|
صوره وتحليل للنقاش اخواني الكرام بعض الرجال يترك المرأه تقوم بكل الادوار حتى دوره هو ثم يشتكي من غياب الانوثه لديها ما حدا يحكي ما عندها اخ او ابن او زوج نقاشنا يدور حول الرجل الذي يرهق كاهل المرأه وهو جالس في البيت او المقهى او داير مع صحابه اترك التعليق حسب ما ترونه مناسباً https://scontent-cdg2-1.xx.fbcdn.net...1a&oe=58846941 |
السلام عليكم و رحمة الله تعالى وبركاته ياخي هالنوع مانقول لهم رجال هو ذكور وبس كلمة رجل شي كبير عليهم ياويلي وبعدين يقولون الانوثة غايبة عنا تعا تعا اوريك الانوثة لاحول ولا قوة الا بالله عيب هيك والله --- موضوع حلو للنقاش بانتضار نقاش باقي الاعضاء تحياتي |
الرجوله فعل وليست بالقول وكلانا نعلم ان للمراة والرجل دور معين بالحياة الانثى يكفي انها تتحمل مشاق الولادة وتربيه الاطفال وتمنحهم كامل الحنان والاحتواء والاهتمام هي غير مسؤوله ايضا عن اداء واجباته الاسريه بدلا عنه هاد مانو رجال عاله على الرجولة وعلى مرتو بصراحه اذا ماكان لها الامان ومصدر الراحه والمشاركة هي حياه فاشله بالاساس ,’ نقاش هام وواقع اصبح عند البعض طبت حبيب |
اقتباس:
صدقتِ بكل حرف ما اكثر الذكور وما اقل الرجال لو ما شفت بعيوني هالشي ما طرحته هون للنقاش شكرا لاضافتك اختي |
اقتباس:
والمرأه لهدف وكل اله دوره في الحياه يكفي المراه ان تكون مربيه وسكن وراحه للرجل وهو امن وامان وقوام لكن للاسف انعدمت الرجوله عند البعض اشكرك تراتيل للاضافه المهمه |
اول شي بحييك ع طرحك لانو اغلب لرجال فيهم هالطبع يعني انا بعرف وحدة مو بس على شغل البيت لا لو كان عطششان والمي قباله مستحيل يمد ايده لا لازم هى بايدها تعطي الكاسة .. هاد غير يلي بعتبرها خدامة ولازم تشتغل وتكرف واذا سالتو ليش هيك بتعمل بيحكيلك مش بصرف عليها وعلي اولادها ولمصيبة الاكبر اذا بعد كل هاللششغل والشقي مد ايده عليها قدام اهله بحجة انها مابتشتغل ومش نظيفة هاد شو نسميه بالله ؟؟ والله يا اخي حالة تعبانه والمشكلة هالنوعيات كتيرة بالمجتمع يسسلمو ع طرحك النقاش |
اقتباس:
وهي تكثر في القرى والارياف وتقل في المدن اما هي عاده او احتقار ما بعرف شو اسميها هلا في نسوان بحبو ييتحملو المسؤليه كامله برضاه خاطرههم وفي مجبرين على هالشي في النا جار موظف حكومي بروح من وظيفته الساعه 1 بحمل معه جريده فقط وزوجته بتشتغل البيت وبتروح السوق وبتعمل كل شي وهو متل الملك عايش مابعرف كيف بحسبو الرجوله فقط لجلب المال اين هم من رسول الله ؟ ومن مساعدته واكرامه لازواجه اقول فقط من اراد ان يخلع القوامه ويعطيها لزوجته فلا يطالبها بالانوثه الف شكر لاضافتك وردك رفيقه القمر الحديث يطول |
هاد عيب بيكفى ما تتحمله الأنثى من مسووليات البيت كمان تروح تشتغل و تعمل وين الرجولة الى عند الرجال فعلا هذه ظاهرة منتشره كثير في المجتمع قالوا بسموا حالهم رجال وهم نسوان قاعدين في البيت لا شغلة ولا عمله بس بدهم حد يخدمهم و بدهم ياكلوا ويناموا و يشربوا شو بدنا نقولوا الله يهديهم يعطيك العافية مويد |
موضوع مهم للنقاش خصوصا متل ماحكت رفيقة في كتير نوعيات منتشرة بهالشكل وهالكم الكبير .... بالنسبة للرجل شو فايدة رجولتو لما يبعت مرتو تروح عالسوق مثلا وتجيب كل اشي شو فايدة رجولتو طالما هي بتعمل كل اشي فالبيت وخارج البيت لازم يكون كل واحد محافظ ع ادوارو والعكس برضو صحيح متل ماهو يقوم بدورو بالكامل فالبيت وخارج البيت لازم الانثى تقوم فدورها فالبيت وفالاشيا اللي بتتطلب منها ... هاي االمور كلها بتيجي بالتفاهم والرضى .... متل ماحكو بالنسبة للرجل اللي بيركن ع مرتو فكل اشي هاد ذكر فالهوية فقط .. يعني بس اسم يعطيك العافية ع طرحك مرة تانية |
كيف بدها تجي الانوثة وهي عم تعمل فعل ذكوري لابق للرجولة النوعية هاي انقراضهم احسن لانه كل واحد اله مسؤوليات وواجبات تختلف عن الرجل كل اله حقوق وواجبات محلاني وانا رايحة احمل خضرة ولحمة ومونة وزوجي اعد مركن ومو متحرك لو جوزي هيك كان طخيتو زمان وال شو وين انوثة زوجاتهم |
اقتباس:
ما في بعدها اي تعقيب شكرا الك سمو الاميره للمشاركه وابداء الراي |
اقتباس:
وضحت كل شي برأيك اضافه جميله ما في بعدها اي تعقيب شكرا الك رحآل للمشاركه والنقاش |
اقتباس:
عم فكر انا منين رح تجيبي مسدس لتطخيه هههههههه اضافه جميله ما في بعدها اي تعقيب شكرا الك غاليتي للمشاركه وابداء الراي |
اصبحنا نعيش في مجتمع لا يوجد عندنا رحمه الا من رحم ربي الصوره تحمل من المعاني وما تفعله النساء تعني اشياء كثيره بشكل لا يصدق وتعود للبيئه التي نعيش فيها وعندما تسقط الرجوله لن تعود لنجدها والرجوله ليست كما يراها البعض بتربيه لحيتهم او شواربهم الطويله او القصيره وانا اتكلم عن فئه وليس عن ابناء المجتمع بأسره ومن العيب ان يفقد الرجل رجولته وانسانيته واخلاقه وعاطفته ان المرأه هي الام والاخت والزوجه الحنونه على تربيه اطفالها وحفظ اسرار بيتها اشكرك حبيب على هذا الموضوع للنقاش دائما مواضيعك مميزه وتذكرنا بأجملها الوطن والغربه |
اقتباس:
في بعض الرجال باعو رجولتهم واعطوها لزوجاتهم وهدول للاسف عاله على المجتمع وعاله على البيت كمان لانه كل له دوره في الحياه وعندما تاخذ المراه جميع الادوار ماذا بقي للرجل من رجوله وجوده وعدمه واحد بعتقد شكرا لاضافتك الجميله التي اثرت النقاش دمت عزيزي |
مع الوقت عمآل بكتشف ان الحيآةة بدون الرجآل بتمشي عآدي دآم المرأةة بتأدي تقريباً 80% من وآجبآت الرجل و الــ 20% البآقي بدنآش يآهم أصبح وجود الرجل و عدموو وآحد ! و طبعاً هالشي اللي عم نوصللو من صنع آدم بإيدوو عمآل بيخفي حضوروو بهالشغلآت هآي لكل جنس وآجبآت و ادوآر بهالحيآةة و مشكلة كبيرة حد يعمل الأشيآء اللي خلقت للجنس الآخر لأن بكل بسآطة مستحيل زلمة يفكر او يوآفق يحمم الولد او يغيرلوو تيآبوو يآ خيي فششش احسآس #عند_البعض .. بعيداً عن النقآش اكتر من مرةة اكون محتآجة شي خضرآ او فآكهة و اشوفآ قدآمي بالسوق لأموووت من الجوع مستحيل اوح و اشتري انآ مش متخيلة الموقف اروح لوآحد و اقلوو حطلي كيلوو بندورة !! تحيآتي لك |
اقتباس:
اجمل شعور عند الرجال الي بفهم معنى الرجوله انه يتحمل كل اعباء المعيشه واجمل شي انك تدخل البيت وانت حامل شي مو مهم شو المهم تحمل بايدك وتجيب للبيت وتعمله مفاجأه للزوجه والاولاد وتخيلي اديش بتكون السعاده وهما بنتظرو الاب وهو جاي من السوق وجايب معه فواكه واغراض واشيا زاكيه وربي هاي متعه الحياه لكن الي بدو يتخلى عن رجولته بكون خسر كتير من قدره وتركيبته الرجوليه اضافه جميله ام الامير اشكرك |
أولاً الأنوثة مابتمتحي إذا المرأة حملت كيس المرأة ستبقى أنثى رغم الظروف الصعبة الي تواجهها يعني هي مابيكفيها إنها تحمل مسؤولية رجل وتتعب وبالاخير نقولها يامسكينة ماعندها أنوثة نحن بهذا الشئ بنجرحها أكثر برأيي المرأة تبقى انثى رغم كل شئ .. أما الذكر الي يجعل المرأة تقوم بهذه الأشياء وهو منسدح أو بيتلهى هذآ بتسقط عنه القوامة وين القوامة ياشيخ القوامة مو ضرب وفرض رأيي القوامة أنه يجعلها ماتحتاج لغيره ..؛* الصورة جرحتلي قلبي الصراحة يسلمو مؤيد على الموضوع ..؛* |
| الساعة الآن 01:27 AM |
Powered by vBulletin® Version 3.8.7
Copyright ©2000 - 2025, vBulletin Solutions, Inc.
Search Engine Optimization by vBSEO ©2011, Crawlability, Inc.
HêĽм √ 3.1 BY: ! ωαнαм ! © 2010
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.