موضوع خطير

اخي قصي
عاده التسول موجوده بكل انحاء العالم
حتى في الدول المتقدمه
او الغنيه حتى في السعوديه مثلا
يعني الي راح عمره وشاف
اديش في بنات صغار بتسولو عالطرقات
بعرف انها صارت عاده او موضه او رزق سريع


هلا في عصابات موجوده ببعض المدن
مثل نابلس والقدس ورام الله
بتجيب المتسولين وبتحط كل وحده منهم بزاويه محدده الها
لو كان معا طفل بكون افضل
واخر النهار بدور باخدهم وحده وحده وبعطيهم اجرتهم
وباخد الباقي
هادا كلام موثوق
وفي طرق تانيه كتل واحد معه ورقه الله اعلم منين خاتمها
وبقول زوجتي او ابني معه مرض خطير وبده عمليه
بتكلف كذا وكذا ساعدوني
خاصه باب المساجد يوم الجمعه
بالنسبه للبنت الي حكيت عنها
انا ما بصدق بنت الها اهل وعائله محترمه
ولو كانت فقيره
تسمح لبنتها تلف بالشوارع تتسول
اخي الحبيب
الفقراء بكل شارع ومكان ومدينه معروفين بالاسم
وفي ناس بتعطيهم المساعدات لباب بيتهم
لكن التسول وطرقه الملتويه
صارت كسب سريع ووفير
لا الومك لانك ساعدت البنت
انت عملت صح لانه ضميرك صاحي
هلا العلاج
انه يتم لو في دوله صح
بتلم كل هدول المتسولين
وبتعمل دراسه حقيقيه عن كل واحد فيهم
والي بده مساعده بساعدوه
والي بستغل العالم بتم حبسه
هلا صدقني عاده التسول
ما الها اي علاقه بالحكم او الغنى او الفقر
اعتقد انها مهنه لكن غير شريفه


سامحني للاطاله