|
سؤال بسيط السلام عليكم ورحمة الله وبركاته يسعد اوقاتكم بكل الحب والسعادة بتعرفوني م بحب احكي فلسفة وفصحى وهيكاااا سؤال وحابة اسألكم ياه شو الشغلات اللي ما بتحبوها بالفيس بوك واللي مرات ما بتفتحو حسابكم عشانها شو اللي بزعجكم منه بصراحة |
وعليكم السلام ورحمة الله وبركاته انا من عندي مافي شي بدايقني امر عادي يمكن في ناس بتدايق من المنشورات الكتيرة عندي اصدقاء مابعرفهم والله كل دقيقة منشور بينزلو يعطيكي الف عافية الملاك |
صحيح كلامك المنشورات اللي ع الطالعة والنازلة بتنزل بتخليك تمل وتزهئ حالك ما في احلى من صفحات الاعجاب هاي ما فيها اشعارات بتجيك ولا شي وشغلة تانية الجروبات اللي كل شوي تبعتلك اشعار الواحد صار يكره يدخلهم لانها مملة وناس بتتهبل عالبنات |
ومش كل الصفحات الواحد بعمل عليها اعجاب |
انا بصراحة شلت الجروبات من عندي لانها وجعة راس وبجيني الف طلب صداقة منها وبالنسبة للصفحات انا بفضل صفحات القصص كتير بحبها وحلوة متل خواطر وشتاء وحبيبتي وهاي الصفحات انا بحبها وباخد صور منها كتير |
اكتر شي بكرهو حد يبعتلي ادد عشان يضيفني على جروب انا بحب الجروبات ' لكن مش اي شي و بفضل واحد او 2 مش اكتر الإشعارات و التعارف على الردود بيستفزوني لهيك بعلق على بوست و بلغي الاشعارات بعدي هههههه احيانآ بكون فاتحة بس مدايقة ' بهالوقت ما بستقبل رسايل و ازا حد ما رديت عليه ممكن يزعل ' في ناس ما براعو الظروف طلبات صداقة ما بقبل من اي حد ' هاي الإشيا اللي بتزعجني ' لكن اجمالآ موقع الفيس حلوو انا بالوقت اللي بمل منو بعطل حسابي فترة يسسلموو |
الي يِزعجني الي نزلون منشور عن كل اكله ياكلوها ههههه يعني عادي بين فتره و فتره اذا عشنا جو مميز نوثقه ع الفيس بس مو كل شي ! وسالفه الگروبات ودعوات الالعاب. والمنشنات كل شوية واحد مسويلي منشن ع بوست ، غيرها كُل شيء تمام ^^ شُكراً لنقاشك |
انا بقول الفيس بوك هو حاله خاصه لكل انسان فيه يعمل شو بده بحريه مع مراعاة عدم احراج وجرح الاخرين لكن الظاهر انه الفيس صارت الناس تستعمله لتراقب هادا شو بكتب وهادا شو رد عليه خاصه لما تكون الشغلات عائليه وكتير صارت مشاكل بسبب الفيس بوك لهيك انا ما بتدخل بحدا ولا بطب بحدا الشي الوحيد الي بضايقني لسا بكون هلا فايت وبدي اتصفح الا بنطولك كلهم شو يا معلم صاير متكبر علينا ولا ما عدنا نملى عينك ههههههه ولكم يا عمي اصبرو شوي بس يسخن الكرسي تحتي يعني ما بخلو الواحد براحته وما بقدر يتصفح بدون ما حدا يكشفه بس والباقي حلو ههههههههه |
هههه هالسؤال ع الوجع اكتر شي بكرهه رسآئل الاذرز اويلي شو بكون عليه عآهات الي بقلك ممكن نتعرف والي بقلك اكسبي في اجر وردي وغيره من هالهبل لاني ما برد ع اي رساله من اي شخص مآ بعرفه ولا بقبل طلب صدآقة لنآس مآ بعرفهم برضو وبكره لما اعلق ع شي بوست لحدا ويجي بعده اشعارات للنآس الي ردوا ع السريع بعمل اوف للاشعآرآت وبكره كمآن لما الشخص يسوي تآج لمية شخص ويقول بليز لايك ع الصورة بلكي انآ بديش هههههه هآي الشغلآت بس الا انه الفيس كتيير وصلنآ لعآلم احنآ مش واصلينله وعرفنآ ع اخبآر واحدآث من الصفحآت شككرا ع السؤال ودي |
هههه الفيس كلو عبعضو مو عاجبني. كرهتو من كتر ما فيه تفاهات لولا انه ضروري لعملي. كان طلقت الفيس بالتلات والله قرف قرففففف |
اراءكم حبيتها وكلها مستفزة لاغلبنا بصراحة اكتر شي طلبات الصداقة اللي بتنزل متل الشتا وانت م بتعرف من وين شافو حسابك ههههه صدقا الناس ما بتراعي مشاعر غيرها خصوصا اللي بدهم عالخاص المهم انا مرتاحة منو كلو الا من كم شغلة والاشعارات مش موجودة عندي احسن نورتوني كلكم كلكم |
حقيقة أصبحت مساؤى القيس بوك أكثر من قوائده وأكاد أجزم أن الكثير لا يستخدمه بالشكل الإيجابي والمأمول ويبقى أكثر ما يٌضايقني بشكل خاص هو ان القيس بوك قتل العلاقات الإجتماعية وهدم التواصل الإجتماعي بين الأسر لدرجة أننا عندما نريد أن نستقسر عن خبر أو اي أمر خاص بأحد نذهب الى صقحته على القيس بوك ونٌجلب كل أخباره ونعلم عنه كل شيء ماذا أكل وماذا شرب وأين ذهب وماذا حدث ومن إلتقى بل أصبحت الأخبار موثقة بالقيديو والصور ولم تبقى صور الا ويتم وضعها بإستثناء وضع صورنا ونحن قي بيت الراحة الغريب قي الأمر هو أن هناك محرومين وهناك يتامي وهناك ثكالي وهناك محتاجين وهناك مرضى ولا أحد يبالي بهم بل نتسبب بمزيداً من الحسرة والألم لهم نتيجة حرمانهم لما نمتلك ووضعنا لصور تترك قي نقوسهم المرارة والأسى لققدانهم لما نحن نمتلك نأتي لنتحدث عن قضية الجروبات قبل قترة تمت إضاقتي لجروب يٌسمي قسمة ونصيب ويا للهول مما رائيت لا حياء ولا دين ولا اخلاق ومتل ما بقولوها كله بلعب على كله وكله بحاول يتسلى ويشغل قراغه وحدة كاتية انا عمري 20 سنة ومهري اقل من 500 دينار اٌريد عريس يتزوجني شكله كذا وكذا وشاب أخر كاتب أبحث عن زوجة عمرها كذا وعيونها كذا ومش تايم يكتب غير مقاس جزمتها والعياذ بالله ما قي حياء ولا دين ولا أخلاق وأصبحنا نتباهي بالمعاصي والذنوب ونطلب أشياء دون استحياء هذا قليل من كثير ولو تحدثت عن الأمر بالشكل الكاقي سأحتاج للكثير والكثير من الوقت |
| الساعة الآن 01:07 AM |
Powered by vBulletin® Version 3.8.7
Copyright ©2000 - 2025, vBulletin Solutions, Inc.
Search Engine Optimization by vBSEO ©2011, Crawlability, Inc.
HêĽм √ 3.1 BY: ! ωαнαм ! © 2010
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.