| !~ آخـر مواضيع المنتدى ~! |
| |
| إضغط علي
او
 لمشاركة اصدقائك! |
| |||||||
مين عندوو اخ اهبل متل يونسس 😂😂
منقووووول بس حششت ضحك عليها اقرأوها 😂😂😂😂 " في احد ايام رمضان المبارك كنت مفطرة لعذر شرعي.. أهلي تسحرو وراح كل واحد منهم لمرقده .. هم راحوا لغرفهم من هون
| | LinkBack | أدوات الموضوع | انواع عرض الموضوع |
|
#1
04-02-2018
| |||||||||||||
| |||||||||||||
مين عندوو اخ اهبل متل يونسس 😂😂 منقووووول بس حششت ضحك عليها اقرأوها 😂😂😂😂 " في احد ايام رمضان المبارك كنت مفطرة لعذر شرعي.. أهلي تسحرو وراح كل واحد منهم لمرقده .. هم راحوا لغرفهم من هون ..وانا انطلقت للمطبخ من هون أخذت كيس شيبس كبير وكاسة عصير وطلعت لغرفة التلفزيون وبينما أنا في خضم البلع واللهط والفجع .. وبحضر مسلسل كوميدي كنت اتابعه وداخلة جو الضحك والسعادة انفتح الباب ولقيت وجه بتفرج علي هيك o.O ويطلع أخوي " يونس " -طالب في المرحلة الاعدادية - كان يونس في أشد الدهشة والانبهار والتعجب وفكرته رح يموت بسكته قلبية يونس : انتي ماصمتي !!!!!!! أنا وبايدي كاسة عصير مليانة ثلج وكيس شبس قد وجه أخوي يونس : ليش أنت صايم ؟؟ يونس : ياكلبة ..جد بتسألي هالسؤال؟ أنا بكل ثقة : والله انت سألتني هالسؤال أول. الولد لسا مصدوم 😮 مم شفت الولد ماعنده نية يفهم ,استوعبت انه يا إما كاين غايب في درس فقه الصوم للمرأة ..يا إما مدرسهم استحى ولغى الدرس. المهم قلت في نفسي والله لو يموت مارح احكيله هيك حكي . مش لهالدرجة انا فري ووقحة : اسمع رح أقولك سر بس بذمتك ماحدا يعرف، لا امي ولا ابوي ولاحدا ,أوعدني انك تحفظ سري هذا لغاية ما أموت..لو متت احكي لاهلي عادي. أجى ركض جنبي وقال والله مابقول لحدا ..اقسم بآيات الله وبالقران والكعبة ويارب اموت لو قلت لحد < خرجت هذه الكلمات من أخي يونس بحماس مشبع بالبزقات المتناثرة التي لامست وجهي 😕 - بصراحة !! أنا مسيحية 😞 = لاوالله 😕 قولي اقسم بالله انا مسيحية!! - انا مسيحية وما بقدر أحلف لان ديني غير دينكم بس رح أقولك القصة يمكن تخفف استغرابك شوي وتقدر تتفهمني و تحتويني وتحضني القصة ومافيها .. أنه انا لما كنت صغيرة أهلي ماكانوا مهتمين فيي زيك , كانو يتركوني عند التلفزيون ويروحو يتمشو ويطشو .. مانتا عارف انا اول طفل الهم وامي وابوي كانوا لسا صغار وطايشين وطفرانين وانا حسوني دخيلة بينهم .. انا مش عارفة ليش جابوني بسرعة اذا هم مابدهم اياني فجأة شفت دموع بتخنق يونس ذو القلب الكبير وهو يتابع بصمت وفضول وغباء وقال طيب ليش بتلبسي حجاب؟ !! مع انك مش زينا !! رديت بنفس النبرة الكسيرة : انا مسيحية من ورا اهلي .. مابقدر ابينلهم اني مسيحية لانه رح يقتلوني. ورجع من جديد بسؤال أذكى قليلا من السابق : طيب ماعلموك المدرسة عن الاسلام ؟!!! اي واحد بسمع عن الاسلام بسلم بسرعة!! ليش انتي ما اسلمتي؟ قلتله : لا كنت أنام في الحصص عشان ما يأثر فيي الكلام .. وبالامتحانات كنت أغش وكملت قصتي .. فلما كبرت وجيت أنت ..حبوك أمي وابوي من كل قلبهم وخافو من أني انتبه لهالحب أو احسدك عليه فقام أبوي بدو يلهيني بشكل أكبر .. جابلي انترنت وقالي هذا الك اما هذا النا "مشيرا بأصبعه إليك " وخذوك معاهم ورحتوا تتمشو وتركتوني بالبيت 😞 المهم صرت أحس انه في سر لازم أعرفه وصرت أدور في هالنت و انتشر هنا وهناك واتبعثر واتبخر واتكور لغاية لما أخذتني رياح الأقدار الى امرأة تدعى الأم تيريزا. وقلت لها قصتي واحتوتني واعطتني الحنان الي حرموني منه اهلي الي بكرهوني وبحبوك انت بعدها صرت أحبها واسميها ماما ..ومع الوقت علمتني المسيحية وقالت اعتنقيها يابنتي واعتنقتها وأهلي مابعرفو يونس بلّم وصابه انفصام وهو في حيرة ونفسه يجاوب بس مش عارف شو يقول .. خاصة انه حس انه هو السبب وتعاطف معاي ,, صمت لبرهة وبرهات وفجأة قال: طيب مابتفكري تسلمي ؟ لا بخبي عليكم..أجتني ضحكة كبيرة بس بلعتها لدرجه انه دموعي نزلت وعملت حالي ببكي, قلت له بصوت مخنوق : بصراحة ما بعرف شي عن الاسلام .. مابعرف غير امي تيريزا. بعدها قلتله انا رايحة انام .. تعبت من كثر البكاء .. أنا قمت وهو لسا قاعد بتفرج ومصدوم اجى ثاني يوم ..وفجأة سمعت شي يخرخش تحت باب غرفتي ..خفت فكرته فار ..قمت بشوف مالقيت الا كتيب ديني بدخل من تحت الباب عنوانه Islam وفتحت الباب بسرعة أشوف من اللي حاطه , الا واسمع صوت باب غرفة يونس يتسكر ضحكت ضحكة هزت الغرفة ، خلص مش قادرة استحمل , هالولد تحفة لازم يحنطوه بمتحف اللوفر قد ماهو غبي. طيب بما انك حابب تدعوني للدين الاسلام ليش جايب كتاب دعوة بالانجليزي , شايفني الشغالة الفلبينية تبعتكم ,هو شكله من كثر ذكائه مفكر اني لما صرت مسيحية بطلت افهم عربي المهم بعد باكمن يوم انا نسيت موضوع الكذبة .. وكان خلص راح العذر الي عندي .. فتوضيت ولبست اواعي الصلاة وبصلي بغرفتي .. صدفت انه يونس مر من قدام غرفتي وشافني بصلي وانا ساجدة سمعت صوت خطواته جاية ركض علي .. قعدت للتشهد .. ولا يونس باس راسي وهو ببكي وبحكي بصوت واطي الحمدلله الحمدلله. أنا خلص بفطس من الضحك , بالموت كملت التشهد وسلمت ,الا وياخذني بالاحضان يونس صاحب القلب الكبير - الحمدالله أسلمتي ,الحمدالله أسلمتي , ودموعه تتقاطر على كتفي - وانا قعدت ابكي جد والله مابعرف انا ببكي عشان اعيش الدور ولا دموعه هي الي بكتني . ويمر أبوي قدام هالمشهد التراجيدي وينهبل - الله يهبلكم انتو الجوز .. شو صاير بتعيطو وبتحضنو بعض ويونس من هول سعادته صار يصرخ : بنتك أسلمت أسلمت .. الله اكبر ولله الحمد سخطني ابوي يومها وقتلني قتلة بتوزع ع بلد 😀 وكتاب الدعوة تبع اخوي لهسا عندي مبروز وحاطاه بالغرفة .. كل ما يزعلني اخوي بهدده فيه .. افضحه انه كان اهبل وصدق كذباتي ..أو يجي يعتذر 😛 المصدر: منتديات بنات فلسطين - من قسم: النكت والطرائف ldk uk],, ho hifg ljg d,kss 😂😂 leg l]k hd  |
| الكلمات الدلالية (Tags) |
| 😂😂, مثل, مدن, اي, اهبل, يونسس, عندوو |
| أدوات الموضوع | |
| انواع عرض الموضوع | |
العرض الشجري
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| عصبي وبدو يصارح وحدة بحبها '😂😂 | سَلامْ ♡. | النكت والطرائف | 11 | 03-28-2018 08:11 PM |
| عملت مقلب ب اختي ... وصاحباتي... تعو شوفو ردة فعلهم 😂😂😂😂 | رانيا | النكت والطرائف | 3 | 11-09-2017 03:40 PM |
| وحدة بتسأل طفل هل انا سمينة شوفو شو رد عليها ههههههههه 😂😂 | آنثى الغرام | النكت والطرائف | 14 | 05-25-2016 05:33 AM |
| ابليس يحلف انه مافكر فيها ولا جت على باله…*😂😂 | آنثى الغرام | النكت والطرائف | 17 | 05-18-2016 10:59 PM |
| عنا حتى الورقة بالعرض ما بيزبط 😂😂😂 | ملك روحي | النكت والطرائف | 13 | 03-20-2016 10:30 PM |
الساعة الآن 07:24 PM
