|
بدون زعل صبايا ^ ^ أسعد الله أوقاتكم بكل حب وخير ومساؤكم عابق بالأماني والأحلام اليوم موضوعنا مختلف عما سبق ويحمل الفكاهة نوعا ما لكنه موضوع مهم ومٌثير وأرغب بسماع ارائكم فيه الجميع يعلم أن معظم الدراسات التي تحصل في العالم حواء تمتلك فيها الجز الأكبر فلا يٌخفى على أحد منكم أهمية هذا الكائن الغامض في حياتنا وأصبح من المعلوم لدى الجميع أن أي مشكلة بالعالم لو بحثنا عن جزورها لوحجدنا خلفها حواء دراسة اليوم تقول أن النساء يعشن بلا تخطيط وبلا هدف.. بعكس الرجل الذي دائماً مايكون له تخطيط واهداف . فلو نظرنا لأغنية: ماما زمنها جاية سنجدها أكبر دليل على أن بعض النساء لا يحترمن مواعيدهن، لماذا ؟ لأنها جاية بعد شوية، أي بدون تحديد موعد أو وقت محدد للحضور ، بالإضافة إلى أنها .. جايبة لعب وحاجات.. وكعادتها دائما تذهب إلى السوق بدون هدف ولكن فقط لتحضر أي حاجات.. على الجانب الآخر نجد أغنية: بابا جاي امتي؟ جاي الساعة 6.. راكب وللا ماشي.. راكب بسكيلته!!! فهنا نجد الوقت محدد وموعد الوصول وحتى وسيلة المواصلات. هل حقاً النسائ يعيشن بلا تخطيط أو أهداف وهل حواء لا تلتزم بالمواعيد والإلتزامات وهل الرجل أكثر إلتزام من حواء ؟ هذه دعوة للحوار الراقي أتمنى أن استمتع لارائكم جميعاً بعيداً عن التعصب والتجيز لأي جنس دعونا نرتقي بحوارنا ونتناقش بكل صدر رحب ومحبة محبكم / قصي |
سلام ✋ اممم ، بشكل عام من ست لست بيختلف الموقف او الفكرة ، بعض الستات ما فيها تعيش الا بمواعيد وانظباط وكل شي الو وقتو ، بس البعض الاخر رح تلاقيهم عايشين ع التواكيل زي ما بيقولو ، يعني ما بتفرق كيف ما تيجي تيجي :) هاي وجهة نظري (∩＿∩) يعطيك العافية :) |
انا بقول حسب وضعيه كل منهما لو كانت الام او الاب يخرجو للعمل ومتعلمين ومثقفين بكون عندهم انضباط اكتر اما المراه البسيطه الطيبه الي ماخده الامور ببساطه بتكون حياتها بريئه وعالماشي وما بتحسب حساب لكل شي انا بعتبر هاي المراه الحقيقيه لانه المراه المنظمه المرتبه بتتعامل بعكس طبيعتها الرجال معروف عنهم التخطيط والانضباط بحكم شغلهم ومواعيدهم الهامه خاصه لو كانو في مؤسسه او جيش او سلك تعليم بتعودو الدقه في المواعيد لكن لكل قاعده شواذ من الطرفين اشكرك قصي |
هههههههههههههه و ربي ضحكت من قلبي اوك رح اقرأ اراء الأعضاء معك قصي :12: و ازا عندي تعقيب رح اشاركك |
]أسعد الله أوقاتكم بكل حب وخير ياسيدي الله يسعد كل أوقات الصبايا . ومساؤكم عابق بالأماني والأحلام هو ضل اماني واحلام من وراكم . اليوم موضوعنا مختلف عما سبق ويحمل الفكاهة نوعا ما لكنه موضوع مهم ومٌثير وأرغب بسماع ارائكم فيه الجميع يعلم أن معظم الدراسات التي تحصل في العالم حواء تمتلك فيها الجز الأكبر فلا يٌخفى على أحد منكم أهمية هذا الكائن الغامض في حياتنا ايوة بتمتلك الجزء الأكبر لأهميتها الكبيرة وعظمتها . وبلاها كلمة كائن غامض ؛ احكي حواء أو الجنس اللطيف . ياريت يعني . وأصبح من المعلوم لدى الجميع أن أي مشكلة بالعالم لو بحثنا عن جزورها لوحجدنا خلفها حواء اوبس مش كإنك زودتهها شوي ! أي مشكلة ؟ وااال تعا نتأكد من هالمعلومة ع الصعيد السياسي والإنساني مين ورا مجازر سوريا ؟ ططب ليبيا .. ياعمي اليمن ؟ طب العرراق بلاش هدوول سياسات أغلب الدول الزفتة ؟ مين ؟ مو شايفة اي أنثى وراها ؟ ع الصعيد الاجتماعي اي مشكلة سببها نسوان اعرف انو السبب الرئيسي رجل . ! ليش ؟ لانو لو كان الو شخصية وكلمة ماكان صار في مشاكل . ف ياريت تراجع حالك -.- دراسة اليوم تقول أن النساء يعشن بلا تخطيط وبلا هدف.. بعكس الرجل الذي دائماً مايكون له تخطيط واهداف . ههههه كل هالدراسات حكي فاضي ! لان الواقع مش هيك . البنت من وقت هي صغيرة بتخطط شو بدها تصير بس تكبر وبتسعى ل هالشي . ودائما حياتها منظمة عكس الشب . ف دائما اي بيت بيخلو من أنثى بيعتبر بيت بلا روح .. مهمل من كل النواحي . والرجل الأغلبية يعني للأسف اتكالي ! :3 . فلو نظرنا لأغنية: ماما زمنها جاية سنجدها أكبر دليل على أن بعض النساء لا يحترمن مواعيدهن، لماذا ؟ لأنها جاية بعد شوية، اه جاية بعد شوية ؟ ليش مستعجل ع جيتها بدها تشم شوية هوا .. هلكتوها . أي بدون تحديد موعد أو وقت محدد للحضور ، بالإضافة إلى أنها .. جايبة لعب وحاجات.. وكعادتها دائما تذهب إلى السوق بدون هدف ولكن فقط لتحضر أي حاجات.. ههههه بتروح السوق لحتى تجيب نواقص البيت يلي انت بتتعب وقتها تجيبها .. الحق عليها والله انها فكرت تطلع وتريحك -.- على الجانب الآخر نجد أغنية: بابا جاي امتي؟ جاي الساعة 6.. راكب وللا ماشي.. راكب بسكيلته!!! فهنا نجد الوقت محدد وموعد الوصول وحتى وسيلة المواصلات. الساعه 6 ؟ وينو كل النهار ؟ صايع ! بيجي يأكل وبينام ! وين الهدف بالموضوع وين ؟! هل حقاً النسائ يعيشن بلا تخطيط أو أهداف وهل حواء لا تلتزم بالمواعيد والإلتزامات وهل الرجل أكثر إلتزام من حواء ؟ خلص جاوبت فوق . هذه دعوة للحوار الراقي أتمنى أن استمتع لارائكم جميعاً بعيداً عن التعصب والتجيز لأي جنس هو ضل فيها حوار راقي بعد حكيك! دعونا نرتقي بحوارنا ونتناقش بكل صدر رحب ومحبة الموضوع يلي وراه انت المفروض مابكون بصدر رحب ! يكون في ساطور ورشاش دائما انت بتعمل هجوم شرس ضد الجنس الرقيق! بتمنى اعرف السبب الحقيقي وراء هذا الهجوم ؟ بس اكيد حواء وراء هالشي لأنك حكيت أن أي مشكلة بالعالم بتكون هي السبب ! فاكيد هي .. لو م بتقدر تحكي هون ياريت تبعت خاص . وجد والله كنت بتمنى كتر بالحكي بس طالعه للمول لأن عندي هدف ومخططة هالشي من امبارح -.- الشرير/ قصي والغريب انو موجود بقسم النقاشات الجادة ! |
وتعمدت ضيف هيك مشاركتي ! لتتغلب بالقراءة :3 ما أنت فاضي . :/ وبتشكر كل صبية رح ترد ع موضوعك . وبتعطي من وقتها الثمين لترد جد من أعماق قلبي بتشكرهاا |
اقتباس:
اممم بداية سرني تواجدك هنا وأتفق مع وجهة نظرك وانا هنا لا أٌعمم على الجميع ولكني أتحدث عن شريحة ليست بالقليلة انا على قناعة تامة ان هناك الكثير من حواء لا يشغلها شيء في الحياة أكثر من الأكل والطبيخ وأخريات نجدهم مهتمين بالتسوق والأسواق وشراء كل ما هو جديد وأخريات مهتمين بعالم الموضة والأزياء والإكسسوارات ولا ننسى تلك الشريحة الكبيرة المهتمة بالمسلسلات التركية وأبطالهم الوسام ^ ^ |
اقتباس:
أكيد يا جبيب أن لكل قاعدة شواذ بس احنا متفقين أن الرجال أكثر إنضباط وأكثر تخطيط وأكثر تجهيز وأكثر إعداد بالمقابل نجد الكثير من حواء لا يشغلها سوى الطبيخ ومشاهدة الحلقة 99 من المسلسل التركي العشق الممنوع ^ ^ انرت يا صديقي واسعدني تواجدك |
اقتباس:
ضحكتك تعني أنك على قناعة لا بأس بها بما اشارت اليه الدراسة ^ ^ ويبدو انك تعرفين ذلك ومطلعة على احوال الكثيرين من حواء وتعرفين مسبقاً ان معظم حواء يعشن بلا تخطيط ولا تجهيز وهناك شريحة كبيرة منهم يجدون المتعة واللذة والعظمة في تناول سيرة الأخرين متل أم محمود جابت ولد وتخانقت مع جوزها على الاسم وسموه يزيد وتهازي خطبت وفسخت خطوبتها ومحاسن يختي طلعت بتحب جارها سعيد وهيك شغلات وهيك قصص ما بتخلص عند حواء ^ ^ |
اقتباس:
انتي يا غنية بالذات حرد عليكي بس أحضر القهوة لاعرف جاوبك منيح شكله الحكي والحوار حيكون بينا كتير لطيف :1: |
اقتباس:
اكيد رح يكون في إطار اللطافة لاني الطف حدا ممكن تقابلو -.- |
شايف ماخدين الموضوع بجديه يلا خلينا نشوف اللطافه في النقاش منتظر رد قصي ههههههه |
هل حقاً النساء يعيشن بلا تخطيط أو أهداف آبدآ آغلب النسسآء مكآفحآت ومثآبرآت ومجتهدآت آكتر مِن الرجل .. وهل حواء لا تلتزم بالمواعيد والإلتزاماتومفي دَآعي آجبلكك شَوآهد وآثرثر بَطلع لآلهآ تدلل ههههه ^^ مٌو كل حوآءء حوآآء في المهملةة وفي الوآعيةة وهل الرجل أكثر إلتزام من حواء ؟الرجآل قوآمون علي النسساء .. وبحكم آنه المسؤوول ورب آسرة فَ ممكن يكون آكتر التزآم ولكل قآعدة شَوآذ غَوآفيي |
اقتباس:
كيفوو قصي ' المشكلة اني هالفترة بشارك من الجوال لأن امير و ابوه خربو البيت بغيابي و خربو قطع الإنترنت و كسرو جهاز الكمبيوتر لاحظ امير و ابوه ' جنس ادم ما علينا .. المهم صراحة انا فعلاً ضحكت لأنك حكمت على حوا و غلّبت حالك و نزلت هالموضوع الكبير بعد سماعك لأغاني اطفال !! قصي انا تشتت و ما عرفت بأي نقطة اتناقش معك او افتح حوار هو بغموض حوا و لا انها سبب المشاكل بهالحياة ولا انها عايشة الحياة بدون تخطيط او انها تحط اهداف لحياتها و لا الفوضى و عدم الإلتزام بالمواعيد و لا نزلة السوق و الوقت و الإشيا اللي بتشتريها و لا على تجمعاتهم و الحكي على بعض او بمعنى اخر النميمة .؟ و لا عن براءة ادم و التزامو و انضباطو و حياتو المنظمة و المثالية .؟ مش ملاحظ انك عامل هجوم ضد حوا بهالموضوع تحت مسمى الفكاهة ههههه طيب انت ملاحظ كمية الحب اللي بتحسو تجاه حوا .؟ لأن اللي بحب شي بضل يحكي عنو او اللي بحب حد بحاول يستفزو حتى يخلق جو اكشن هههههه انا حبيت الموضوع جداً و برضو ضحكني من قلبي برغم اني حسيتو بخوف هههههه اختار قصي اي نقطة نتناقش فيها و لو بدك بنحكي فيهم كلهم لأن فعلاً انا مطلعة على احوال كتير اشخاص او مريت بمواقف و صار عندي نظرة للحياة على فكرة انا ما بنكر انو انا معك بنسبة 10% بسس |
اقتباس:
على أي حال اتمنى الا تٌزعج الحقيقة أحد وأتمنى ان نتخلى عن سياسة الإنحياز والتعصب والتشنج في الاراء انا لا أقلل من قيمة المراة ولا يمكني تجاهل أهميتها وتحدثت كثيراً عن المرأة وعن فضلها ومكانتها لكن هذا لا يعني ان اقوم بطرح ما يٌثير التساؤلات او نقدها في أمور ما وصفات ما |
اقتباس:
وانا تعمدت رد عليكي بشكل منظم ومرتب وما كتبتلك رد بالمقلوب وتعبتك وانتي بتقريه لاعطيكي إنطباع اديشه ادم لطيف وكريم وزوق وما بقابل اي شيء إلا برحابة صدر وسعة قلب وبسمة وحب وانا بتشكر كل بنت تركت المسلسل الفلاني وتركت الواتس اب والفيس والجروبات وشاركت هون واعطتنا من وقتها الثمين والغالي ولو بعض الوقت :1: ويا ريت في مجال احكي عن أوقات المرأة الثمينة انا بالأمس اختي عملتلي اشارة لبوست كتباه "بتعجنو الخبز ولا بتشتروه جاهز" والمثير بالأمر انه تعليقات البنات وصلت لفوق الألف لأنه الموضوع مهم وبناقش قضية كبيرة وعظيمة جداً ووعرفت وقتها اديش اوقات البنت ثمينة وغالية وما فيها تضيعها باي شيء فارغ او تافه |
اقتباس:
اممممممم يبدو ان الموضوع حل كاللعنة على البعض يا صديقي هم لا يريدوا اي نقد ولا يروقهم اي لحظة صراحة يريدوا ان يغمضو أعينهم ويستمعو لكلمات الغزل والحب والمديح :1: وبالمناسبة حواء تبقى هكذا تعشق الدلال والحب والغزل والإهتمام وتكره ان يصارحها احد بأي عيب سيكون مصيرك القذف واللعن ومش بعيد يحكو عنك داعش وانك ارهابي وسفاح ويبلغوا عليك الأمريكان :) |
اقتباس:
بدايةً أهلاً بكِ ملكة أسعدني تواجدك هنا ونقاشك الراقي بحكم انك فتاة والفتاة بطبيعتها الفطرية تحكمها العاطفة لذلك ارى من الطبيعي ان تقولي ذلك وان تميلي لجنسك وتقفي في صفهم وانا بالمناسبة ما عندي اي اشكالية في ذلك واتفق معك ان هناك نساء أكثر تضحية واكثر صبر واكثر قدرة على التحمل من الرجل بل ان هناك نساء ذافوا الويل والحرمان وتحملوا ما لا يٌطاق بسبب أزواجهم وقلة مسؤلياتهم تجاههم هناك نساء تعمل وتضحي بكل غالي ونفيث لاجل لقمة العيش ولأجل ان تٌعين ابنائها وتجلب لهم قوت عيشهم لا يمكنني ان اغفل مثل هذه الأمور وأوجه كل التحية لهولاء النساء ولا املك لهم سوى الدعاء والتقدير والحب |
( وما في مسا للشباب ؟ هادا التحييز والتعصب بحد ذاته وهاي ميزة سلبية في حواء انا بقول يسعد أوقات كل الشباب المكافحة والمثابرة والمرابطة على الثغر وحامية عرين الوطن الشباب الي بتشتغل وبتكد وبتتعب وبتتعذب مشان يوفرو لقمة العيش ويعيشو اهلهم وزوجاتهم حياة كريمة وبالنهاية بطلعة سوق لحواء بتروح الفلوس وبضيع شقى الشاب بدون رحمة او شفقة او هوان ) التحيز والتعصب ميزة سلبية بكلا الجنسين . لا تخص حواء فيها ازا ممكن . ويسعد أوقات كل شب بقدر المرأة ويعرف قيمتها . بيتعب كرمال يخدم بيته وأهله . ويكرمهم . والله ازا في هيك نوعية من الصبايا فبتكون قليلة جدا ف مافيك تعمم عالكل . ( هو بصراحة حواء قبلنا ما بتطلب من الدنيا شيء وما بكون حلمها الا راجل وبعد ما يجي الراجل بتطلب كل شيء ) هههه المفروض مابتطلب شي ابدا .. ناسي ومتجاهل انها انسانة بتشتهي وبتتمنى ! ازا مادللت مرتك مين رح يدللها ! انسانة تركت بيت أهلها ووافقت تعيش معك كل العمر ما بحق لها تتطلب! لعاد لشو انت عم تشتغل ! خلص اترك وظيفتك وهي بتشتغل وبتلبي طلباتها .. وانت ضلك بالبيت ! مابتوقع رح تطلب شي ابدا . ( انا بالفعل راجعت حالي ووجدت الأتي لا أحد يستطيع أن يٌنكر مكانة حواء وقيمة حواء لا يوجد لدي أدنى شك في ذلك لكن هذا لا يمنع أنها سبب في الكثير من الكوارث والمشاكل التي تحدث في هذا الكون بحكم أنها كائن ضعيف ومتردد ويعشق النكد ومتغير الحال كالطقس والمناخ بل يا اختي لكِ ان تتصوري لو رجعتي للمقولات التاريخية وقرئتي كتب التاريخ ستجدي المرأة في المقولات التاريخية تقف وراء كل حدث خطير.. بل قيل بانها وراء اندلاع الحروب فكيف لا تكون وراء اندلاع المشكلات الأسرية والعائلية ) حلوة اول جملة .. نجي للي بعدو . الكثير من الكوارث ! يالطيف والله مابتكون كارثة إلا بسبب رجل ما قدر قيمتها . وليش لنفتح صفحات التاريخ .. خلينا ف اليوم فالواقع المريع يلي بنعيشه . اعترف -.- ( عن اي تخطيط تتحدثين الفتاة منذ الصغر أكثر أحلامها عروسة أو لعبة او بكلة فهي بريئة بالفطرة وتعشق الأشياء البسيطة كالشوكلاتة والشيبسي حواء يا أختي الكريمة أرائها يغلب عليها الطابع العاطفي ما يجعلها نوعاً من تجانب الصواب وهذا ينجم عنه سوء فهم قد يسهم في نشوء بعض المشاكل بجانب أن تركيبتها الشخصية التي تتسم بالهشاشة والقابلية للاختراق تجعلها سريعة التأثر بمن حولها خاصة من بنات جنسها وغالباً ما يكون هذا التاثر سلبياً ويدخلها في مازق عديدة. ) هيك ربي خلقها . ظروفها متغيرة وطبيعي تتغير مع هالظروف ! . ( بالراحة يختي عليها وباقل من راحتها كمان بس عند الجلي او الكنيس او ترتيب البيت ما تعمل حالها مرضانة وتقعد تقول يا رأسي يا رجلي يا ظهري يمامي انا تعبانة يمامي انا ما فيني قوم من السرير وعند الأكل بتقول وين معلقتي الكبيرة ) كل النساء هيك ؟ لا تعمم ياعمي .. انت مبين شايف حالة وخلص مفكر كلهن هيك ! هههههه ي الله كيف بفكر هالإنسان .. خلاص المفروض مابتاكل ابدا ولا تشتكي .. بتشتغل عطول بدون اي راحه . ليش ل ترتاح اصلا . ( يبدو انك لم تقرأي لي كثيراً إعترفت كثيراً في مواضيع مختلفة وعديدة عن عشقي لهذا الكائن الغامض والغريب وعن امتناني للرب لخلق هذا الكائن الجميل في حياتنا حواء أمي وأختي وصديقتي وحبيبتي وزوجتي فكيف لا أحبها ولا أعشقها ولا أكون متيم بها بس شو نعمل فيها ما بتحب تسمع اي نقد ولا بتحب نبرز فيها اي عيب بتحب الدلع والدلال والغزل والحب وما بستهويها اي نقد وما في اي سبب ولا اي هجوم انا نقلت دراسة واضفت عليها بعض الجمل من باب الدعابة لا أكثر ولا اقل وهيني بعتلك هون ليش ما اقدر اناقشك هون انا بالمناسبة بحب أتناقش على الملأ وامام الجمهور حتى يستمتعوا بالحوار ويشاركونا كمان وما عندي اي مشكلة لأتناقش هون الجو على الرسائل الخاصة بكون بارد وهون مشرق ودافئ ) شفت بعض ردودك .. متناقضة للأسف ، مرة بترفعها لسابع سما ومرة بتنسف كل تاريخها وأنها فقط بتنام وبتحضر مسلسل وبتاكل وبترجع تنام . وتطلع للمول ونميمية ومابعرف شو ! فعلا بتحب الحكي الحلو .. بس مارح ينقص منك شي لو انتقدتها بأسلوب راقي ! هههه من باب الدعابة ! ومنزلو بالنقاشات الجادة ! لو بقسم تاني كان ما اهتميت بالرد . |
اقتباس:
وبتمنى تركز ع النقاط السلبية ب آدم ونعالجها ماشي . اترك حواء بحالها . انا رح انتقدهم وبهدلهم بس انت ضلك مركز ع آدم عندهم سلبيات كتيرة ما عم تخلص ف شو رايك تعمل قهوة وتروق ونفتح اشي بسيط من سلبياتكم ونتناقش سوا ! بس بتعرف م بتوقع رح نطلع بشي حل لأن هيك آدم مابحب يتنازل ويعترف انو غلطان .. هو دائما ع حق ! ف خلينا نركز ع آدم . الله يرضى عليك ركز ع سلبياته . حلو مشاكلكم بتنحل مشاكلنا . بلشو بحالكم بالاول . ول . |
وقتي ثمين جدا ف ماعندي وقت اغير لون الخط . شو فيها تغلب شوي كرمال حواء :p مو نحنا هيك بس نغلب ! |
اقتباس:
بس مستغربة أن في ناس هيك بتفكر هيك بتشوف البنت! بحزن عليها والله لانو بكون تعيس بحياته كلها ازا شايفها هيك! صعب تعيش حواء معو ازا ماخد هالنظرة عنها! رح تتعب معو ياعمي لاتمدح لاتتغزل .. بس لاتنتقد هيك ! شو بدي بالحكي الحلو ازا انت مو شايف اني عم اعمل شي بحياتك ! إني اصحى واعملك أكل وبرتب البيت وبجلي وبنظف واغسل اواعيك . مفكر هالشغلات سهله ؟ كل يوم نفس الروتين ! مابحق لالها تاخد راحه تطلع تشتري لالها شغله تشم هوا ياعمي ! حتى بأيام اجازتك هي بتشتغل . مابتشوف انها بتستاهل ! نصيحه ازا ماغيرت نظرتك هاي . اوعك ترتبط -.- |
اقتباس:
انا مع اي حوار هادف وبناء سواء كان يخص أدم ام حواء بعيداً عن التعصب والتشنج في الأراء |
حلو موضوعك قصي بس انت اي ساعه بتيجي سته ولا تسعه عنحد موضوع شيق وانيق |
اقتباس:
بس كمان لا تضيع أوقاتها على الإنترنت والتلفاز والمسلسلات تقرأ وتكتب وتمارس اي هواية عايزاها وتنمى قدراتها وتتثقف وتوسع آفاقها كمان وكمان وبخصوص اني اركز على أدم انا بالعادة بركز على كل شيء وكثيراً ما تناولت أدم بمواضيع أكثر قسوة وأكثر نقد بس أدم كونه لطيف وجميل وبتقبل اي نقد ما كان في اي هجوم ولا كان في اي تجريح من جانبه ما عندي مشكلة في هيك شيء بس رجاءاً بلاش موضوع ادم ما بتنازل لأنه فعلاً ما بتنازل لانه تنازل وضحى وما عاد في شيء ينتازل عنه وهادا كله لأجل أرضاء غرور حواء وكسب محبتها ولأجل ان يحظى بالسلام وينئ بنفسه من شرها ومخططاتها :1: |
انا معك قصي احنا في مركب واحد واحنا مساكين ومظلومين والئط باكل عشانا نطالب ونناشد وندعو المساواه مع المرأه الشريره :77::77: |
اقتباس:
|
اقتباس:
|
رح أنهي مشاركتي بهالرد . حكيت أن المرأة اليوم أكثر تطلبا والحاح . ليش برأيك ! بيرجع للوقت يلي بنعيشو هلإ! متطلبات الحياة حاليآ مش متل ئبل .. كل يوم بتتغير وبسرعه رهيبة ! فطبيعي هي تتأثر ! وانا مابحط كل الحق ع الرجل .. ولا بهاجم ولا منفعله ولا شي بس استغربت من حكيك انها بلا تخطيط وهدف! وانا معك ان في فئة من حواء حياتها نوم واكل بس الحمدلله قليلة جدا .. وهدول للأسف حياتهم جدا بائسة ! وسبحان الله ربنا خلقنا مختلفين .. صعب تلاقي تشابه بالاهتمامات .. كل بنت حسب مقدرتها بالعطاء. ( ويبدو انك جئتي الينا من كوكب أخر لا يرى تضيحات أدم في الحياة وكل ما يراه هو ان حوءا مظلومة ومضهدة وحقوقها مسلوبة بل هي مغلوب على امرها في الكثير من الأمور فهي تجلي وتغسل وتنظف وترتب وتطهي الأكل وكأن واجباتها تقتصر على ذلك فحسب وكانهها تقوم باشياء عظيمة وامور خارقة للعادة ) هلإ المرأة وقت تخلق بيئة نظيفة واكل مفيد وجو مريح بالبيت مابكون هالشي عظيم بنظرك! بس احكيلي شو بدك اكتر كمان ؟ بس حابة اعرف شو لازم تعمل كمان وانتبه انا بحكي عن ست البيت فقط! وانا بعرف تضحيات الرجل وبقدر تعبه ليكرم أهلو ! .. وهاي هي الحياة دائما نسعى . ونتعب هيك مكتوب علينا .. ولا يكلف الله نفسا إلا وسعها. وبعتذر لو حكيي زعجك بشي ! مجرد وجهة نظر انت عممت ولو استثنيت ماكان صار كل هالحكي! ومو معناتو اني وقت فوت هون لا عملة ولا شغله .. مجرد تسلية لا اكتر .. راضية عن حالي كتير، بشتغل الحمدلله وبنفس الوقت بدرس . وأهم شغله اني مابعتمد ع آدم بحياتي! مكتفية بحالي وبس . المهم اني راضيه ومقتنعه الحمدلله .. وللأسف ماشفت اي موضوع تاني لإلك عن آدم . ماصرلي فرصة ! ل اتعرف اكتر ع تفكيرك . ووجهة نظرك . وشكرا ل تجاوبك مع مشاركاتي . موفق وبعتزر جدا لو كان حكي فيه أساء لإلك. كل الاحترام |
اقتباس:
انا بتشكرك لحوارك ونقاشك وسرني كثيراً إهتمامك ومنحك لنا بعض أوقاتك الثمينة |
زمان عن الطوش والمشاكل وينك غنية زرقا ^^ |
| الساعة الآن 10:31 PM |
Powered by vBulletin® Version 3.8.7
Copyright ©2000 - 2025, vBulletin Solutions, Inc.
Search Engine Optimization by vBSEO ©2011, Crawlability, Inc.
HêĽм √ 3.1 BY: ! ωαнαм ! © 2010
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.