| !~ آخـر مواضيع المنتدى ~! |
| |
| إضغط علي
او
 لمشاركة اصدقائك! |
| |||||||
نزلوا القهوة تحت 😁 ~
قال شو ؟ بيقولو البنات القصيرات قوايا قال !! طب جربتي تكوني قصيرة ، وتكوني خاطبه ، وتروحي زياره ع بيت خطيبك يوم جمعة عالغدا ، وبعد الغدا حماتك
| | LinkBack | أدوات الموضوع | انواع عرض الموضوع |
|
#1
05-25-2018
| ||||||||||||||
| ||||||||||||||
نزلوا القهوة تحت 😁 ~ قال شو ؟ بيقولو البنات القصيرات قوايا قال !! طب جربتي تكوني قصيرة ، وتكوني خاطبه ، وتروحي زياره ع بيت خطيبك يوم جمعة عالغدا ، وبعد الغدا حماتك تقول : يلا بدنا نجرب القهوه اللي بتعملها أمل !! امل تقول من عيوني عمتي ، بس انتي دليني وين القهوه والسكر ، تقولها حماتها القهوه بالخزانه اللي فوق الغاز ، وتقوم امل ، تفوت ع ام المطبخ تكتشف انو المطبخ كاينين مصممينو الفراعنه ، يعني اذا بدها توصل للخزانه اللي فوق الغاز ، لازم تكون بطلة الجمهورية بالوثب والقفز العالي! تصفن امل بهالخزانه ، وتقول يا عمي معلش خليني هسا احط هالغلاي عالغاز بعدين بفكر كيف بدي اوصل للقمة ، تحط هـ البكرج عالغاز وتقول يا الله! ترجع تصفن بهالخزانه ، وتقول يا الله انا ليش بصير معي هيك؟! انا ليش طالعه لخوالي ، يا الله ليش ليش؟! والمشكله بدهاش تقعد تنط ، اولا بلاش يسمعو صوت النطة ، ثانيا حتى لو نطّت ، طرف اصبع ايدها رح يلمس طرف إيد الخزانه من تحت ، هاد في حال ارتفاع نطتها كان زي ارتقاء راموس لركنية! صفنت بالمطبخ ، على حظها فش كرسي ، فش اي وسيلة مساعده تقدر تستعملها ، ولا حتى اتصال بصديق ، البكرج ع حظها ( فار ) على حظها كل اشي صار يمشي بسرعة ! قالت مليش الا انادي ع خطيبي فادي بالعقل ، من بعيد بلكي فتحلي هالخزانه ، تفرجت من طرف الباب باتجاه الصالون ، فادي ع حظها صافن بالشاشه بتفرج ع برنامج كنوز مدفونه ع ناشونال جيوغرافيك ، وامو واختو قاعدين ! هي بس شافت امو واختو ، قالت وحياة راس ابوي انها مؤامره ، اصلا طول عمرها بحطو القهوه تحت الارض ، بس انا متاكده قبل مآجي غيرو مكان القهوه ونفوها بأعالي الجبال المطبخيه! طبعا هي لو بتنط من شباك المطبخ ، مستحيل تستعين بأخت خطيبها وفاء ، لانها اصلا مش طايقيتها ، وفش كيميا بيناتهم من زمان! امل لمحت تنكة زيت قلي مرمية بزاوية المطبخ ، قالت بسسس ! اجا الفرج ، الحمدلله رب العالمين ، اخيرا برج الحمل زبطلي اموري ، راحت مسكت تنكة الزيت ، على حظها طلعت جديده ، وزنها اقل اشي ٢٠٠ كيلو ! حاولت تزيحها ، ما انزاحت معها ، ولا حتى تزحزحت ، لو في نملة تحتها ما تأثرت! رنت ع امها قالتلها يما سؤال : انا ليش قصيرة؟! امها قالتلها ولك بكفي غمازاتك ! قالتلها يما انو شو استفدت من غمازاتي بهيك موقف يما! دخلت حماتها عالمطبخ ! شو صار معك يا عمتي؟ عمتي ( مش لائية الئهوه ☺️ ) يا عمتي يا حبيبتي منا قلتلك هيو بنفس الوقت اخت خطيبها نادت ع حماتها! قبل م حماتها تمشي بدها تطولو من الخزانه! راحت تشوف بنتها وقالت لأمل ، هيو يا عمتي بالخزانه هديك ، واشرت ب ايدها عالخزانه اللي فوق، وراحت! امل بتقول بعقلها : لا عمتي بعرضك تروحيش ، تعالي بعرض خواتك ضلي معي ضلي! يا عمتي منا عارفه انو فوق ، والله عارفه ، انا هاي مشكلتي ، بس يا عمتي ليش نافينو فوق؟! ليش القهوه فوق؟! ليش ليش؟! لهالدرجة غاليه؟! ليش مقدرين القهوه تقدير العسل؟! ليش عاملين قيمة للقهوه كأنها سنسال ذهب حلبي؟! ليش حاطين الصنوبر تحت والقهوه فوق ، طب مهو كيلو الصنوبر بمبلغ وقدره!! ليش فوق ليش؟! طب انا شو عملتلكم؟ انا بشو اذيتكم؟! انتو ليش بتكرهوني؟! بديش اتجوز ، بديش ياكم ، بكرهكم ، بكرهكم كلكم ! بالاخر امل قالت خليني ابعت مسج لخطيبي : فادي اسمع تعال بالعقل طول القهوه من الخزانه اللي فوق لاني مش قادره اوصلها ، وبديش عمتي تشوف!! فادي فتح المسج وفقع ضحك ، وجاب امو واختو معو ، دخلو على امل بضحكو ! امل هيها صارلها اسبوع طافيه موبايلها ، بحطولها الاكل تحت باب غرفتها ، بترجعو زي مهو ! وبدهاش تحكي مع حدا خلص هيك هي حره! #فش_امل #نزلو_القهوه_تحت #عمر_زوربا المصدر: منتديات بنات فلسطين - من قسم: النكت والطرائف k.g,h hgri,m jpj 😁 Z fdj ,wgkh   |
| الكلمات الدلالية (Tags) |
| 😁, القهوة, بيت, وصلنا |
| أدوات الموضوع | |
| انواع عرض الموضوع | |
العرض الشجري
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| قررب ع الزآكي 😁 | ميمآآ | װ..مطبخ بنات فلسطين]●ะ< | 4 | 06-25-2017 07:57 PM |
| القهوة أفضل علاج لصداع علاج صداع الإرهاق بشرب القهوة | وجع الروح | صِحِتِكـَ تِهُمٍنٍآ | 14 | 08-18-2016 09:32 PM |
| لما وصلنا الي هنا ؟؟ | رفيقة ٱلقمر | حصريـات بـنات فلٍسطين | 5 | 02-04-2015 06:07 PM |
| طريقة تنظيف الة القهوة- نصائح لتنظيف الة القهوة- كيف تنظفين الة صنع القهوة | ناثرة الورد | װ..مطبخ بنات فلسطين]●ะ< | 5 | 03-27-2014 10:20 AM |
| ملف شامل عن القهوة أنواع القهوة كل المعلومات عن القهوة | وجع الروح | װ..مطبخ بنات فلسطين]●ะ< | 4 | 10-08-2013 09:18 AM |
الساعة الآن 09:35 PM
