| !~ آخـر مواضيع المنتدى ~! |
| |
| إضغط علي
او
 لمشاركة اصدقائك! |
| |||||||
حبوا بس ما تخونوا ..
زمان لما كنت بسادس ، بتذكر واحد بالحارة ضرب بنتو ضربها كتير وكنت كل ما بسألهم هي شو عملت ما حدا كان برد، كنت مستغربة كتير لدرجة خطرلي مرة انو
 |
| | LinkBack | أدوات الموضوع | انواع عرض الموضوع |
|
#1
08-25-2018
| ||||||||||||||
| ||||||||||||||
حبوا بس ما تخونوا .. زمان لما كنت بسادس ، بتذكر واحد بالحارة ضرب بنتو ضربها كتير وكنت كل ما بسألهم هي شو عملت ما حدا كان برد، كنت مستغربة كتير لدرجة خطرلي مرة انو ممكن تكون عميلة مسلا ! لما صرت بأولى إعدادي صار لما حد يضرب بنته يحكولي السبب " عرف إنها بتحب ! " لما كنت بصف تامن كنت غريبة جداً ، لدرجة إنو كان الحكي بالموضوع بيرهب قلبي ، وقررت أعمل ندوة بالمدرسة للبنات أحكيلهم قديش صوت الضرب بخوف ! لا لا قصدي أقلهم انو الحب حرام ، وعملت وصارو بنات كتير يحضروا ، كانت وحدة منهم صاحبتي المقربة ، مرة واحنا مروحين من المدرسة سألتني ليه هيك بعمل ؟ حكتلها لانو غلط وغلط كبير كتير.. المهم يومها اكتشفت انو صاحبتي هادي بتحب كمان ! كانت المرة الأولى للي م أقدرش أصرخ و ألف ضهري وأروح اضطريت أسمع لحكاياتهم سوا ع مدار السنة .. كنت كمان بستغرب ليه دايما بيجيبو لنا شرطة ع المدرسة وبحكولنا انو الشباب بضحكوا ع البنات ! كانوا يحكولنا أشياء بشعة كتير مش مسموح أصلا لأطفال بعمر 14 سنة يسمعوها ، مرت الأيام ، وكبرت ودخلت ثانوي ، أهلي اختاروا المدرسة بعناية كبيرة و حرصوا يخلوني أفوت أكثر مدرسة فش فيها بنات " مش محترمات " زي م أسعف قاموس أمي تقول وقتها، بعاشر تعمقت أكثر بالكتب ، كانت الكتب ألمعترض الوحيد على كل شي بسمعه حوليا ، كانو دايما بقولو الحب انخلق للصادقين ، للصادقين وبس ، بس كانو الصادقين هدول ناس من الخيال ، كانت الكتب مبالغة شوي علشان للي ماسك قلم وبيكتب مش زي للي ماسك ايد حبيبته ، كانوا يقولو انو الحب يعني تموت وما تتجوز غير حبيبتك ، بس البنت يلي أهلها ضربوها تجوزت وخلفت كمان! كانو يقولو انو الحب ما تخطب الا حبيبك بس ابن عمي يلي حارب اهلو عشان حبييته وبالاخر ما رضيو راح خطب بنت غيرها وهلأ بناديها حبيبتي! كنت أقول هوا الجزء يلي بالدنيا ليه الكتب ما بتكتب عنه ؟! انو ليه عنجد م بكتبو عنو ! بصف 11 كنت بريئة جداً أولها .. وكانت أول مرة أعمل فيس و هيكا وكنت مكيفة وانو نت واو وهيكا و عرفت المنتديات كمان ، بس كان في شي اغرب ، انو في ناس بحبو ناس من ورا هالشاشة الصغيرة ، بيبكو ع محادثة واتس ، بيفرحو ع مسج بالانستا ، بيبوسوا الصور ، بيزعلو بالكتابة ،انت متخيل انو شوية حروف الكترونية كانت تتحكم بملايين من القلوب ! ولما الحظ يخبط بجوز يجمع قلبين مستحيل يلتقو الا بهالشاشة السخيفة ، توسعت مفاهيمي عن الحب ، آمنت تماما انه الحب موجد بكل مكان ، الخيانة كلمة عمري ما سمعت فيها او امنت فيها أبدا كنت قطعا دايما اقول وبأعلى صوتي " يعني بالله بالله كيف حدا بده يحب حدا بده يخونو" بس مفهوم الحب عندي كان صعب جدا ومحتاج حد مختلف حرفيا لاني بنظري شفت كل العشاق خانوا ! كنت بسيطة لدرجة كنت أعتبر انو تتأخر عن الرد خيانة! ودخلت توجيهي .. وعرفت انو الخيانة اكير بكتير من انو ما يسأل عليك لما تمرض ، او ينسى يقلك كل عام وانت معي .. اعرفت انو الخيانة ابشع بكتير واكتر من الكتير اكتشفت انو الخيانة مش مجرد شعور حزين ، الخيانة بتخليك مهووس ، تفكر بكلشي ، تحسب حساب لكل كلمة ،تصير " نفسية " على حد تعبير الناس ، بتعرف كيف بتحس حالك أهبل ؟ بتزعل الوقت ، ع كل مرة قلت فيها يارب ، والأدهى من هيك انك بتضيع حرفيا ، بتدور بكل مكان ع حب جديد تشغل حالك فيه وانت بتنزف من الاول ، بتصير تحط السماعات ع اعلى صوت،بتصير تسمع كلام الناس عنك كأنك م سمعتو ، بتصير تستخسر حتى توضا وتصلي،والكارثة انو الحرب بتبلش تصير مع ربك ! طب مش انت يلي خليتني اعرفه ؟ مش انت يلي كاتب كل شي ؟ بترفع راسك في السما وتسأل ربنا هالأسئلة ومن فرط الوحدة والأذية بتحس ربنا بكرهك ! وبتخون .. بتخون ناس كتير بطريقك وبتحس بنشوة النصر ! لكن لما بتصحى ع حالك باخر الطريق بتعرفش ترجع .. بتلاقيهم بنوا بيوت غير البيوت والدنيا غير دنيا وسكنوها ناس غير الناس وبتسأل حالك معقول هو هاد نفس الدرب يلي انا مشيتو قبل سنة! لما عرفت الخيانة .. نسيت الحب، تخربشت بالمفاهيم ، وبطلت مركزة ، دخل الحامض باللامض فيك تقول ، وبتصير تعتبر صاحبتك يلي تركت حبيبها لانو مستحيل يلتقو برضو خاينة مع انها عملت الصح وانتي عارفة انها عملت الصح بس بصير سبب الخيانة اسهل ومقنع اكتر بالنسبة الك ، اللي بيخون بينفتن بلحظة ، بس مقابل هادي اللحظة في حدا بخسر عمر ، بخسر ناس ، بخسر طريق ، بخسر ثقة في الحياة ، وبخسر حالو ! في ناس ما بتنطفي بقلوب الناس ، حبوا متل ما بدكم بس لو انتو شاكين 1% انه هيجي يوم وتصيب هالشخص بنص الطريق وما بيعنيني اي سبب وبعتبر لو سببك انه حبك هيكمل مقابل اكبر حرب برضو خيانة كلها خيانة بالآخر ! حبوا بس ما تخونوا ،اوعوا تخونوا ، في ظلم وحرقة قلب ، في حد بضيع بسببكم ، حبوا بس م تخونوا المصدر: منتديات بنات فلسطين - من قسم: زوايا عامة pf,h fs lh jo,k,h >> gh fS pfkh  |
|
08-25-2018
| #2 | |
 
 |
حبيبتي سمسم مفهومك عن الحب جميل وأنك تحكي ببراءة وعفوية هذاالمفهوم من خلال مراحل عمرك شئ جميل احساسك وكلماتك البسيطه وصلتني وأصابت عمق احساسي بيكي بس ياحبيبتي هذى الحياه فيها الكثير والكثير عن الحب والخيانة نصيحتك الأخيرة حبوبس لاتخونوا هو الحب اختيار ياريته كان اختيار للاسف طالما ف حب ف أيضاعذاب الحب كوني بخير حبيبتي | |
| |
|
08-25-2018
| #3 | ||
 كآئن فطري مُستفز
| اقتباس:
أنتي الحب ❤ نورتي | ||
| |
|
| الكلمات الدلالية (Tags) |
| .., لا, تخونوا, بٍ, حبنا |
العرض العادي
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| يومين لكل عضو .. نعبر فيه عن حبنا له | آنثى الغرام | فـسحـة الـروح " يوَ๑ـَيآتْ الأξـضآء " | 293 | 12-11-2018 10:25 PM |
| يومين لكل عضو ..نعبر في فيه عن حبنا وضيفتي الراقية شام | آنثى الغرام | فـسحـة الـروح " يوَ๑ـَيآتْ الأξـضآء " | 10 | 08-01-2016 07:42 AM |
| اوووووووه بجننوا | Nadoosh | װ.. ξــآلَمُ الأطـفَـآل |~ | 3 | 09-08-2015 08:03 PM |
| اليو م هو ذكرى ميلاد حبنا | قطر الندى | همس القوافي , النثر و الخواطر | 7 | 05-05-2015 02:13 AM |
| زهرة حبنا خاطرة | ابو الملكات | ابداعات أعضاء بنات فلسطين الشعرية والنثرية | 14 | 06-21-2013 03:34 PM |
الساعة الآن 01:13 AM
