هي الا شماعة يعلق عليها الأخرون فشلهم وضعفهم انا احترم المرأة وأقدرها وأثنى عليها وأحترم شجاعتها عندما تنسحب من علاقة لا يكون لها فيها قيمة ومكانة وشأن وفقط تكون للمتعة والشهوة لا غير |
اقتباس:
ازا اختك ما كانت مرتاحة مع جوزها بتحكيلها هاد الحكي ولا بتخلي القرار بايدها ياريت بصراحة بتقبل تكون اختك مطلقة لمجرد انها مش مرتاحة معه ولا بتضل تسايرها اتحملي وعشان الولاد وما بدي اخرب بيتك ومن هالحكي ؟؟ |
اقتباس:
قصة مش مرتاحة هاي بسيطة جدا ويمكن علاجها وحتى تكوني على بينة 90% من الأزواج غير مرتاحين مع زوجاتهم والعكس أيضاً انا اتحدث عن أمور وصفات أكثر تعقيد كأن يكون الرجل بلا أخلاق ولا ضمير ولا دين هذه الصفات لو لم تكن موجود بالرجل الذي يرتبط بأختي لن أمننه عليها وسأقوم بنفسي بتطليقها يا اختي الكريمة دعيكي من نظرة الناس العقيمة للمطلقات دعيكي من العادات والتقاليد التي تنصف الرجل انا كان لي حديث في احدى المرات مع مطلقة وفي الحقيقة لم اجد ولم اصادف احد شجاع مثلها اشترت كرامتها وعفتها ورفضت الإستمرار في علاقة لا تحقق لها أي راحة ولا تجلب لها اي سعادة لم تعش تحت رحمة زوج فقير الدين قليل الاحساس غير مبالي ولا يهتم بواجباته ولا يقدس المرأة ولا يكفل لها حقوقها وواجباتها الزواج ليس جنة الله وبدونه ستسمر الحياة كما قلت لكي |
للأمانة .. رأي ماجيك أكتر رأي صائب قصي حسيت رأيك مش صح أبداً الزواج حياة ومصير لعمر ، مش إشي سهل أبداً الطلاق وكل يلي بتحكوه هاد لانو ما حدا فيكم عاش هالتجربة أبداً، احنا مش عايشين لحالنا بالدنيا ، في مجتمع وحتى لو كان المحتمع متخلف والخ.. ما بيعني المهم انو هدول عالم عايشين معنا واللي بتخلف وبتطلق مش ام اساسا طالما انتي حبتي انسان ع هادي الدنيا بدك تتحمليه وتتحملي حياته وتكون ام ع قد المسؤولية، مش تطلقي بس لانو الحياة نش عجباكي وتظلمي اطفال ما الهم ذنب كل ست بتقدر تخلي جوزها خاتم بايدها وبتقدر تخليه يحبها حب ما اله حدود وتمشي وتتساهل بس المدلعة للي متعودة ع كل شي في زات الوقت يجي لعندها هادس طبيعي ما تتحمل وزواجها من البداية غلط حتى لو فيه ظلم او شي متل هيك حتى الصبر ربنا بيعطيها ثواب عليه والحياة الا م تتصلح بيوم بس خليها ع ربك والله بعرف ست زوجها هجرها وهي لسا معها عشرة وكلهم اطفال هلأ كلهم دكاترة ومتزوجين ربتهم رجال بمعنى الكلمة ما لفت ضهرها وراحت كلمة نطلقة ابدا مش سهلة ابدا |
اقتباس:
زي يلي ببقولو بعد الزواج ربنا بيهديه او بعقل |
اقتباس:
يا عزيزتي كم من ملتحي ويصلي بالسطر الأول ولا يترك فرض ولا عبادة لدرجة ان الناس تطلق عليه قديس وفي نهاية المطاف يكون ابليس أعزك الله نحن لا نستطيع الحكم على الأخرين من خلال من نرأه فحسب وليس كل ما تظنيه جميل يكون جميل اانا دوما اقول الله احفظنا من مكر اولئك لطفاء المظاهر خبثاء النوايا |
في ناس ما بحكو الحقيقة للي بسالو عنهم بخافو يحكو بس هاد للاسف بخدعو هدول الناس وبخدعو البنت حسبي الله على هدول اللي بخبو عيوب ابنهم لحتى ترضى فيه بنت الناس الموضوع ضغطني كتير |
من وجهه نظري اصبحت النظره للمراه المطلقه بالمدنيه مقبوله ولكن النظره بالارياف والقرى ما تزال سلبيه , ولكن لا اظن ان هناك مراه لديها مسؤوليه تلجاً الى الطلاق كحل الا عندما تستحيل العشره تماماً . فمن خلال القصص الواقعيه التي تمر علينا بشكل يومي اصبح الطلاق فالمجتعات الحضريه شائع جداً ومقبول والدليل على ذلك المرور بالمحاكم الشرعيه ومطالعه كميه قضايا الطلاق الكثيره ,علماً بان اغلبيه القضايا تحل بشكل عائلي ويتم الطلاق فيها بعيداً عن المحاكم . انا اتفق مع الملاك البريء فيما ذكرت بخصوص المتاعب التي تلاحق المطلقه خاصه اذا كانت لديها اطفال تحتضنهم اذ ان الاهل يضيقون ذرعاً بهم من جهه ومن جهه اخرى فإن هناك صعوبه حياتيه بشكل يومي من خلال نظره المجتمع وتوفير الاحتياجات مما يدفع اغلب النساء التي يديها اطفال الى التحمل الى حد كبير جداً ومجاراه الزوج واخلاقه السيئه الى حد ان هناك من ترى زوجها يخون وتتابع تحركاته ومحادثاته عبر وسائل التواصل ولا تكون لديها رده فعل ملموسه . وان هناك من تصبر على الضرب والسب والمنع من زياره الاهل ومشاطرتهم الافراح والاطراح دون ان تحرك ساكنناً لانها تعلم عواقب الطلاق . اشكركم جميعاً انرتم موضوعي واضفتم له اثراء واقعي . |
بدي اضيف نقطة الطلاق قبل كانت الدعوة تضل سنين لحتى يتم الطلاق بالاخر هلا بنفس اليوم بتطلقو وكأنو متل شربة المي الخلل وين طيب فينا ولا في الزمان نفسو |
النقاش في هيك موضوع راح يختلف من شخص لشخص واعم بالخصوص الاشخاص الذين لم يخضو هذه التجربة .. انا عن نفسي راح اتحدث بكل صدق .. اختي مرت بهيك تجربة مو مرة مرتين ... ومثل ما بقولو ضربتين بالراس بتوجع كتير .. يا اخوان ويا اخوات .. المرأة إنسانة مثلها مثل ادم اليها حقوق مثل هو اليو حقوق .. يعني ما في فرق بين بعض .. حواء بتكمل ادم وادم بكمل حواء .. الشخصين مربوطين ببعض طول الحياة .. الحياة بتمشي بحلوتها وبمرها .. مو عند اي مشكلة او حدث بسيط تطلب الطلاق وتكون عندك خلفة انا راح اقول بعد ما تتطلق شو راح تسوى راح تروح تقعد عند ابوها ومعاها اطفالها وانا بقولكم من واقع اشخاص مقربين الي امجربين هيك شي .. اذا كان الاخ متزوج او غير متزوج ما راح يحتمل وجود اطفال اختو باستمرار بالبيت .. المراة المتزوجة راحتها عند زوجها فقط .. مهما كانت المشاكل كبير او صغيرة .. الحياة بتمشي مهما كانت .. بس والله كلمة مطلقة صعبة جدا جدا جدا .. ما حبيت اكثر بالكلام بس لكل شخص ما جرب هل التجربة لا ينقاش كتير .. يعطيك العافيه يا ورد |
اقتباس:
ما شاء الله جبت الموضوع من كل النواحي رائع جدا بتفق معك .. وبالنسبة لقصي اه والله في كتير بخبو الله يجيرنا نسمع ونسلم يارب |
اقتباس:
عملت اقتباس لردك لحتى يشوفوه الاعضاء لاني رديت وانتقلنا ع صفحة جديدة |
حبيب العمر و رجل منهك احكو اهم نقاط بالموضوع المرأة الها اهل و ليكون ابوها و اخوتها رجال مهما كان الزوج ' رح يهمل همهم لأن ازا غلط بحق بنتهم بربوه بس المرأة تطلق او تترك بيت زوجها رح ترتاح عند اهلها .؟ لأ بعد عمر طويل للأب بس يموت رح تقعد عند اخوها و مرتو .؟ مهما كانو مناح بالمعاملة معها هي رح تحس انها تقيلة عليهم و كلامي واقعي ' و لو حد انكرو بكون بس قدامنا بحكي هيك لكن جواتو مقتنع بهالحكي بعيدآ عن كلمة مطلقة و نظرة المجتمع ' انا مليش بهالأمور خلينا نحكي بشي حساس اكتر معقول في أم بتتخلى عن اولادها عشان سعادتها ! لأ .... اللي بتفضل سعادتها ع اولادها هاي مشش أم في مليون طريقة الا انها تبعد عن اولادها الآراء مختلفة ' بين مجرب او لأ ' عاش مواقف متل هيك او لأ لكن كلام حبيب و رجل منهك آراء واقعية شكرآ لك |
اقتباس:
يعني بنظرك الشجاعة هي اللي بتطلق ؟ ليش ما قلت المرأة الشجاعة هي اللي بتتغلب على كل المواقف الصعبة و بتعيد نظام حياتهاو بتغير زوجها للأحسن و ازا ما قدرت بتتحمل الصعب لأجل الولاد و بتفكر بحلول تحميه فيه الأولاد من انهم بتشتتو بين الأب و الأم ( هاي المرأة الشجاعة ي قصي ) |
اقتباس:
هل المرأة مطلوب منها أن تتناول عن حقوقها وتٌبقى على علاقة لا تحقق لها أدنى مقومات الحياة الزوجية هل المرأة تكون شجاعة عندما تقبل وترضى ان تعيش مع رجل سكير ومتعاطي مخدرات وكل ما يشغل باله هو ان يوفر ما يشبع غرائزه ويمتع عقله هل المرأة تكون شجاعة عندما تعيش مع رجل ينام كل الوقت ولا يهتم لشؤن بيته ولا يعنيه ظروف وأخوال زوجته وأبنائه هل المرأة تكون شجاعة عندما تتجرع السم وتتحمل ما لا يٌطاق وتذهب صحتها وتكون فريسة سهلة للأمراض والأوجاع كل هذا من أجل من يا أختي اين الكرامة واين كبرياء حواء واين الثقة بالنفس واين الشجاعة التي يجب ان تتحلى بها النساء ؟ |
اقتباس:
قصي برغم اني عنصرية للجنس اللطيف الا اني لازم اقول الحق ههه خلينا واقعيين فش عنا بمجتمعنا حد بسكر و بيتعاطى مخدرات و لو في حد هيك بكون باين عليه و من الأساس ما بزوجوه البنت اكتر شي ممكن يرفع ايدو عليها و بهالحالة ابوها او اخوها بوقفوه عند حدو ازا كان فعلا مهمل بأمور البيت و الزوجة و الأولاد و تعامله سيء لا يطاق ' صدقني بكون هو اخر شي بتفكر في الزوجة ببطل لا بدها حقوق زوجية و لا شرعية بهالوقت تكون شجاعة و تتخلى عنو ... و يطلع هو من البيت مش هي انا ضد خروج المرأة من بيتها لأي سبب زعل او هيك شي الام تفضل مع اولادها و هو يروح و عادي تبقى على اسمو عشان الاولاد ' مهي بتكون كرهت جنس ادم بعد تصرفاته السيئة معها |
اقتباس:
الأول هناك أمور ممكن التغاضي عنها وعلاجها مع الوقت والمحاولة فيها على أكبر قدر واكثر جهد الثاني : هناك أمور لا يمكن السكوت عليها ولا التغاضي عنها ولا يمكن باي حال من الأحوال العيش مع زوج يقوم بها وجحيم الأهل ولا جنة هذا الزوج انا بالنسبة لي او أختي كانت تعاني مع زوجها والأمر لا يمكن السكوت عليه ولا التغاضي عنه سأقوم بتشجيعها على الطلاق والخلاص منه على الفور |
اقتباس:
طبيعي عمرو م كان الي بلحدث متل الي بيسمع عنو كلنا عنا مشاكل وحاجات بتنكد علينا بس اهم شي نعرف نتخطاها م في بيستاهل انو نوقف حياتنا كرمالو |
اقتباس:
كل الكلام غلط بغلط وقوانينا تبعت الطلاق برضو فيها تعسف ربنا قال ان ابغض الحلال عند الله الطلاق الطلاق هادا مصيبه مش لازم تصير حتى لو في مشاكل كتير كل شي بينحل وفي بدل الطلاق مليون طريقه تانيه عشان نصلح بين لتنين انك تهدم بيت سهله بس انك تعمر بيت صعبه جداً الطلاق مش لعبه الطلاق المفروض يحطو عليه قيوض كتير بلقانون كمان المفروض مش الراجل بكلمه وحده ممكن يطلق مرتو لازم يكون عندو اسباب رئيسيه لهلشي ي اما بيدفع تعويض لالها كجزاء لتعسفو بأستعمال حقو بلطلاق ونفس الشي المرأه |
اقتباس:
انا خلال اسبوع كانت ورقة الطلاق معي وتجردت من كل حقوقي وحتى ولادي بغض النظر عن شو سبب الطلاق بس هاد اللي صار لحتى تعرف انه كلامي مية بالمية بصير |
اقتباس:
الي عاش التجربه هو الكلام الصحيح |
اقتباس:
جبتها من الآخر يسعد اوقاتكك |
اقتباس:
وأتمنى لكي حياؤ ملؤها الحب والسعادة فقلبك يستحق الفرح |
| الساعة الآن 02:56 AM |
Powered by vBulletin® Version 3.8.7
Copyright ©2000 - 2025, vBulletin Solutions, Inc.
Search Engine Optimization by vBSEO ©2011, Crawlability, Inc.
HêĽм √ 3.1 BY: ! ωαнαм ! © 2010
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.