عزيزتي الحماة العربية-.-

#1 04-03-2018

عزيزتي الحماه االعربية:
تحية طيبة اما بعد :

خذيلك نظرة عميقة ع الصورة اللي بهذا البوست،شوفيهم تمااااام وخذيلك جلسة طويلة مع ترمس شاي او قهوة

ركزتي بصورة الشب امنيح و ركزتي بصورة البنت؟!

طيب خليني احكيلك من هذولا:

الشب هو الأمير هاري، ابن الأميرة ديانا و حفيد الملكة إليزابيث ملكة بريطانيا، يعني مش بس ابن عز لا.هو ابن سلالة نبيلة من نبلاء وملوك وأمراء.. وخليني احكيلك عن البنت ، هي ميغان ماركل خطيبة الأمير هاري، خليني اقولك مواصفاتها:
١. هي أكبر من الأمير بثلاث سنين.

٢. بتشتغل ممثلة

٣. و هي مش بس سمراء❤️، هي من عرق خليط أبوها أبيض و امها افريقية اميركية.

٤. اما الصفة الرابعة من مواصفات ميغان (جهزي نفسك للصدمة) هي مطلقة.

ركزتي تمام بمواصفات العروس المستقبلية للأمير؟!!!

احب اقولك أنه الأمير قاتل نفسه على ميغان، و شايفها و مش مصدق ومجنون فيها، و هو أمير و شاب ودارس وضابط وثروته بالمليارات ومع ذلك اختار هذي البنت اللي هي أكبر منه ومطلقةالان نيجي للجد:

قارنيلي مواصفات ابنك بهذا الأمير!

يعني مهما كانت مواصفات ابنك ما بيكون بربع ربع مواصفات هذا الأمير و حضرتك تدخلي البيوت و تتصدري و تحطي رجل على رجل و تنزلي تكسر مجاديف و تكسير خواطر بنات الناس، هذه كبيرة، و هذه قصيرة، و هذه سمرا، و هذه ثقيلة دم، و هذه ما لها بهجة، وكأنك رايحة تشتري ثريا ١٠ آلاف شمعة، و هذه ما عجبني بيت أهلها، و هذه جدها التاسع عشر كان جزار او حلاق الخ ...وهذه ضيافتهم مش تمام، و هذه كانت مخطوبة و فسخت.

و هذا غيض من فيض من العلل اللي تطلعيها عشان تكسري خاطر البنات و ما ترضي تخطبيها لابنك ابو راس مثلث كأنه سمبوسة رمضان.

إرجعي شوفي صورة الأمير هاري وشوفي صورة ميغان و تذكري مواصفات ابنك و اتقي الله بالبنات وكفاية تكسير خواطر بنات الناس ..

■
منقول

المصدر: منتديات بنات فلسطين - من قسم: زوايا عامة

u.d.jd hgplhm hguvfdm->- hg[ghf

04-03-2018

ههههههههههه
والله فعلا بدها هيك واكتر
الناس بره الهم مقاييس خاصه فيهم
للجمال والزواج
مش متل عنا مقياس
المال والجمال
اشكرك ايلول
حبيت الموضوع

04-03-2018

صح كلامك

عنا اهم شي البرستيج والجمال وهدولا الاشياءات
حلوة وعيلتها معهم مصاري وابصر شو

عنجد الاجانب تفوقو علينا بهالشغلة

يروحو يشوفوهم بس وياخدو الشي الحلو منهم

04-03-2018

هههههههههههه عنجدددد حكي ع الوجع

كل ام ششايفه ابنها عنتر زماانو

وعم تدور ع مواصصفات خيالية

كتيرررررر عجبني الحكي

يسسلمو غلاتي م ننحرم

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
الحماة والكنة ....لعبة الانتقام	الملاك البريئ	الـטּـِقآشآتُ الجَّآدة والـפـوَآر..!	12	03-29-2018 05:54 AM
الحماة والكنة ...قصة لا تنتهي	الملاك البريئ	الـטּـِقآشآتُ الجَّآدة والـפـوَآر..!	12	01-08-2016 03:29 PM
صور: بحيرة الدموع السويسرية تسحر زوارها بلونها الأزرق الخلاب	رفيقة ٱلقمر	رحله حول العالم - ẢЬ๑űţ ţћè w๑я	6	04-05-2015 05:48 PM
عزيزتي الفتاة	Miss.. N	النكت والطرائف	11	12-01-2013 08:20 AM

عزيزتي الحماة العربية-.-

= 500) this.width = 500; return false;" /> عزيزتي الحماه االعربية: تحية طيبة اما بعد : خذيلك نظرة عميقة ع الصورة اللي بهذا البوست،شوفيهم تمااااام وخذيلك جلسة طويلة مع