|
لا شكلو بمزحش ههههه والله لنكيف ي ميما هاتها هاتها محتاجين بكي ودموع اصلا انا بحب الدراما |
اقتباس:
شو خص فرح فرح شخصية قصة |
اقتباس:
|
اقتباس:
|
اقتباس:
بس بالروايات والكتب مش هيك بس بصيرو يدفشو ويزبطو بالقصة عشان البطلين يجتمعو الواقعية مطلوبة برضو هي حلوة الله يوفقها خليها تسجل بنتبسط فيها |
اقتباس:
|
اقتباس:
|
الها روايات تانية طيب!؟ انا حبيت اسلوبها بس بكتني يقطع شرها |
الها روايه اسمها السر والها روايه لسا ما خلصتها لو ما قبلت تيجي رح انقل كل قصصها طيب خدو الجزء قبل الاخير عشان تعرفو تنامو |
هههه هات نشوف |
اقتباس:
قللها في امامير كتير بالمنتدى ههههه |
اكيد بتقابل حسن مهي ليه موتت ياسر اصلا هههههه هات تنشوف |
لا نمنا والله طيب من الفيس انت بتجيبهم لانه في قصص بدون م ئكتبو مين كاتبها بنشروها |
اقتباس:
|
الجزء_5 قبل الاخير عامر : الو مرحبا فرح : لك اهلين عامر كيفك عامر : الحمدلله ، ليكي اليوم جايين نسهر عندك انا ومنال فرح : يامية اهلا وسهلا جهزت البيت وطبخت و جهزت ضيافة ، حياتي صارت فاضية كتير ، ياسر كان مملي عليي البيت وقت مل انطرو ليجي بس هلأ ولاشي .. ( المسا ) فرح : اهلا وسهلا والله نورت منال : تسلميلي بوجودك عامر : فرح في شي صار ولازم تعرفي فيه فرح : خير نشالله عامر : المشروع يلي كنا عم نشتغل فيه انا و ياسر فشل ، وترتبت علينا ديون كبيرة ، و انا رح اترك الشغل و اطىع ع اوروبا ، و المفروض انك توقعي ع الوراق متلي فرح : شو يعني ؟ لك شو عم تحكي عامر : متل ماسمعتي فرح : يعني مصاري ياسر وتعبو كلو راح ع الارض عامر : اخخ تعبنا وشقى عمرنا راح فرح : يالله دخيلك .. ___________ وقعت ع الوراق وصفيت بلا شغل ووارد شهري ، معي شوية مصاري كان مخبيهن ياسر .. اهلي ماخبروا بشي من يلي صار ولا انو خسرت شغل جوزي ، كنت متحملة كلشي ولا اني ارجع لحياة اهلي وظلم سوسن وعيشتون ( بعد خمس شهور ) .. < الحوار بالتركي > - لعما شو ما بتفهمي انتي ، صرلك تلت شهور مادفعتي اجار البيت نقلعي طلعي ، صرت جاييكي خمس مرات فرح : الله يوفقك بترجاك خليني بل بيت بس كم يوم لدبر اموري - ولا سااعة تانية ، انا هون معك ساعة بتضبي اوعيكي وبتنقلعي غير هيك بجبلك الشرطة فتت ع البيت و انا عم بتقطع ، ضبيت غراضي و انا عم ابكي كل ذكرياتي بهل بيت ، ريحة جوزي و التفاصيل الصغيرة و الحب وكلشي هون معلق ، مابعرف وين بدي روح ، يمكن نام بالشارع ، يمكن انسرئ .. لملمت غراضي وطلعت و انا خاطري مكسور .. سكرت الباب و التفتت لآخر مرة اتطلعت ع البيت و البرندة يلي كانت اخر مكان بيجمعني انا وجوزي .. حملت بنتي ورميت ذكرياتي ورايي و انا عم بحترق .. رحت ع البحر اعدت ع كرسي انا وبنتي بحضني ، تفكيىي واقف مخي متعطل ، الدموع عم تنزل بهدوء .. بلشت تغيب الشمس وبلشت اصحا ع حالي وين بدي روح ، وين رح نام .. السما بلشت تغييم غيوم رمادية وتبخبخ .. حطيت بنتي بحضني و غطيتا بالجاكيت .. اتذكرت انو حسن بتركيا ، مابعرف يمكن ماكان قدامي حل غير انو اتصل فيه يجي يساعدني .. فتحت فيسبوك ، ودخلت ع بروفايلو ، عملت اتصال .. قلبي مع كل رنة كان عم يخفق .. لحد ماسمعت صوتو : الو فرح : الو سكتنا للحظات .. فرح : انا فرح ، حسن انت بتركيا صح حسن : اهلين فرح كيفك ، اي بتركيا فرح : مشان الله ساعدني انا واقعة بمشكلة كبيرة حسن : خير احكي شبك فرح : بتقدر تجي لعندي .. دليتو ع المكان يلي انا فيه ، ووعدني انو هلال ساعة رح يكون عندي .. اعدت انطرو ، كانت المطر عم تنزل بقوة و انا ضامة بنتي ومغطيتا بحرام وبإيدي التانية شمسية .. بعد شوي شفت حسن من بعيد ، صوت فيروز كان عم يعلا من شي مكان .. قرب عليي شوي شوي و انا قمت من ع كرسيي و قربت خطوتين .. وصوت فيروز عم يقول : كيفك انت .. ملا انت .. بتذكر اخر مرة شفتك سنتا .. بتذكر اخر كلمة قلتا .. وماعدت شفتك .. وهلأ شفتك ... اتطلعنا ببعض للحظات ، يمكن تذكرنا الماضي او يمكن هي نظرة عادية .. مابعرف حسن : كيفك فرح : تمام حسن : حملي بنتك وتعي ع السيارة اوام هنيك منحكي حرام بلا ماتمرض فرح : معلش تحملي شنتايتي .. حسن : اي يلله روحي ، اوام السيارة هديك السودة فتحت باب السيارة وطلعت اعدت وسندت راسي ع الكرسي ومسحت دموعي .. حسن : شو صاير فرح : تعبتني الايام ، وحملتتي فوق طاقتي حسن : روئي ، وين منروح ؟ فرح : حسن انت وين ساكن حسن : انا مستأجر غرفة وصالون بمكان قريب من شغلي فرح : معك حدا بالبيت ؟ خرج تستقبلني ؟! اصدي فيني نام عندك ؟ مابعرف يالله حسن : طيب ، رح نروح ع البيت وهنيك منحكي وصلنا ع البيت ، بيتو كان مرتب كتير ونضيف صغير وململم ، غرفة وصالون و المنافع .. حطيت بنتي ع الكنباية وغطيتا و اعدت ع الارض ، وهو اعد جنبي ع الارض حسن : مارح تحكيلي شوفي ؟ فرح : جوزي توفا حسن : ها الله يرحمو يارب من ايمتا فرح : من 9 شهور بحادث سيارة ، خسر المشروع يلي كان يشتغل فيه وخسرت كل المصاري و الوارد يلي كان يجيني ، ماعد دفعت اجا البيت لانو معد معي و صاحب البيت ألّعني رفيق ياسر يلي كان يساعدني سافر ع اوروبا و هي مختصر حياتي حسن : يالله دخيلك شو عم بسمع فرح سمعيني انتي رح تضلي ساكنة هون بهل بيت لحتى الله يفرجا ونلاقي حل ، بغض النظر عن معرفتي فيكي من قبل بس بهيك وضع انتي بتضلي بنت بلدي و المفروض ساعدك و بيتي هو بيتك فرح : عنجد حسن شكرا الك ، بس مابدي أثرك فيني وببنتي حسن : ولايهمك بكل الاحوال انا عايش لحالي بالبيت ومابرجع لاخر الليل يعني اجارو بس لنام فيه مو اكتر .. فرح : مو عرفانة كيف بدي اشكرك حسن : مافي داعي هاد واجبي .. ____________ يتبع |
اخخ يا قلبي شو هالزناخة .. |
اعيط اعيط كمان حطيت حالي محلها كيف لوني بالغربة كان متت |
النهاية رح يتجوزها حسن ههههههههههه |
بالانتظار الجزءالاخير .. عوافي ابو كريم |
حسن ابو علي ده زيو م فيش هههههههه |
عنججد قمة الزناخة هههههههههه |
بعد شوي شفت حسن من بعيد ، صوت فيروز كان عم يعلا من شي مكان .. قرب عليي شوي شوي و انا قمت من ع كرسيي و قربت خطوتين .. وصوت فيروز عم يقول : كيفك انت .. ملا انت .. بتذكر اخر مرة شفتك سنتا .. بتذكر اخر كلمة قلتا .. وماعدت شفتك .. وهلأ شفتك ... ي الله هالمقطع بقطع قلبي هلا معقول حسن شافها م حن لايامها م اتزكر الحب الي بينهم |
موقف حسن ما بدل انه كان يحبها هالحب وانه مشتاقلها كان ما قابلها بنشافة وجفاء |
الجزء_6_الاخير الين : ماما بدي اكل فرح : اي ماما ، روحي نادي لحسن يلله حطيت اكل راحت الين لعندو وصارت تلعب بين رجليه و ايديه : تعا يلله نينة ضحك حسن حملا و اجا لعندي : هي البنت رح تجنني مااشالله حولا شو حبيتا فرح : هههه هلأ طالما هي حبتك فمعناتا الله يعينك ماعد تتركك حسن : مو مشكلة دخيل ربا اكلنا وشلنا الاكل وخلصنا ، هي اول ليلة الي بالبيت قبل كم ساعة وصلت لهون ولسا ماني عم خطط لشي ولاعم فكر ببعدين .. الين نامت ع الكنباية و انا صرت اتتاوب .. حسن : اومي خدي بنتك ع الغرفة وناوليني الحرام و المخدة يلي بالخزانة فرح : وين بدك تنام ؟ حسن : هون ع هي الكنباية فرح : لا مستحيل ، انت صاحب البيت و اخر شي تنام هون ماني قليلة ذوق لهل درجة نام انت بالغرفة و انا وبنتي هون حسن : انتي قلتيا انا وبنتي ، يعني برأيك انت وبنتك بتوسعو ع هي الكنباية خلص فوتي نامي جوى فرح : طيب فتت زبطت نومة بنتي ع التخت ونمت جنبا يمكن هي اول ليلة من بعد ما مات جوزي بنامها و انا مرتاحة بالعادة بقضي الليل سهرانة وخايفة وعم يتهيألي اشكال و اصوات من الرعبة .. فئت الصبح ، كان حسن بعدو نايم عملت قهوة و فيقتو حسن : صباح الخير فرح : صباح النور ، نحنا اسفين يمكن تكسرت بهالنومة حسن : لك لااا والله متعود فرح : يبعتلي حما حسن : خرسي يالطيف شو نقاقة فرح : ههههه ماتغيرت مو ؟ حسن : لا لا ابدا النق لساتو متل ماهو .. هههههه سكتت شوي ، وابتسمت .. الين : ماما وينو بابا فرح : ماما كم مرة بدي فهمك انو بابا راح ع الجنة الين : يعني ليش انا ماعندي بابا ، ماعد يرجع من الجنة ؟ طيب خليه ياخدني معو ع الجنة ؟ فرح : لك بعيد الشر عن قلبك ، ماما بابا مارح يرجع الين : طيب بدي يصير عندي بابا حسن : الين ، انتي مو حبيتيني ؟ الين : مبلا حسن : طيب قوليلي بابا الين : عنجد ماما حسن : من بعد اذنك فرح ، زعلت عليها فرح : اي ماما قوليلو لحسن بابا ... الين : ياااااي يعني صار عندي بابا _____________ حسن راح ع شغلو و انا اعدت رتب البيت وحضر الطبخ .. شوي روح ع المطبخ شوي ع الغرفة شوي كنس شوي لاعب الين ، حاسة بفرحة وراحة نفسية .. المسا اجا حسن حطيت الغدا اكلنا ، انا رحت جليت و حسن اعد يلاعب الين .. اجيت ع الصالون و بإيدي صينية الشاي .. اتطلعت ع الين وحسن وهنن عم يلعبو ويضحكو مبعرف ليش تعبو عيوني بالدموع .. تذكرت ياسر وقت كان يلاعبا وهي صغيرة ، وكيف كان عم يستناها تكبر شوي تخيلت لو انو تزوجت حسن بالماضي وهي بنتنا ، تذكرت احلامي وواقعي تنيناتن تدمرو .. مسحت دمعتي و كملت فرح : يلله الينو بعدي عن عمو ليشرب الشاي الين : لك بابا مو عمو فرح : ههههه اي طيب بعدي عن بابا هي راحت تلعب و انا وحسن اعدنا نشرب شاي .. فرح : حسن معلش اسألك سؤال حسن : اي سألي فرح : انت ليش ماتزوجت لهلأ ؟ حسن : بزماني ظلمت معي بنت عشقتا وعشقتني بس ماقدرت اتجوزا ، راحت من ايدي وتجوزت متت من بعدا .. وضعي بقرف ماني خرج جواز ، ومابدي اظلم بنت تانية معي .. يلي متلي مالازم يتجوزو ويحبو انا سافرت لهون لاقدر اسند اهلي شوي نسيت الجواز كلو من همومي الاكبر .. راتبي هون دوبو اجار هالبيت و مصروف اهلي كيف بدي اتجوز بنت العالم ، وعيشا و اسعدا والله تعبت فرح : بعين الله حسن : ييي نامت الين ع الارض قومي حطيا ع التخت بلا ماتاخد برد .. حطيتا ع التخت و رجعت لعندو ، كان واقف جنب الشاشة وعم يدور بأشرطة الفيديو .. فرح : شو عم تعمل حسن : بتشوفي فيلم رعب ؟ فرح : لا مشان الله بكفيني الرعب يلي عشتو حسن : هههه رح حط هاد الفيلم التركي ، رومنسي درامي حزين بس حلو فرح : هات لنشوف اعدنا نشوف الفيلم كان بيحكي عن تنين عشاق حبو بعض كتير عاشو احلا اللحظات وبعدين فترقو عن بعض بعد سنين طويلة اجتمعو من اول وجديد ، لما رجعت ايام الحب بيناتن ورجعو يحبو بعض من اول وجديد .. مات هو ورجعت تعاني البطلة لحالا وتتعذب من اول وجديد .. من بداية الفيلم و انا بلشت ابكي كلشي كنت عم حس حالي عايشتو ، حاولت مايشوفني حسن انو عم ابكي بس ماقدرت يتطلع فيني ويقلي لك مجنونة حاج تبكي ، هاد تمثيل فرح : لا مو تمثيل ، هاد الواقع و الحقيقة .. سكت وشدني حطلي راسي على كتفو وقلي خلص لاتبكي .. بعد شوي مسحت دنوعي وبعدتو عني : تاني مرة حطلي فيلم رعب معلش حسن : طيب خلص بكرى ، قومي نامي هلأ _____________ وقفت بالمطبخ انا عم شوف تاريخ اليوم .. 6 / 7 يالله اليوم في مناسبة !! شو هي بس ! بتذكر في شي بهاليوم ... امممم : لااااا اليوم عيد ميلاد حسن .. فكرت انو لازم اعمل شي خليه يفرح فيه بعرفو اديش مكتئب وحاسس بوحدة ، حبيت اعمل شي يفرحو .. قررت اعملو مفاجئة ، حضرت اكلات ظريفة ( كاتو ، تبولة ، بطاطا ، وجاج مقلي ، و جيليه ) زينت البيت ونفخت بولين .. اذا انا يلي حضرت كلشي كنت مبسوطة ، كيف يلي بدو يجي ويتفاجئ فهمت الين انو اول مايفوت من الباب تقلو .. Happy birthday to you قرب موعد جيتو ، انا وقفت ع جنب و الين بأول الصالون ، هو فتح الباب وفات .. ركدت الين لعندو وهي عم تقلو هابي بيرزداي تو يووو ، كانت عم تحكيا ونصا مو مفهوم وتصفق وتقلو هيك .. هو صار يضحك ويتطلع فينا .. ركد لعندا ضما .. بعدين حملا وقرب لعندي حط ايدو ع كتفي وشدني لعندو .. اتطلع بألين و قلا تؤبريني انتي و امك و باسا من خدا .. بعدين اتطلع فيني وقلي : بحبك اخد الين ومشي لجنب طاولة الاكل ، بقيت انا واقفة وجمدانة بييلي سمعتو .. بعدين قربت ع الطاولة اعدت اكلنا و ضحكنا ، كل ما اتطلع بعيونو حسون عم يحكو كانت لمعة عيوني بتحكي يلي بقلبي .. نمت و انا عم فكر بالكلام يلي سمعتو ، معقول كان غلطان ؟ معقول انا سمعت غلط ؟! غفلت و انا عم فكر .. الصبح بكير ، متل كل يوم فئت عملت قهوة وفيقت حسن .. كان الجو حلو كتير وصاحي في نسمة خفيفة .. حطيت فيروز و فيئت حسن .. فرح : صباح الخير حسن : ياصباح الورد و الفل و الياسمين .. فرح : هههه نبسطت مبارح بالمفاجآة حسن : لك طار عقلي ، فرح بحبك بتقبلي تتزوجيني ؟ ورجعت فيروز تقول : بيطلع ع باااالي ارجع انا وياااك انت الاساسي .. وبحبك بالاساس كيفك انت .. ملا انت .. _________________ ( انتهت ) .. |
طيب ....ليش ما كملتها ورجعت لاهلها ولا بس خلص رجعت لحبها وهيك بس بس حلوة اجواء القصة اهم شي انها بعدت عن جو مرت الاب |
هههههه حلوة النهاية السعيدة بس فيها جزء مش منطقي انه عاشت لحالها قعدت عندو وهالشي مش مقبول بمجتمعنا اصلا بس بتضل قصة خيالية وحبيتها كتير وبحب هيك نوع من الروايات مع انها بتبكيني بس معلش هههه شككرا لمتابعتك مؤيد بنستنى قصص وروايات تانية |
اقتباس:
نورتي ملاك |
اقتباس:
ولاد البلد بكونو جدعان مع بعض والشهامه مطلوبه بغض النظر على انه كان بينهم قصه حب مبسوط انها عجبتك رح اجيب قصه احلا ان شاء الله |
هلأ انتبهت انك نزلت الاخير كنت متأكدة بيرجعو مش واقعية بس حلوة كتير تابع مؤيد وضلك جيب |
اقتباس:
وانتي احرقي القصص وقولي عنها زنخه بدي اجبلك قصه رعب عشان تخافي ههههههه |
اقتباس:
|
فعلا قصة حلوووه كتير مع انها حزينة جدا يعطيك العافيه ابو كريم استمر في نشر القصص والروايات .. |
اقتباس:
|
القصة بدايتها روعة وتقريبا بتشبة قصة حياتي بس النهاية مش مقنعة خالص قرأتها من يومين ونسيت اكتب تعليقي ميرسي |
| الساعة الآن 09:02 AM |
Powered by vBulletin® Version 3.8.7
Copyright ©2000 - 2025, vBulletin Solutions, Inc.
Search Engine Optimization by vBSEO ©2011, Crawlability, Inc.
HêĽм √ 3.1 BY: ! ωαнαм ! © 2010
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.