|
امہير القہلہوب،ميماا.ضيوف قضية وراي على طاولة الحوار بسم الله الرحمن الرحيم الحمدلله والصلاة والسلام على النبي الأمين المبعوث بالحق المبين إلى يوم الدين .. أخواني / أخواتي موضوعنا هذا الاسبوع عن مشكلة تواجه الجميع الا وهي (( غلا المهور)) .. \\ قال الرسول صلى الله عليه وسلم:{ خير النساء أيسرهن مهوراً}.. (غلا المهور) | أمراً أصبح يورق كل شاب وفتاة لما فيه من شروطاً أشبه بالتعجيزيه لهما , وحائط منيع يصعب على الشاب بلوغه الا بشق الانفس .. | فالأب عندما يرزق بفتاة لآيفكر بتأمين حياتها عندما تكبر بالزواج بمن يرتضيه زوجاً لإبنته وفق مايقتضيه الدين الأسلامي من الصلاح والأستقامة في هذا الشاب .. | فأصبح الأب يبحث عن من يدفع مهراً أكثر من الذي أتاه وكأن هذه الفتاة سلعة يتاجر بها والدها حتى يجد من يدفع الثمن المطلوب فيها .. | وتناسى في لحظات طمعاً وشجع بأن هذه الفتاة أمانة في عنقه أمام الخالق تبارك وتعالى وسوف يحاسب على كل صغيره وكبيره تخص هذه الفتاة منذوا ولأدتها وحتى توصيلها لبيت زوجها .. | فغلا المهور أنهك كاهل الشاب وأصبحوا شبابنا في حيره من أمرهم فالمهر المطلوب لشريكة حياته يفوق إمكانياته المادية .. فماذا عساه فاعلاً ..!! | وأنا على يقين تام بأن كل فتاة لآترغب في مهراً يقف حاجزاً بينها وبين إكمال نصف دينها , فهي تريد الستر والعفاف والحياة الكريمة تريد أن تعيش في أستقرار بعد الزواج مع شريك حياتها وليس تسديد الديون والقروض التي تواجدت بسبب طمع الأب .. |وللإسف الشديد أن الفتاة لآكلمة لها بعد كلمة أبويها فالأب يتفنن في المغالة في المهر والام أيضاً تطلب ماهو بالمحال في ليلة الزواج من قصر باهض الثمن وفرقة غنائية وديجيه وزفه وهميه حين دخول العروسة والعشى يكون بوفيه مفتوح فيه من كل الارزاق والخيرات ..!! | حتى يصبح حكاية على كل لسان لمدة من الزمن ..!!!! | وتناسوا بالفعل كيف ستكون حياة أبنتهم بعد هذه الصفقة التجـارية .. هل ستكون سعيدة أم تعيسه ..!! \\\ [[ فعلى كل أب أن يخاف الله تعالى في هذه الأمانة الا وهي أبنته وأن يكون يسيراً في المهر وأن يعلم أن من سيعيش مع هذا الشاب هي أبنته , فل يكون تفكيره ونظرته إيجابية لمستقبل أبنته بعد الزواج وأن يمشي على ماشرعه الله تعالى وأسنه الرسول عليه الصلاة والسلام من حيث تيسير الزواج ]] .. \\\ حكم غلا المهور في الشريعه : | هذا لا ينبغي وهو خطأ. بل يجب على أولياء البنات أن يختاروا لبناتهم ولمولياتهم الرجل الكفء من غير أن ينظروا إلى ثروته. فإن النبي قال: ((إذا جاءكم من ترضون دينه وأمانته فزوجوه. إلا تفعلوا تكن فتنة في الأرض وفساد كبير))( فالحديث يدل على أن الرجل إذا عرف بالأمانة والتقى, فعلى الولي أن يزوجه ابنته ولو بأقل شيء .. ؛؛؛؛؛؛؛؛؛؛؛ [[ اسئلة النقاش ]] س1) ماهو رأيك بالمهور هذه الأيام ..؟ س2) هل غلا المهر دليل على مستوى الفتاة ..؟ س3) هل أنت/ أنتي مع المبالغة في مغالات المهور ..؟ س4) للفتاة هل تريدين أن يكون حفلة زفافك من الحفلات الفاخرة مما قد يسبب عليكِ المتاعب المعيشية بعد الزواج .. ولماذا..؟ س5) هل مانشاهده من تكدس الفتيات في بيوت أهليهن حتى يوصلن معظمهن سن العنوسه هو غلا المهور.. أم ندرة الشاب المناسب ..؟ ضيوف قضية وراي على طاولة الحوار @امہير القہلہوب ، @ميماا فليتفضلا على بركة الله سمو الأميرةة |
ههههه اوبا مع امير مرة وحدة بتشكرك كتير سمو الاميرة ع الاستضافه الحلوة وسعيدة كتير انه رح اتناقش مع شخص متل امير بهالموضوع كونه دارج عنا بشكل مش طبيعي لي عودة للاجابة ودي |
اول شي بشكرك جدا لاختيارك هالموضوع المهم والي متل ما حكيت كتيير زايد هالايام س1) ماهو رأيك بالمهور هذه الأيام .. عم بتكون بشكل كتير كبير وما فيها ابدا مراعاة لظروف الشباب الصعبة او مراعاة للبلد الي عايشين فيه س2) هل غلا المهر دليل على مستوى الفتاة ..؟ لا طبعا ما فينا نقارن بين هالشغلتين بغض النظر عن مستوى البنت المهر من حقها ، والاهل بيطلبوا مهر مشان يضمنوا حقوقها بالمستقبل س3) هل أنت/ أنتي مع المبالغة في مغالات المهور ..؟ اكيد لا بس برضو بعيدا عن تبخيس اهل العريس بالمهر والاهل بيحقلهم متل ما حكيت يضمنوا حقوق بنتهم بالمستقبل لانه هم مش دايمينلها بالنهاية يعني وبرأيي الاهل بيلجئوا لمغالاة المهور بسبب انهم بكونوا خايفين من حالات الطلاق فبزيدواالمهر مشان الزوج يفكر مية مرة قبل الطلاق لانه بدو يضطر يعطي الزوجة حقوقها س4) للفتاة هل تريدين أن يكون حفلة زفافك من الحفلاتالفاخرة مما قد يسبب عليكِ المتاعب المعيشية بعد الزواج .. ولماذا..؟ لا ,,,بطبعي بحب البساطة ومابحب الفشخرة ويا ناس شوفوني وكتير بوصي اهلي انه ما يطلبوا هالمهر الكتير الا لضمان حقوقي ومش عشان الناس تشوف او غيرة من حدن وبنفس الوقت البنت من حقها انها تعيش الي بتخططله وبتحلم فيه ومش كل يوم بتتزوج هي مرة بالعمر بس طبعا كلو ضمن المعقول والمنطق مش اشي بزيد عن حده س5) هل مانشاهده من تكدس الفتيات في بيوت أهليهن حتىيوصلن معظمهن سن العنوسه هو غلا المهور.. أم ندرة الشاب المناسب ..؟ هو بصراحه للتنين من ناحية غلا المهور بيخلي الشب يفكر كتير قبل ما يخطوا خطوةللزواج وبخليه يهمل هم مصاريف الخطبة والزواج والهدايا وغيره ومن ناحية تانية شباب هالايام مش قادرين انهم يتحملوا مسؤوليةبيت وعيله بس بدهم يتسلوا ويرفهوا عن حالهم وما بعمم طبعا بغض النظر عن مفهوم العنوسة الي ما بحب انه يتداول بهالطريقة فهاي هي الأسباب ورا تأخر الشباب والبنات عن الزواج |
بإنتظار اجابات امير |
وينك @امہير القہلہوب ننتظر اجاباتك |
في البداية بتشكرك كتير ع الاستضافة سمو الاميرة خصوصا انها مع الفتاة الانيقة والراقية ميماا وسعيد جدا بهالشي س1) ماهو رأيك بالمهور هذه الأيام ..؟ تختلف المهور باختلاف المناطق الجغرافية مثلا بغزة المهر 4 الف دينار بالضفة بختلف وبالسعودية بختلف وهكذا .. وبعتقد ع وضع الشباب حاليا فالمهر شوي كبير الا انو برضو التكاليف والفلوس تبعت المهر يادوب تكفي البنت لتتبضع وتجيب وبالنهاية كلو راجع للزوج اصلا ! س2) هل غلا المهر دليل على مستوى الفتاة ..؟ لا طبعا لكن نحن في مجتمعنا البعض بياخذ الموضوع من هالزاوية وبيصير يحكو بنت فلان راحت ع 10 الف دينار وبنت فلان اخدت 5 الف دينار ! وبنت فلان 3 الف دينار عشانهم فقراء والخ وبيقيسو ع هوا المستويات العائلية س3) هل أنت/ أنتي مع المبالغة في مغالات المهور ..؟ قال الرسول عليه الصلاة والسلام " اقلهن مهرا اكثرهن بركة " انا ضد المبالغة واهم شي يكون الشب جدع وقد حالو وقد المسؤولية وانو يعيش البنت حياة حلوة ومميزة بغض النظر لو كان فقير ولا غني .. واكيد الاهل بيلجئو لرفع اسعار المهور بناء ع انو هالمهر راح يرجع للزوج سواء بدهب او لبس او اي شي وغير هيك ليضمنو مستقبل بنتهم اكيد ! لانو الزواج متل البطيخة مابنعرف فيه شي الا بعد فترة .. س4) للفتاة هل تريدين أن يكون حفلة زفافك من الحفلات الفاخرة مما قد يسبب عليكِ المتاعب المعيشية بعد الزواج .. ولماذا..؟ نحن عنا فيه نفسيات بيفكرو بهالطريقة لكن اعتقد البنت يلي بدها تستر ع حالها وتيسر امر زوجها بتقبل باي شي بيحكيه حتي لو قال بدي اعمله بالبيت حتوافق رغم انو هالليلة ليلة العمر وجميل لو كانت بمكان مميز فينا نتذكره باي لحظة ولكن الي معهووووش مابلزمهووووش س5) هل مانشاهده من تكدس الفتيات في بيوت أهليهن حتى يوصلن معظمهن سن العنوسه هو غلا المهور.. أم ندرة الشاب المناسب ..؟ فيه اسباب كتير كبيرة منها غلاء المهور وقلة فرص العمل للشباب سواء خريجيين او عمال فالواحد لو كان راتبه 1000 شيكل حتى يادووووب يقدر يتمصرف ع حالو فمابالكو لو يفتح بيت ويصرف عليه وع الايجارات مثلا والظروف تبعت المعيشة الغالية ! كمان الاهل بيرفضو فرص كثيرة بحجة انو هالشاب ماعندو شقة وساكن عند اهله والخ وبدهم واحد مفصل تفصيل يكون ! مغ انو انا معهم بالاشي هههه بس برضو بدها تهاون شوي واكيد من القصص الي بنشوفها وبنسمعها الاهل صار عندهم تشديد ع هيك مواضيع اما عن ندرة الشباب الشباب ع قفى من يشيل صراحة هههههههههه ف مـ اعتقد هو هالسبب بس السبب الاول هو الرئيسي .. في النهاية بالنسبة للشباب الي مش قادرين يتزوجو فقد قال الرسول صلي الله عليه وسلم " ثلاثة حق على الله أن يعينهم : المكاتب الذي يريد الأداء ، والمجاهد في سبيل الله ، والناكح يريد أن يستعف " . |
في كثير من العائلات خاصة الي بنته موظفة بيكون هو ما بدو يزوج بنته ،لما يجيها عريس بغلي مهرها شو رايكما بهذا الشئ؟ |
|
في كثير من العائلات خاصة الي بنته موظفة بيكون هو ما بدو يزوج بنته ،لما يجيها عريس بغلي مهرها شو رايكما بهذا الشئ؟ مصير البنت لـ زوجها واكيد ابوها وامها مش دايمينلها بتاتا فباعتقادي لو كانت شو ماكانت بتشتغل فـ ولد وبنت لالها افضل الها من كل هالشغل الي بتشتغله وزوج صالح وابن ناس اكيد افضل بمليون مرة من وظيفة مقابلها عدم زواج ! لو لمت مصاري الكون لمين راح تتركهم ! وشو راح يفيد انو موظفة ومش متزوجة وتشوف اشكال والوان من صحباتها وخواتها و اخوتها المتجوزين وتصير تحز بنفسها ع كل كبيرة وصغيرة لما تشوف هاد مع مرتو وهكذا ! لهيك انا بعتقد انو هالاشي سيئ جدا والي بيعمل هيك للاسف م بفهم ولا بيحس ببنته وبمستقبلها الا لو كان الي متقدم جد مش مناسب وداخل بس ع طمع ! |
في كثير من العائلات خاصة الي بنته موظفة بيكون هو ما بدو يزوج بنته ،لما يجيها عريس بغلي مهرها شو رايكما بهذا الشئ؟ هالاشي مش حلو ابدا يمكن هالاب شايف انه مستوى بنته اشي كتير فبطالب بمهر غالي يليق فيها و بوظيفتها برأيي شغله المهر ما فيها مستوى عالي ومستوى لا الي بدو يستر ع بنته ما بعمل هيك وحتى البنت ما بصير انها تطلع للمهر حسب مستواها وما تقبل بهالاشي لو الاهل اصروا او ممكن بدو يطفش العريس بس مش عارفه شو الداعي ان ما بده يزوج بنته بالنهاية المهر لضمان المستقبل مش للتباهي او لشوفة الحال |
هل لغلا المهور اثار سلبية او ايجابية ع المجتمع وهل الوضع الاقتصادي الي بنعشه هذا الايام هو سبب من اسباب غلا المهور |
هل لغلا المهور اثار سلبية او ايجابية ع المجتمع هو اله اثار سلبية اكتر من الايجابية الاثر الايجابي الوحيد ممكن انه مشان الزوج يحسب حساب للطلاق في المستقبل اما الاثار السلبية كتيرة منها تاخر الشباب والبنات عن الزواج لسن متاخر بسبب تكاليف الزواج الكتيرة و منها كمان لجوء الشباب لطرق تانية لحتى يقدروا يوفروا هالتكاليف متل السرقة وغيرها واثر اخر الشباب صارت تلجأ للطرق محرمة لاشباع غرائزهم لانه مش قادرين يشبعوها بالحلال وبالزواج وشي مهم كمان الزواج بيعطي الفرصة للشباب لتحمل المسؤولية وفتح بيت فغلاء المهور بيمنعهم من هاد الشي وكتير اثار تانية وهل الوضع الاقتصادي الي بنعشه هذا الايام هو سبب من اسباب غلا المهور في منه هالحكي ممكن العيلةما بتقدر توفر للبنت احتياجاتها بسبب الوضع الاقتصادي فبروحوا بزوجوها وبطلبوا مهر غالي لحتى يقدروا يجيبولها شو بتحب بس لازم الاهل ينظروا انه بشكل عام وضع العائلات بنفس البلد بيشبه وضعهم ف لهيك ما لازم يلجئوا لغلاء المهور ويراعوا الظروف للشب واهله |
هل لغلا المهور اثار سلبية او ايجابية ع المجتمع طبعا فيه اثار سلبية وكبيرة كتير كمان لانها صارت مشكلة بتاثر في طاقة الامة ومستقبلها الي هم الشباب طبعا ومش معنى انو والله البنت هاد مهرها 10 الف يعني هي اغلى من 5 الف ! بالنهاية هوا مش سوق لنتعامل فيه بهالطريقة واكيد من اثارها السلبية تاخر الزواج بالنسبة للشباب وكمان للبنات وبهالشي برغم الحديث الي قلته في سابق ردودي انو ربنا بيعين الناكح طالب العفة يعني يلي بدو يتزوج .. كمان انو بيسبب عدم استقرار اجتماعي ومجتمعي اكيد عند الشباب والبنات كذالك وسلوك البنات والشباب حيتاثر تاثير سلبي وممكن هالامر يخلي الشباب يسرقو وينصبو ويعملو اشياء كتير كبيرة كرمال يتزوجو ويوفرو فلوس ليفتحو بيوت وكذا الحال ممكن البنت والشب يعملو سلوك منحرف من اجل اشباع الغريزة بطرق معرمة وغير هيك وهيك اغلب الشباب الي بتزوجو وبنسبة كبيرة قد تصل الى 85% او 95% بيتزوجو وعليهم ديون خيرات الله بالتالي هالشي بيجيب مشاكل وهموم كتير كبيرة للزوجين وبتعيشهم حياة نكد مش رفاهية وترف غير المشاكل التانية الي ممكن يسببها هالغلاء وهل الوضع الاقتصادي الي بنعشه هذا الايام هو سبب من اسباب غلا المهور ممم صح انو الوضع الاقتصادي صعب وفيه غلاء في الاسعار وانو المهر يادوب يادوب يجيب اشياءات للبنت مثل مابتحب وبالنهاية متل ماقلت المهر كلو حيرجع لزوجها يعين لبس ولا دهب ولا شو ماكاني كون حيرجع بالنفع لجوزها وليس بالضرر اكيد بس بنفس الوقت كرمال انو الوضع الاقتصادي صعب لازم يكون فيه تهاون من الاسر ع قضية المهور خاصة في هالفترة اكيد لانها بجد صعبة ع الكل .. بانتظار قادم الاسئلة سمو الاميرة ومستمتع اكيد بهالحوار الجميل |
في كثير من البنات يعطوا الشباب المهر علشان يخطبها ، انت شب بترضى بهذا الشئ و انت كبنت بترضى تعطي مهر للشب علشان يخطبك |
بصراحه اول مرة بسمع بهالشي وما بتوقع في اي شب بيرضاها ع حاله والشب الي بيعرف حقوقه وواجباته وبيخاف ربنا ما بعمل هيك وما بطاوع البنت وياخد منها ع حساب مصلحته وانا كبنت ما برضاها اصلا اني اعطي شب فلوس وما برضى في الشب من الاساس ازا قبل الزواج وهيك كيف لنتزوج رح يعتمد علي بكل شي مصاريف البيت وغيره |
في كثير من البنات يعطوا الشباب المهر علشان يخطبها ، انت شب بترضى بهذا الشئ و انت كبنت بترضى تعطي مهر للشب علشان يخطبك طبعا هالشي مستحيل بالنسبة الى مابرضاها ع حالي اولا وثانيا انو ان انا مش قد الزواج ليش لاتزوج ؟ ان مش قادر وفر اقل شي المهر وهيك كيف رح عيش وفي مثل بيقول يلي بيجي ببلاش بيروح ببلاش ! يعني البنت لو ما اندفع فيها مهر وهي يلي دفعتو سهل جدا تطلق ! وياما ناس كانو بيقدمو الغالي والنفيس للي بيعزوهم وبيحبوهم وبالاخر تركوهم وباعوهم ع اقرب مفترق .. باعتقادي ان ماكان الشب قادر ع انو يتحمل مسؤوليات وتكاليف الزواج فالاضل والاجدر له انو يضلو عزابي لانو بالنهاية هاي بنت ناس مانها لعبة وانت بدك تجيبها عندك يعني بدك تتكفل بكل كل تكاليفها وتيعشها حياة رغيدة وسعيدة مهما كلفك هالشي وصح الواحد بيكون عنده ظروف وزوجته بتقدر هالشي .. فيه ناس بتقول م في فرق بين الي بيحبو بعض مثلا او هيك شي وانو عادي تدفعلو هالاشي ليتزوجها لكن انا بقول م في فرق اوك لكن بهالشغلة بالذات فيه فروووقات مش فرق وانو البنت لو بجد بدو ياها الشب بيدبر حاله وبيشتغل وبيعتمد ع نفسو كرمال يوصل لـ الها باي طريقة كانت اما ع البنت بعتقد انها بتكون قليلة عقل لو عملت هيك شي لانو هو بيكون اصلا متزوجها ع طمع وباقرب غلطة ممكن يتركها باقرب غلطة او مشكلة |
بالنهاية امير ، ميماا هل كلاكما مقنع بكلام الاخر ما رايكم بكل صراحة بالموضوع اي انتقادات |
بالنهاية امير ، ميماا هل كلاكما مقنع بكلام الاخر باعتقادي الاراء جدا متقاربة من بعضها البعض وانا ع نفس الرائي تبع ميماا في الاستضافة اغلبها بالاضافة الى بعض الاضافات الاخرى واكيد انا مقتنع تماما بالحكي يلي حكتو حول هالمواضيع والاسئلة ما رايكم بكل صراحة بالموضوع اي انتقادات الموضوع جميل جدا ومميز خاصة انو يتطرق لمواضيع واقعية موجودة واكيد حاب نستمر فيه وممكن نوسعو لمواضيع تانية قد تكون سياسية ههه بالنهاية اختلاف الاراء لايفسد للود قضية تحياتي الك سمووو ع الموضوع المميز والفعالية الجميلة وشكرا كتير لـك ميماا ع المشاركة في الحوار |
وينك @ميماا |
اكييد واغلب ارائي كانت قريبة من اراء امير لهيك اكيد مقنع بالنسبه الي وبالنسبه لاله وبالنسبة للموضوع الموضوع جميل بيسمح انه نتبادل وجهات النظر ونحاول نقنع الطرف الاخر ازا كان مخالف لرأينا ومتل ما حكى امير كونه بيتناول قضايا واقعيه من حياتنا وبنعيشها يوميا شكرا الك ع الاستضاافه الجميلة وشكرا الك امير حببيت الحوار بيني وبينك كونه كنا متقاربين في الاراء ودي لكم |
بتشكر ميماا ،امير ع قبول دعوتي وع اجاباتهم الرائعة و المميزة يعطيكما الف عافيه |
وموعدنا مع ضيوف جدد على طاوله الحوار يغلق للانتهاء |
| الساعة الآن 01:41 AM |
Powered by vBulletin® Version 3.8.7
Copyright ©2000 - 2025, vBulletin Solutions, Inc.
Search Engine Optimization by vBSEO ©2011, Crawlability, Inc.
HêĽм √ 3.1 BY: ! ωαнαм ! © 2010
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.