|
مين قدك المآيك بيدك بسم الله الرحمن الرحيم اسعد الله صبآحكم / مسآؤكم اعزائي اعضاء منتدى بنآت فلسطين مين قدك المايك بيدك هالفكرة موجودة مسبقا هون وحبيت اني جددها وهي توضيحهآ للي ما بيعرفهآ مايك المنتدى الك وانت القائد عبر عن نفسك اكتب اللي بخاطرك اكتب اي شي بخاطرك ضمن القانون واخلاق وادبيات منتدانا ارائك الفكرية خواطرك اي شي بيعبر عن شخصيتك الك الحرية فانطلق لانو فعلا مين قدك والمايك بيدك شروط الفكرة -يستمر المايك مع العضو ثلاثة ايام -لا يجوز مقاطعة العضو او التعليق الا بعد ان ينتهي من المايك -تكون الخاتمة بايد العضو يقول انتهيت بعدها يمكن التعليق والمشاركة من الاعضاء -بس كمان التواجد والتشجيع بلايك للعضو مطلوب اتمنى انو نشوف اعضائنا بصراحتهم بعفويتهم بقلوبهم وما يكتنزون فيها هنا ملآحظة صغيرة : استضآفة الاعضآء وتسليمهم للمآيك ومشآركتهم النآ للي بحبوه رح تكون ع نفس هآد الموضوع لهيك ابقوا بالقرب دومآ وتمنيآتي للكل بالتوفيق على المآيك انتظروني مع اول ضيوفي ودي وورودي لكم |
فكره حلوه بانتظار اول ضيوفك |
الفكرة حلوة كتير ان شاء الله يكون متل ماهو متوقع كل الشكر ميماا تقييمي ونجومي وبانتظار اول ضيوفك |
فكره جميله ميماوهنتعرف على بعض اكتر بالتوفيق يقلبي باذن الله فى انتظار اول ضيف |
فكرة حلوة كتير موفقة ميما ان شاء الله وبانتظار ضيوفك ودي ووردي |
حلوه الفكره جدا فيها اكشن وتختلف عن كتير مواضيع اشكرك ميما لمجهودك وما تقدميه لنا من اجمل المواضيع منتظرين اول ضيوفك |
لجهودكم باقات من الشكر والتقدير على المواضيع الرائعه والجميلة |
الفكرةة جداً رآئعة رح كون متآبعة دآئمة بإذن الله ككل الشكر لإلكك تحيآتي |
حلوة كتير بعرفها هالفكرة يسلموو دياتك فى انتظار ضيوفك |
اقتباس:
نورتي |
اقتباس:
ان شالله شكرا ع التقييم والنجوم وشكرا ع حضورك ابقى بالقرب دوما |
اقتباس:
خليك متآبعة معي ^^ نورتي |
اقتباس:
نورتي ♡ |
اقتباس:
ابقى بالقرب |
اقتباس:
نورت |
اقتباس:
ابقي بالقرب |
اقتباس:
خليكي متآبعه معنآ عسسولة |
فكرة جميلة جدا ورائعة اكيد ورح تعطي رووح كتير حلوة للمشاركين يعطيكي ربي الف عافية ميما تحياتي |
اقتباس:
ان شالله تلقى التفآعل المطلوب نورت وخليك متآبع معنآ ^^ |
مسآكم سعيد ضيفنآ الأول صآحب الحضور الجميل خدوم مسآعد للجميع شخصية رآقية وخلوقة انيق بتواجده وردوده وموآضيعه سنسمع وسنتمتع معا بوجوده هنا نجمنا المميز الاول لمآيك المنتدى هو مديرنآ @امہير القہلہوب اتمنى من الجميع مشاهدة طيبة بدون تعليق تفضل خيي امير المآيك حيستمر معك 3 أيآم ابتداء من اليوم |
اقتباس:
أولا : يسعدني ويشرفني بكل تاكيد انو اكون ضيفك الاول في هالبرنامج الشيق الي بتمنى انو يلاقي التفاعل الي بتتمنيه وبتحبيه بكل تاكيد .. وشكرا كتير ع الاستضافة و ع الكلام الجميل الي كتبتيه وبكل تاكيد انه مردود علي شخصك واكثر كمان يسعدك ربي ثانيا : الي مايعرفني فهذه تفاصيلي الاسم الحقيقي : خميس الجملة العمر : 23 سنه ,, الحاله الاجتماعيه : اعذب ,, السكن : فلسطين - قطاع غزة - غزة - حي التفاح تخصصي الدراسي : تكنولوجيا الوسائط المتعددة وتطوير الويب بكلية تكنولوجيا المعلومات بالجامعة الاسلامية - غزة كنت بدي ادخل طب ههه بس قدر الله ماشاء فعل واتلحقت بالتخصص الاكثر حبا وشغف حقيقة والاقرب الي والفصل هاد خرييج اكيييد :1::1::1: فدعواتكم هواياتي : كرة القدم ,, السباحة ,, بحب المسؤوليات الادارية والشغل الخدماتي الي بيفيد الناس وبعمل ع مساعدة البشر http://www.bntpal.com/vb/img/bntpal_1476377499_256.gif وتابعوني ياحلوين احم احم :1::49::49::49: |
سر اسمي طبعا :: هاد جارتنا ام محمود الي قبالنا بالزبط كانت محلفة امي انو لو اجاها ولد و حلو احم احم تسميه باسم خميس وفعلا اجيت ع هالدنيا وطليت وكنت بدي ارجع بس قلت خلص انزل ياولد خلينا نشوف الناس الامامير هههههههههههههه طبعا في زمناتي كنت اشقر وابيض بياااااض الثلج الى ان صرت صومالي ههههههههههههههههههههههههه هذا انا طبعا هلقيت طولي 178 ووزني 80 ولازلت ابيض احم احم ههههههههه وبرضو اشقر بس مش باين الشقار ههههههههههههههه |
اخر صورة شخصية اتصورتها كانت هاد https://scontent-frt3-1.xx.fbcdn.net...20&oe=586A2424 وهالصورة كانت في قاعة المؤتمرات الكبرى بالجامعة الاسلامية بمعرض مبادرون 3 طبعا هالمعرض بيتم فيه عرض المشاريع الريادية والمتميزة الي تم احتضانها من قبل شركات عالمية مختصة اكيد اني سمنان هههههه وواضح الفرق بين الصورة الي بالبروفايل وهذي ههه احم طبعا هههه زود العز يعمل اكثر من كذا الله يديمها من نعمة ومايحرمنا ياها من الزوال كنت قد كتبت علي هالصورة ببروفايلي عالفيس الجملة التالية للوفاء معاني گثيرة ، ولگن أجملُها هو : شخص قلبه يفيضُ بإهتمام لا يجف ..����❤ لو بدي اتكلم عن الوفاء فبهالمكان فيه ناس اوفى مايكون وبحياتي كلها مابنساهم لو شو ماصار وشو ماكان فحاب احكيلكم جميعا انو بحبكم في الله وانو بتعنولي كتير كتير وبعزكم وبتمنالكم قضاء اجمل الاوقات واطيبها وربي يحقق لكم كل امنياتكم ويديمكم لهالمكان ويديم المكان الكم بجد انتو ناس كتير كتير طيبين ورائعين وانا كلي فخر باني تعرفت عليكم وموجود بينكم ومعكم اكيييد |
فضفضة قطانية ! لما كنت صغير كنت بطمح كتير انو اعتمد ع نفسي في كل شي وانو ما احتاج اي حد واسوي شو مابدي بحالي وكمان اكون حاجة مميزة في المستقبل وفعلا الحمدلله قدرت اسوي هالشي فمن اول ماكنت بعمر 12 سنة كنت بمركز اسمه مركز القطان للطفل هاد المركز مختص للاطفال وهوا عبارة عن مكتبة كتير كبيرة فيها حوالي 80 الف كتاب وكمان وحدة حاسوب ووحدة انشطة وقتها بوقت كتير قصير قدرت انو اخد جوائز كتيرة من المركز واكون الطفل رقم 1 بالمركز من ناحية المحبة والشعبية وكمان انو كنت اشتغل مع المنشطين والمربين بانو اسفط الكتب واساعدهم بكتير شغلات لحد ما اجا الوقت الي اخترت فيه اكون ضمن مجموعة من الاولاد والبنات الي اعمارهم متل عمري واقل في مشروع اطلق عليه مكتبتي الالكترونية .. فبهالمشروع اتعرفنا علي كتير شغلات جديدة واشتغلنا عليها مثل البلوجر والفليكر ومواقع الكترونية كتير كانت ماهي معروفة بتاتا وكنا بنشتغل انو نحول الكتب من ورقية الى الكترونية بانو نقرا كتاب ونكتب كتير شغلات وهيكا حقتبح اول حكي حكيتو عن هالشي في مدونتي الي عملتها ب 2007 اقتباس:
طبعا هالكلام تقريبا قبل عشر سنين وهلقيت الناس صارت بتعرف في هالمواقع وصارت هالمواقع كتير مشهورة فبجد صدقا انو السبب الوحيد انو ثقلت موهبتني وانو كنت اجتماعي كتير كتير انو كنت بهالمركز وواكتبت كل شي وبالمناسبة صورتي ضلت 5 سنين بالمركز والي كل الفخر انو كنت ضمن الاطفال الي فيه ولليووووم لما اروح كل الاداريين بعرفوني ومبسوطين بالي وصلت اله ولابد انو حيجي يوم واشتغل بهالمكان باذن الله عزوجل لانو من اروع الاماكن الي انا عشت فيها اجمل واروع ايام حياتي |
اكمل الفضفضة القطانية لما كان عمري 14سنة برضو كنت حاب كتير انو اتعلم اشياء جديدة وانو اعتمد ع نفسي اكتر فـ كان عند اخي محل كمبيوترات معروف في المنطقة فكنت بشتغل عنده وانزل ويندوزات وبرامج والعاب للناس وكان الي بيشتغلو بهالمجال قليل فصرت بعرف كل شي وهالحكي كان ايام بونتم ون ههه وايام ويندوز xp 2 و ويندوز 98 هههه وكنت يوميا بداوم هناك ومكيف عالاخر هههههه وضليت ع هالحال وطبعا هالشي كله ماخلاني قصر بدراستي بالعكس كنت من الاوائل الخمسة عالمدرسة كلها واستمريت بهالشي تقريبا في عام 2008 يعني لما كان عمري 15 كنت رايح ع دار خالتي وكان ابن خالتي بيشتغل ع الويب وبيشتغل مع شركات ومؤسسات وهيكا شغل انو يعبي محتوى وهيكا شغلات فقعدت جنبو وصرت احكيلو علمني كيف بتعمل وكيف بتسوي حكالي مابقدر وابصر شو ! حكيتلو طيب اعطيني عضوية في منتدي تطويري مشهور جدا والعضويات كانت بتنشرى بفلوس وماكان مفتوح التسجيل فيه رفض وحكالي بس بعطيك ايميلات الشركات وعمل تصدير للجهات الاتصال من الماسنجر واعطاني ياهم ! هلقيت انا صار عندي تحديين ! التحدي الاول انو اعتمد ع نفسي واشتغل ع حالي كتير منيح والتحدي التاني انو اصل لشي افضل من ابن خالتي وع عينه كمان ! وفعلا صرت اشتغل مع الناس انو اضيف محتوى بمواقعهم ومنتدياتهم مقابل 100 شيكل اضل كام يوم اشتغل واشتغل لحد ماوصلت 2500 ش ووقتها رحت شريت موقع اسمه تاكسي بنات وطبعا علي الاكيد انو اروع حدا كان فيه الي هي @تراتيل القدر الي بعتبرها من اعز الناس الي عرفتهم بالمنتديات وعالنت بشكل عام فهي كتير مميزة ورائعة في كل شي .. نكمل ! فانا بعدها بعت الموقع هاد ب 21 الف شيكل ! لشاب سعودي وبعدها شريت منتدي ب 19 الف شيكل وهكذا ضليت اشتري وابيع اشتري وابيع وبنفس الوقت كنت صاحب عدد من المواقع الكبرى الي مجموع زوارها بيوصل ال 350 الف زائر ! وبفضل الله حققت مبالغ طائلة وكتير كبيرة وحلوة وكل هالشي كان لما كان عمري 17-18 سنة بفضل الله وبحوله ! وضليت معتمد ع نفسي بهالشي لما خضت كل شي امتلكت منتديات من ضمنها دلع المشاعر ودانة القلوب وتاكسي بنات واحزان نت وشواطئ و عرب نت و همسات العيون و احباب اون لاين ونسائم وسياحة كوم وسلف نيوز ومئات مئات المواقع والحمدلله كلها كانت مميزة جدا ورائعة طبعا خضت تجارب بالويب كتير كبيرة ورائعة وعلمتني الحياة كتيرررررررررررررررررر شغلات واعتمدت ع نفسي بكل شي فيها عشت ايام حلوة ومرة لكن اكتر شي بحبه في حياتي اني مستقل وانو بصرف ع نفسي ومعتمد ع حالي واكيد اهلي مابقصرو لكن لما اشوف نفسي عملت ووصلت للي وصلته بحمد ربي الف الف مرة علي النعمة الي وصلتلها والي عملتها نكمل فضفضة بعد قليل |
صورتي في رحلة بمركز القطاع مع رفاقي وباجمل ايام حياتي طلعوني لشوف هههههههه http://www.bntpal.com/up/uploads/bnt...6379325251.jpg |
نرجع تاني ياجماعة ههه بطبيعتي انو بحب اساعد واشارك واجتهد لاكون مميز عن غيري بشكل دائم بدون اي غرور لكن بثقة موجودة وكتير كتير كبيرة بنفسي وبقدراتي الحمدلله فبالجامعة اشتغلت ضمن العمل الطلابي فكنت نائب رئيس النادي التكنولوجي في البداية ومنسق فعاليات يوم علمي يسمى الاوبن دي " لطلبة تكنولوجيا المعلومات وهو يعتبر اهم يوم علمي بكل الجامعة مختص بالتكنولوجيا وهيك وعملنا كتير شغلات بعدين صرت رئيس النادي وبفترتي كانت افضل فترة للنادي منذ 5 سنوات وجاي وهالحكي مش كلامي كلام عمادة الكلية ولليوم بيتمجدو بهالشي وبيحكو عنو .. بهالفترة عقدت دورات تدريبيه مختلفة لطلبة الجامعة الاسلامية ولبرا الجامعة وكنت مستهدف كل مكان والحمدلله حققت الشي الي بدي ياه رغم كتير صعوبات برضو كنت رئيس اللجنة التحضيرية ف الاوبن دي وكتير صارت اشكاليات لكن كان اليوم اجمل يوم انعمل قبل هيك برضو ! الحمدلله وصصلت للي بدي ياه اما ع الصعيد التدريبي فبرضو اعطيت 5 كورسات تدريبيه مختلفة لطلاب ولطالبات في الانترنت والربح من الانترنت والوردبرس وهكذا شي ! وهلاء بعطي كورس في الجامعة لطلبة قسم الصحافة والاعلام بالجامعة وحيكون فيه كورس سابع لـ طلبة الاي تي في وقت لاحق ! الحمدلله الابتسامة مابتغيب عني في كل مكان بكون فيه وكل الي بالكلية وكتير ناس بالجامعة بعرفهم غير انو امن الجامعة 95% بعرفهم منيح وعلاقتي فيهم كتير كتير ممتازة والدكاترة كذالك انا مبسوط جدا كمان انو انا خريج الفصل هاد وحرتاح وحشتغل ع حالي لاحقق المزيد من النجاحات ولحقق الشغلات الي بطمح الها |
اختيار حلو متابعينك مديرنا يسلمو ميما ودي |
رح اكتب هلقيت الكلام يلي اعجبني وراق لي جدا رح ابدء بـ التالي مع صعوبات الحياة تظهر معادن الناس .. نكتشف حقيقتهم ونكتشف طريقه تعاملهم ربما سنحزن وربما سنتألم لكن..! يجب أن نتأكد أنهم لم يستحقوننا يوماً من الأيام.. فهم من خسرونا ولسنا من خسرناهم =")!!! https://scontent-fra3-1.xx.fbcdn.net...ce&oe=58608B58 فعلا هاد الحكي اكثر شي اكثر شي بيعبر عن الحال في اخر الوقت واخر الفترة .. |
أحياناً نجد قلب أحدهم جنّة في منتصف ضيق هذه الحياة ونكتفي به ..! |
|
|
قبلَ آن تجرحَ آحد بكَلمه جربهآ على نفسكَ آولـآً ..! آذآ جرحتكَ فَ لآ تقلهآ ,, وإذآ لمَ تجرح‘ـكَ فأنتَ إنسَإنَ بلـآ إحسَآس ~ |
لكلً قآعدهْ آستثنآءْ ، كُنَ آنتَ الآستثنَآءْ الجميلَ لكلً قوآعدَ القًبحِ حولكَ. لـ محَمدَ الرطيَآنْ |
من السعادة أن تملك شخصا يجعلك تغفو مبتسم وتفيق مبتسم وما بين الإبتسامة الأولى والثانية راحة لا تحكى |
إذا لم تجد عدلاً في محكمة الدنيا .. فْ إرفع ملفك إلى محكمة الآخرة فإن الشهود ( ملائكة ) والدعوة ( محفوظة ) .. والقاضي هو (أحكم الحاكمين ) .. |
السعادة هي أن تكسب أشخاص لايجيدون التصنع ولا يتلاعبون بـ الأقنـعه ، تغيب عـن أعينهم فجأه ولكن لا تغيب عن قلوبهم أبداً |
بعض آلبشر يِخلقُ لكْ جّزء مًنِ آلَسِـعٌآدٍة أما آلَبعض آلَآخِـر هو آلَسِـعٌآدة بذِآتٌـها |
رح احكي عن موقف صار معي وكتبتو ع صفحتي وهو كالتالي وقفت ع عربه لاشتري شغله من شب بالساحه بعد المغرب وكان سعرها يعني غالي وع كلامه يادوب يجيب مربح كان بنفس الوقت يلي بشتري فيه رجال كبير كتير بالسن واقف ع طرف العربه مقابلي تماما !! اعطاني هالرجال بكيت لحتى انقي وبديت فعلا انقي بعد ما اعطاني وبدون انتباه صاحب العربه راح هالعجوووز حط حبه كبيره بجيبو !! ولا كانو عمل شي وحكا للشب الله يجبر عنك ويعطيك ويرزقك !! وضل ماشي انا لما شفتو انصدمت وضليت مبلم وبطلع فالشب بحكيلي مالك مابتنقي حكيتلو مصدوم حكالي من ايش حكيتله انو رجال عجوووز بهالسن وصلت الو انو يمد ايده ويسرق حبه مش مستاهله ! وكانو قبل ما اشتري كان بياكل حبه كمان !! فالشب حكالي كبيره ولا صغيره حكيتلو كبيره زي هاد صار يعاتبني ليش ما احكيش وهيك وانسم بدنو عالاخر رغم انو طلبت منو يخصمها مني ! وم رضي فاجا بخاطري انو ممكن هالرجال نفسو فيها ومش قادر يشتريها ومحتاج !! لهيك متكلمتش وكنت بفكرو اصلا بشتغل مع الشب ! وكان نفسي كتير اروح اهمسلو بدانو ياحج اتقي الله واعمل لاخرتك !! ولو بدك خود الي شريتو بس مقدرتش لانو لو سويت هيك وعرف صاحب العربه لضربه ربما ! بس بجد صدمت انو رجال كبير وع حافه القبر !! انو توصل فيه هيك وشو ماكان انويسرق ويعمل هيك .. |
راق لي واعجبني عندما ترتفع سيعرف أصدقاؤك من أنت ، ولكن عندما تسقط ستعرف من هم أصدقاؤك .. إبراهيم الفقي - رحمه الله |
| الساعة الآن 10:35 AM |
Powered by vBulletin® Version 3.8.7
Copyright ©2000 - 2025, vBulletin Solutions, Inc.
Search Engine Optimization by vBSEO ©2011, Crawlability, Inc.
HêĽм √ 3.1 BY: ! ωαнαм ! © 2010
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.