|
هل هذا الواقع يرضيــك ؟؟؟ قال صلى الله عليه و سلم: " إذا جاءكم من ترضون دينه و خلقه فزوجوه إلا تفعلوه تكن فتنة في الأرض و فساد كبير " رواه الترمذي و غيره ــــــــــــــــــــــــ فزوجوه ليست اعصروه ..،،، هل هذا الواقع يرضيــك ؟؟؟ لكم التعليق،،، https://fbcdn-sphotos-e-a.akamaihd.n...01053790_n.jpg بحب أسمع أراء الجميع هنا طبعاً الفكرة وصلت ^ ^ |
صلى الله عليه وسلم.. ..قصدك طلب مهرها أكثر من اللازم والله هالشغله على حسب الاهل مابترجع للبنت ابدا وغير هيك المادة هالايام بتلعب دور كبير صحيح دين واخلاق والحمدلله ..لكن كمان المادة الها دور في الموضوع بس مو لدرجة كبيره مبالغه أكثر من اللازم كل واحد على قد ظروفه طبعا ويكون شي بالمعقول يعطيك العافيه لاعدمنا جديدك تحيتي |
الحياة أصبحت غالية يا درب الهوى والمتطلبات زادت عن حدها وكل أب بينظر لإبنته على أنها ليست أقل ممن سواها تحتاج وتحتاج وتحتاج ولا حول ولا قوة إلا بالله شكراً لنقاشك |
ممم مشكله كبيره لآ يرضي الله ولا سنة النبي "عليه الصلاة والسلام" ومآ في حل لهاي المشكله لهلأ لسبب وآحد انو النآس مش قادره تحط حالها مكان غيرهآ نآخد مثآل أب بدو يزوج ابنو ، بعترض ع وآلد العروس لانو بطلب كتير "مثلاً" ونفس الأب لمآ بيجيه عريس لبنتو "بعجب عليه" طلبآت فـ كيف بدهآ تنتهي هالعآده!! مآ رح تـنتـهي عـوآفي يآ رب :) |
انا برأي الشب الي ما بقدر ع متطلبات الحياة الحالية وماديا ضعيف يضل عزابي مافي داعي يورط حاله وغيره بعيلة وبالنهاية يشكي الفقر والقلة قال صلى الله عليه وسلم: [يا معشر الشباب، من استطاع الباءة فليتزوج، فإنه أغض للبصر وأحصن للفرج، ومن لم يستطع فعليه بالصوم، فإنه له وجاء]. وبالنسبة لاهل البنت .. اذا كانوا عايشين حياة مادية منيحه ف يطلب للبنت انها تعيش مثل حياتها مع اهلها مش اكتر لكن انه الشخص يكون ما اله بيت ويطلب لبنته بيت هان المشكلة طب بالاول وفر انت بيت لعيلتك بالنهاية هذا الواقع ومش رح نغيره احنا ما معك تتزوج مش ضروري تتزوج وبعدين ما تلاقي تطعمي اولادك ومرتك وفر لحالك كل اشي وزبط وضعك وبعدها فكر بالزواج نقاش مهم شكرا |
مع إحترامي لأرائكم جميعاً انا أرى الموضوع من زاوية اخرى أرى ان النفوس لم تعد كما كانت في الماضي عظيمة والقلوب لم تعد كما كانت بالسابق تكسوها المحبة ويملأها العفة والصدق والإيمان والطهارة والنقاء والصفاء أصبحنا في زمن كل شيء يٌشترى بالمادة ويٌقدر بالمال وضعف الوازع الديني لدى الكثير من الناس ادى بنا الى هذه الإشكاليات وهذه المنعطفات الحياة بسيطة لو اردنا ان نراها بسيطة ومعقدة لو اردنها معقدة |
غلاء الزواج كاي شي ارتفع سعره وغلا واكيد الحياة اصبحت اصعب واصعب وان شاء الله بغير الحال الى احسن |
اقتباس:
أحترم رائيك واقدره ولكن يا عزيزي ماذا لو تقدم به العمر كثيراً ؟ ولنكن أكثر واقعية هذا الشاب له شهواته ونزواته واهواءه التي تراوده وتجعله يحلم بتحققيها والحصول عليها بما أحل الله له حتى لا يدخل فيما حرم الله عليه هل ضعف المادة وقلة الحال سبباً كافياً لعدم الزواج ولو فرضاً هكذا اليس هناك من خطورة على هذا الشاب للوقوع في الحرام |
اقتباس:
واكيد هذا الشي موجود بجميع الخلق .. لكن ان كان الشب ما بقدر ع تكاليف الزواج بده يكون قادر ع تأسيس حياة منيحه لزوجته واولاده بعد الزواج ... لكن انا مع انه تكاليف الزواج صارت مبالغ فيها لانه في اشياء كتير ما كانت موجوده بوقت الرسول وممكن يستغنوا عنها وبالنهاية في كتير اهل ما بطلب من الشب كتير وبهمهم بالدرجة الاولى انه الشب يكون محترم واخلاقه منيحه |
تحياتي الك اول اشي بالنسبة للموضوع بالنسبة لرأيي انا بحكي صحيح الوضع يحتاج ويحتاج لكن في اهل كتير بدمرو الشاب يعني لما يحكولك البنت بدها وبدها نقول انها تحتاج 4 الاف او 5 الاف لكن ما داعي الاهل لما بحكولك انا بدي الشقة باسمها وبدي مؤخر وبدي وبدي اذا كانت البنت وجوزها متفاهمين ما داعي الاهل يتدخلو بهيك اشي وما داعي الاهل يضيقو ع الشاب يعني انا بعرف بنت مهندسة وجميلة جدا كان يتقدم الها من اجمل شباب غزة كان اهلها يطلبو 5 الاف هاي ما فيها اشي لانو الوضع يحتاج والوضع صار غالي وبكفي الذهب لحالو بدو الفين اقل اشي ولكن المشكلة كان كل عريس يتقدم لهاي البنت اهلها يحكو بدنا نص راتبها وبدنا 5 الاف متأخر وبدنا شقة وبدنا وبدنا اصبح عمر البنت 30 سنة وهي ملكة جمال لكن خلص فاتها القطار متل ما بحكو بطل حدا يتقدم الها هاي زنب مين ؟؟؟ زنب انو الاهل دمرو الشباب اللي بتقدمو مش بس هيك حتى البنت دمروها اللي كل بنت تنتظر ن يسترها وتختبأ بضهره من كلام الجميع هاي الاهل في غزة ولكن ما بدنا ننسى انو في ناس بحطو فوق مهر البنت الف دينار يعني نحكي عن انفسنا اهلي قبل سنتين كانو يحكي انا بناتي ما يطلعو الا ب 5 الاف هلقيت صارو بطلعو ب 3 الاف وبحط الف دينار ع مهر كل بنت تحياتي |
اقتباس:
عندما تصبح ابا فتاة لن تقول هكذا الحياة أصبحت أكثر غلاء بعض الاهالي تصرف على تجهيز بناتها ضعف المهر يسلمووو عالطرح والنقاش ربنا يصلح الاحوال |
لما كان الشغل متوفر والمال موجود مع الكل كان المهر اقل والابوات كانت لهم الكلمة مش البنت ولا الولد مين في السن الكبير يعني فوق 40 لال 50 كان ساكن لوحدة اول متزوج اما اليوم الولد رغم حالتة المدية الصعبة لاكن بقول بد اعمل ووووووووالى اخرة والبنت عارفة انو خطيبها حالتة المادية صعبة الا انها بدها كل حاجة جديدة ما حصلتش الوقت تغير مش زي ذمان مشكور اخي عالموضوع |
أنا برأيي انو الشب وقت يحس حالو قد الزواج فيو يتقدم لأهل البنت ويخطبها ويكون كامل مكمل وما يروح يطلب ايدها وهوا مامعو نص الفلوس وطبعا علي حسب اهل البنت اذا بيقدرو يراعو ظروف الشب وقديش ممكن يكون امكانياته لزواج غير هيك مابظن أشكرك اخي علي طرحك |
اقتباس:
بداية أرحب بكِ بين صفحاتي وأثنى على صراحتك ودقة رؤيتك للواقع الذي نعيشه انتي تحدثتي هنا عن فئة كبيرة من الناس تمارس الضغط على ابناءهم وبناتهم من اجل ارضاء طمعهم وجشهم وحبهم للمال وتحدثتي أيضاً عن فئة اخرى تبحث عن افضل العروض لبناتها لتظفر بمال اكثر وربح اوفر وكأنهم يبيعون سلعة او ما شابه وحقيقة اتفق معك كثيراً فقد تحدثتي عن واقعنا المؤلم بكل صراحة ومصداقية اشكرك بعنف كوني بخير |
اقتباس:
لا اختلف معك بأن كل أب يحلم بأن يؤمن مستقبل بناته ويحقق لهم الراحة والسعادة والسرور والإنشراح ولكن انا عن نفسي لا تحكمني الماديات ولا انظر اليها على الإطلاق قد يكون لديه من المال الكثير لكنه على خلق سيء ودين ضعيف ما الفائدة وقتها يا اخي اعلم ان من حق كل اب ان يوفر لبنته الحياة الرغيدة والشعور بالراحة والأمان وأتفق معك في ذلك لكن هذا لا يعني ان يكون المال اساس كل شيء في الزواج وتكون البنت سلعة تعرض للمزاد كما ارى اليوم يا اخي صديق لي ذهب لخطبة فتاة وطلب اهلها مهراً 7000 دينار السبب البنت عيونها زرقاء وشعرها كالحرير وفتاة اخرى اشترط الاهل على الشاب قبل الزواج ان يكون نصف رابتها لاهلها وامور كثيرة تحدث هنا وهناك |
اقتباس:
النفس ما بتضل مثل ماهي ع طول البنت مش سعلة بس اذا الشب جاي يتقدم وما بقدر ع تكاليف الزواج كيف بده يقدر ع مسؤوليات مابعد الزواج وبالنسبة ل مهر 7000 يخلو بنتهم الهم اللي خلقها خلق غيرها كتير كيف ما كانت البنت تكون احنا مش بوقت بنطلب هيك مهر واما راتبها ياخدوه كلهم الشب رايح يتزوجها والا يتزوج راتبها بس مثل ما قولت قبل لما يشوف حاله قادر ع الزواج وتكاليفه ومسؤولياته وقتها يروح يتقدم ورح يلاقي الناس الي بتقدر الشب باخلاقو مش بمادياته |
اقتباس:
أظن يا عزيزي ان النفوس القوية لا تعصف بها الرياح ولا تغيرها الأيام ولا تفتك فيها الظروف والأحوال وان المبادئ والقيم والأفكار لا تتغير مهما حدث ومهما صار هذا اولاً ثانياً يا عزيزي اعلم ان الشاب لابد ان يكون على جاهزية وات يكون مستعد استعدادا كامل وتام ليٌقبل على مرحلة الزواج هذا ليس موضوعي على الإطلاق موضوعي أن يتقوا الناس ربهم ويضعوا خوفه نصب أعينهم ويراعو ضمائرهم وأن يعملو لأخرتهم لا يغرهم المال ولا يطغى عليهم الطمع والجشع وحب الإستغلال اعرف اناس زوجت بناتها لشباب لا يوجد برصيدها سواى انها حافظة لكتاب الله نفوس عزيمة وقلوب جبارة احبت الأخرة ولم تعمل للحياة |
بصراحه لأ لأنه كثر فيه اشياء لا عادت تطاف من جميع النواحي تقبلي ردي |
لا طبعا لان كل اشي غالية بالهدنيا حتى الزواج غالية لما الشب يخطب بدو حك مهر على الاقل ولازم يكون عند شغل |
| الساعة الآن 12:16 PM |
Powered by vBulletin® Version 3.8.7
Copyright ©2000 - 2025, vBulletin Solutions, Inc.
Search Engine Optimization by vBSEO ©2011, Crawlability, Inc.
HêĽм √ 3.1 BY: ! ωαнαм ! © 2010
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.