هل سيطرت الهواتف الذكيه على أوقاتنا وعقولنا وسرقتنا من بعضنا
 

http://alam-altfl.com/media/k2/items...01158f8d_M.jpg

هاتف في حجم يدك أو أصغر،
يمكّنك من طواف العالم في أقل من ثوانٍ معدودة،
وينقل اليك أخبار شتى بقاع الأرض إن أردت،
يجعلك دائمًا على تواصل مع أصدقائك وأقاربك مهما بعدت المسافات،
وذلك من دون الحاجة إلى مكالمات دولية.
هكذا تعمل تكنولوجيا الهواتف الذكية
التي تركت بصمة واضحة في حياتنا،
لكن مع هذا التطور التكنولوجي،
كيف أثرت الهواتف الذكية على حياتنا الأسرية؟
هل سرقتنا من بعضنا؟
هل سيطرت على أوقاتنا وعقولنا
إلى درجة أنها أصابت الأزواج والزوجات والأبناء
بحالة من الخرس والتشتت الأسري؟
وكم أثارت غيرة الأزواج لدى ملاحظة أحدهم للآخر
وهو يتواصل مع أشخاص غرباء؟
وجعلت الأبناء يعيشون حالة من الانزواء
وهم منكبّون على كتابة الرسائل أو تلقّيها؟
ارجو ان نسلط الضوء على الأثر
الذي تركته الهواتف الذكية على حياة الناس.
انطلقووووووووووو

http://www.bntpal.com/up/uploads/bnt...1187391511.jpg

وانا كمان رح احكي بالموضوع
لانه جالطني من زمان ههههههههه

مع انك ما بتستعمل التلفونات هاي
يمكن مزعوج من اللي بجو عندك وبضلو ساكتين وعيونهم عالجوالات بس

متل اللي حكو لامهم مشتاقينلك جايين نسهر عندك
وبس اجو ما سمعت صوتهم وكلهم عالجوالات
صارت تحكي لو ما جيتو احسن

كل اشي بكون سلاح ذو حدين فيه بكون مصيبة

بشكل عام

انا عن نفسي كرهت الجوالات لشيء واحد كل الناس بحبوهن اكتر من اعز واحد عنده

بتحكي معه ما بعبرك
طيب بدك شغلة ضرورية بقولك استنى دقيقة

حياتوووو صارت البوم صور و شااات

صار يكتب اكتر ما بيحكي

يحنا العرب بنستخدم الشيء زياده عن لزووومه

حتى الواحد صار يفتخر بجواله اكتر من ابنه

والشاطر اللي بجيب جوال اغلى من التاني و بحكيلك معيش اكل
ولا البنات اللي صارت الواحدة تمسك بجوالها و لكأنه خطيبها
ولا البياع لما تشتري منه مش فاضي يبيعك
ولا .....

من كتر الموجود بالقلب من قهر
الواحد مش عارف يعبر وشووو يحكي


تحياتي مؤيد

انا كمان اتابع معتز مطر على الشرق واعود

ليك مؤيد

هاي اسمها مواقع التواصل اجتماعي بس للاسف العلاقات الاجتماعية تباعدت ما بين الافراد
صار الواحد ازا بدو شي من شخص يبعتلو ويكتبلو وممكن يكون جمبو كمان بدل ما حتى يحاكو بعض
عمالها العلاقات الاجتماعية بتتدهور بدل ما تكون متواصلة
بتروح لعند حد بحكيلك حطلي كلمة السر للوايفاي
ولما يعطيك بتنسى حالك او بتكون رح تلتهي عنو لحتى الواحد يفتح فيس او اي شي تاني
انا مثلا بس لا تضحك بنطلع عند حماتي واللي معها تلفونها بتبلش تنتنت وتفتح فيس وابصر شو
حتى مرة عمي صارت تنسى حالها وتضل عالفيديوهات وتفسفس ههههه قبل كان ما يعجبها انه مرات نفتح ونحنا عندها
هلأ حماي وحماتي كلو معو تتش وتلفونات نت صارو ينسو حالهم وهم عالجوال
ما بنلومهم لانه كانو يشوفونا وصارو زينا
بيجي لعندي اخي ببقى عازمتو بجي بفتح نتو وبضل ساكت
اي فهمنا انه اغلبنا صار مدمن نت بس في شغلات لازم نستغني عن الجوال كرمالها
انت او انتي رايحين لعند اختك او امك لحتى تنبسطو مو لحتى تضلو عابدينو لهالتلفون
الواحد عقلو صار يسرح كتير
تجي تكلمو وهو عقلو مو معك
يا اخي بس ترجع ع بيتك ابقى ضل اربعة وعشرين ساعة
بس اعطي الناس حقها بوجودك عندهم
اسمها تواصل بس هي خربت التواصل بل واكتر عدمتو
حتى ماما مرات بتطفر منا ال انتو جايين لعندي ولا بس منظر

معها حقها
وبس هاد واقع كل حد معو تلفون ذكي
صار الولد بدل ما يلعب حجلة ولا غماية ولا جلول يطلب ايباد ويفتح يوتيوب

حتى طفولة ولادنا صارت عالتكنولوجية مالها طعم

طب خالد وملاك بصراحة ابدعوا
ونقول ان الحلول تكمن فى التوعية من اصحاب الحكمة والعقول فى كل اسرة
ومن الاعلام المرئى والمسموع والمقروء
من المدارس والجامعات توعية شاملة
استعمل نت وتواصل لكن لكل شىء حدود
قسم وقتك لجلسات مع الاسرة مع الاهل مع الاصحاب
هييجى وقت نندم على لحظات كتيرة ضيعناها من غير ما نشبع من اهالينا
من اولادنا من امهاتنا واحنا عازلين نفسنا ومشغولين بالانترنت


تسلم ابوكريم