!~ آخـر مواضيع المنتدى ~!
إضغط علي شارك اصدقائك او شارك اصدقائك لمشاركة اصدقائك!

العودة   منتديات بنات فلسطين > ★☀二【« الاقـسـام الـعـامـه »】二☀★ > زوايا عامة

بترجاكي ما تكوني أنت هي الأم..

جتها بنوتة طار عقلها عليها وحبتها من كل قلبها تناغيها وتلعبها وتركد وراها والدنيا مو سايعتها كبرت هالبنوتة كم سنة صارت تراقب أمها وبدها تقلدها بكل شي

إضافة رد
 
LinkBack أدوات الموضوع انواع عرض الموضوع
#1  
قديم 06-26-2018
قصي غير متواجد حالياً
Palestine     Male
اوسمتي
مميز النقاش افضل مشآرك للمسآبقآت وسام مصمم محترف 
لوني المفضل Blue
 رقم العضوية : 316
 تاريخ التسجيل : Aug 2013
 فترة الأقامة : 2552 يوم
 أخر زيارة : 04-19-2020 (05:32 PM)
 الإقامة : غزة
 المشاركات : 45,577 [ + ]
 التقييم : 9992
 معدل التقييم : قصي has a reputation beyond reputeقصي has a reputation beyond reputeقصي has a reputation beyond reputeقصي has a reputation beyond reputeقصي has a reputation beyond reputeقصي has a reputation beyond reputeقصي has a reputation beyond reputeقصي has a reputation beyond reputeقصي has a reputation beyond reputeقصي has a reputation beyond reputeقصي has a reputation beyond repute
بيانات اضافيه [ + ]
اضف الشكر / الاعجاب
شكر (اعطاء): 0
شكر (تلقي): 7
اعجاب (اعطاء): 1
اعجاب (تلقي): 27
لايعجبني (اعطاء): 0
لايعجبني (تلقي): 0
افتراضي بترجاكي ما تكوني أنت هي الأم..





جتها بنوتة
طار عقلها عليها وحبتها من كل قلبها
تناغيها وتلعبها وتركد وراها والدنيا مو سايعتها

كبرت هالبنوتة كم سنة
صارت تراقب أمها وبدها تقلدها بكل شي
فتحت درجها حطت حمرة وماسكارا ولبست سلسال و أساور
طلعت بالمراي ..
-ياااي صرت حلوة متل ماما
شافتها أمها وفار دمها عالمكياج اللي حطت عليه هديك الحسبة
صرخت فيها :
مين سمحلك تمدي إيدك وتلوصي ؟!
إذا قربت مرة تانية على مكياج ماما بدي اكسرك
فهمت إلا لا !!
اطلعي لبرا اشوف
والله لادبحك اذا عدتيها مرة تانية
........
كبرت هالبنوتة أكتر ووعيت
صارت ..
ترجع من مدرستها بدها تحكي كل شي صار لامها
اللي كانت .. ملتهية ومشغولة بشغل أهم من وجهة نظرها !
وهالطفلة تضل عمتلاحقها مشان تخلص حكاويها ومغامراتها وهي بوادي وامها بوادي
-ماماااا ...عمتسمعيني ... ؟

مرة على مرة
بطلت تحكيلها ..
مشاكلها الصغيرة صارت بقلبها تخبيها ..
وما تعرف لمين تحكيها ..

كبرت كم سنة كمان

صارت تنتقدها عكل صغيرة وكبيرة
اعملي هيك وليش عملت هيك واحيانا بتبهدلها بقسوة وممكن حتى ..تضربها !
لانه هيك بنظرها عبتربيها !

لما كان يجي لعند امها نسوان
وتقعد جنب أمها مع الضيوف وتسمع حكيهم ...

-عيب فوتي العبي جوا .. ما بيصير تسمعي حكي الكبار !!
....

لما يخطر ببالها شي سؤال طفولي بتجيها الردود الصادمة..
-أنت شو دخلك ... مالك علاقة بهيك قصص
-شو هالسؤال الغبي حدا بيسال هيك سؤال !
صارت كل مالها تخاف من امها وتبعد عنها اكتر

وكل ما دار شي بخاطرها تخاف تخبر أمها لانها ما بتعرف شو ممكن تكون ردة فعلها
ّ.............
كبرت وصارت صبية بنت 14 سنة
وصارلها رفقات بدها تطلع وتفوت وتزورهم ويزوروها
ينكتو ويمزحو ..
يغنو ويرقصو ..
يضحكو ويدردشو..
ولا بيجيها الرد الصاعقة من أهلها
-شو رفقات وما رفقات
انضبي اقعدي التهي بدراستك بلا صياعة
لسا ناقصنا طلعة وفوتة وفلت..

بتنكسر من جوا وما بتلاقي حدا يواسيها بوحدتها بأحلى مراحل حياتها
....
صارت بسن الخطبة وصارت تطلع حفلات وأعراس وسهرات نسوان
شافت الصبايا اللي بعمرها عمبيرقصو ويدبكو
قامت لترقص وتجن معهم وكانت مبسوطة وهي عمترقص بعفوية
أمها بتنكشها ..
- هيك الناس بترقص لك جدبة ؟!
ليش هيك عمتحركي إيديك
اقعدي اقعدي لا بقى ترقصي فضحتينا
..........

كانت
كل ما صار خلاف صغير بينها وبين أهلها .. يحبطوها بكلام موجع ..
-مين اللي رح يتطلع فيك وياخدك
-والله امه داعية عليه اللي رح يعلق معك
- اي والله والله بعد شهرين لترجعيلي مطلقة
-لك مين اللي خرج يتحملك انت ويتحمل غبائك

وهي بتنجرح وبتنكسر ..
تحس انه عبيحاصروها حتى بأحلامها الصغيرة
ومستكترين عليها انه تحلم تصير عروس متل كل البنات اللي بعمرها

لكن بالآخر بتقتنع بكلامهم
وبيصير حلمها انه يجي أي حدا ..أي حدا
بس يقبل فيها
وهي مستعدة توافق عليه

.......
بلشو يجوها الخطاب
فاتت بصينية القهوة
غمزتها أمها ..
-شو هالمكياج المبهدل هاد .. كتير باهت
هيك الناس بتتمكيج؟!
انجرحت كتير ... وبقلبها عمتقول (بعمرك ما علمتيني 🙍 وهلق جاية عبتعاتبيني )

أجا العريس المنتظر ..
وافقو أهلها عليه لأنه لاقوه هو الشخص المناسب!
وطبعا اتخذو القرار بدون حتى ما يسألوها ...

هي ما بتعرف تاخد قرار أصلا
وما بتعرف بعد هيك حبته ولا لا
بس انبسطت ..
أخيرا انخطبت
رح أعيش حب متل المسلسلات التركية
أكيد رح يشبعني غزل وأحضان
ويغرقني كلام حلو ودلال..
رح يلبيلي كل طلباتي ويلف الدنيا فيني
وطبعا رح يعوضني كل شي انحرمت منه ...

تزوجت ..
لكن..

انصدمت
انصدمت كتير
كان يكسرها ويظلمها ويهينها
شافها مهزوزة من جوا
ومالها رأي
داسها أكتر....
خافت تخبر أهلها
لأنه رح يحطو الحق عليها
-أكيد انت مقصرة لحتى عميعمل فيك هيك
-مستاهلة شو ما ساوى فيك
تسكت وتلوم حالها وتضل تحط الحق على حالها
(أنا لازم اعرف ارضيه )..( أكيد أنا اللي ما عمأفهم عليه)
شو ما عمل فيني أحسن من كلمة مطلقة
........

قصة حزينة كتير
ومكررة كتير
لكن
بترجاك ما تكوني أنت هي الأم..

علمي بنتك من صغرها تكون واثقة من حالها…
صاحبيها حاوريها فضفضيلها .. لحتى تفضفضلك
واسمعيها ... اسمعيها كتير
وعطيها من يومك وقت مخصص لإلها هي بس
اطلعي تمشي انت وياها لحالكم واستشيريها وخليها تحكي وتسترسل بكل رياحة
علميها تكون أنثى بلبسها واكسسوارتها .. دلعها وصوتها ..
علميها بنفس الوقت تكون قوية وتعرف تاخد حقها
علميها تقول رأيها بكل صراحة ووضوح بدون ما تخاف..
ساعديها لتكون صداقات وعلاقات وتحتك بالناس وتتعامل معهم ..
مشان بكرة تعرف تتعامل مع زوجها وبيت حماها ..
خليها تعيش عمرها ولا تقيديها بقيود عفا عليها الزمن ...
قربي منها واعطيها الثقة وادعيلها ..

لا تضلي تعملي متل اللي بيضل بيعقم بيته 24 ساعة وبيسكر كل المنافذ حتى ما يمرضو ولاده
وأول ما ينفتح الباب وتجيهم نسمة هوا بيطبو وبيمرضو لأنه ما عندهم مناعة

افهمي بنتك
افهمي عنادها
افهمي تصرفاتها
ولا تنفريها منك ... لحتى تهرب منك وتدور على بديل عنك

عطيها حب بدون شروط
ودلليها بالكلمة الحلوة وشبعيها عاطفة
وشاركيها طموحاتها بدون تحبيط ولا سخرية
وساعديها. لتحققها

وقتها
ووقتها بس
بتقتنع انه من السخافة أن يكون أقصى طموحاتها... عريس وفستان أبيض



fjv[h;d lh j;,kd Hkj id hgHl>> gh





رد مع اقتباس
قديم 06-26-2018   #2
كآئن فطري مُستفز


الصورة الرمزية غَسَقْ♡
غَسَقْ♡ غير متواجد حالياً

بيانات اضافيه [ + ]
 رقم العضوية : 4222
 تاريخ التسجيل :  Jul 2017
 العمر : 20
 أخر زيارة : 03-09-2020 (02:35 AM)
 المشاركات : 15,331 [ + ]
 التقييم :  6400
 SMS ~
خليني معاك
لوني المفضل : Black
اضف الشكر / الاعجاب
شكر (اعطاء): 1
شكر (تلقي): 2
اعجاب (اعطاء): 0
اعجاب (تلقي): 3
لايعجبني (اعطاء): 0
لايعجبني (تلقي): 0
افتراضي



أصلا ما حدا بكسرك غير للي بحكو عن حالهم عيلتك


 

رد مع اقتباس
قديم 06-26-2018   #3


الصورة الرمزية نور العيون
نور العيون غير متواجد حالياً

بيانات اضافيه [ + ]
 رقم العضوية : 35
 تاريخ التسجيل :  Mar 2013
 العمر : 23
 أخر زيارة : 06-14-2020 (02:57 PM)
 المشاركات : 29,544 [ + ]
 التقييم :  7478
 الدولهـ
Palestine
 الجنس ~
Female
 SMS ~
نور♥
فاتنةة هي ~
وكأنها خلقت من تراب القمر♥
لوني المفضل : Black
اضف الشكر / الاعجاب
شكر (اعطاء): 2
شكر (تلقي): 6
اعجاب (اعطاء): 14
اعجاب (تلقي): 16
لايعجبني (اعطاء): 0
لايعجبني (تلقي): 0
افتراضي



بدك الصراحة في منو حكيك وكتيير كمان
في كتير بنات بعانو من هيك شغلة
يا بيلاقو حدا يفهمهم ولا يحكيلهم هاي صح وهاي غلط
وبالاخر بتوقع على روسهم وبتسير جاهلة وهبلة وما بتفهم ولا بشي
مشكوور قصي
عجبني موضوعك نقرتين لعرض الصورة في صفحة مستقلة


 

رد مع اقتباس
قديم 06-27-2018   #4


الصورة الرمزية حبيب العمر
حبيب العمر غير متواجد حالياً

بيانات اضافيه [ + ]
 رقم العضوية : 59
 تاريخ التسجيل :  Apr 2013
 أخر زيارة : 08-24-2019 (10:54 PM)
 المشاركات : 159,816 [ + ]
 التقييم :  58665
 الدولهـ
Palestine
 الجنس ~
Male
 SMS ~
وأبتسآمةة منكك ..
تروي القلب أمل وحب ❤
لوني المفضل : Crimson
اضف الشكر / الاعجاب
شكر (اعطاء): 179
شكر (تلقي): 263
اعجاب (اعطاء): 133
اعجاب (تلقي): 662
لايعجبني (اعطاء): 2
لايعجبني (تلقي): 11
افتراضي



بجد مش عارف ارد عليك
لانه الكلام الي شفته موجع جدا
ما بتمنى اشوف اي ام هيك
شكرا قصي


 

رد مع اقتباس
إضافة رد

الكلمات الدلالية (Tags)
لا, أنت, الأم.., بترجاكي, تكوني, هي

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


المواضيع المتشابهه
الموضوع كاتب الموضوع المنتدى مشاركات آخر مشاركة
من تكوني محمودس همس القوافي , النثر و الخواطر 7 10-13-2017 04:28 PM
لمآ تكوني غير.. تُولِيبْ. زوايا عامة 10 03-28-2017 05:31 PM
ردةة فعل الأم المقدسية على كلمة بحبك من قبل ابنآئهاآ في يوم عيد الأم البريئة ! يـوتيوب بنات فلسطين 6 03-23-2015 06:36 AM
من تكوني انتِ عادل الحباب همس القوافي , النثر و الخواطر 3 07-14-2014 02:43 PM


الساعة الآن 11:09 AM


Drag lab

Search Engine Optimization by vBSEO ©2011, Crawlability, Inc.