|
ممكن ارآئكم بصراحه موضوع مهم وحابب نحكي فيه ونشوف وين السبب وكيف الحل بنظركم الكل بعرف اهلنا بقطاع غزه اديش معيشتهم صعبه وهادا الي انفرض عليهم مش لانهم عاطلين عن العمل وللاسف الحصار عليهم من الاخوه قبل الاعداء قبل ما ادخل بموضوعي بدي ادين باشد العبارات سلطه رام الله الفاجره الي ضربت وسحلت وسجنت ونكلت بعشرات الشباب ومنهم اباء شهداء ومعتقلين في مسيره في رام الله امس فقط لانهم بدهم يعبرو عن تضامنهم مع اهل غزه وقطع رواتبهم في هاي الظروف العصيبه موضوعي هو مساعده اهلنا في القطاع بصراحه انا جدا مستاء من مده حبيت اساعد صديق الي من غزه وقسما بالله تمرمرت وتمرمطت عبين ما قدرت ابعت اله كميه بسيطه من الفلوس وعملت تحايل وواسطات وعرضت نفسي للمسائله بشهر رمضان متل كل سنه انا بكون على تواصل مع اشخاص كثيرين عندهم القدره الماديه او بالاحرى عندهم اخراج زكاة المال وحابين يوصلوهم لاي شخص محتاج تفاجئت السنه عاملين منع تجول رسمي ممنوع الوستر يونيون ممنوع التحويل الا لاخ او ابن او اب وبالمووووووووووووووت طيب كيف ربنا بدو ينصرنا واحنا حتى مش قادرين وممنوعين من تقديم المساعده والدعم لاهلنا واخوتنا في القطاع مع العلم هما الوحيدين الي بقاومو الاحتلال نيابه عن شرف الامه الاسلاميه كلها بس هادا الي حبيت احكيه ملاحظه فقط من كم يوم واحد بدو يبعت 200 دولار لاخوه في غزه انشل عرضه وهو من مكان لمكان ومن بنك لبنك واخر شي اتصل على اخوه وحكاله بصوت عالي رح ابعتلك 200 دولار لا تشتري فيهم نووي اشتري دبابه فاهم على قد فراشك مد رجليك اكيد هلا رح يعيد عند خالته ههههههههه |
للاسف من امبارح واحنا متابعين التنكيل يلي صصار بالمظااهرة لمجرد انها عم تطلب انهاء العقوبات لانو فعلاااا وضع اهلنا بغزة عم يوجعناا وعم نحس بشششلل مو قادرين نحكي حتى كلمه حق ما حعلق ع شي الا انو السلطه صفت تربايه اسرائيل وايد من حديد لكل راي حر وكلمه جريئة كانو ع قلندياا وقت المواجهات يسقط الشهيد والجريح والسلطة عم تتفرج ما ضربت رصصاصصة ! وامبارح واو انبسطنالهم طلع في عنا قنابل غاز وزلاااااام بتضضرب الصبايا قبل الششباب شي بخززززي |
حسبي الله و نعم الوكيل بوقت ضرب القنابل على المتظاهرين مبارح كان في مسيرة على شرف محمد عباس ابصر ايش سببها قسما بالله حكومة بتخزي او بمعنى اصح اصلهم يهوووود و الله اشي بقهر و بجلط مستحيل يطلع بإيدنا شي لأهل غزة و السلطة حاكمتنا ي مؤيد لأن جربو اهالي الشهدا بالتظاهر و المطالبة بفك العقوبات عن غزة و شفنا ايش عملو فيهم اللي ماسكين فلسطين اللي هم السلطة قايمين بدور اليهود بكل جدارة و بفرجها ربنا |
اقتباس:
الا التنسيق مع اليهود للاسف واقع مذل انا ما بهمني ولا تنظيم انا بقول الشعب نفسه في غزه بعاني من الضيق ليش ممنوع التحويل باي طريقه كانت لا برحمك ولا بخلي حدا يرحمك عكل حال الهم الله احسن من الجميع |
يعني وضع اهلنا بغزة صعب جدا وبيصعب على الكافر كل هاد الشي السلطة بالضفة سببه وحماس بغزة السبب الثاني والشعب الي بغزة هو الي متحمل النتيجة كل الي بنفدر نقوله الله يزيل فتح وحماس بيوم واحد يعطيك الف عافية يا مؤيد |
اقتباس:
احنا منحكي عن الشعب نفسه المظلوم والله وضعهم ببكي الحجر وفي ناس ما عندها شي تشتري فيه اكل بس اكل لولادهم ربنا رح يسال كل من كان سبب في التضييق على اهلنا في القطاع شكرا انس |
مش عارفة ايش احكي خليه صاحبك يعرف اديش المعاناة اللي بتتسببلك لحتى توصله كمية قليلة من المصاري وبطلوع الروح كأنو اهل غزة ارهابين وبعاقبوهم حتى عالمساعدات حسبي الله عليك يا عباس ويا حكومتك الفاشلة |
اقتباس:
احنا ما بدنا نعمل مظاهره ولا نخل بالامن بدنا نقدر نبعت فلوس لاهلنا في القطاع والله لو لاي دوله مسموح الا لغزه ممنوع ولا باي وسليه حتنى من بنك انت مسجل فيه ونفس الشخص مسجل بنفس البنك ممنوع تبعتله ولا شيكل بسحبوك الوقائي وبحققو معك ويمكن تاكلك اكم كف هههههه |
صراحة انا من عزة فعلا معاناة كبيرة فى قطاع غزة من ناحية مادية بالزات والوضع الاقتصادى فى انهيار وبعد مافرض رئيسنا الى بخجل اذكر اسمو عقوبات زاد الوضع سوءا من ناحية التحويلات فعلا صعب جدا التحويلات وبالعافيه ربنا يفرجها علينا يارب انا مابتهم اى تنظيم بس للاسف رئيسنا بايعنا ع ائرف موئف وحسبي الله ونعم الوكيل لانو اديش الوضع مابينطائ ربي يفرجها علينا باذن الله في ميزان حسناتنا يسلمو كتير ابو كريم النا الله |
روح اسمع تصريحات السلطه الجديده حسبي الله ونعم الوكيل فيهم ع فكره من فتره حولت لصديق بغزه ع الويسترن يونيون من عنا عادي واستلمهم ما بعرف هل المعاناه بس داخل فلسطين والتضييق سببه السلطه |
| الساعة الآن 07:21 PM |
Powered by vBulletin® Version 3.8.7
Copyright ©2000 - 2025, vBulletin Solutions, Inc.
Search Engine Optimization by vBSEO ©2011, Crawlability, Inc.
HêĽм √ 3.1 BY: ! ωαнαм ! © 2010
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.