|
يسود الحزن أرجاء المنتدى .. ياترى ماهو السبب؟! السلام عليكم ورحمة الله وبركاته من خلال تجولي بالمنتدى بين المواضيع وردود الأعضاء لاحظت الحزن يسكن المنتدى ياترى ماهو السبب ؟؟ هل هو حزن يعيشه الأعضاء أم مقتطفات يختارونها ؟؟! أتركـ لكم المساحة لمعرفة آرائكم في هذه التساؤلات دمتم بسعادة لاتفنى~ |
والله نفس الاحساس بس ما حبيت احكي لحد انا كمان لاحظت هالشي والمنتدى مش متل زمان يغني في تغير بس للاسف هالتغير للاسوأ شكرا لانك رح تصحي الجميع |
صحيح المنتدى يكسوه الحزن والكسل في أخر فترة لكن للأسف ما حد فكرة يساعد في تنشيط المنتدى خالص وبعكس من الملاحض أن كل مشاركات قلت وبدل ما ينهض بالمنتدى ساعدة في الكسل يعنيي نحاول نبدأ بنفسنا ونرجع مثل الماضي في النشاط ولو كل واحد عمل هيك مؤكد فترة قليل فقط المنتدى سوف يكون أنشط من قبل كمان وشكرآآ ** |
والله كلامك صح لازم نرجع المنتدى متل ما كان واحسن |
الجميع ملاحظ هل شي بس في اسباب ومنها المدارس ومعظم الاعضاء طلاب مدارس يسلمو على الطرح |
فعلاً صدقتي بس يعني الكل مشغول في الدراسه يمكن لهيك هالاشي وان شالله يرجع مثل قبل واحسن وافضل مشكوره كثير |
امممممم والله هي الحياه صارت برا وجوا نفس الشيء الحزن والهم شاغل الكل التفكير بالدنيا ومطتلباتها بتخلينه ننسى انفسنه |
الاعضاء هما الي بدورهم بيبسطو المنتدى وبدورهم بيحزنو لو اهتميتو بلمنتدى راح يرجع نشيط ومميز ولو انترك راح يحزن بسبب قله النشاط ابدأو بنفسكم مواضيع راقيه مسليه بيرجع تفاعل المنتدى |
اولاً بتشكر كم على مروركم تانيا : لاحظت أنو ماحدا ركز بمغزى السؤال يعني أنا ما سألت ليش المنتدى نايم الأغلب كانت إجاباته تتمحور حول ركود المنتدى هذه الأوقات أنا سألت عن المواضيع والردود الحزينة يلي الفترة هادي سائدة بالمنتدى وحبيت أعرف هل هو حزن يعيشه الأعضاء أم مقتطفات يختارونها ؟؟!! |
انا هيك فهمت .. بس شوفت ردود الاعضاء قولت يمكن انا فهمت غلط جوابي شخصي .. انا بلاقي انه المقطتفات الحزينة اجمل واحلى من غيرها ولهيك بشارك فيها .. مش اكتر يعني ممكن الاغلب مجرد مقتطفات لا اكتر |
انا برأي بردو ع سؤالك التاني بسبب الوضع العام بلبلد الي هي غزه الوضع تعيس لابعد الحدود فأكيد الاعضاء هتكون حزينه ولى انتي مش حزينه؟ |
لا أنا حزينة :( بس الأعضاء حزنهم مبين مو ع البلد وانتا فاهمني أكيد ع العموم نورتوو الموضوع ~ |
عيناك قدري انتي حزينه وانا حزين ونص الاعضاء حزانى الا الصياد مبسوط فخلي المبسوط مبسوط والحزين حزين ومعرفتكم لحالها بتبسط :19: |
أعتفد انو الجميع بلا شكـ حزين ع وضع البلد ولكن هادا ليس موضوعناا الآن وبتمنى يكونو الجميع مبسوطين :) |
بعد الكلمتين الي حكيتيهم ارجعت حزين انا كيف مش موضوعنا انتي بتسألي ليه حزانه احنا وانا رديت |
تأكيد ع كلامك يا ماجيك .. انا كتير مبسوط وغزة عجبني وضعها كتير |
وليش ما يكونوا خزانا الكهرباء بتقطع يومياً بتقطع أكثر ما بتيجي غاز للطهي لا يوجد بنزين وسولار ما في غلاء وبطالة مش بشكل مش طبيعي إنقسام ومستقبل ما يعلم به إلا الله فشئ طبيعي كل هذا ينعكس على كلامك ومشاركاتك وردود واسلوبك حتى المواضيع اللي بتعجبك وبتنقلها كل هذا بينعكس عليها وأيضاً بنت حكاية أمل توفت هذا أثر في الأعضاء |
الحزن بقى موضة وحياتنا كلها بجميع مراحلها حزن وملل وضجر واحباط وقليل قوي منها سعادة للأسف تحسي ان الردود بتدل على شرود صاحبها يمكن الظروف الاجتماعية اللي بنعيشها بتأثر على نفسياتنا النفس البشرية معقدة جدًا أقل شيء يسعدها وأقل شيء يحزنها بس للأسف الحالة النفسية مش بس بتخلي الإنسان حزين ومحبط لأ بتأثر كمان على صحته وبتحسي عنده خمول وملل من كل شيء ربنا يفرجها ان شاء الله على الجميع ويفك كربنا جميعًا امتناني |
بردوو وجهات نظر سليمة بس يعني أنا ملاحزة أنو الحزن يلي موجود كلوو عن العلاقات العاطفية ولاشو رأيكم؟ |
عيناك قدري .. كلامك صحيح اغلب مقتطفاتهم بتكون عاطفية .. انا شخصية باسختدمهم هذه العبارات لانها جمالية اكتر مش لاني شعوري هيك .. بالعكس مرتاح معنويا وعاطفيا بس الاشياء الحزينة بتجذب دايما اكتر من الاشياء التانية |
امم كلامك صحيح بس هادا كلو لانو نص الاعضاء شكلهم مراهقين جدد فبحبو الحزن متلنا لما كنا مرراهقين جدد كنا نسمع مصطفى كامل صح؟ |
عيناكـ قدري كل شيء بيسيطر على نفسياتنا وسبب في احباطنا اغلبه مش ملكنا ولو ايدينا تطوله يمكن نقتله او على الأقل نكسره ونبعد شره عننا فمابالك بقلوبنا اللي هي بين ضلوعنا ومش قادرين نلمسها او نتحكم فيها ده في حد ذاته مؤلم يمكن الحب هو النافذة الوحيدة لكتير مننا ... يمكن الحلم الجميل اللي كلنا بنتمناه وبنرسمه بخيالنا مش بيكون بنفس روعته عند تحقيقه ده لو يعني اتحقق فلازم تلاقي حالات كتير مكسورة ومجروحة وفاقدة الأمل وفيه اللي عنده خيبة رجاء في اللي بيحبه ربنا يرزقنا حب الله ويمكنه من قلوبنا هو أفضل وأروع حب على الإطلاق على الأقل مش هيوجع قلوبنا بالعكس هيريحها ويشعرها بالطمأنينة والسكينة |
انا بشوف انو المنتدى حزين لانو الروتين بيولد ملل و هالشي بيولد كابة و احنا بناخد الكابة من هون و بنحطها هون لهيك الكل نازل حزن بحزن زمان كان المنتدى للتسلية و الاستفادة و قليل لما يكون للحزن بايدنا بنقدر نرجعو روش او حزين مجرد كسر للروتين و بس |
حزين ! يمكن انا بس لاحظت اقبال ملحوظ على قسم الاخبار وحوار البعض نوعا ما مبتذل ومشاركات البعض استفزازية لدرجة اوقات اشعر بالضجر من بعض التعليقات واسحب حالى واطلع من المنتدى انا شايفة هذا سبب يجب تسليط الضوء عليه اشكرك نور ارق تحياتى |
مممممممممم هل كآن حبآ معه حق ف اللي قآله ومممم و كمآن عشان بنت حكآية أمل لما مآتت أثرت زي ما حكي :( و كمآن الموشكلة لما حدا يكون زعلان ف المنتدى الكل بروح يزعل زيه ,, بدل ما يوآسيه و يفرحه و يرجعه لطبيعته و كمآن كل وآحد عنده ظرووف خآصة أكيد بتخليه يحزن كده يلا ان شالله برجع زي اول هـ المنتدى ,, يسلموو |
| الساعة الآن 03:37 AM |
Powered by vBulletin® Version 3.8.7
Copyright ©2000 - 2025, vBulletin Solutions, Inc.
Search Engine Optimization by vBSEO ©2011, Crawlability, Inc.
HêĽм √ 3.1 BY: ! ωαнαм ! © 2010
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.