|
موضوع خطير جداً أسعد الله أوقاتكم بكل خير موضوع اليوم خطير للغاية ومٌثير للإهتمام لا أخفي عليكم أن معظم أصدقائي من المتزوجين عندما أخرج معهم للعب الشدة او مشاهدة مباراة كرة قدم او للفسحة نجلس معا ونتبادل الحديث والنكات وبعد وقت تبدأ الاتصالات وتهل المكالمات معظم المكالمات تكون من الزوجات اكاد لا اصدق ردة فعل اصدقائي عندما تتصل به زوجته وعلامات الغضب والضيق التي تظهر على وجهه احدهم يتذمر ويقول انتي ما زهقتي مني كمان لحقاني عالطلعة واخر يقول اكيد بدها طلب او شغلة من السوبر ماركت واخر يقول ازهقتك وطفرتك كمان ملاحقاني على المشوار وبالأمس وانا في طريق عودتي للبيت ركبت مع سائق وجدته يحدث نفسه ويضرب بكفيه على رأسه اعتقدت ان مصيبة حدثت له سألته ما بك يا رجل قال لي تخرطبت بالحسبة مع زبون وراحو السبعة شيكل علي نص اجرة يوم راحت علي وبدأت ملامح الغضب على وجهه قلت له لك ابناء وزوجة قال لي نعم قلت له هم بخير قال لي بخير قلته له ولماذا كل هذا الضيق الامر بسيط وربنا حيعوضك عوض خير عندك ابناء وزوجة وربنا منعم عليك ما في داعي لتكون بهادا الحال ودعوت له بان يديم له زوجته وابناءه فقال لي لا تدعي لزوجتي بالبقاء الله ياخدها وارتاح منها ابدأ معكم بالموضوع الآن انا الحظ على المتزوجين بعد الزواج ومرور السنين يموت الاهتمام ويقل الحب وتبدأ المعارك بين الزوجين وكلاهما لا يطيق الأخر خاصة الرجال السؤال لماذا يقل إهتمام الرجل بزوجته ونتخفض مستويات الحب بعد الزواج عند الرجال ؟؟ السؤال الأخر لماذا معظم الرجال يري كل النساء جميلات الا زوجته ؟؟ |
لماذا يقلل اهتمام الرجل بزوجته بعد الزواج..الاسباب كثيرة منها مزاجية الرجل .. والكثير من الرجال لا يتغيرون في التعامل مع زوجاتهم والبعض الاخر يتغير لانه في الاصل لم يكن اهتماما انما تادية واجب تجاه خطيبته او زوجته.. من يحب بصدق لل يتغير لا بزواج ولا باي شيء لان المراة ترى اهتنام الرجل بها حب وبطبيعة المراة عاطفية من الدرجة الاولى كلمة تفرحها وكلمة تعكر مزاجها .. ههههه لماذا يرى الرجال كل النساء جميلات الا زوجته .. لانو الرجال اغلبهم بطبعهم يتميزون بميلهم للنساء وبحبهم للمراة الجميلة ولانو بالعامية عيونهم م بمليها الا التراب وانا ئريبا 6سنوات متزوجة عمرو مازوجى ادايئ ازا رنيت بالعكس ازا مارنيت هو الى ببيبادر ولكن بطبيعتى لمااعرف انو زوجى طالع طشه مع اصدقاوه مابرن بكتفى بالمسجات وهو كذالك هاد النوع من الرجال طبيعتهم بيملو بسرعه مابيهتموا بالزوجة عيونهم خائنة دوما والى بيحب زوجتو بيشوفها اجمل النساء والكلام هاد لا يطابق ع الجميع نقاش مهم يسعدك قصي هاد الى طلع معى |
اقتباس:
بداية ارحب بك وأثنى على رائيك وأتفق معك فيما تحدثتي وأستطيع القول الآن ان التناغم والتجانس والتفاهم بين الأزواج كفيل ببناء علاقة متينة لا تضعفها اي رياح عاتية وبغيابه تحدث المعارك وتنتهي العلاقات وتصاب بالشلل التام راق لي رائيك ريتال وسعيد بتواجدك هنا الجوري لقلبك |
اخ قصي كلامك مزبوط فيه رجال كتير مثل هيك .. افسرلك ,, الرجال الا يدايق من زوجته لما ترن عليه هذا مو رجال ولا بهمه زوجته ولا اولاده وحرام اصلا يتزوج ويخلف ما دام هوا مو قد المسؤولية .. نظرية تانية ممكن كمان يكون الغلط من الزوجة انها تكون عارفة انو زوجها طالع مع اصحابو وتروح تدايقو وترن عليه بس هيك جكارة فيه وفي اصحابه وحصل كتير مع ناس بعرفهم ,, لذلك ايضا الزوجة غلطانة وهي بدمر بنفسها ,,. وبالنسبة للرجال الذين يرون كل الفتيات جميلات الا زوجته هذا لا يوجد به ثقة وهوا شجع بالبنات ولا يستحق الحب ولا الاحترام الرجل ان احب زوجته سيراها اجمل فتاة بكل العالم حتى لو لم تكن جميلة القلب يتحدث عن الجمال والحب ,, وانا راجل متزوج لما اكون سهران مع صحابي زوجتي لا ترن عليا الا اذا كان هناك شئ لا سمح الله ,, لان هذا هوا التفاهم والترابط والعلاقة الحقيقية بالحب والحياة ولمن يريد الحياة والحب فهو من يملكه وبنفسه يجعل كامل حياته شريكته او شريكه كل الحياة ,, على ما اعتقد فهمتني اخ قصي ههه يعطيك العافية يا ورد |
علشان إنتم هيكآآ لما الواحد فيكم بياخد الشغلة بين إيديه بتبطل حلوة بين عينيه ! |
سبحان الله كل منطقة و الها تغكير و عقول مختلفة عنا بالخليل اجمالاً مش بس زوجي بنبسط بس مرتو تتصل عليه انا بحكي على زوجي تقريباً 6 مرات باليوم و ازا كان بمشوار او سهرة مع اصحابو كل ساعة برن عليه لأن بنظر الكل ' انو الزوجة مهتمة بزوجها و كل شوي بتتصل و بتطمن عليه ' فهو بتباهى او بشوف حالو بإتصالاتي .. بالنسبة للإهتمام هو مش بقل لكن التعبير عنو بقل لأن الرجل بعد الزواج بصير عليه مسؤوليات كبيرةة و براسو مليون شغلة ليفكر فيها و الدليل على هالشي شفير التكسي هو صح مرتو و ولادو بخير بس يوميتو راحت و هاي بنظرو مصيبة لأن عليه فواتير كهربا و مي و انترنت و اقساط مدارس و ممكن جامعات و ديون الله يكون بعون الناس على مشاغلهم و تفكيرهم و مسؤولياتهم و هالشي كلو بقلل من تعبير اهتمام الرجل بزوجتو و العكس كمان .. نقطة كمان بالنسبة لأن الرجل بشوف كل البنات احلى من مرتو هو الصحيح انو الرجل بشوف كل البنات حلوين بس مركن انو مرتو عندو و دايمآ كل ممنوع مرغوب صدقني لو ينفصل عن مرتو ليشوفها احلى و احسن بنت بالعالم اجمالاً الإنسان بطلب الشي اللي مش عندو و بتمنى لو يحصل عليه و هاد دليل على انو فش عندو قناعة تحياتي لك |
انا اتركني اخر واحد للرد وللنقاش يا قصي موضوعك مهم والنقاش فيه مهم لكن خليني اخر.واحد بدي استفرد فيه تحياتي |
قيصاوي شو هاي والله متت ضحككك مش عارفة ركز هلء راجعتلك بالإجابة ههههههههههه ههههههههههه |
يعطيكك الف عافية قصي للطرح ححكي طبعا من وجهة نظري واتخيل ششو ممكن الاسسباب لاني لاحظت من اجابه ريتال والبريئة ومن خلال تجربتهم انو ملاحظتك مش بمحلها ولكن ححكي باسسلوب منطقي بدايه اي ششي بالكون اكيد احلى فعلاقة الحب والخطبه واول العلاقه بالزواج طبعا اجمل لكن مع الوقت وزيادة المسسؤؤليات وزيادة الطلبااات والضغط الاقتصصادي من جهة والاجتماعي كمان من جهة اخرى ممكن هالششي يقلل الاهتمام وبيزيد التقصصير طبعا من الطرفين فالزوجة كمان ممكن مع هالضضغط تقصر بنفسسها من ناحيه ششكل واهتمام بلبسها وششعرها وتفاصصيل تخصصها وتركيزها بنصصب بششغل البيت والولاد وووووو والرجل طبيعي يكون عندو ردة فعل انو كمان يهملهاا ويتذمر منهاا ويششوف غيرها احلى بتمنى اكون واقعيه ولو ششوي ههههه يسلمو مرة تانيه للادراج قصصي تحياتي |
كتير من المتزوجات يشتكون من تغير معامله ازواجهم خاصه بعد انجاب الاولاد او التهاء الرجل بعمل خاص بغيب عن البيت فتره او خروج الرجل للسهر مع صحابه اعتقد كل هالكلام صحيح بنظر الزوجه لانها لا تعلم ان الزوج لا يتغير ابدا الا اذا كره زوجته ولكن الذي يتغير هو الاحداث او فروقات لحياه اولا على الرجل ان يهتم بزوجته دائما ويعطيها كل الحقوق من الحب والرعايه والانفاق والامن والامان وان تهتم الزوجه بنفسها ولا تنشغل عنه كثيرا خاصه بعد انجاب اول ولد فهو الميزان الذي يقيس به الرجل نمط اهتمامها هل توازن بين الابن والزوج ام تعطي كل اهتمامها لابنها بصراحه الحكايه معقده ضروري جدا ان يعطي الرجل والمراه المساحه الكافيه وبعض الحريه لكليهما هي بين المسؤوليه والبيت والولد وبين الزوج وهو بين العمل والانشغال والصحبه وبين الزوجه واهم شي يكون في تفاهم وتناغم وانسجام تام في كل نواحي الحياه ولكلٍ له دور وفي النهايه الادوار كلها تصب في مصلحه البيت والاستقرار انا جاوبت بناء على حياتي الخاصه لانه ما عندي صحاب مقاهي ولاخروج بدون زوجتي وابني وكل اوقات فراغي بقضيها في داخل البيت شكر قصي هي اعطيتك فكره قبل تتزوج وتاكل تأبيده هههههههههههه |
لماذا يقل إهتمام الرجل بزوجته ونتخفض مستويات الحب بعد الزواج عند الرجال ؟؟ مَنِ وِجِهِةّ نِظّري أَّّسبِأّبِ عٌدِيِّدِةّ وِأّلَأَّّسبِأّبِ مَوِزِّعٌةّ عٌ أّلَأّشٍخَأّصٌ ګلَ حٌَّسبِ عٌقِلَيِّتّهِ وِتّفِّګيِّرهِ وِأّخَلَأّقِهِ مَشٍ هِهِحٌګيِّ ظّروِفِّ وِمَشٍأّګلَ لَأّنِهِ ګلَ شٍخَصٌ عٌنِدِوِ ظّروِفِّ وِمَشٍأّګلَ أّلَرجِلَ لَأّزِّمَ يِّګوِنِ عٌنِدِوِ قِنِأّعٌهِ وِأّګتّفِّأّء وِلَأّزِّمَ يِّګوِنِ شٍخَصٌ مََّسؤوِلَ .. وِيِّګوِنِ شٍخَصٌ وِأّعٌيِّ وِنِأّضّجِ فِّګريِّأّ .. بِأّلَنَِّسبِةّ لَحٌبِهِ وِأّهِتّمَأّمَهِ لَوِ قِلَوِ فِّمَمَګنِ بِګوِنِ شٍخَصٌ خَيِّأّلَهِ وِأَّّسعٌ وِشٍخَصٌ غٌيِّر وِأّقِعٌيِّ وِصٌدِمَ بِأّلَحٌيِّأّةّ أّلَزِّوِجِيِّةّ فِّبِقِلَ تّدِرريِّجِيِّ أّلَحٌبِ وِأّلَأّهِتّمَأّمَ عٌنِدِوِ وِمَمَګنِ يِّګوِنِ مَنِ أّلَزِّوِجِةّ تّګوِنِ نِګدِيِّةّ أّوِ مََّستّبِدِةّ أّوِ ثّرثّأّرةّ وِمَشٍ مَهِتّمَةّ بِحٌأّلَهِأّ أّبِدِأّ لَګنِ أّلَزِّوِجِ أّلَشٍتّوِر بِعٌأّلَجِ ګلَ هِأّلَأّشٍيِّأّ مَشٍ يِّفِّلَ وتّصٌبِحٌ أّلَعٌلَأّقِةّ فِّيِّهِأّ فِّتّوِر وِوِممَګنِ يِّګوِنِ شٍخَصٌ غٌيِّر مََّسؤوِلَ وِيِّهِربِ مَنِ زِّوِجِتّهِ وِبِتّرتّبِ عٌلَيِّهِ قِلَةّ أّلَحٌبِ وِأّلَأّهِتّمَأّمَ وِمَمَګنِ يِّګوِنِ شٍخَصٌ غٌيِّر َّسوِيِّ وِمَشٍ نِأّضّجِ فِّګريِّأّ أّلَمَمَګنِأّتّ ګثّر وِمَأّذّګرتّهِ عٌ َّسبِيِّلَ أّلَحٌصٌربِأّلَنِهِأّيِّةّ أّلَزِّوِجِ أّلعٌأّقِلَ مَبِوِصٌلَ لَهِيِّګ شٍيِّ لَأّنِهِ أّلَزِّوِأّجِ أّګبِر مَنِ ګلَمَةّ حٌبِ وِأّهِتّمَأّمَ وِلَوِ صٌلَحٌ أّلَزِّوِأّجِ أّجِأّ بِعٌدِوِ ګلَشٍيِّ مَنِ أّلَمََّسمَيِّأّتّ أّلَنِبِيِّلَةّ السؤال الأخر لماذا معظم الرجال يري كل النساء جميلات الا زوجته ؟؟ مَشٍ ګلَ أّلَرجِأّلَ وِأّحٌدِ وِأّلَرجِلَ أّلَتّمَأّمَ يِّريِّ زِّوِجِتّهِ َّستّ أّلَنَِّسأّء عٌوِأّفِّيّ |
بسم الله انا قرءت الموضوع من أوله وشفت اغلبية الردود شوف ما رح اعمل حالي فيلسوف واحكيلك كلام على زمان الصحابه ومن السنة النبويه الشريفه رح اجيلك من عدة محاور ومن المجتمع عطول الحياة الزوجيه عالم بيخص طرفين ذكر وانثى وكل واحد الو مهمه ومسؤليه أتكفل فيها من بداية العلاقه وهاي المسؤليه رح تزداد مع حضور اول طفل بينهم والمعروف عنا ما بين بداية العلاقه وحضور الطفل سنه بالكثير في هاي السنه بالذات كلا الطفرين اتكون بينهم الاهتمام الكبير والحب والرومنسيه وغيرو من هاي الشغلا هلا بعد حضور اول طفل أشي اكيد ومتوقع يخ اهتمام الزوجه وكل الاهتمام رح يروح للطفل ويمكن بعض الاعضاء بأكد كلامي فالرجل بطبيعة بهيك شغله رح يحكم عواطفه مش علقه ورح يصير يقول ما في اهتمام ولا حب ولا اشي وبيخلق لنفسه عذر للنظر لبرا بالوقت الي زوجته عم اتجاهد مع هالطفل من جميع النواحي ومعها كامل العذر طبعا لانو شايفين وعارفين انه الطفل بياخد جهد بكل شي والعكس ايضا صحيح مو سهل انقول نفتح بيت في ظل هالايام الي احنا شايفينها والرجل قاعد بركض ليل مع أنهار ليأمن حياة كريمه لبيته اذا رح نحكي انه كلا الطرفين بعد او سنه زواج رح يخف كل شي بينهم هلا رح اجي من ناحية انه ما في طفل وقل الاهتمام والحب والرومنسيخ الخ من المعروف انه فترة الخطوبه هيه فترة اكتشاف للطرفين لكن هالنظره غلط لانه هالفترة ما رح يبين غير الوجه الجميل الي مليان حب ورومنسيه هلا بعد الزواج رح يبين كل شي على حقيقته واخص الاهتمام لانه نصف العلاقه الاهتمام وكل جانب من هالجوانب بيكون مرتبط بشي واحد وهو الاسلوب او التعامل سواء حب او اهتمام او رومنسيه او او او كل شي من هدول بيحتضنه شي اسمو التعامل بالله وين الحب ولما انا اجي احكي مع زوجتي بدفاشه او اعاملها كأنها جاريه عندي واقول واله في حب وين الرومنسيه لما اكون رجل غير مهتم بمظهري داخليا وخارجيا ولا مبالي الخ اذا بنرجع وبنقول كلو حسب التعامل والاسلوبه تبعك مع زوجتك والعكس لهيك بنلقى العديد من الحوادث او المشاكل الزوجيه بيكون سببها التعامل بين الطرفين وقولك انه الاهتامم بيجي من الحب انا معك لكن شو الفايده لما يكون في حب واهتمام واسلوبي او تعاملي مع زوجتي بيكون كلو دفاشه او في بعض الاحيان تجريح او في بعض الاحيان تحميل جمايل اي بدها تكره الارض الي بتخبط عليها والعكس طبعا بالنسبه لسؤالك الاخيرة ليش بيشوف كل النساء احلى رح اجاوبك عليه بكلمتين لما أخذها لحمه يرميها عظمه يعني طيب مهو أخذها بكامل جمالها بالفتره هاي تعبت وشفت وانهلكت وتركت نفسها لخدمتك وخدمت بيتك وولادك وبالاخر انقول بشوف كل النساء احلى منها مع احترامي لرجل هاد جاحد وناكر ليش ابوي بيتغزل بأمي بسن عمرو وصل 60 سنه وهيه 55 سنه بتعرف ليش لانو ابوي محترم تعب امي بطول هالسنين لانه كان الشاهد الاول على تعبها معنا وعلى بيتو اي واحد بمنطق هاد المجال الي انا بشوفه استحقار مع الاسف بيكون عندو نقص نظر من جوا ومن برا بعد ما استهلكن كل طاقتها الانثى لحياة الرجل بيروح الرجل وبشوف كل النساء احلى ولو كانت نظرة حرام فعلا لانه الحرام سهل ولو كان حلال ما أظن يكون رجل على قد حالو ويروح يأخذ بالحلال وهي النقطه الي حكتها @ملك روحي فالزوجة كمان ممكن مع هالضضغط تقصر بنفسسها من ناحيه ششكل واهتمام بلبسها وششعرها وتفاصصيل تخصصها وتركيزها بنصصب بششغل البيت والولاد وووووو نفس الي بحكيه ليش ما بيقدر ؟ لانها مسؤليه فوق راسو لهون خلصت في كثير كلام لكن هيني براقب التعليقات وبرجع |
|
اول شي مشكور ع الموضوع قصي بس قبل م جاوب انا بردو بيصير معي هلمواقف بس انا شخصياً بستحقر الراجل الي بيحكي ع مرتو قدام حدا غريب حتى لو معاه حق السؤال لماذا يقل إهتمام الرجل بزوجته ونتخفض مستويات الحب بعد الزواج عند الرجال ؟؟ لانوو بيصير بلنسبه لالو مشاكل الحياه ولقمه العيش وطلعاتو ونزلاتو اهم بكتير من مرتو وبردو في نسوان بتخنق وبضلها مراقبه الاحداث وم بتعطي جوزها مجال للتنفس بس هو الاكتر انو الراجل لما بيصير عندو ولاد وبيصير روتين الحياه الزوجيه بيحن لايام الشباب والعزوبيه هيك رأيي السؤال الأخر لماذا معظم الرجال يري كل النساء جميلات الا زوجته ؟؟ لانوو بيكون راجل دني وقليل حيله يعني م بيملى عينو الا الرمل نسي انو حفي وراها وورى اهلها عشان يقبلو بشكلو وبيصير يطلع ع بنات الناس ولو حدا اطلع ع مرتو بيصير ابو النخوه |
لي عودة للرد على جميع الاراء هنا طاب لي حواركم ارق التحيات |
اقتباس:
لازم الواحد يكون صادق مع نفسو ويحكي الصح بس لا اكثر ولا اقل |
اقتباس:
صحيح كلامك اهم شي الصدق |
طيب بدي احكيلك عني بصراحة بغض النظر عن رايك او راي الاعضاء انا زوجي ما بحب اتصل فيه صراحة ومرات بغيب بالايام بطبيعة شغلو ولما احسو انو تدايق ببطل ارن من مرة وبشوف ازا هو رح يتصل او لا للاسف ما بشوف حتى ردة فعل الا ازا بدو يسال عن شي مش قصة اطمئنان عن البي بس انا بحب يتصل يطمن علينا ويسال عن اخبارنا بس هالشي ما بصير تندي لهيك انا يأست وبطلت اتصل |
طبعا موضوع خطير قصي ومن حق الزوجه تتصل دام الازواج طاشين باستمرارا وتارك الزوجه والدار لو مهتم الرجل بالبيت بالزوجه يا بيطلع معها يا مشاويره وطلعاته محدوده لازم تكون |
اقتباس:
|
| الساعة الآن 10:48 AM |
Powered by vBulletin® Version 3.8.7
Copyright ©2000 - 2025, vBulletin Solutions, Inc.
Search Engine Optimization by vBSEO ©2011, Crawlability, Inc.
HêĽм √ 3.1 BY: ! ωαнαм ! © 2010
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.